百事吉餅店

營業中

休息中

因為同老公仔仔去玩具展，所以一到灣仔必買既曲奇同蝴蝶酥，我已經好耐無買了，因為加上自己路痴，有老公才會去買到。蝴蝶酥一如既往咁脆同鬆化，唔買真的走寶，但真的價格貴了好多，所以買半磅60元食算了。曲奇自己揀，買夠80元有1磅，真的食唔停口。#肥死了

平時都有買開麵包都ok。(紫薯包/粟子包/吞拿魚包/大麥包等等)價錢, 味道都ok~~今次見到收銀附近有拿破崙賣, 收錢先知一件仔賣$15 (都幾貴下) 好唔好味未知, 因為未試。但一件仔$15都唔平呢~~

去年曾推薦豆沙角，今年竟減了10元，賣70元一磅。即與「角仔」，笑口棗同價。「角仔」有數款味道，有咸的。我還是要甜，花生醉。勝在皮酥而薄，糖不多。笑口棗很酥，鬆，任人試食。服務更有效率，由似穿上「崇光」制服的女店員招待。門口存放三盤。豆沙角的出爐頻率更密，半小時便有一盤。買到的，是出爐約90分鐘產品，宜即食。豆沙很多，皮不厚。

在我眼中，食物沒有平和貴之分， 只有好味與不好味。街坊麵包店賣的麵包 ，雖然沒有弄的精緻 ，但是一樣可以令人吃得津津有味 。今天我選了 懷舊的中式蛋糕， 這種蛋糕 大大個才買六元半， 利錢不高， 現在已經沒有什麼麵包店肯製作了，所以要多加珍惜，多點捧場。一口咬下去。。。 首先碰到我齒尖的。。。是脆脆的杏仁片，它卜一聲斷開兩片， 清脆利落，毫不拖泥帶水。 杏仁味 首先在口腔散開， 緊隨是蛋糕的雞蛋味和甜甜的糖份 ， 層次分明 ，口感滿分。吃到蛋糕底部， 還有蓮蓉豆沙餡壓軸登場 ， 冶艷不可方物的蓮蓉餡料吃來不太甜，應該是改良了的版本。味道方面，好味到。。。一個蛋糕不需三分鐘，就給我徹底的消滅了。留下的，除了回憶， 還有一份下次再去幫襯的衝動。或許這就是百事吉餅店能屹立在灣仔多年不敗的原因。C'est parfait ! Merci

作為一個麵包控 就係只要聽到新鮮出爐呢4個字就好似撞邪咁 行緊去食lunch既途中一樣唔例外🙈 灣仔街市附近有間都幾出名既傳統懷舊麵包舖極邪惡 lunch hr好多人 而且不停出爐唔同款既包 每出一款就會大叫 xx包新鮮出爐 仲要超香😫減緊肥真係唔好經過😂今日仲要撞正佢出爐咖啡合桃包 $8 開正我嗰範 都好大個下 拎上手熱辣辣 內裡鬆軟但唔係空氣包 仲有好多合桃 $8真心好抵食 食完再去食lunch真係唔係黑洞胃搞唔掂 見到不停有好多人黎買麵包同拿破崙(好出名的 不過dor覺得太甜) 都係出爐麵包吸引啲

   同屋企人去開灣仔飲茶，飲完之後，由於媽媽要搵藥房，於是就係附近周圍行，行下行下就發現呢間冇幫襯好耐既餅店，d曲奇依然係好吸引，有好多種味道選擇~我地就揀左咖啡同朱古力，一如既往咁鬆化~

百事吉曲奇很著名，其實，油器亦十分可取。農曆新年前，紅燈籠高掛，帶旺灣仔街市。幼時覺得灣仔的東方小祇園齋店的油器是高檔年貨，現在，我認為小祇園比不上百事吉。門前人潮說明了一切。最多人買咸，甜油角。任人試食，是每次食整個，店舖十分大方。去貨快，貨新鮮，質素好。我最愛豆沙角，會站立在旁觀戰，有剛炸好的便買，80元一磅(約3元1隻)。建議24小時內食清。如要用傳統方法蒸煮，推薦買八仙餅家的軟豆沙角。今次買了艼蝦，因不設試食，中伏!太硬而無香味，138元付諸流水。世事太奇，隔天獲贈艼蝦，不硬而且香脆，我80多歲老媽都吃得到。用openrice神器搜尋，原來是櫻島麵包餅店集團的出品，其中一間店舖正是在此百事吉店附近，隔了15個舖位。

3點3，有人享受文華東方糕點，我就獨愛百事吉飽餅，曲奇以外，首選蛋撻一件好蛋撻，細節位足以分高下。百事吉蛋撻無間斷不時出爐，攞上手熱辣辣，撻皮挺身咬落唔易散，夠鬆化，牛油香之餘，蛋心需稱不上超嫩滑，但有蛋香奶香，面層無氣泡，平面光滑，橫切睇落較厚皮，其實比例ok雖然3蚊雞貨色，但已交足功課結論：百事吉嘅蛋撻，雖無一眾達官貴人一食成名，無得靠名氣，但質素保持水準，屬長青嗰種，蛋漿蛋味濃，甜度適中。

相比連鎖大麵包店 我比較喜歡去舊式餅店多d門口放左好多種唔同既曲奇 蝴蝶酥等等(以磅計)不過今日嘅目標唔係佢地心血來潮好想食蛋撻撞正蛋撻出爐 熱辣辣再買左多咸味麵包中和一下甜味今次就揀左沙律腸仔包餅皮蛋撻($3) 啱啱出爐 餅皮好鬆軟 蛋漿夠味幾滑 沙律腸仔包($4.5) 放耐左有d凍 不過都值得一食 見到有菠蘿油好吸引 不過實在超哂quota下次可以試下買曲奇或其他出爐麵包試下

