皇廷工房點心專門店 (已結業)

坐低第一眼就亂到d 碗好油，都算啦，抹下都用得。叫左皮蛋瘦肉粥+牛肉腸同沙爹牛肉麵+炒蛋兩個餐 D食物真係不得了粥少料都算啦，牛肉腸冇幾舊肉都算啦，但係腸粉本身係梅架，好似蒸左勁耐咁，細細力一夾就爛左個沙爹牛麵先神奇，食落去係酸架，完全理解唔到沙爹牛有咩成份會令到佢酸🤷🏿。麵本身係一丁，而且煮得唔錯，似即煮，有返d 咬口，唔錯炒蛋唔錯，幾好食，有松露味，唔錯咖啡冇咩味，似係落左勁多淡奶，飲落去似直接飲緊淡奶咁

同事話想食盅頭飯同點心，一行4人去皇廷食午飯。4個人叫咗個4人套餐，分別有4煲飯、4個點心再加4杯飲品。套餐要$214，另外再收$5一位茶錢。同事叫嘅肉餅飯同牛肉煎蛋飯上檯先，個樣已經唔係咁靚，點知個鳳爪排骨飯黎到，仲衰過已經上檯嗰2煲飯！究竟係唔夠餸賣夾硬將一份餸分開兩煲？定係本身個份量係得咁多？以前黎食都唔係咁少，乜而家差成咁！啲杯杯碗碗污糟都不在話下，而家連啲食物都咁樣，想點先？ 由於當時仲有4個點心未到，所以都無要求換，但係貼錢都唔會再去食。

不會回頭吃的點心店(｡ ́︿ ̀｡)突然想吃點心 經過所以試下午市時間 但客人不多只有三兩枱(｡ ́︿ ̀｡)點心非常普通連鎖店比它更好吃(｡ ́︿ ̀｡)🔸皇廷蝦餃皇(3粒) $28蝦餃皮很粉 完全不彈牙🔸 蟹籽燒賣皇(3粒) $24燒賣非常細粒 蒸籠很大 燒賣很小很重豬肉味 難吃🔸鮮蝦菜苗餃(3粒) $26一樣皮很粉 不彈牙菜苗非常淋 梅梅的感覺蒸得太老 或是菜不夠新鮮🔸鮮蝦腐皮卷(3件) $28脆口多蝦 但很油油到反光午市優惠價加配~🔸鹹蛋肉餅飯+豉汁蒸鳳爪 $54配飲品一杯肉餅一般 連鎖店更好吃鳳爪正常不過不失 🔸蟹粉小籠包(2隻) +$13偏乾 賣相不吸引吃不到蟹粉的味道🔸流沙奶皇包(2個) +$28普通 麵包皮不夠鬆軟感覺中伏以後不會再吃(｡ ́︿ ̀｡)勁肚餓時吃 也覺得難食就是真的難吃不好吃 也沒有拍太多照

點心癮起，午餐時段係觀塘揾左間點心工房試下👉🏻茗茶每位💰$5。🐒香茜牛肉腸💰$26一碟有3條，唔算好多餡料，都冇乜芫荽味同牛味，係牛肉球咁既質地。🐒蜜汁叉燒包💰$22上枱嘅時候熱辣辣食好正，啲餡係有少少流心咁，叉燒份量都算多。🐒午市套餐(鳳爪排骨飯+蟹籽燒賣皇+飲品)💰$54🐒皇廷蝦餃皇💰$28全部野都普普通通啦，想食點心都可以去止下癮，價錢都唔算貴。

午市套餐 $54 （點心+主食+飲品）🐽柱候牛腩米線雖然呢度係專食點心，但個米線都整得幾好，個樣幾日式，湯底係豬骨湯，好夠鹹，牛腩都有6-7舊，而且唔韌，仲會有半隻蛋、粟米同白蘿蔔，米線軟硬度都煮得岩岩好😋🐽家鄉蒸蘿蔔糕本身係想食煎蘿蔔糕，但套餐冇得揀，所以就試下蒸既，估唔到蒸既味道都唔錯，更加食得出蘿蔔既香同甜味，配上甜甜鹹鹹既豉油，食落更有層次😆🐽風爪排骨飯飯粒好好味，做到粒粒分明，排骨都好入味同有肉既口感，最怕啲餐廳將啲排骨la到好淋，鳳爪調味都好食☺️🐽蟹子蒸燒賣有3粒，雖然唔係好大粒，但粒粒都好多肉係入面，好滿足😌口感唔會鬆散🐽蜜汁叉燒腸粉 $28就咁睇好似冇咩餡咁，但食個陣就啖啖都食到叉燒，加埋甜豉油超正，個皮薄多少少就會更加好🙈🐽皇廷蝦餃皇 $28都係有3粒，裏面好多蝦肉，夠爽口彈牙😜🐽鮮蝦腐皮卷 $28皮做到夠薄夠脆，炸到好香口🤩🐽凍檸茶 & 凍柚子蜜

