百份百餐廳 (華景商場)

營業中

休息中

今日我到百份百餐廳享用午餐，這裡真的是駕車人士的好選擇，因為門口有充足的停車位。餐廳環境寬敞，座位多，讓人感到輕鬆自在。我點了四寶飯，份量相當足夠，裡面有美味的雞翼和香脆的餐肉，每一口都讓人回味無窮。米飯的口感也很棒，搭配的醬汁更是提升了整體的風味。服務生的態度友善，讓這次用餐體驗更加愉快，期待下次再來嘗試其他菜式！

非常混亂，預訂外賣午餐送餐，竟然被取消，即刻趕去現場訂外賣，等了超過30分鐘，送唔到俾兒子午餐，要佢餓住上堂，無奈地午餐變左下午茶，凍晒，非常無奈，非常不滿。服務奇！差

星期六通常都同老婆出去食早餐，有時天氣好嘅話都順便行埋山，今朝早見天氣一般般，唔太好亦唔太差，穩穩陣陣起見，就唔入馬騮山，由美孚行上「華景」，食個早餐再行另一邊山路落返美孚，而上到「華景」餐廳就喺得呢間「百分百」。 呢度都嚟過好幾次食晏或下午茶，環境就唔多講啦，總之地方算幾大，座位闊落，同埋客人真喺唔多，有嘅都喺「華景」啲街坊客，相信區外客都冇乜幾個。 早餐餐牌，兩大版，都有幾多唔同類別嘅選擇，其實都喺大同小異，定價跟同一般茶記相約。 老規矩，枱側抽櫃放晒所有餐具、基本調味料，放得整齊，想要熱水就要出去自己斟。 蕃茄濃湯通粉麵餐 $37老婆一睇早餐選項二話不說就喺揀蕃茄濃湯系列，可以揀兩款餸料，佢就要餐肉、熟蛋，揀食通粉，都幾大碗吓，而且，唔好睇以為得幾嚿餐肉，原來沉咗底，都有幾多。個湯都唔錯，幾夠蕃茄香味，酸酸香香，飲落醒神，啲通粉亦煮得啱啱好。 沙嗲牛肉即食麵餐 $39小弟嘅即食麵餐就可以揀多一款餸，已有沙嗲牛肉，所以，揀半焗流心蛋，隻蛋確喺煎得好靚仔，篤穿個蛋黃用嚟撈麵食就最正。個湯底喺一般嘅清雞湯，但溝埋啲沙嗲汁又幾唔錯，而牛肉又幾腍滑，啲麵都OK，所以，整體嚟講都收貨架喇。 

疫情下，基本上都停晒所有活動，除晌屋企踩吓單車外，就只有耐唔耐行轉山，由於近來疫情好嚴重，連行山都減少咗，好耐先行一轉，仲做足防疫，全程都喺戴住口罩行，其實戴慣咗都OK！今次走一轉短程，由美孚經馬騮山上到「華景山莊」，揀晏少少行，等無咁多人，當喺減少風險。到咗「華景山莊」嘅商場仔，睇到「百份百餐廳 」無乜客，比較安心少少就食個下午茶墊墊肚至離開。 踏入餐廳，有相你睇，真喺無乜客，有嘅大多數嚟買外賣。店內走少少工業風嘅裝修，燈光比較昏暗，不過，座位就好闊落，間隔都夠開。 下午茶時段為2:00pm-6:00pm，款式都喺晌茶記或快餐店見慣見熟嘅選擇，如炸雞脾呀、西多士呀、公司治呀、湯粉麵呀……等等，亦有飽肚啲嘅迷你炒粉飯麵。由於小弟食咗晏，所以揀款三文治，友人就話肚餓啲，所以，就整份公仔麵餐。 餐肉滑蛋三文治 $30 平常晌茶記，如果想食包類，唔喺菠蘿油，就喺沙嗲牛肉包，不過，呢度兩樣都無，所以，就「求求其其」揀咗餐蛋治。基本嚟講，都算交足貨，厚身軟熟嘅方包、大大片煎得香口嘅餐肉及炒得夠晒嫩滑嘅炒蛋，驚喜就無架喇，但穩穩陣陣咁啦。沙嗲牛肉半焗流心蛋即食麵 $35 友人就讚佢嘅麵餐份量十足，

晚餐外賣乾炒牛河，接單速度不錯很快，但是接單後15分鐘才打電話來說沒有牛河要改烏冬，到收到之後只得半個外賣盒份量，烏冬數得出只有10多條，明顯只有半個烏冬，連兩個小朋友都不夠吃。

咁啱係附近做野，都唔係好熟附近有咩好食，又係見到呢間百分百，真係所有屋村商場都有一間，唔緊要啦，都係諗住食個快飯啫，其實茶餐廳質素黎講，佢都唔算差，起碼都坐得幾舒服。先講食物質素先，今日叫左葱香雞扒飯，其實本身想食豬扒，不過豬扒無晒，所以唯有食雞扒，真心雞扒煎得幾香口，仲有肉汁喺裡面，D葱油好香，配合一齊真係好好味。餐飲叫左杯凍奶茶，茶味唔夠濃，奶味偏重，我自己唔太鍾意。其實一間連鎖餐廳，食物正常唔會太差，價錢亦都合理，但真係唔明點解大部分分店D員工都係咁差，成日企晒喺後面，前面枱客人叫極都唔理，可能呢D係店舖風格，但我真係唔識欣賞。

