皇甘栗鮮炒乾果專門店

營業中

休息中

呢間舖頭本身係專業炒粟子嘅，但最令人驚喜嘅一定係佢哋嘅自家製雪糕！🍨 口感軟滑，而且有好多選擇，仲有一啲特色口味（例如話梅同陳皮！）。香脆開心果（$48/杯）推薦！唔止得開心果「味」，而係真·開心果！🥜 每啖都食到超新鮮開心果仁碎，堅果香氣滿滿，鍾意果仁嘅朋友一定要試！好滿足🥰。粟子雪糕球（單球$35 / 雙球 $55）天然粟子味，好啱鍾意淡甜口味嘅你～ 仲有少量粟子粒粒，口感更加豐富！。餅筒：朱古力窩夫好香朱古力味嘅脆筒，而且係薄脆餅feel，完全中晒我口味！雖然價錢唔平，但都好值得一試！食兩球或以上抵好多，可以參考餐牌右下角🤫🍽️皇甘栗鮮炒乾果專門店有限公司📍大埔寶鄉街51號B舖人均消費：<$100推介指數：⭐️⭐️⭐️⭐️

以為呢間賣栗子，點知雪糕咁出色有好多新奇口味嘅雪糕eg 生薑、陳皮、話梅單球 $35 ｜雙球 $55上網見其他口味都出色我同表姐就揀左焙茶同玄米茶我嗰個食嘅時候有好濃焙茶味(⁎⁍̴̛ᴗ⁍̴̛⁎)Aftertaste 茶味又會慢慢滲出表姐話玄米茶都係好重茶味ε-(´∀｀; )真係食到底都仲有好多雪糕雪糕搽滿整個甜筒🙂‍↔️但無影到餅筒有得揀款我地揀左朱古力係好香朱古力味嘅脆筒(˶‾᷄ ⁻̫ ‾᷅˵)PS 如果佢出抹茶味就好了(⁎⁍̴̛ᴗ⁍̴̛⁎)

📍本地製開心果雪糕(+焙茶雪糕)💰: 68呢度有冇大埔人？由讀書時期開始食嘅皇甘栗栗子🌰同涼果(暴露年齡系列)搬咗舖位之後近年仲開始賣埋軟雪糕🍦今次試咗開心果雪糕同焙茶雪糕🍨老實講好睇你係雪糕派定果仁派店家嘅開心果雪糕唔算係好濃嘅開心果*味*雪糕反而有大量嘅開心果*果仁*另外焙茶雪糕嘅焙茶味比奶味濃🍵反而比最出名嘅開心果雪糕更加出色👍🏻⭐️Like Facebook/IG仲可以減$3

超級多人排隊，等咗差唔多20分鐘先有得食，叫咗杯裝，雪糕球size係正常！🍦脆開心果 雪糕/ 追加時令雪糕一球 $68like 社交平台可以減$3！有啲貴Gelato 價錢，栗子幾清新有栗子嘅香味，仲有啲栗子粒粒幾有咬口，雪糕嘅質地係似冰咁嗰種唔算太滑！開心果味雪糕係淡淡嘅開心果味，主要開心果味來由開心果粒🤣如果冇咗開心果粒又真係會好淡！推薦指數: 8/10味道唔錯，值得一試嘅，不過價錢比較貴！

同男朋友專登入大埔搵黎食，見社交平台多人討論，心思思。叫左兩個口味，一個脆脆開心果，一個脆脆榛子。哇，好味！😋我地兩個一致認同開心果好正好正好正🙌榛子味好似啖啖繽紛樂，都好味好香濃。兩個口味都冇油溢味，好香，好濃，一啖接一啖，停唔到口。口感好creamy，同時久唔久又食到脆脆，食到底都仲有雪糕，最底仲有朱古力，正👍🏼好滿足！我地兩個企係店舖入面食，因為唔算太多人。但見住keep住有人入黎買雪糕食。見到唔少人買pack好左既杯裝番屋企同家人分享。不過見價錢都唔平嫁。我會再專登去買黎食👍🏼

娘親問我為什麼近來沒有寫食評，好的…我就寫雪糕。😂受到面書群組荼毒，近月我對開心果雪糕產生濃厚興趣，10月頭在西九龍中心吃過一杯華而不實的，之後死心不息想再找一個更好味的。😛然而今天終於找到了，開心果雪糕加上滿滿的開心果碎果實，還有朱古力窩夫雪糕筒的襯托，開心果味道和口感雙重夾擊，這雪糕可以用精彩來形容。😋雖然吃得出用料不及上次西九龍中心的那個高級，但這雪糕反而令我的嘴饞感得到雙重的滿足，今次這個雪糕完勝！✌🏻

難得過去大埔就緊係去試下，之前都好多人介紹。食佐話梅味雪糕🍦有驚喜！真係有話梅肉係入面，但都唔會好酸！好好食走嗰陣仲買佐啲零食😂✌🏻琥珀合桃，蒜香豬肉乾，黑芝麻酥呢3樣係我最推薦。

專登去大埔食雪糕，有驚喜！開心果味係超級多開心果粒話梅味居然係有大大舊話梅肉！酸酸甜甜真係好好味！培茶我就覺得偏苦 最後又食多個話梅味軟雪糕面層有話梅粉 無果肉相比之下 話梅味雪糕球係濃味好多好食好多

食過好幾次，真心大推開心果雪糕。雪糕奶香十吹，重點會食到粒粒開心果仁，難得開心都係靚既，唔會有擺咗好耐既油益味，令我最滿意既其中一點係食到筒底係仲會見到開心果粒，成件事都好令人感動！

