皇朝私房火鍋

營業中

休息中

天氣又凍啦!我呢個打邊爐怪又不停call人陪我,但事實,好多女仔都覺得打邊爐好麻甩,又熱氣,唔陪得好多次......上星期我朋友去左皇朝食飯,見到隔離枱個火鍋爐好過癮,一問之下,原來這裡是香港第一間有蒸氣火鍋的地方,感覺都幾得意,就約埋我地去試下呢個火鍋!食店o係巷仔入面,感覺比較寧靜,個人覺得比較難搵的終於人齊,店員都有輕輕解釋一下原理,我初頭都係唔明,只見佢o係鍋底放了一些浸過的白米,再放上一個有孔的鐵片,再在上面放上一片荷葉,著我們把食物分大小,放在荷葉上,蓋上鍋蓋計時,每種不同大小的食材都有不同的時間控制,響鬧秒鐘幫忙計時....先放上不同的貝類食材,時間大概都是2-3分鐘就可以,每一次鬧鐘一響我都會嘩一聲,因為係睇住佢地爆開殼!!花甲,沙白都係充滿海水味!鮮味滿分!!!正呀!!!!原來荷葉係令到有荷葉香,仲有隔沙的作用!令沙不可以直接掉到下層.....剛剛開口的貝殼,海水依然都在殼上,不要浪費喔!除了貝類,仲有瀨尿蝦,都係隻隻揀手,大小不是超大碼,但難得每隻都有蝦膏,而且時間控制得宜,只是剛剛熟,膏也是軟身的!花蟹也不是超大隻,但隻隻都充滿蟹膏,食的時候仲有少少流心效果!除了

來到紅磡本來想食日本野，但太多人要等位，就四圍行下。行到皇朝門外俾個靚女知客誠意打動就試下呢種特色火鍋。食材 全無部本地海鮮，用上此食法份外鮮味，而且配上荷葉份外清香。最正斗係個道清蒸大白鱔，蒸3分半鐘剛剛好，入口彈牙，肉質鮮甜。最後配把各種海鮮的精華經蒸氣流進煱底，一窩鮮甜河鮮粥便制作完成。

香港午餐真係愈來愈貴, 位於橫街內的小街的一間不起眼的店, 午餐$38, 其實不算貴, 但份量與材料就顯得有些少小家.午餐, 台式炆排骨飯, 三、四件豬肉, 加了一、兩件瓜菜, 如圖, 飯不熱, 但都算夠暖, 味道是可以的, 但如此份量…. 還好… 醫生提議"小吃多餐", 今天可以有下午茶了.

過去紅磡搵幾個老友食晚飯，大家都冇乜意見唔知食乜嘅時間，行到簡陋後後巷崇志街見到裝修”是”正，環境整潔嘅私房火鍋店。原來依間火鍋都喺新開無耐，其中一個老闆親自招呼我哋，仲推介咗幾度特色出品俾我哋添。真喺唔講唔知，小弟一直都唔知”蜑”依個字點讀，原來喺讀旦或鄧，蜑家人即喺水上人嘅稱呼，喺香港其早期開埤其中一種特色嘅生活文化。作為 80 後嘅我，真喺估唔到難得仲有機會試到正宗嘅蜑家菜。因為老闆好鍾意出海釣魚，舖頭大部嘅海鮮都喺釣返嚟，絕對唔喺漁排自養或落網網返嚟！我好奇咁問老闆釣返嚟嘅魚同養魚或者網魚有咩分別呢？老闆就話食過就知，所以今次老闆拍板，由佢話事叫咗幾度出品，包括《厚砌野生鱆魚刺生》、《厚砌野生紅廣刺身》、《秘製辣雞鍋》、《艇仔蒸三寶》、《煎咸碼頭》。因為喺野生嘅鱆魚，肉質比較彈牙，而且好有魚味，同喺日本壽司店食到嘅魚生完全唔同口味。唔需雪凍都食到鱆魚嘅新鮮。第二條刺生喺紅廣魚！聽老闆講，紅廣魚本身爆炸力強，運動量高，肉質更彈牙。咬落真喺“索索聲”！食完依兩度餸發覺其實食魚生，唔一定只食日本魚！老闆話佢地嘅雞煲又喺主打，好就問喺咪四川重慶雞煲咁架？佢又賣關子咁話，你食過咪知囉！味