皇轎印度餐廳 (已搬遷) 新店位置

話說老豆落左指令話父親節想食異國菜，加上佢又鍾意食印度菜，所以就揀左呢間5年前黎過既印度餐廳。對呢度印象深刻係因為幾年前食過覺得幾outstanding。我哋叫左好多野食，其中炭燒雞(tandoori chicken), 炭燒大蝦同茄醬秋葵特別好食。其他都好食，性價比幾高既一間餐廳。唯一需要改善既就係上菜時間太耐，落左單差唔多要等半個鐘先有野食，因為佢地想一次過上晒所有菜。仲有咁岩坐個個位冷氣好大，所以個度食飯，記住request唔要風口位。