百份百餐廳 (愛民廣場)

營業中

休息中

本身夜晚好少落樓下食飯，但係有親戚黎左而母親大人唔想煮，所以試下幾款茶餐廳既小菜啦首先講下啦，呢間茶記做早餐啲質素已經大不如前啦，阿姐態度又差，啲多士又唔脆口，公仔麵無味，仲有個早餐menu已經cut左好多款啦但係今次試完啲小菜之後，覺得夜晚可以再黎食過1. 土魷蒸肉餅 （好味指數：4/5）肉餅同土魷既味道好夾，雖然腍左少少，但係味道好入味，而且淋上自家豉油突出肉既鮮味，送白飯一流😚2. 紅燒班腩豆腐煲（好味指數；：3.5/5）一上菜個煲熱辣辣，班腩炸得唔錯，唔太厚粉，啲汁都覆蓋到每個班腩上面，豆腐同班腩都好多，但略嫌個個醬汁未夠突出😩3. 椒鹽骨 （好味指數：4/5）一上碟已經聞到好香好香既炸蒜同小辣椒味道，試落口骨炸得都幾鬆脆，而家份量好多，骨都好大舊，食到有啲停唔到口🤤4. 粉絲雜菜煲 （好味指數：3/5）湯好清，加上蝦米既味道，令到啲菜唔會過於清淡，配左唔同既菜如菜心，芥蘭，西蘭花，口感唔錯既☺️整體黎講，我第一次食呢間茶記既小菜令我對佢改觀左，下次唔煮飯既都可以再試下其他款式先😆😆😆好味指數：😋😋😋😋😋😋😋

每當人客多，廚房就出餐超慢,張張抬都係到追餐, 昨天等幾個麵等咗四十分鐘，好想鬧爆，樓面D阿姐大半D態度都懶得理。其實食物味道不是差, 但一到繁忙時段，廚房就好唔掂。

星期六去何文田體育館做運動， 做運動之前要食飽飽。嚟到呢間百分百餐廳叫咗個蕃茄湯小雲耳野菌嫩雞泡法， 希望食得清淡啲唔好咁油膩咁肥。佢個飯上枱嚇親我， 我冇諗過佢個泡飯咁大碗， 好驚食唔曬 , 而且裏面都幾多料。 除咗有蕃茄之外， 有小雲耳、野菌、雞肉仲有我好鍾意食嘅芹菜。其實佢個鮮茄湯都幾香, 茄味都幾濃，咁多種配料裏面，我覺得個野菌最好味，佢本身應該係用咗乾野菌嚟煮，乾野菌同新鮮野菌嘅分別就係乾野菌仲會多咗浸濃烈嘅香，用嚟煮餸炒餸就 最啱。雖然呢個係泡飯，但都依然食到乾野菌嗰種香味，雞肉都算大件嘅，至少唔係畀雞肉碎你，但略嫌呢個鮮茄湯底鹹咗少少， 本身真係想食得清淡啲先嗌泡飯， 點知個湯濃味咗少少，食完真係好想飲水。

Checking out the new MTR station, boyfriend and I stopped here for food as I was getting a bit hungry.Cafe 100% is a cha chan teng. It appears to be a chain and found in several areas in Hong Kong. Much like Tsui Wah and Tai Hing. Menu is in Chinese and English with no 10% service charge.We arrived during afternoon tea session so the afternoon tea menu was available. All sets came with an ice red bean milk drink.Rice Noodles with Sliced Golden Fish Cakes ($24). I ordered this. It  was a bit too

楊州炒飯＄36呢個價錢嘅楊州炒飯竟然可以咁細碟，我都估唔到。仲要佢啲鹽炒得唔夠均勻，有時食食吓啲飯除咗好鹹嘅味道之外仲食到啲鹽花。飯本身唔算差，但係配料真係好少。完全唔夠食，本身仲要已經唔係好肚餓。奶茶就普普通通嘅茶餐廳feel。

但服務態度真係好差,揮手都冇人理,但今日我真不開心,我本3個人1枱但我其中1個朋友未到,我坐了10分鐘多有位男員工問我有幾人那人幾時到,要我快D話要俾枱人坐,今時今日仲有D咁態度,請問老闆入坐時需要客人問可坐幾耐先可入坐是嗎？

　這日喺呢度叫咗呢個台式肉燥雞扒飯，$42，凍飲加$3，價錢都OK，味道不過不失雞扒唔夠大塊，不過味道都OK嘅，夠惹味，肉質都嫩滑不過個飯味道麻麻地，仲有種唔太協調的鹼水味，真係要扣D分我朋友就叫咗個台式肉燥嘅豬扒飯，佢個飯都有咁嘅情況。

下午茶時間，百份百一定係我首選，點食都唔會入肉呢個香茅豬扒酸辣米線，係女友嘅最愛，豬扒夠入味又夠稔，唔係簡單一两塊，都有三四塊，酸菜同麻辣真係好朋友，佢地嘅合作完全刺激我味蕾，聞到都胃口大增，食一口米線，配一口豬扒，加點湯，食慾大增！點解女友最愛我會咁清楚？因為女友通常食两啖就話飽，既然係咁，食得唔好晒，不過唔食過都唔知呢個米線嘅魔力，下午茶必食item!