星期六放假，約埋爸爸媽媽飲返個傳統飲茶🍵但又唔想去茶樓咁單調，就揀左敬業街嘅皇廷點心工房🍱#蟹粉小籠包🥟包住湯汁，記得趁熱食 #柱侯牛腩米線🍜蘿蔔牛腩入曬未，份量滿滿#蟲草花蒸雞飯🍚砵仔蒸飯，火侯十足，份量滿滿#雞肉雲吞米線🍲5大粒雲吞。湯底香濃#鵪鶉蛋燒賣 🐣唔係度度有得食，回憶中的味道豬骨湯鮮竹卷🥠好多湯，夠結實美味鮮蝦菜苗餃🦐晶瑩剔透，皮薄餡靚。地方四正，坐得舒服唔會太迫☺️ 3大1小， 3人午餐（一主食一點心一餐飲）🍷加4粒蟹粉小籠包加埋碗油菜🥬賣單只需238，好抵食，經濟實惠🥳其實我仲想食埋雞翼同腸粉，不過太飽，下次再嘗吧😋

想食點心唔一定要去茶樓架😏😏今次同大家介紹呢間觀塘既點心專門店～～價錢親民之餘，選擇都好多！早市同午市都有套餐優惠，一個人都嘆到一盅兩件～真係超抵食🥳🥳🦀蟹粉小籠包(2粒)  $26✨小籠包用左錫紙兜住，可以方便夾起冇咁易漏汁～～裡面既餡好鮮甜，咬落仲好juicy！趁熱食係最好味🤤🤤🥟皇廷蝦餃皇(3粒)  $28✨蝦餃皮薄餡靚，裡面既蝦仁彈牙多汁，都幾大隻！！一啖一粒好滿足😋😋🍘蟹籽燒賣皇(3粒)  $24✨燒賣比平時酒樓既細粒少少，但味道都唔差～～面頭有幾粒蟹籽做裝飾，食落肉質爽彈，夠鮮甜❤️❤️🥘豉汁蒸鳳爪  $22✨鳳爪煮到好腍身，好入味！！醬汁味道唔會好鹹，都幾好食🤤🤤🐷蜜汁叉燒腸粉  $28✨腸粉外皮滑捋捋，厚薄適中～～叉燒粒唔會好硬，淋上甜豉油後更滋味👍🏻👍🏻🍮養顏紅棗糕  $22✨最後要試埋我最鍾意既紅棗糕😍😍口感好煙韌！味道唔算好甜，帶淡淡既紅棗香～～下次想試埋其他點心呢❤️❤️

約左朋友黎皇廷飲個下午茶，兩點左右黎到，過左lunch hour唔多人，一黎就有枱。朋友未到，睇下食咩先，原來有午市套餐，一個主食配一個點心，仲有奶茶咖啡送都係五十幾蚊，抵喎。除左午餐，仲有下午茶餐，菠蘿油薯條個啲，嘩嘩，比預期中多野食呢。最後決定叫幾個點心飲下茶傾下偈，先上呢個燒汁釀尖椒，上枱時幾香喎，尖椒一隻辣兩隻唔辣，個人鍾意食辣，不過呢啲都係抽獎黎，哈哈。上面係墨魚滑，好彈牙，加埋甜豉油好好味呢。再黎有蒜蓉蝦春卷，個個都鍾意香口野嘛。外皮好脆，內餡超熱，好香蒜蓉味，啖啖蝦膠正喎。以下蒸點一次過到，即叫即蒸嘛。先食籠皇廷蝦餃皇，蝦超爽，大大粒好飽滿。松露野菌餃如其名呢，好香菌味，食落鮮味回香，正喎。鵪鶉蛋燒賣又係正，下面的肉好鮮味，蛋綿綿的。仲有豉汁蒸鳳爪，呢個有啲失望，一黎唔夠汁，二黎鳳爪未夠淋又未入味，扣分。最後係甜品香滑薑汁糕，好滑又夠薑，正。順便一提，店內用呢款辣椒油，超正，夠辣又香！小店收四半，食到三點尾已經無客了，環顧下店內，坐位都唔算少，仲有啲向牆位，自私食都幾好吖。

