影片
港鐵旺角站 E1 出口, 港鐵旺角東站 B 出口, 港鐵油麻地站 A1 出口
繼續閱讀
電話號碼
22346199
開飯介紹
地方開揚光鮮，部分創意粵菜菜式新穎，西班牙黑毛豬叉燒，用料矜貴，肉質鬆軟。早午時段亦有供應自家點心。
繼續閱讀
營業時間
今日營業
07:30 - 23:00
星期一至日
07:30 - 23:00
公眾假期
07:30 - 23:00
公眾假期前夕
07:30 - 23:00
以上資料只供參考, 請與餐廳確認詳情
有關獎賞計劃
旺角超抵食海鮮酒家「盈館」無論午市或晚市都推出超多優惠回饋顧客，今日和朋友食晚餐，其中原隻北京片皮鴨都係$188，沙巴龍躉仲要係大癲價錢 $58點可以唔食，難怪晚市差不多全場爆滿👍▪️北京片皮鴨 $188原隻片皮鴨份量超多，而且肥瘦適中，皮脆肉嫩，熱辣辣嘅餅皮包住配上京蔥、青瓜和甜麵醬超好食▪️冰鎮咕嚕肉 $138賣相一流噱頭十足，大大盤冰放上咕嚕肉，造成冰火效果，咕嚕肉外層香脆肉質爽口，這裏好特別是配上哈密瓜、青椒、黃椒和紅洋蔥，醬汁味道一流，必點之選▪️沙巴龍躉$58酒家推薦基本上鍾意食魚嘅朋友一定會點，大啲價錢都唔知有冇錢賺，大大條蒸得魚肉嫩滑，配上香蔥和蒸魚醬油超美味▪️濃湯足金銀蛋浸菜苗$108濃湯味道清甜帶着金銀蛋的鹹香味道，浸過的白菜仔鮮嫩清甜又冇渣，配上粒粒鹹蛋黃、皮蛋和肉碎，清新好食▪️大獎金磚豆腐$108果然名不豆腐炸得外層香脆，內裏超級香滑，而且豆香十足，調味剛好帶點椒鹽香▪️黑金流沙包3隻 $48店舖馳名包點，即叫即蒸包包軟熟，一打開就是流心蛋黃醬，熱辣辣食夠晒滋味
繼續閱讀
年近歲晚，一大班朋友約出來飲杯茶吃個包聚一聚。交通方便就選了這間盈館。一行九人坐一張大圓檯，座位闊落。待應服務也可以，一檯開了四款茶，也一一照辦，只是每一壺茶都沒有標籤，我們要自製標籤作識別。看看早市的餐單都抵食，不過我們來到已是中午，只有吃正價點心了。小食：櫻花蝦豉油皇炒腸粉：腸粉油滑，豉油味道出色，不過鹹，小小櫻花蝦伴於其中，添美味。八味脆豆腐：粒粒內軟外脆，味粉均衡包圍，吃來惹味。滷水豬腳仔：腳仔細細，片得薄，但仍保留肉在內，皮也易吃，汁液掛上食材剛剛好。特色粉麵：豉椒斑腩炒河，碟頭大，除了豉椒更多的是涼瓜。喜歡涼瓜的應該覺得好吃。醬汁我認為偏多，糊著每條河粉，不太爽。斑腩口感就不差，件頭也大。點心：鮮蝦菜苗餃：皮薄餡足，菜苗細碎清香。蝦餃：蝦肉爽口，蝦料充沛，口感豐富。甫魚乾蒸燒賣：平時吃蟹籽燒賣多，這間用甫魚放面又幾特別，甫魚在口邊已不停收縮，甫魚又有一陣魚乾味，入口後仍保留著。燒賣有蝦肉在內，吃起來肉爽彈牙。豉汁蒸鳳爪：鳳爪腍滑，入味，鋪底的花生吸收了汁液也好吃。遠年陳皮牛肉球：啖啖的陳皮味隨著咀嚼牛肉球時滲出來，沒有太多粉漿，可吃到肉味。薑汁雞飽仔：飽身軟熟，餡料充足。蜜汁叉燒飽：飽內叉燒汁液滿滿，肉質可以。黑金流沙飽：黑色的飽面上印有金色盈字，配合酒樓的名號。不過流心的效果不夠，原以為一咬下去可以有傾瀉而下的奶黃，怎知流心藏於深處，淺嚐一口未能看到效果。應該大大口一咬才行。芝士鮮蝦腐皮卷：腐皮炸得香脆，包裹著的鮮蝦也被炸過，吃著兩重脆炸的食材，雖然是爽口但稍為覺得乾了點。銀湖百花釀魚肚：賣相不錯，蝦膠和魚肚味道相配，吸收汁液後入口潤滑綿密。櫻花蝦煎薄罉：邊位煎得脆口，中間部份夠薄身又軟糯。金銀菜乾火鴨絲粥：粥底綿密，金菜用了生菜，銀菜有味不鞋口，細碎鴨絲均衡分佈粥內。味道不鹹，正常。銀魚仔肉餅飯：魚仔鹹味口足，肉餅份量與碗一樣，厚度適中，飯粒分明。臘味雙腸飯：油光充足的潤腸和臘腸已切開放飯面，色澤鮮明，味道不錯。飯粒一樣乾爽好吃。薑汁糕：薑味濃郁，軟糯香甜。這頓埋年之聚，吃了十九款美食，不是款款出色但也算好吃。
