皇后飯店 (已結業)

今天出席同事婚禮，地點在九龍塘，因下午3時才開始，所以食左午飯先參與，在又一城揾食，見此店不用等位，便入去嚐一嚐。假日午餐有4款午餐供選擇，我們點了白汁燴蝦球意粉。餐包餐湯白汁燴蝦球意粉，粉意彈牙，蝦夠大隻，味道正常，環境比茶餐廳舒適些。

星期六下午去［又一城］食下午茶。一進商場就＂嘩＂一聲，遇到了＂步操表演＂，鼓樂聲震耳欲聾，場面熱鬧，心情也隨之興奮起來😄，原來是［又一城］的 20 周年生日🎂。看完一節表演，想讓耳朵靜一靜，找一個安靜的餐廳吃下午茶，於是來到了位於樓上的［皇后飯店］。［皇后飯店］在香港有著 66 年的歷史，近在北角、灣仔、九龍塘［又一城］，遠在北京都開有分店。飯店的特色是俄國西菜式和地道的香港美食，如今他們不但有飯店，還有餅店，供應自製的紐結糖、米通、皇后月餅、曲奇餅等一些傳統的糖果和食品。［又一城］的［皇后飯店］是一間集餅店及咖啡館形式的 CAFE，這裡既有歷史傳承，又有改革創新，旨在吸引年輕的食客。店內設有專門的貨架陳列糖果及曲奇餅之類的外賣食品🍬🍪。半開半掩著的玻璃門，扎起潔白色的門簾，像一個豎著的大蝴蝶結；門上印有金色的皇冠👑標記；Ｑ字型的門把手…… 這些細節表達了一種懷舊的情懷。店堂內的裝飾並不奢華，可以說是非常儉樸。背景音樂似有似無咁在耳邊輕輕飄過，給人一種漫不經心，優閒自在的鬆弛的感覺😌，這樣的環境很適合聊天。正是因為［皇后飯店］有這種獨特的舊式飯店的風格，所以當年名導演王家衛的《阿飛正傳

今日一個人去左又一城行街，行到咁上下，心血來潮想据据扒，就去左皇后餐廳据据佢，我點左個$290既廚師推介餐，套餐包一杯餐湯，一份薯菜，一份主菜同一杯餐飲~當日飲羅宋湯，吃了法式焗田螺配黑松露薯蓉，肉眼扒同熱檸水一杯~羅宋湯，個湯好少雜菜，少辣，好濃味，唔知係咪落左味精，飲完好口喝~法式田螺配黑松露薯蓉田螺都幾好食，個薯蓉咸咸地幾開胃，但就食唔到黑松露既味道塊肉眼扒都幾大塊下，其實女仔應該食唔到咁大份，男仔就夠晒食塊扒賣相唔錯，肉質幾鬆幾淋唔知點解，我當日order了7成熟，但來到的時候感覺像全熟似的同埋塊扒咸左d熱檸水冇特別食完佢d餐，覺得好口喝

因為地點關係所以㨂咗呢度食, 其實佢嘅食品唔算平, 我覺得佢嘅俄國菜真係麻麻地, 牛扒都無咩牛味肉汁唔豐富, 最重要叫薯菜嘅薯條唔好食, 好硬. 好差咁講Mcdonald 薯條仲好食D, 我覺得佢唔值呢個價錢, 唔去試都無咩所謂

一句講晒！貴夾難食！賣相吾得，味道更差！牛脷吾入味又吾夠鬆軟，d 汁係獨沽一味；吉列大蝦變咗係吉列蝦件，係少少搵笨！A, B, C, D 餐全部都係$140 以上，但d料及買相還比一般快餐店/ 茶餐廰差！件牛扒話要5成，送到出嚟係全熟，咁點解要問我幾成熟呢？仲要侍應好似好趕住要收你隻蝶，都未食完，吾問就收，侍應禮貌也一般般，比咁貴來食這般級數食物，再加埋服務一般，好ANGRY!!!真心 我不like, 除非你不相信我! 完！！