百事吉餅店是我經常買回家吃的一家餅店，雖然店舖沒有绚麗奪目的裝潢，而是一貫舊式餅店，但仍吸引很多人前來購買。是次購買半磅($48)的曲奇，店舖內曲奇可任意配搭，款式很多，今次選擇了兩款經常也買回來吃的曲奇，下次再試一下其他口味。左: 斑蘭曲奇外面一般曲奇普遍是牛油味，認識了百事吉餅店後，才得知有斑蘭味曲奇。斑蘭曲奇保持鬆化香口，咬一口下，頓時感覺到陣陣的斑蘭味，多吃幾塊也不會覺得太膩。右:杏仁餅最愛款式之一，杏仁餅灑上大量的杏仁碎粒，很有口感，而且薄薄的一片，更鬆脆好味。不消一會很快已經清完購買回來的半磅，看來下次需要買起碼一磅才可以了。

每次由灣仔到律敦治醫院，都會經過百事吉，這裡的曲奇有很多人都會專程來買，但我其實是從未試過的，所以今日便好奇一試！百事吉有2間店，同駐於灣仔，所以想買的人只好出來灣仔了。芝士餅乾：芝味香濃，餅乾酥化。鹹鹹香香的芝士配上微甜的餅乾，很夾，令人胃口大開，食不停口。不過價錢都不便宜，$80/磅。咖啡杏仁脆脆：中間部分是用焦糖包裹著杏仁，焦糖味重，但就不感覺到杏仁的存在。咖啡曲奇不是牛油味重的那款，而是脆身帶甜味的一種，不算太甜，但不特別。$60/磅。原味杏仁脆脆：與咖啡杏仁脆脆一樣，中間部分只食到焦糖而沒吃到杏仁。而曲奇部分帶微甜，脆口，很普通。$60/磅。整體給我的感覺比想像中失望，而且價錢確實偏貴。

百事吉餅店係灣仔街市附近，並唔係人流旺嘅大街。之前，有人介紹先識得去。 百事吉門口擺放曲奇餅，有二十幾款，有$48/$68，個人都試過唔同味嘅餅。而我認為斑蘭曲奇最好 ，斑蘭曲奇鬆化，又夠味，一啖一粒。而且，平時市面少有，$48/一磅。大家可以買半磅試下，都幾多。第二，格仔曲奇都唔錯 ，雖然唔係有咩朱古力味，相反，牛油味濃。如果大家唔多鍾意綠色曲奇，呢個容易入口，都係$48/一磅。其他曲奇，例如咖啡曲奇($48)或者燕麥提子曲奇($68)都好。除咗曲奇，餅店有麵包賣。麵包款式比大型連所店多，又有平民價，又有特色。 最平有$2個提子包/咸包，芝士腸仔包都係$4個，超值。其他包多數都比市面平，又OK! 個度有一個菠蘿油，由三個小菠蘿包组成夾三塊牛油，係肥啲，不過幾得意。自己買咗個拿破崙蛋糕($12)，好大塊，2個人share比較好，合桃夠，啲皮又重牛油味，正。 

食過美味的沙律，我們就到了附近的百事吉餅店，久聞餅店的大名，但一直沒有機會試，今次剛好在附近食飯，就正好去買啦～曲奇餅的款式甚多，價錢由$50-80 一磅不等～ 最貴的是芝士片，$80一磅，我們買了半磅～ 另外也買了一磅雜錦曲奇($68)，其實可以選擇已包裝好的雜錦曲奇，但有些口味我們不喜歡，所以還是自己挑比較好～芝士片有著濃濃的芝士味，薄脆可口～雜錦曲奇我們選了四款口味，杏仁條薄薄的，有大量的杏仁碎在餅面，香口美味～朱古力果仁切片曲奇味道濃郁較硬身、咖啡脆脆雖比較實但中間的蜜糖脆脆甜蜜可口，還有小妹最喜歡的朱古力唧花，鬆脆美味而帶有濃濃的牛油味～曲奇的水準真的不錯，難怪那麼多人愛吃啦～～

百事吉除左曲奇好食，卷蛋都好正原味好食之外，今日試左綠茶味蛋糕超軟熟新鮮，奶油夠滑，散發淡淡綠茶清香，真係好好食比美心卷蛋好食好多囉!

得閒放假與女友閒逛灣仔，吃過午餐或晚飯後，或多或少在下都會問女友是否需要買麵包，作為第二天的早餐，有時候會購買，也有時候不會購買。同樣地行經一間另一間餅店時，在下也會問一下女友，然後女友的答覆是稍後一會吧。當咱們行經這麵包店的時候，女友要了一包芝士麵包，而在下則要了其他。當咱們選購麵包的同時，亦有出爐麵包供應，店裡有其他的麵包，有曲奇蛋撻麵包，亦有卷蛋等等供應，在下要了一個菠蘿叉燒包，而女友發現有光酥餅，便拿一包過來問在下要不要，在下也要了一包。菠蘿包拿起手時仍有微溫，菠蘿皮仍算是鬆脆，內裡的叉燒是蘸上了蠔油，味道略鹹，而且是有點半肥瘦的叉燒，麵包包身軟塾，而且整個菠蘿包份量也足夠的。光酥餅一包有兩個，份量與在下之前在順香園和明華餅家購買的有所不同，百事吉的光酥餅比起順香園和華明的小了一點，但卻與明華的一樣鬆軟，沒有順順香園的那麼硬。不過百事吉的光酥餅，也同樣需要一杯水或一杯茶，才能吃得滋味。這間餅店雖然座落在街市附近，但不乏住在附近的街坊到來購買，如門其市，生意不俗呢！