百樂潮州海鮮酒樓 (已結業)

登登登…父親喜歡這裏的杏汁白肺湯，極力推介，香，濃，滑又潤.....通常是晚飯例湯，今天跟點心比美,一碢可分八至九碗。傳統潮州酒家，有煎潮州韮菜棵做得有水準，其他點心一般的家常，沒有賣弄精巧，實事求事。

慶祝嫲嫲生日往年嫲嫲生都係去上環澳門賽馬會的今年黎呢度都幾隱蔽平好多, 又有鮑魚食但D野食都好食潮州野又有特色賽馬會太普通喇芋茸香酥鴨好正最後食到好飽!! 正正正正

5月9日, 母親節點都要同屋企人飲個茶~ 今日黎咗附近嘅百樂潮州, 好過去對面間難食嘅喜悅, 咁啱又唔駛等位~ 睇一睇點心紙, 雖然種類唔多但係都有晒我地想食嘅野~ 另外水吧仲有d特別d嘅潮州打冷添!::: 蝦餃 :::飲茶必叫點心之一, 蝦餃皮比較乾身, 好易夾起不過黐住筷子, 扣咗少少分~ 不過味道尚算好味, 蝦都幾大隻新鮮~::: 燒賣 :::飲茶必叫點心之二, 燒賣上嘅肥豬肉雖然太多, 但係要咁樣先食到燒賣應有嘅精髓~ 好大粒啖啖肉, 絕無吝嗇, 要彈嘅只係燒賣上面唔太新鮮嘅蟹子, 有點畫蛇添足…::: 牛肉球 :::落足料, 又蔥又馬蹄, 都幾香芫茜味, 唔算好特別, 中規中矩~::: 潮州粉粿 :::潮州茶樓當然要食潮州粉粿啦, 特別在佢冇乜韭菜, 所以顏色比較齋, 但係食落味道反而幾香, 唔錯~::: 小籠包 :::小籠包就失色, 一來皮唔夠薄, 而且又係好乾~ 二來冇乜肉湯, 裏面嘅豬肉亦唔夠味. 凍咗食仲衰添, 一舊粉咁…::: 叉燒腸 :::味道都唔錯, 可惜粉皮太厚以致腸粉中間部份好淡… 叉燒唔算新鮮不過可以接受~::: 鴨腳扎 :::我地冇食到, 屋企人都食淨咗

3月16日晚, 一行十人走咗嚟呢間「百樂潮州酒家」食晚飯,坐底就有花生及咸酸兩款小食, 不過只有各樣兩小碟, 十個人好似唔多夠喎...跟住係功夫茶, 正! 先嚟個「鹵水拼盆」($98), 嘩... 比佢嚇一嚇, 點解得咁少既...... 成舊水喎.................... 不過都算幾好味既! 「椒鹽九肚魚」($68), 呢個非常好味!! 「潮洲蠔烙」($72), 又係正嘢, 不過好貴呀....................「金銀蛋浸莧菜煲」($68), 呢個就普通啦!「青瓜煮魚鏢」($98), 唔錯, 不過份量超少囉....................「糖醋肉排骨」($78), 幾好味, 但又係得幾件.......................「檸檬蒸烏魚」($68), 呢個我話要食既, 都幾好味, 可惜, 又係份量少喎.......「原籠糯米荷葉香雞」($108), 好鍾意食呢個, 因為有藥材味! 不過個籠就大, 但加埋都係得四、五個碗仔既飯同餸咋... 離譜咗少少喎.......「魚蛋粉」($30), 284 特登叫咗呢個粉食,我冇食到

有親人生日呢度擺番圍。先凍蟹，一向唔喜歡將海鮮凍食，唔係好欣賞。再滷水併盤，味道唔錯，最欣賞大腸，夠晒入味。跟著菜式都係一般酒席菜，無乜特色，不過煲翅就唔錯，好足料，除此之外，川椒炸子雞同絛魚都OK。最後整個大壽桃，大飽包細飽，好唔好食，唔係問題，最緊要係壽星鍾意。埋單都幾貴，唔係咁抵食。

１．鹵水做得唔好，無黎味道．２．無蠔餅食既潮州酒樓．３．同一集團既分店有既野食，哩間會無．４．大字標題既海報，誤導食客．５．服務員態度唔得，問一句就回答你幾十句（無關鏈既答案）．佢地如果唔想做，我幫佢地一把．

上兩個月既某星期六黎飲完茶，今朝再黎飲茶，10點鐘去到好多人，等一陣都有位喇！睇下點心紙，再問下果位阿姑有無其他點心紙，對話如下：－阿M：唔該有無第二張點心紙？阿姑：哩張就係架喇！果ｄHK$6.8既點心十點前先至有架．阿M：係咩，出面張poster唔係咁寫，加上我打過黎問喎．阿姑：有，依家都係特價，11點前埋特價囉！間間酒樓都係咁架喇！阿M：無理由架，咁我叫住哩ｄ先喇，都無咩好揀．阿姑：你地四個人叫得六碟，咁樣唔夠架喎！阿M：唔使住喇！一個鐘頭內，ｄ野慢慢咁黎，咁就慢慢等喇．到左埋單HK$101，我一毫子貼士都唔俾．

因為呢排食得多,個腦塞塞地,忘了寫OT的蝦子餅(二)...17/7蝦子餅又要OT了,我放0左工就約佢公司樓下的飯店食,等佢返上去"奸爸嗲"都快D啦!潮洲食店,我叫了鹵水鵝,墨魚片併紅腸,潮洲魚蛋湯浸娃娃菜同香煎鱸魚.鹵水鵝,連骨都有鹵水香味,幾入味.墨魚片併紅腸,墨魚好大隻,好彈牙!潮洲魚蛋湯浸娃娃菜,呢個有驚喜,魚蛋好有魚味,彈牙得又軟滑,魚湯濃得帶鮮甜,娃娃菜唔太"林"又唔會硬,正!香煎鱸魚,一般般吧,煎得乾了一點點!食食0下有好大的氣油味,是從外面的加油站發出的,0下次會坐另一邊!