星期六下晝又同Daddy食lunch。今日嚟到又一城，行咗一陣，最後Daddy話：「好耐冇去過皇后餐廳，不如去嗰度！」咁所以我哋就去咗皇后餐廳。當時一點幾，喺餐廳出邊都有一條龍，我哋喺出邊等左約莫10分鐘。排隊嗰陣時Daddy同我講佢話爺爺之前好鍾意去銅鑼灣嗰間皇后餐廳。佢話爺爺最鍾意就係去飲皇后餐廳嘅牛腰湯 - 即係牛嘅腎做出嚟嘅湯。牛腰湯係 cream base 嘅湯。可能你一聽到牛腰湯你就會覺得好騷，但係Daddy話：「皇后餐廳做嘅牛腰湯係完全冇騷味。」Daddy 又話皇后餐廳之前亦都出名食串燒。我都有好耐冇嚟過皇后餐廳，不過我記得對上一次都仲有串燒食。Daddy 又同我講：「以前如果要食西餐，一係就去一啲中式嘅西餐廳即係例如太平館，一係就去一啲俄國嘅西餐廳例如車厘哥夫、皇后餐廳。」我哋一代，可能聽到皇后餐廳個名，第一個感覺就係佢係一間香港式嘅西餐廳，因為一般香港人一提到「皇后」呢個名，你就會諗起「事頭婆」英女皇。但係原來皇后餐廳係一間典型嘅俄國式嘅西餐廳，所以羅宋湯，俄式串燒 shashlik 都係佢哋出名嘅菜式。一坐低睇到個餐牌，原來佢有lunch set。百幾蚊一個，又有湯

又一城選擇真係唔多，以前喺附近返學到而家都係一樣無咩揀。隨便揀咗皇后飯店，見佢有下午茶餐就入去。一坐底睇到menu 就知伏了，揀唔落手。最後揀咗炒貴刁同蟹柳大蝦炒烏冬。炒貴刁係無味的，有好多條河粉仲未炒開，痴埋一叠。好似餸頭餸尾炒埋一碟咁，$100蚊呢個質素真係想喊😭我諗任何一間茶記都好過佢炒烏冬好啲，起碼有味，係基本茶記質素，蝦都有幾粒，都叫ok，但蟹柳係用最平最難食嗰隻款，唔知係咪想有舊香港特色，用都用最貼地嘅材料。埋單二百幾食呢啲🤦🏻‍♀️好無奈

星期六晚上特意走到又一城晚餐，本來想吃旁邊的千兩，經過這餐廳好像坐落又一城已很耐，看看menu不錯似的，便進內試試菜，反正千兩已經吃過很多次。餐牌和店內裝潢都具舊香港的西餐廳特色。廚師推介set包括:餐包，餐湯，前盤，主菜，飲品。 $290/set價錢不算便宜，但質素不錯。餐包是普通的軟餐包，微暖。最有驚喜是羅宋湯，很足料，味道偏酸，但不像一般餐廳很稀，喝下的每羹都有雜菜有牛肉，非常好吃，很岀色失望的是忌廉湯，淡而無味，湯內只有幾粒粟米。店員收碟時看我們白湯淨下一大碗貼心問要不要換個紅湯你們，不過怕吃太飽，便說不用啦☺️前盤 焗青口不過不失，沒有特別的鮮，是急凍青口的質素。只是前盤也沒有要求太高🙂廚師推介set: 主菜 牛柳 (medium rare) 配 意粉牛柳很厚和大份，是烤的，沒有油膩感👍🏻不過似乎火候掌握不夠，似medium多點。醬汁要求另上，味道剛好不濃，不會蓋過牛柳的味道😆😆其餘的配菜是最簡單的白烚，也吃光，不錯新鮮。另外一個是晚餐Set 的主菜: 烤大蝦配薯菜大蝦蝦肉爽口，有炭烤香。下面是番茄味的醬汁，味道也是淡淡的，不會奪去主角的味道。唯一是醬汁把薯菜浸淋了，如果分開上

星期六日又一城下午周圍都咁多人， 俾個下午茶餐牌吸引左走咗入去， 老實講佢個下午茶並不是特別平， 叫一個粉麵連加一都要過100蚊落樓， 裝修係唔錯嘅但係有好重嘅老氣，光顧嘅都係老人家或者遊客為主，見坐低咗服務員又幾好服侍放低咗水，咁就唯有硬著頭皮叫咗兩個下午茶餐，本身真係有諗過直頭離開間餐廳就算，結果叫左兩個下午茶嘅炒粉，一般茶餐廳嘅水準， 但係又一城嘅鋪租，結果兩個下午茶粉就要二百幾蚊啦，都可以接受啦但不會再食

