百里香 (已易手) 新餐廳

終於有機會食網上傳說百里香、lunch menu 大約$40-50 左右，12:30 前埋單可平多$5！聽聞間餐廳好多人食，果然12點左右去已經坐爆晒。因為空間有限，坐得比較逼。雖然menu好多選擇，但唔洗諗即刻叫經典燒雞+薯皇。套餐有湯同包送，湯同包味道一般，湯偏稀唔夠味，包就無咩特別。燒雞份量夠大，燒雞入味，雞肉偏淋身，好易入口唔會整到好鞋好難食。 略嫌薯皇比較淋身，唔夠脆同數量教少。總括而言，性價比高，味道唔錯，值得再食之選🥳

之前幾次lunch放得晏左黎親都食唔到燒春雞今日難得放得早即刻上去試下12:30前黎都唔洗等位12:30前或2:30後埋得仲有得-$5叫左一份燒春雞本身跟餐有忌廉湯同蒜蓉包餐湯就一般般，但蒜蓉包都夠脆黎到主角喇，原隻燒春雞因為係BB雞，所以肉質夠嫩口啖啖肉好juicy仲要燒得夠淋唔會鞋口食左半隻都已經好夠飽佢本身都配左個醬，因為隻雞都已經好夠味所以其實都可以唔洗點個醬本身仲有配埋薯角炸得好脆身，睇得出係即炸唔會到上菜既時候已經淋晒整體成個餐都好好，值得推介

見到連登日日吹奏百里香，咁岩我而家返工返觀塘個邊，咁就一定要去個到朝下聖。聽講佢哋個燒春雞好出名㗎喎，望到OpenRice啲相都忍唔住流哂口水。晏晝一點鐘去個到，見一條超長嘅人龍，目測大概有10幾個係度等緊，果唔係我地lunch Time長啲既話，我諗等到兩點都未有得食😂。個Menu既A至D餐都係regular 既，而最尾個四個就個個星期會轉。你得呢度梗係要試吓佢嘅燒春雞啦。我哋事先一早已經book好左要幾多份燒雞，如果唔係應該會再等得耐啲。大概10分鐘左右就有得食啦！燒雞夠大隻，即使半隻就已經好飽肚。攞上手熱辣辣，撕開入面極juicy，好多肉汁流出黎，肉質唔韌。個餐配埋脆薯王，睇得出好有心機炸，外面香脆入面爆薯，唔會好似炸左好耐咁淋哂。不過今次食得好急，冇時間慢慢去享受。下次放工早啲可以去試真啲😍

話說上次同同事遲左去食飯，一心諗住去食佢既烤雞，點知已經冇晒😭今次做足準備，打左電話去訂，咁就唔使同人爭啦🤣👉🏿✨百里香王牌燒雞 Hkd 45 💸📌可以配飯/薯皇，成個餐會跟餐包，湯同野飲，45蚊食到咁既質素，個人俾滿分👍🏿佢既燒雞一黎到係超級大隻，細食啲女仔仲會食唔晒😱雖然等得有啲耐，不過係值得架！雞皮勁脆卜卜，一切到入面啲肉汁流晒出黎，正到傻了😭雞肉唔使講，嫩滑到爆！一到lunch time 多人到逼都逼唔入，大家想食記得打電話去留位呀🤣

話時話 近排因爲工作關係 我同女朋友都係觀塘果邊做野 聽班同事話百里香好好食 冇咩比得上佢 而且味道十分好 係觀塘黎講數一數二 所以同女友決定去試下係真好食定名過於實入到去環境一般 係街市裹邊既食店黎講算好我同女友都一齊叫左個a餐 燒雞配薯菜 服務態度十分好上到台之後 我同女友都大嚇一驚 點都諗唔到佢真係比左差唔多一隻雞我地食 另外一題女友留意到佢每張台都會提供膠手套比客人 十分貼心 廢事你食雞食到成手污糟味道黎講 真係冇得彈 雞肉唔會太生同熟 煮得剛剛好 而且佢聞落去有好香既香草味 食落去談談肉 咬落好juicy 再加上佢有汁比我地可以淋上雞肉上邊 令佢更香Oveall黎我會比佢100分滿分 真係味乎其實咁好食 食物同招牌真係成正比 百里香真係百里香

係觀塘區返工，人多，餐廳選擇少，最近網上流傳熟食市場入面有間高質餐廳，就黎試下。午餐選擇唔算太多，勝在$45連凍飲，以同區餐廳物價黎講，算抵！跟餐送餐湯+包，味道還可以，湯唔算太濃，包有少少唔夠熱。跟餐送凍奶茶，茶味幾夠，用左金屬杯，抵讚！主菜叫左最出名既百里香燒春雞，都算大隻，香草味幾夠，不過比較底層既肉有陣雪藏味，扣左d 分，但係都係果句，$45工商區算交到貨啦！

