百里香 (已易手) 新餐廳

今日中午同女朋友黎食。因為差吾多2點到。 A餐同H餐無晒。咁我地就叫左B餐同H餐。 餐湯味道偏鹹左少少。B餐漢堡包好食。 炸薯角無得頂。H餐對比之下就差少少。d飯好似爛飯咁。 下次早d去。試一下A餐同H餐先。

百里香之名，在觀塘小店榜久以聞名，我久不久也會到訪一次，當然要麼好早，要麼兩點後。由於多數三點才到，基本上有什麼點什麼。送餐湯。白湯，不熱，更似室溫。粉麵奶水，行內叫滾唔透，瀉水。料頭無味，也似白烚。多士法包片，大路叫貨貨色。漢堡包。漢堡肉是調味叫貨熟肉，然而夠熱，算是有心機。包種外脆身，內軟香，不是一般嘉頓貨。跟芝士，酸瓜。薯角三幾條，夠熱新鮮。也許部分地方不足，但對比只是四十多元，包餐飲，已有足夠理由說明為何其門如市吧。

連登仔力推既熟食中心小店， $45-$55(特別時段仲減$5)就包湯、主菜、凍飲，一試究竟！環境位於熟食中心，環境唔算污糟果種，以熟食中之嚟講好企理，衛生情況可以，更加有空調，同埋佢分左兩邊，座位估計都有30-40個。百里香皇牌燒雞1/2隻配燒烤醬跟脆薯皇 $48招牌中既招牌，最好就先打電話留餐，好快賣哂。套餐都包餐湯同凍飲，餐湯忌廉湯係麵撈，太稠太漿口。呢到半隻雞份量，唔算大隻，表面都燒得幾靚仔，但食落好失望，肉嚡口唔香，脆薯皇就正常，係咪過份吹捧？我估只係價錢取勝。德薩斯州煙燻BBQ手撕豬絲漢堡包, 捲心菜及脆薯皇 $48呢份就好好多，手撕豬絲配燒烤汁向來都係唔會難食，麵包烘得夠焦香唔會塌，呢份$48就真係又好食又抵食。水牛城雞翼5隻配藍芝士汁 $25(跟餐加配價)估唔到最有驚喜係雞翼，大大隻，內裡Juicy，外層微辣惹味，$25/5隻絕對要叫！總括而言，咁平係可以一試，但我覺得BBQ手撕豬絲漢堡包可一試，燒雞就唔洗，我仲特登打去訂餐，就算14:15入座都冇得減$5，始終價錢抵，所以不忍比劣評，就比「OK」啦。附：餐牌參考

今日食lunch,同事建議去駿業里熟食市場揾下有咩好野食，上到1/F 見到有間"百里香",之前都係d飲食雜誌聽過佢個名，咁就抱住差極有限既心態試下，咁就叫左個最大路既黑椒雞扒意粉(餐牌寫:魔鬼辣黑椒雞扒意/飯),個雞扒意黎到，見到黑椒汁咁淡色，心諗，大鑊，中伏，黑椒咁簡單既汁都搞成咁，其他點搞，再試雞扒，我唔知點形容，唔係滑，又唔係鞋，但好"淋",唔駛用力咬，未試過咁既口感，怪怪地雞扒係大塊，但唔係滑又唔係鞋，唔知點形容，黑椒汁冇味我心目中既避風塘係有炸蒜，但見唔到，米又係普通炸薯角總結:食完一次就算，未食過黑椒汁冇味成咁，最基本都做唔好，其他算吧

百里香皇牌燒雞1/2隻 $48燒雞肉質嫩滑，切開燒雞肉汁流曬出黎，仲出煙添燒雞無咩調味，要靠醬汁提升；不過隨餐附上既燒烤醬就算認真品嚐都試唔出係咩味 美國橙車打芝士牛肉漢堡包 $55牛肉漢堡扒好厚，份量十足生熟程度拿捏得剛好，肉質軟淋，保留到肉汁，油膩感唔重但無牛味。芝士味亦唔出。酸青瓜爽脆微酸。脆薯皇尚算外脆內粉，但鹹到飛起 忌廉湯普通 蒜蓉包薄切多士、脆口 焦糖燉蛋質感結實，口感creamy;略帶奶香、蛋香冇揸流攤！ 整體而言，食物質素普通，無想像中神級。但性價比絕對超高～