近年雪糕店大行其道，各間店舖都有各自的獨特配方，為求在雪糕界佔一席位🍨而這次介紹的皇甘栗就憑著真材實料和獨創口味，在這雪糕競賽中成功跑出🐎———————————————————————開心果 🌟🌟🌟🌟眾多口味中必試的當然包括大熱開心果🔥雪糕本體質感順滑，奶香味重🥛甜度適中，但開心果味就不算特別突出🧐不過店家在雪糕當中混合了大量炒香過的開心果仁🤯果仁非常香脆，帶點鹹味，為雪糕增添開心果香之餘亦令雪糕口感變得豐富😊陳皮🌟🌟🌟🌟🌟陳皮雪糕入口酸甜，陳皮味濃，非常開胃😋而作為一間涼果店的出品，雪糕當中還混合了一粒粒的甘草陳皮，咬口十足，亦令雪糕更添果香😇焙茶 🌟🌟🌟🌟焙茶味十分香濃🍵茶與奶的比例得宜，有少許甘苦味得來奶味又非常突出，相信大部分食客都應該會覺得滿意👍🏻———————————————————————雖然皇甘栗的本業是售賣堅果乾果為主，但其雪糕亦製作得相當出色🥰加上各款口味都以真材實料炮製，絕無欺場🫡難怪會吸引那麼多雪糕控特意來朝聖🙇🏻‍♂️

終於再去大埔皇甘栗🌰！除咗買涼果同零食之外，山長水遠入嚟就係為咗食雪糕🍦。上一次食過脆開心果真係一試難忘，今次encore之外再試多個味，都係好滿意，如果市區有分店就好啦！香蕉焦糖香蕉味同焦糖味都好突出，係同時好清晰咁食到兩個味，唔會覺得是但一個蓋過另一個味，好平衡好夾，👦🏻揀呢個真係有驚喜。香脆開心果店員係即時打碎開心果加入雪糕，然後撈勻再裝起，所以開心果碎係保持到新鮮香脆，而雪糕係好重開心果味，所以每一啖都會食到雪糕同開心果碎。睇Menu佢哋有20幾個口味雪糕，不過每日供應唔一樣，開心果同栗子應該係主打，其他口味可能就要去到先知喇！

一入去已紅驚喜十足,多款涼果､堅果嘅產品,令人花多眼亂!想立即掃貨,雪糕仲有｢雪糕球同軟雪糕之分｣,今次為試開心果,梗係揀雪糕球先,真係即時加勁多開心果落去,啖啖都勁有口感!朋友推介話梅軟雪糕､但軟雪糕同雪糕球拼唔到,咁我第二球就揀雪糕球版嘅話梅雪糕!果然喜出望外,話梅肉又係多到食極都仲有,酸酸味味同開心果相映成趣!連個筒都有四款揀,我揀咗竹炭威化筒!同朋友食完已經想再下次再入大埔食!#UCreator #打卡美食 #相機食先 #夏日肌膚急救法寶 #chill賞遊世界

專程為左開心果雪糕,今次三訪‼️店舖除左賣炒栗子和涼果乾果外,仲有雪糕🍦開心果雪糕$45開心果雪糕配多一球雪糕$62我叫咗開心果配朱古力雪糕有滿滿嘅開心果碎😍再用自家即炒嘅開心果混入開心果雪糕中🍦食落仲有香脆口感,層次豐富,即炒既開心果真係好香,有種鑊氣既香真係食完好開心😆😆至於朱古力雪糕有驚喜🙊Dark chocolate 好香濃🍫*社交平台讚好減$3📍大埔寶鄉街51號B舖⏰9:30 -20:30

係一間涼果店，竟然有咁出色既雪糕🍨🍦⭐️香脆開心果雪糕$45為左唔想同其他味既雪糕溝埋一齊，今次只係揀左單球開心果味。店員會即場將自家鮮制開心果壓碎倒落雪糕到撈勻，濃郁既開心果雪糕加上滿滿既開心果仁碎，口感非常豐富，每啖都食到開心果仁碎，絕對係真材實料。難怪比其他味雪糕貴，但真係值得既😋❕開心果控必食推介❕⭐️話梅雪糕$35見Menu上有兩款話梅味雪糕，一款係雪糕球，另一款係軟雪糕。問過店員兩款既分別係雪糕球款係食到話梅肉，軟雪糕款係將話梅肉混落軟雪糕入邊，二合為一，食唔到話梅肉既。由於覺得好新奇就膽粗粗叫左雪糕球黎試下，雪糕入邊充滿著話梅肉，酸酸甜甜好好食，估唔到咁有驚喜😃⭐️雪糕筒都有四款揀原味窩夫/朱古力窩夫/竹炭威化/威化✨認真有誠意啊✨最後想講，店內每一個店員都好親切又有禮貌，店舖又乾淨衛生👍🏻值得一讚👍🏻

前幾日放假去大埔比賽 特登去埋bookmark左一段時間嘅人氣雪糕店😗餐牌上總共有多達20款口味選擇!!有幾款雪糕(香脆杏仁 栗子軟雪糕…)只會係星期六日先會供應 想食可以到店前先查詢一下～｜脆開心果 栗子雪糕🌰($68)開心果同栗子充滿碎粒 開心果比栗子更出色見到店員即時將碎粒混合雪糕 真材實料雪糕份量比想像多 口感creamy 唔會過甜夏天雪糕溶掉速度較快 建議準備定紙巾🤣｜榴槤雪糕 ($35)榴槤味香濃而清甜 散發強烈榴槤香氣!!!先食其他口味雪糕再食呢款品嚐原汁原味😝竹炭雪糕筒有淡淡黑芝麻味 仲有朱古力醬