男友一家是潮州人，飲茶都喜歡幫襯潮式酒家，初三，他們決定來百樂。一共12人，埋單$1,100，比平日貴兩成，眾人大呼揾笨。話雖如此，百樂的點心水準都有番甘上吓，推介食物如下：- 蠔餅勁多蠔仔，餅煙韌有彈性，有獲氣卻不油膩，超水準- 各蒸式腸粉，腸粉皮軟熟煙韌- 牛雜，牛肺和蘿白都十分入味- 薑醋，雖然豬腳不夠淋，但薑醋味道濃郁，老人家激讚- 奶黄包，夠流沙，不過我嫌甜了少許- 清心丸綠豆爽，清心丸通透煙韌，綠豆爽有咬口- 芋泥，少有不油膩，質感柔滑，沒坊間般甜其他食品如魚旦米、糖醋麵、煎韭菜餃等都有不俗水準，是一家大細的飲茶好地方。不過這裡的冷氣超勁，吹到我頭暈暈。

一直都麻麻北角這間百樂﹐覺得它的出品只是普通﹐最近更有水準下降之勢。但是星期日家人又去這裡飲茶﹐為了不掃媽媽的興致﹐勉強去了。心想點心不行就要些鹵水食品應該會好一點吧﹐就點了個鹵水豆腐拼盤﹐內有豆腐﹑墨魚片和雞蛋﹐豆腐算滑﹐墨魚片都不韌﹐但最弊是鹵水不行嘛﹗個鹵水汁只有鹹味﹐完全欠缺應有的五香八角等香料的香味﹐是一個沒有內容的汁料﹐想不到這老字號的分店可以造出這麼沒水準的鹵水汁﹐認真失敗﹗

雖然是潮州酒家﹐中午還是有茶飲的﹐除了潮州粉果和水晶飽外﹐其餘都是一般廣東茶樓的點心﹐沒有特色。好多個星期日的中午都是在這裡飲茶﹐不過原來從來都沒有為它的茶市寫過食評啊﹐呵呵﹐那現在補回了(反正昨天又是在這裡飲茶)﹗這裡的點心可以喇﹐不過不算好吃。如果不是因為在教會附近﹐崇拜後方便和弟兄姊妹們聚餐﹐一定不會來的。這裡平均一餐$55 - 80﹐不過一這個質數的環境食物﹐附近有很多小餐廳都可以﹐不過飲茶比較大路囉。反而昨天我們要了的魚蛋米線和雲吞麵是不錯的﹐但要$28 一碗則是頗貴了。我愛魚蛋的彈牙﹐也愛粗麵的爽口。下次應該會遠離點心而改要這些湯粉麵了﹗

係附近聚會完畢已經晚上10 點幾﹐一眾朋友仲話去銅鑼灣打邊爐﹐想想第二朝仲要早起﹐一於婉拒﹐寧願和家人靜靜的去附近的百樂食少少﹐然後早d 回家睡覺﹗呢度12 點才關門﹐不過我們10 點半行入去都已經好靜﹐好似就快打烊咁﹗咁我地就簡簡單單的要了幾個地道潮州小菜﹕* 鵝片- 好細碟呀﹗不過d 鵝片唔錯﹐“淋”得來有d 咬口﹐我鐘意﹗個鹵水汁就普普通通﹐個人認為太鹹但唔夠香﹗* 川椒雞- d 雞幾多肉﹐唔似老鋪皮比肉多﹐不過落油都幾重手﹐好肥膩下﹗* 方魚炒芥蘭- 芥蘭炒的夠爽脆﹐帶少少方魚的香味﹐幾好味﹗* 魚飯- 要了半條烏魚﹗條烏魚幾肥美﹐又冇泥味﹐是近期食過比較好的了﹗這幾個菜平均都是差不多$70 一碟﹐價錢是可以的﹐不過碟頭就真係細左d﹐人多就唔夠食﹗當晚四個中有兩個已經食左飯﹐basically 來陪坐的﹐叫4 個菜2 個飯才剛剛好咋﹗不過還是可以再來的﹐尤其是我們經常係附近聚會﹐真是非常就腳嘛﹗

今晚同阿爺慶祝生日，一家十二人齊齊整整食下野，開心下．我地叫左個十二人套餐有：－１．蒸籠蝦－好鮮甜；２．芋頭鴨－芋蓉加片鴨肉炸，好鬆脆；３．潮州滷味有鵝片，腸，豆腐，蛋－okey；４．瑤柱時疏－瑤柱碎，黃牙白菜加茨汁，普普通通；５．清蒸石斑－大條得黎有ｄ硬，唔夠滑；６．帶子花枝片－甜甜的帶子加魷魚片配白菜；７．白切雞－都幾滑溜；８．潮州炒飯－（我無食到，唔知咩味）；９．糖醋麵－我第一次食，幾特別，炸左ｄ麵上碟，自己落糖同浙江醋食，好正，甜甜酸酸，開謂yor；１０．紅豆沙－成晚最唔得既野，又無味，唔甜，傑tart tart；１１．壽包－蓮蓉，咸蛋黃，好大個啊．汽水有Sprite，Coke，Cream Soda，加埋ｄ茶芥加一Tips，埋單HK$2350，多謝三叔．．．