影片
更多
2022-02-27
2636 瀏覽
疫情下，基本上都停晒所有活動，除晌屋企踩吓單車外，就只有耐唔耐行轉山，由於近來疫情好嚴重，連行山都減少咗，好耐先行一轉，仲做足防疫，全程都喺戴住口罩行，其實戴慣咗都OK！今次走一轉短程，由美孚經馬騮山上到「華景山莊」，揀晏少少行，等無咁多人，當喺減少風險。到咗「華景山莊」嘅商場仔，睇到「百份百餐廳 」無乜客，比較安心少少就食個下午茶墊墊肚至離開。 踏入餐廳，有相你睇，真喺無乜客，有嘅大多數嚟買外賣。店內走少少工業風嘅裝修，燈光比較昏暗，不過，座位就好闊落，間隔都夠開。 下午茶時段為2:00pm-6:00pm，款式都喺晌茶記或快餐店見慣見熟嘅選擇，如炸雞脾呀、西多士呀、公司治呀、湯粉麵呀……等等，亦有飽肚啲嘅迷你炒粉飯麵。由於小弟食咗晏，所以揀款三文治，友人就話肚餓啲，所以，就整份公仔麵餐。 餐肉滑蛋三文治 $30 平常晌茶記，如果想食包類，唔喺菠蘿油，就喺沙嗲牛肉包，不過，呢度兩樣都無，所以，就「求求其其」揀咗餐蛋治。基本嚟講，都算交足貨，厚身軟熟嘅方包、大大片煎得香口嘅餐肉及炒得夠晒嫩滑嘅炒蛋，驚喜就無架喇，但穩穩陣陣咁啦。沙嗲牛肉半焗流心蛋即食麵 $35 友人就讚佢嘅麵餐份量十足，
踏入餐廳，有相你睇，真喺無乜客，有嘅大多數嚟買外賣。店內走少少工業風嘅裝修，燈光比較昏暗，不過，座位就好闊落，間隔都夠開。
下午茶時段為2:00pm-6:00pm，款式都喺晌茶記或快餐店見慣見熟嘅選擇，如炸雞脾呀、西多士呀、公司治呀、湯粉麵呀……等等，亦有飽肚啲嘅迷你炒粉飯麵。由於小弟食咗晏，所以揀款三文治，友人就話肚餓啲，所以，就整份公仔麵餐。
餐肉滑蛋三文治 $30 平常晌茶記，如果想食包類，唔喺菠蘿油，就喺沙嗲牛肉包，不過，呢度兩樣都無，所以，就「求求其其」揀咗餐蛋治。基本嚟講，都算交足貨，厚身軟熟嘅方包、大大片煎得香口嘅餐肉及炒得夠晒嫩滑嘅炒蛋，驚喜就無架喇，但穩穩陣陣咁啦。
沙嗲牛肉半焗流心蛋即食麵 $35 友人就讚佢嘅麵餐份量十足，沙嗲牛肉俾得算多，肉質嫩滑，個沙嗲汁好香濃惹味，茶記做沙嗲真喺有一手。而友人就話半焗流心蛋即喺好似平時煎太陽蛋，唔煎咁熟啫，我都覺得喺架。
熱奶茶、熱檸水小弟就慣例飲熱奶茶，呢度嘅熱奶茶都唔太差，茶色唔錯，深褐色得嚟有光澤，入口茶底醇香，茶、奶嘅味道平衡。此外，呢熱嘅熱檸水都有少少特別，就喺唔會見有檸檬，因為用上鮮榨檸汁嚟沖。
食完下午茶都未喺行程完結，出咗「華景」再兜條小徑落經長坑村返美孚先至散水。
張貼