之前食過一次，但無揀燒雞。個frd又話幾好食喎，所以我要食多次，試燒雞但等左幾個月，終於都食到喇今日慶幸地唔使等位，櫈都未坐暖就即刻落單。因為燒雞好快賣曬先來餐湯同包。我鍾意佢個包丫雖然無乜蒜蓉味，但軟脆並存湯就普普通通咁啦。期待已久的燒雞出場喇先試薯角，偏鹹呢間野一貫的味道。加茄汁一齊食，我就可以清曬佢喇上次食軟殼蟹burger都係鹹再試雞，juicy，嫩滑。用手食都仲辣手的好在除左雞同薯角，仲有啲菜。如果唔係，個餐就唔係咁健康喇！個餐仲包一杯野飲，但無叫佢少甜，甜左啲咁囉

網上好hit既一間位於觀塘熟食中心既西餐小店，一心黎到想試最出名既燒雞，但太晏黎到2點已經賣曬😭，只好叫其他野食。每個餐都配上是日餐湯及蒜蓉包，仲包埋凍飲只需$45-55，性價比很高👍🏻🍴大蒜粉及露絲瑪莉香焗雞扒配意粉 hkd50雞扒煎到香口，亦十分嫰滑，好味😋🍴墨西哥雞肉芝士薄餅配紅莎莎 酸忌廉及捲心菜 hkd45賣相不錯，但味道強差人意。食落味道較淡，又冇咩汁比較乾，不太推薦。🍴避風堂薯角 hkd18薯角新鮮炸起，炸得十分香脆👍🏻整體不錯，可惜未能試到燒雞，唯有下次再訪！

往觀塘別人的辦公室處理點工務。特別提早四十五分鐘來到，往駿業街熟食中心內只做午市之「百里香」，吃之前幾次都售罄，此店最受歡迎的燒雞也。上午十一點半不到已幾乎坐滿人，看枱面十個有八個都叫燒雞。我叫的這個燒雞套餐有半隻雞配脆薯皇，連埋餐湯及凍飲，12:30分前埋單減收5元。我11:50吃完走人，只花了$43。CP值果然高！餐湯的忌廉湯，附送一小塊烘過的多士仔，兩者味道無乜特別，我還覺湯稀了一點點。凍飲要了凍檸茶走甜，size中規中矩啦。等了約十分鐘左右燒雞來了。半隻燒雞比燒春雞大一點點，夠飽肚的。雞下面有些蔬菜墊底。雞燒得有少許燶，但也屬可接受範圍之內。跟餐的還有一小杯用肉汁煮出來的燒汁（用英文gravy會貼切一點）。這個價錢當然不會預期雞肉好像一流的慢煮雞或海南雞般嫩滑，但至少雞肶位是滑的。雖然雞胸肉較嚡口，但只要點上那些不太鹹（味道啱我這些愛淡口味的人）的燒汁，可彌補雞胸肉欠濕潤的問題，也不會難入口。其實隻雞整體調味還是可以的，店家還提供即棄手套方便你進食。至於伴雞的脆薯王好香口，尚脆身。 整體來說個雞並非美味到極，只屬合格有餘，但計埋價錢，有咁既質素值得比較讚。但值得一提，呢個燒雞

.📍百里香終於同🐷仔試到呢間連登吹捧嘅高質小店，真係好正，好抵食，高質💯但！🐷啱啱去到冇曬燒雞！！！不過都好比個我地籍口再去！$50有找，有餐湯有個蒜蓉包仔有個set有埋野飲，仲想怎樣！—————————————————————❣️德薩斯州煙燻BBQ手撕豬絲Burger ($48-$5)嘩！一黎到香噴噴，個麵包係有烘過，啲肉絲超juicy😗唔會好難咬痴曬牙咁👏🏻薯角新鮮炸起，熱辣辣脆卜卜，側邊d配菜都好開胃.❣️美國橙車打芝士牛肉Burger($48-$5)麵包都係有烘過！薯角一樣好正，有蓉😗Burger既肉都好好食，有肉味！超香的~—————————————————————不專業評分👅好味指數:4.8/5💰性價比:4.5/5👍🏻推薦:5/5—————————————————————🏡地址:百里香 (觀塘)觀塘駿業街67號熟食市場1樓44號舖—————————————————————#chuchu食在觀塘#chuchu食burger#chuchu西餐#香港美食 #hkfood #852food #相機食先 #香港好去處 #hkfoodie #hkblogger #hkfoodinstag