「百里香」最近很出名很多同事也討論及去朝聖聼説這裏的燒雞非常掂身為朝人的我-怎可能錯過今天就過來試下12:30 到達....嘩咩事呀，咁多人排隊嘅既然來左，唯有照排排左5 分鐘到，己安排坐位，要搭枱，沒辦法啦，最緊要食物好食就得☺️叫左A 餐及凍奶茶很快就來左湯及蒜蓉包- 個湯算足料，蒜蓉包夠熱及香脆之後等左8 分鐘，個主角來左，見個個用手套，這點可以看到小店的確有心個雞熱辣辣，很入味，有層次的味道，香草味剛剛好，連個胸部位置也唔鞋，果然是皇牌。連埋凍飲45 ，絕對抵食。走之後才聽到門口靚靚姐姐說12:30 前埋單，可以減5 元下次要早D來先

之前同事食過呢間既燒雞一直都讚口不絕，遲左食lunch又諗唔到食咩，一於食佢😂好不幸既係，去到佢既燒雞已經買晒😭原來仲要打電話去預約，即刻灰呀😞👉🏿✨希臘紅椒醬煎雞扒配青瓜乳酪汁 Hkd 50💸📌諗住佢啲雞應該都唔會難食，所以就叫個煎雞扒黎試下🤣未黎飯之前會有餐湯同餐包送👍🏿而且仲包埋凍飲，幾好幾好😍佢既雜湯都落左幾多雜菜，點餐包食又得啫～另外，個雞扒都煎得幾香，個皮勁香脆😈雞肉都滑既，係自己食唔慣佢個青瓜乳酪汁..整體黎講都ok~想食燒雞記住要打去約呀～～

食過幾次，店員親切，有個店員哥哥有一次餐廳無咩人， 佢見我中意飲佢地的餐湯，的確係好好飲， 所以佢比多碗我，自此每次食飯都會第一時間想去呢間餐廳！果次食墨西哥卷， 不過真係份量真係少， 似茶餐。 其他的餐都試過的幾款，還不錯，帶朋友來食白紙意粉， 朋友都話好食！唯一真係嚇親我的是——————雞扒，食過一次雞扒漢堡， 個包沾到汁的都好鹹，過左好耐再去一次， 因為沒有什麼中意食， 所以點左雞扒薯仔沙律， 又係雞扒， 但係我一廂情願相信可能上次廚師失手， 再試一試， 誰知道仲鹹過上一次！而隔離的薯仔沙律也遭殃， 沾到汁的都好鹹，鹹的程度是平生第一次食到咁鹹的雞扒， 我不是口味比較特別的， 當時想攞一塊雞扒走， 比同事朋友試下。  抱歉， 開始食先想拍照....我問左店員， 佢話佢有試過（真的嗎？） 不過可能鬼佬野先鹹， 呢個是理由嗎？我從鄉村出來的嗎?鼓勵大家去試試雞扒， 或者你會覺得很不錯......

這餐廳位處熟食中心內，前往前早已預計環境不可與高級餐廳相比。這餐廳室內的環境不錯，乾淨衛生，但如果人多時要坐外面走廊，便會聞到其他大排檔的餿水味，這是不能避免的。但要找又抵食又好食的餐廳，自然是有些取捨的。.可是這種環境，換來的是食物的性價比很高。由配菜到主食都是不錯的。換轉在稍有裝潢的餐廳，相信定價應該會在$80-$150之間。所有餐都配什菜餐湯和蒜蓉包。沒有特別，可有可無的，過得去。首先是A餐，皇牌燒雞（$45）。雞算大隻，肉質不錯而且入味。肉質不錯意思是指該滑的地方是滑的，但雞胸當然仍是一絲絲的，並不是海南雞那種滑度。薯王正常沒驚沒喜。跟餐有飲品，汽水/檸茶或奶茶。一個人食會夠飽的，坦白說，這個價錢很難會食到這份雞了。再來是G餐，牛肩肉粒配薯仔（$50）。提提大家，餐牌上所有餐都可以提出轉飯意粉的，而這份餐即使要了意粉，仍有少量薯仔跟餐的。汁偏咸，牛肉粒偏韌，意粉偏淋，但整體是可以的，合格。但！配料中的迷你洋蔥非常好食！有點爽脆口感帶甜味，非常驚喜。同樣會跟餐飲。雞翼是普通的雞翼，配的汁沒什麼特別，不過煎得很好，熱得燙口令雞翼的味道頗為突出，想一食再食。$25有5隻，不錯。政府發