啲員工聾的，講咗三四次都落錯order。叫海南雞飯，覆單又話係海南雞飯，就比楊州炒飯。店長請你幫吓你啲員工。每分鐘又間你個什麼order number. 講又唔聽，聽又唔記，記又記錯，做又做錯。你哋想點啊。仲有你哋啲員工成日比個唔帶口罩啲人出出入入。十分危險。記得人哋上次先有人中咗去你哋道，依家仲成日唔做啲嘢保護自己同食客，真係唔知你哋想點。

老公接收工,求其找個地方食飯,呢到之前一直都有食開,超級多野食, 價錢又相宜. 坐得舒服. 又衛生 又小人位同位之間好闊落雖然無左晚市,但5點依舊有下午茶,直至6點.+11蚊有2隻炸雞翼 炸到脆卜卜 好好食墨西哥瘋狂迷你辣肉醬意粉影相好大碟,其實好細碟,是下午茶份量.好合理佢隻辣係幾辣 但唔係西式辣 有小小似川辣 好搞笑.不過好多意粉痴住左個PAN. 食唔到星洲炒貴习味道係茶餐廳既水準 幾好架食到底都唔油 好小可. 有時食到最底 好多油係到..

廚房似轉左。幾個月前叫食飯要多汁既要求都會滿足到。而家加哂錢要多汁都無，仲要小到爆。已經係好多次不只是這一次。寧願叫deliveroo, ubereat好過！叫咗個午餐牛扒飯牛扒又細件，肉本身唔係高質素就一定要多汁先食到，可惜汁又少。如果唔係華景山莊得一間餐廳都唔會幫襯。味道唔係差但每次叫親嘅要求都做唔到。我已經放棄再叫這間外賣。廚房明顯求其咗好多，我已經叫這間餐廳叫咗幾年。如果再唔注意下加上疫情問題真係好容易執笠

晌美孚，有條山路可以一直行到上「華景山莊」，唔算難行，我同老婆都行過好幾次，次次上到「華景」呢個搵食沙漠，都話嚟呢間全個「華景」嘅唯一食店「百份百餐廳 」嘆個下午茶，有住晌「華景」嘅朋友就話感恩有「百份百餐廳」呢個綠州。卒之，朝早晌屋企專登整咗份頗豐富嘅全日早餐，晏晝就跳咗午餐，到2:30pm就行個短山上到嚟嘆下午茶。無論晌門口，抑或入到裡面，都見餐廳晌防疫方面都做到好足，晌不同位置，都放有抗疫資訊牌，不斷提醒大家，以增加大家嘅防疫意識。 踏入餐廳，昏暗嘅燈光，走少少工業風咁款，不過，如果你揀正右邊一排位，有偌大嘅落地玻璃窗，就會比較光猛，感覺更清爽。下午茶時段為2:00pm-6:00pm，咁有啲咩選擇呢？因為佢哋有兼營麵包店，就晌近入門口處，所以，早市或茶市都提供一款「鮮製麵包套餐」，一款特色包加杯熱飲，賣$22-$24，喺比較經濟嘅選擇。另外，就喺晌茶記或快餐店見慣見熟嘅選擇，如炸雞脾呀、西多士呀、公司治呀、湯粉麵呀……等等，亦有飽肚啲嘅迷你炒粉飯麵。由於我哋都無食晏，呢餐話就話下午茶，但都當埋午餐，所以，兩個都揀咗炒粉麵。滋味迷你焗鮮茄豬扒飯 $39果然真喺有啲迷你，唔好睇相以為

呢度同其他連鎖店都係差唔多價錢，不過第一次嚟呢間食佢嘅下午茶，價錢係合理嘅，不過份量就真係少咗啲，30幾蚊食佢嘅焗鮮茄豬扒飯，等候嘅時間有啲耐，不過食物質素係OK嘅，如果份量多番少少就好了，下午茶都應該要多啲份量嘅。

華景唯一一間食肆太肚餓都要食嫁啦本人推薦佢個麻辣米線好辣小酸唔麻豬扒都醃得幾好米線唔太淋不過次次食完都會流鼻水飲品方面 熱杏霜算係幾濃郁其他茶餐 例如公司三文治都可以啦 整體都未話太難食

超級垃圾餐廳！我買2個下午茶餐外賣，等到晚餐時間都未拎得。其他人遲過我叫外賣，叫成4、5個餐既人都已經早過我拎到外賣，而我就等左足足50分鐘！！！！最過份係我向唔同既侍應姐姐講左幾次都冇人理，甚至俾人叫我唔好阻住佢地做野，衰過垃圾既服務態度。等到45分鐘，我係頂唔順，走去收銀話唔要個外賣，要退錢，個收銀阿姐先話行過去幫等睇下，之後拎個外賣過黎。我叫完外賣，就去超市買既急凍食物，等到外賣黎，拎到返屋企都已經解左凍！

今日行山經過華景山莊哩個屋苑既商場，入面好似得百份百唯一一間食店。。。如果係唔好食既居民都幾唔好彩，好彩佢質素都唔錯😹我地13:59叫野食，原來14:00就係下午茶時間😭店員冇提醒我地，不過佢又唔係一定要提我地既，只怪自己蠢左😪我就叫左漢堡扒火腿+半熟蛋飯（蒜蓉汁）估佢唔到漢堡扒唔係煎，係輕微炸過，所以好香口，唔健康既野真係好食啲😂個汁同一般茶餐廳既汁差唔多啦～不過飯就加左啲藜麥，好似健康左ddddd...偷食左朋友既四川麻辣牛肉炒飯，好好味！下次可以試下～

在附近工作 每星期都來吃早餐 如果叫熱飲的話 早餐只需33元 十分抵食！個炒蛋真係算幾好食 多士好香蒜蓉味 比較油係個通粉比較一般點 如果計埋有免費一小時泊車 呢度都算係早餐推介首選