呢間百里香連登係咁推，見過幾次都好多人排，我就等冇咁多人先去食，叫左bbq burger，佢好多肉絲好夠味好正丫，另外仲叫左個taco，份量係偏少既，啱d食量細既女仔食，佢兩個餐都配沙律菜，餐湯同蒜蓉包，都唔錯4x-5x有set，但食唔到個招牌雞，下次再黎過 

係連登見到有個打手不停推介呢間百里香，網民又日日吹奏「中非打」，既然係觀塘返工，就趁Lunch time拜會一下呢個店。店鋪唔大，連埋外面大約容納40人左右。有好多人係出面等緊，等咗20分鐘先入到去。入去先知燒春雞已經賣哂，要訂。咁唯有轉其他，今次就揀咗墨西哥餅。賣相確係唔錯，不過食落去就太乾，入面啲餡冇咩汁，可能煎得太耐。愈食愈口渴👎🏻👎🏻👎🏻配菜份量太少，同隔離枱食燒春雞個餐形成強烈對比。下次再來一定要預訂燒春雞先，墨西哥餅？不了👎🏻

食物：叫咗個豬肉絲漢堡。幾好食, 啲肉唔會好dry，有汁，好juicy。個包又有烘熱到，食落去成個人都覺得好舒服。佢每個餐都有配一個當同一杯飲品。個湯就一定係是日靚湯咁。正正常常，唔會太水。聽講星期六日會送蒜蓉包，唔sure.上餐會耐少少，因爲真係勁多人。環境：真係好多人。想食最好早少少去line up。會幾逼。不過聽forum啲人講好快就會extend，到時會多好多位。唔sure.值得去嘅，因爲好平，太份，又真係幾好食

同事仔今日帶我去佢飯堂食lunch, 佢話三個字講哂：平靚正係咪真架？原來飯堂嘅位置係響熟食中心入面，遠遠已經見到排哂長龍，好期待喔有8款午餐任君選擇，我揀左德薩斯州煙燻BBQ手撕豬絲漢堡包🍔🍔侍應姐姐先送上忌廉湯＋多士，味道ok嘅，多士脆卜卜等左10分鐘左右，漢堡包黎喇🤗🤗麵包超鬆軟，豬肉撕到好細，無左平時食漢堡包果種大啖大啖咬落去嘅油膩感覺，豬絲夠Juicy, 超正喔薯角新鮮炸起好脆餐飲仲可以揀罐裝飲品再睇下個餐牌，都只係$48咋...下午茶2：30後仲可以再減$5...不得鳥，我好快會再黎架喇😍

平時係觀塘 Lunch 食個西餐連服務費動輒都過百而且質素有時都唔吸引再翻轉頭幫襯 近日見人大推駿業街街市入面的百里香見過都話好多人排隊 所以決定早點出去食午餐12pm 就出去 但已經排哂隊 都等左一陣先有位坐全場坐無虛席 是日餐湯配蒜蓉包百里香皇牌燒雞1/2隻配燒烤醬跟脆薯皇 $48因為好多人都叫左呢個餐 佢地又有好多外賣所以都等左一段時間但真係新鮮出爐 隻雞熱辣辣 雞脾位肉都好嫰滑調味剛好 唔會好似平時的焗雞咁過咸但食到最尾雞胸肉就乾左少少 但都可接受 燒烤醬都係一個點綴 味道剛好 脆薯皇都係岩岩炸好 唔會好油 係觀塘用50蚊有找就食到如此質素 真係無求不過要有心理準備人多 同埋食野的時候會起身比人過阿姐都因為心急催單而有點燥底一個人 或者兩人就剛剛好 唔會等太耐

It’s amazing burger and buffalo chicken wings in there , love the burger load in brioche bun and crispy potato wedge Buffalo wing also awesome with blue cheese dip, it will be great with celery sticks on an side will be perfect Definitely come back again to try other dishes