下午茶價錢其實係貴既。$8X 至$1XX 不等。價錢貴所以翻檯慢，明既。有extra 位但唔開，寧願由你喺外面排隊就有點兒那個......食物係ok 既，是次係叫牛扒包。牛扒唔韌，麵包脆。

今日趕交文件OT做完哂就去慶祝一下，食好D對自己好D！結果入咗皇后飯店，晚上8:30入去唔洗等位，叫咗BBQ醬烤豬肋骨配薯菜！姊妹就叫特級肉眼扒配薯菜！主菜未到先送上餐湯和暖暖地嘅餐包，朋友叫忌廉雞湯味道ok，但我覺得羅宋湯就油咗D，辣辣地岩哂凍天氣飲！肉眼扒叫七成熟，但上枱似well done 而薯菜亦比之前食品質差些，可能係晏食D薯菜又硬又細條，明顯係尾貨，扣咗D印象分！豬肋骨好抵食勁大條，上菜時都嚇咗一跳，BBQ醬酸咗少許，都幾開胃！整體來說，品質與之前比較下降，可能同時段有關，大家去食就不要太晏，否則食貨尾！

一排冇尼又一城開飯...查吓有乜東東餐廳…發現咁多年尼…好多間都隱守城中未變…最後我地就揀左…【皇后】!!餐廳設計走典雅路線...用色裝修簡單帶點格調…環境令人感覺光猛舒適的!!!...坐低冇耐…望吓前面杯清水…玻璃杯有黑色一抹污積…!!! 印象有少少打折扣!! …請人換呀...服務員吾好意思都冇句的…望望攞走就換上另一杯……Anyway………..假日午餐簡簡單A, B, C, D 4款...百元以上, 跟湯及餐茶…我地點選左兩份雞, 一份魚…先上羅宋湯…料足濃厚, 傾甜…可能就係大量o既胡蘿蔔吧!!...跟湯o既餐包帶微温、軟熟…而上菜o既速度奇快...湯都未飲完...男服務生就雙手提著3碟主菜走到前來...我地還未反應得切...耶!!...藤空枱面D位咁o既舉手之勞時不時都主動做點會計較啦!!...問題係…只要係有禮專業點o既服務員都會笑笑…同客人講聲吾好意思, 吾該幫手移移之類吧?! …而哩位服務生面無表情一聲不響站著等我地o既態度…就覺得禮貎上好扣分唷!!! 上菜急…好容易就帶動人心急…總怕一下子食物都會放涼呀!!...誰不喜歡新鮮熱騰騰o既食物呢?!...Anyway, 試主

雖然生日都要返工，但收12點鐘，仲有個下午時間去睇戲。由於返工地點喺九龍塘，食飯睇戲最就腳首選係又一城。喺又一城一個人食飯其實無乜選擇，今次揀咗皇后飯店。餐單例牌五揀一。我揀咗沙律。

現正在吃飯中. 我的洋䓤湯. 英皇雞飯的汁和白飯三樣一齊上. 以為是在湾仔茶餐廳食快午餐. 我食完全桌其他人的主菜还在等. 中高级消费. 茶餐廳服務, 洋葱湯有水準. 英皇雞飯不及大家樂.

黎開又一城買嘢， 買完嘢又係呢度搵下食先。 八點幾鐘成個又一城都好多人，本來想去千両食sushi， 但係要等十幾二十張枱 ，最後都係轉去隔離的皇后鋸扒。第一次入嚟皇后鋸扒 ，整個感覺比我覺得呢度好似係高級版 嘅花園餐廳， 不過牛扒質素當然好過花園好多。晚餐牛扒餐價錢大約係三百蚊之內。先嚟餐湯羅宋湯，羅宋湯夠酸仲好多料。然後係大蝦千島醬沙律，不過千島醬實在太多。主菜係五成熟牛柳配薯菜， 牛柳味被蘑菇汁嚴重蓋過，如磨菇汁另上相信會更好。另薯條好香脆好味。最後有杯coffee or tea ，埋單連加一$320。