觀塘工業區其實好多好嘢食，想lunch快快飲個茶食個包嘅地方其實唔係太多，咁晏同同事搵到呢一間點心店，我哋一於試吓。.入到餐廳睇吓個價錢牌，價錢都相宜.個午市set可以話幾抵食，五十幾蚊有set lunch ，可以有飯有點心又有飲品，可以食過飽飽。．腐皮卷炸得香脆,入面既鮮蝦好爽口，聽餐廳員工講原來佢哋的腐皮仲係自家製添。💕💕😊.蝦餃同腸粉都有洒樓級水準，皮薄餡靚❤️.下次lunch 要帶同事試吓👍

觀塘工業區咁多人返工好西當然多，但可以飲個茶食個包既地方好似又唔多但終於比我搵到呢間，又抵食物又唔錯既點心嘆一嘆食物選擇都唔少，價錢都相宜而佢呢個午市套餐都可以話幾抵食五十幾蚊就可以有飯有點心又有飲品下次放lunch黎食下先鬼馬炸兩腸油炸鬼都幾脆，腸粉皮好薄，兩者加者口感好好配埋甜醬同豉油就更正蒜蓉蝦春卷炸得好脆，入面Ｄ蝦又多又彈牙蒜蓉味好香古法馬拉糕勁大個馬拉糕，幾乎同個蒸籠一樣大而且係原個既，唔係平時大大件切開果Ｄ口感勁鬆軟，睇下氣孔都知而且甜度剛剛好鮮蝦腐皮卷腐皮炸得金黃香脆入面既鮮蝦多又又鮮甜口感爽脆唔會油膩香煎蓮藕餅又係煎得好香脆得黎唔會過油入面粒粒既蓮藕好有口感喇沙牛柏葉用喇沙黎整牛柏葉做點心真係聞所未聞又估唔到咁夾喎喇沙味又香又有層次層層既牛柏葉索晒Ｄ喇沙汁，勁正勁惹味

《皇廷工房點心專門店》又到點心時間🤣 陪屋企人嚟咗呢間點心專門店！佢係有午市套餐，飯/米線+2款點心+2杯熱飲都係$108! 幾抵下！🍭鵪鶉蛋燒賣(跟餐，原價$26)🍭鮮竹牛肉球(跟餐，原價$24）🍭皇廷蝦餃王($28)🍭蒜蓉蝦春卷($28)🍭蟹粉小籠包($26)呢度有少見既鵪鶉蛋燒賣😍 總共一籠有3粒～ 有成粒鵪鶉蛋喺上面！食落好香口！推介！牛肉球屬正常～ 蝦餃王同埋蒜蓉蝦春卷我屋企人好鍾意食🤣 我就覺得啲蝦未算好新鮮🙈 蟹粉小籠包就食唔到蟹粉🧐 有啲想問係咪嚟錯最後都係放棄😂 不過就咁個小籠包係好食既！🍭柱侯牛腩米線(午市套餐)🍭雞肉雲吞米線(午市套餐)佢地話冇米線供應轉米粉得唔得，我地冇咩問題～ 牛腩都幾嫩口幾好食～ 反而雞肉雲吞就略為普通，但雲吞份量都幾多！