今日放假約左朋友黎到愛民邨做運動，做完運動點都要食下野先覺得完美，下午茶時間叫左呢個西多士，好大份好足料，中間部份好軟熟，填左一層花生醬，但西多表面太燶，牛油略嫌不足。

食得多大X樂那類快餐連鎖店頹到爆嘅豬扒飯，搞到幾乎聽到豬扒飯已經想起難食兩個字。去到呢間餐廳緊係要食返個好嘅! 果然朋友無介紹錯，真係好高質，雖然等得耐啲，但個飯來到熱辣辣，豬扒同樣又熱又新鮮，爽口彈牙，就知誠意之作。凍檸茶味度都啱啱好。如果趕時間就唔適宜午飯時間嚟呢間，除咗上菜慢，門口都好多人，都等咗幾耐先有位。不過耐唔耐咁樣攸閒食返餐高質嘅LUNCH都唔錯!

也已經來食過LUNCH好幾次了，但還是覺得應該寫編食評表達一下意見這日吃的是台式雞扒肉燥飯因為是食了一半才心血來潮想寫食評所以影得賣相不太好。$41連飲品，價錢合理，味道也不錯。肉質嫩滑，醬汁肉燥都味道適中。不過服務就還是有改善的空間，落order時叫很久才有人來serve，有伙記明明已望到我也不過來但比起我之前來時已好多了，至少沒有漏單，食物也來得快了

愛民商場無咩茶餐廳，小妹最鐘意就係喺百分百餐廳點下午茶食，果度員工好似長期唔夠人咁，人手短缺，如果食野就要俾啲耐性 雖然係咁，但我都要等！呢個特式蒜香雞翼麻酸辣湯米線，聞到已經喚醒晒我啲味蕾，果個麻酸辣湯好醒胃，再加埋酸菜同花生，絕！雞翼好入味，唔係普通白恰雞翼，下午茶29蚊都幾抵食，送茶啡，凍飲就要加3蚊，不過下午茶就梗係要tea一tea咁先夠過癮！真係食極都唔厭，仲有豬扒俾你揀，都係唔錯！仲有呢個至抵食，無睇錯，$11.8有菠蘿油加熱奶茶，邊度揾！不過我自己就唔想食咁大舊牛油落肚，所以推薦俾鐘意菠蘿油嘅朋友！

d員工叫極唔應12點前都係早餐但未夠12點就收起左個早餐牌但講返個早餐 係幾好食既多士好脆 中間塗左牛油有兩塊漢堡排 有個汁一齊食炒蛋算滑 份量不少另有火腿、茄汁豆

.餐廳裡面有一陣味，一入去已經不舒服，服務員以慢動作做所有事，等了7分鐘先有侍應落單，10分鐘後有餐飲到，一打開個盒，嘩，砂糖定荒糖，我連糖都冇落，沙嗲牛米追了三次先有得食，最後才上多士是凍的，但當時並非繁忙時間，但為何會這樣？問侍應有冇水，竟然回答，系個到⋯下，我想問自己拎，佢再回答，唔系，你要咪比你囉。我再問你唔想比可以唔比，當時佢已經行開咗，究竟這是什麼百份百餐廳？100%自助餐廳？

今時今日呢間餐廳仲可以未執真係奇蹟。一坐底叫幾次都無人嚟。落完單，兩個主食到咗食埋(食物質量真的好一般, 冇味道及賣相)，三杯嘢飲竟然仲未到。叫伙計幫手跟下又無回覆。再過十分鐘，第一杯嘢飲到咗，但係錯嘅！忍無可忍叫個伙計望清楚，同問佢有咩可能嘢飲要等咁耐？！（事實係好多伙計，但佢地只係圍在水Bar嘻嘻哈哈，傾計同玩）個伙計竟然仲駁咀，話仲有好多單喺我地前面，真係火都嚟！去茶餐廳叫杯嘢飲竟然要等多過三十分鐘，睇住一班伙計只係傾計同玩，我地附近嗰幾枱全部都係等極嘢飲嘢食都未到。。。。我真心唔明點解咁差嘅工作態度老闆可以容忍，點解佢地值得收人工？最低工資都俾多佢地! 真心希望佢快啲執，唔好再浪費地球資源！