駿業街熟食市場一直都係個臥虎藏龍嘅地方，只要你唔介意街市無咩冷氣，環境唔係高尚，其他有好多有心、有料、好食嘅餐廳收埋係度，呢度唔講咩宣傳，靠嘅只係人傳人嘅口牌而帶來嘅知名度，百里香就係其中一個好例子。非常細小嘅舖位早早就坐滿人，唔係舊同事醒目，一早預約同訂餐，我諗我地應該有排排隊。呢度嘅餐價錢非常親民，所有餐都唔超過$50，仲有餐湯、餐包 同飲料跟，而且冷熱飲同價。我叫左個G餐，法式檸檬牛酒雞扒，配意式牛酒飯/意粉($50)，雞扒嘅肉質都幾嫩滑，外皮輕輕煎過，酸忌廉淋係面，有少少酸椰菜同飯再拌黎一齊食，令口感更豐富。同事叫左A餐，百里香皇牌燒雞1/2隻配燒烤醬跟脆薯皇($45)，燒雞肉質嫩滑，啖啖都係肉，同埋好Juicy入味，配燒烤醬好好食。跟餐有薯角同雜菜，份量剛剛好。係熟食市場搵到呢D野食，真係好正。 

After I am tried the roasted chicken in this place , So delicious and great value 😋Today, I bring my friend and back to the Thyme againWe order the clam pasta & beef stroganoff with rice Overall~ all excellent & super yummyHighly recommend this place for who’s living & working in Kwun Tong

一直都幾中意去熟食市場搵野食，主要因為夠平🙈今次就黎見呢間都幾多人就試下見到menu上面有日期先知原來每個星期既菜式都唔同😳跟餐會送凍飲&餐湯&包，個湯都幾多料～香煎德國牛仔腸配牛油薯蓉&酸椰菜🐮牛仔腸味道較淡，薯蓉同個蒜蓉紅酒燒汁都幾match。不過如果係男仔食就未必夠飽🤔香草醬煎美國雞扒&香甜菠蘿粟米莎莎配脆薯皇🐔雞扒煎得好香，而且肉質嫩滑。而薯角個口感都唔錯，軟硬適中，上菜既時候仲熱騰騰tim不過食完先知呢到最出名係燒雞，下次有機會再黎試下

週六，觀塘區覓食。早已聽聞熟食市場一樓的「百里香」抵食又好味，而週六更會贈送甜品（送完即止），所以這天中午就來試一試。除了A-D餐是固定以外，其他的套餐是會經常轉換，不怕吃膩，而價錢方面為$45-$50左右，這個價錢亦附送蒜蓉包、餐湯及凍飲。除此以外更有分段優惠，在12:30前埋單 或 14:15後入坐減$5，可謂相當抵食！落單以後，馬上送上蒜蓉包和白湯，蒜蓉包雖不熱但脆身，餐湯非常足料。這次試的是黃牌燒雞配脆薯皇，薯角脆身，底下有少量雜菜，總算有點蔬菜到肚。主角黃牌燒雞果然名不虛傳，肉質嫩滑，啖啖肉，撕開雞肉瞬間還會爆肉汁。店裡還很貼心提供膠手套，讓你能直接手撕雞肉，大快朵頤。因為感覺只吃燒雞份量不夠，於是又叫了水牛城雞翼，沒想到又眼闊肚窄了，雖然燒雞只有半隻，但加上餐湯飲料其實很充實。雞翼表皮香脆，肉質同樣嫩滑，可惜入口比平常吃到的水牛城雞翼偏酸，除非喜歡偏重口味，否則可以不用試。週六附送甜品—焦糖燉蛋，口感像慕斯，焦糖面脆，甜度適中，不錯！總結來說，「百里香」相當抵食，唯一缺點是晚市和週日不營業，不便於我這個港島區上班人士，想食燒雞只能待週六中午了。餐牌：

☺今日又去咗百里香食下午茶對於我哋依啲喺工業區嘅上班族，要揾餐好食嘅晏或者下午茶，其實都唔容易咖！百里香係食墨西哥菜嘅，喺香港唔算普遍！而且佢哋喺熟食中心短短嘅試業期間，已經有不少食客嘅胃俾佢哋俘擄咗 💜揀1230前埋單或1415後入座，每個餐減$5🍛又可以避開繁忙時間，食得舒服啲，價錢又抵啲🤑不過建議唔好遲過1530去，因為會打烊咖 😌如果得繁忙時間先可以光顧嘅話，就要睇吓彩數嘞！店內滿座嘅話，就祇有走廊雅座，春秋冬尚可，夏天就。。。💦 唔怕熱嘅人(如我😊) 就唔怕嘞 ☺今時今日，平靚正！餐牌每週更新，仲要有特別菜式，而且又好食嘅餐廳，可以去邊度揾？！❤