假日去酒樓好多人，成日等好耐位。如果想食中式點心就可以考慮去啲茶餐廳式小店。星期六去到唔使等位，有多款點心選擇，仲有好抵嘅午市套餐。午市套餐 $54可揀一個蒸飯、一個點心及飲品。揀咗鹹蛋肉餅飯。肉餅好似打到起膠咁，入口李林身。鹹蛋黃另外放喺面，硬硬一個圓形～ 加埋豉油，唔大食個蒸飯足夠兩人食。加$8仲有油菜，是日係生菜🥬跟餐揀咗燒賣，一籠有三粒，燒賣較細粒，豬肉肉質結實。另外仲有好多點心，我哋想叫咗幾款。蝦餃我覺得最好食，一籠有三粒，蝦爽口。尖椒餡料夠飽滿，油份較多。蟹粉小籠包一籠兩粒，小籠包餡嘅豬肉好似一粒肉丸咁，有少少湯汁。喇沙牛柏葉，一籠大約四至五件牛柏葉，喇沙夠味。茶錢$5一位，呢度嘢食平，所以都唔會要求太高。

估唔到喺觀塘嘅工業區都有間點心店😚價錢都唔算貴 打工仔放𝒍𝒖𝒏𝒄𝒉都可以嚟個一盅兩件😎.📌香煎蓮藕餅 $24煎到金黃色 好香口好脆 入面有啲蓮藕粒同埋瘦肉🤤佢哋應該係用咗雲吞皮去包住煎 唔錯🥰點埋喼汁 酸酸地咁樣仲正😋.📌蟹粉小籠包(2粒) $26冇乜蟹粉味 入面都係得舊肉🥺幾冧 建議趁熱食🔥如果唔係乾左 就會痴住錫紙兜🙈唔係幾好食👀.📌蟹籽燒賣皇 (3粒) $24𝒔𝒊𝒛𝒆偏細粒🧐入面有啲冬菇同埋豬肉 比較乾 一般般🤣.📌香芋蒸排骨 $26平時出面飲茶啲排骨可能會好肥好難咬 但係呢個係偏瘦嘅 唔錯😚芋頭都幾多 但係有少少叔味🤏🏻.📌豉汁蒸鳳爪 $22鳳爪偏細隻 但係味道都幾好食😋唔會好鹹 可以𝒆𝒏𝒄𝒐𝒓𝒆👍🏻.📌鳳爪排骨飯 $38排骨同鳳爪都好細粒🤣啲飯好爽口🍚因為排骨同鳳爪本身都有鹹味 加埋一齊食已經足夠 唔落豉油個味都𝒐𝒌😝入面嘅鳳爪甜甜地 冇一籠嗰隻咁好食😢.📌上湯雞肉雲吞 $28雲吞皮好薄好滑 入面有啲雞肉同埋娃娃菜😌個湯唔建議飲 好鹹😂睇落好似好清淡咁 但個雲吞都好入味😍.📌擂沙煎堆球 $26個皮好厚好脆 入面係芝麻蓉 飯後甜品 呢款唔錯🖤

觀塘敬業街果邊有間專食點心嘅點心專門店，由於位於工廠區價錢好平民，例如早晨孖寶，$37就可以揀兩款指定點心加一杯熱飲。環境都幾新潮。如果午市套餐 ，一個飯/米線再加一點心一杯飲品都係$54。難得有懷舊鵪鶉蛋燒賣，鵪鶉蛋好香口，加埋豬肉餡，有別於一般平時食嘅燒賣，口感特別，味道豐有特色。喇沙牛柏葉，喇沙牛柏葉都係第一次食，約濃味同惹味，份量如果再多啲就仲滿足。菜苗餃包得好靚，脹卜卜好似一個元寶咁。菜好新鮮，蝦肉夠大粒。小籠包，用咗錫紙托住嚟蒸，就唔怕夾果陣時啲湯汁倒瀉。good! 肉味鮮甜有好多肉汁。😋整體食物質素：4 / 5💰性價比：4 / 5👍推薦指數：4 / 5

本身以為點心專門店就會好貴，點知入到去先發現係相反，價錢比想像中平好多。都有好多上班族幫襯。裝修走年青化路線，坐位就類似茶餐廳。蝦腸粉比較特別，係用蝦膠做餡料，少少彈牙，腸粉皮薄又軟糯。我覺得幾好喎。懷舊鵪鶉蛋燒賣，見襯都會叫，平時比較少食到。鵪鶉蛋同豬肉餡撞埋一齊，香而不膩。松露野菌餃，好多餡，滿滿菇菌，味道好香，外皮厚薄適中，鍾意食菌類嘅人會好喜歡。充滿肉汁嘅小籠包，可以用手拎起錫紙嘅部份嚟食，雖然皮唔夠薄但咁多肉汁都加咗分，滿意嘅。