繼續閱讀
上週六晚，我同女友，仲有另一對情侶朋友，一齊去咗旺角嘅盈館飲茶食晚餐。呢間餐廳位於旺角嘅熱鬧地段，但一入到去，就感覺好似進入咗另一個世界。環境裝修得幾有格調，燈光柔和，帶啲復古嘅味道，坐低之後，感覺好舒服，啱晒同朋友傾偈。🍵 餐廳嘅氣氛好輕鬆，唔會太嘈，仲有啲輕音樂做背景，真係幾適合情侶或者朋友聚會。👫👭冰鎮咕嚕肉 🧊🍖呢道菜真係令我眼前一亮！咕嚕肉外皮炸得酥脆，內裡嘅肉質依然保持嫩滑，冰鎮嘅做法令到成道菜更加清爽，唔會覺得油膩。🍯 酸甜嘅醬汁調得啱啱好，每一啖都充滿層次感。我俾呢道菜9/10分，真係值得一試！薑蔥焗桶蠔 🦪🧅桶蠔嘅size真係好大隻，焗得啱啱好，唔會過熟，保持咗蠔嘅鮮味。薑蔥嘅香味完全滲入咗蠔肉裡面，食落去好香口，仲帶啲微微嘅辣味，好開胃。🌶️ 我俾呢道菜8.5/10分，蠔迷一定唔可以錯過！紫茄肉碎煎炒銀魚仔 🍆🐟呢道菜嘅配搭好特別，紫茄煎得香軟，肉碎同銀魚仔嘅鹹香味道完美融合，食落去好有層次感。🍴 銀魚仔嘅脆口同紫茄嘅軟滑形成咗好好嘅對比，我俾呢道菜8/10分，係一道好有驚喜嘅菜式！秋葵煎炒帆立貝 🥒🍤秋葵煎得啱啱好，保持咗佢嘅脆度，帆立貝嘅鮮味同秋葵嘅清香互相襯托，食落去好清新。🌿 呢道菜嘅口感好豐富，我俾佢8.5/10分，健康又好味！啫啫走地雞雞煲 🐔🍲呢個雞煲真係好有鑊氣，走地雞嘅肉質好嫩滑，啫啫嘅做法令到雞肉更加入味，仲有啲微微嘅焦香味，好惹味。🔥 我俾呢道菜9/10分，係一道好有滿足感嘅主菜！總括嚟講，盈館嘅菜式質素好高，價錢都算合理，四個人食咗咁多道菜，埋單都係$800左右，真係幾划算。💸 如果你哋想喺旺角搵間有格調又唔會太貴嘅餐廳，盈館絕對係一個好選擇！👍
繼續閱讀
因為太太太想食片皮鴨（我實在太耐無食），喺旺角search完一輪就嚟咗呢度😝難得食中菜，所以要豪一豪佢🤣又雞又鴨又魚咁叫，但埋單連加一都只係700幾蚊，老公唔洗擔心個荷包重創🤣🐔火焰鹽焗雞🔥呢個犀利呀，著晒火咁上枱🔥 但佢唔係得個樣，雞肉係啱啱好熟，所以係嫩滑嘅！同埋我成日好怕鹽焗雞得個咸字，或者煮到過晒火唔止咸，啲肉仲會鞋，但呢度唔會，唔會好咸又做到雞肉嫩滑。食呢個仲可以玩乒乓波抽獎，有機會成隻雞免費，所以一定一定要抽呀！🪿片皮鴨我今晚嘅主角，鴨皮好香脆，又唔會痴住太多肉，再夾埋薄餅、甜醬、蔥絲同青瓜一齊食，有清甜爽脆嘅青瓜，又有香口鴨皮，我就鍾意夾多啲醬一齊食，好滿足！🐟清蒸沙巴龍躉仔晚市仲有$58之選（6位起可揀2款），真係平過自己買餸煮！有龍躉仔、花膠炆走地雞煲、蒸元貝、白灼海生蝦，最後我哋揀咗清蒸沙巴龍躉仔，肉質鮮嫩細膩，雖然係龍躉仔，但都夠晒我哋2個人食。🥬小炒皇食中菜我都鍾意叫佢，有花膠、腰果、蝦肉、蝦乾、炸白飯魚同韭菜花，用料好豐富，撈飯一流🍮甜品我哋叫咗2個，一個係桂花糕，清甜消暑。另一個係薑汁糕，如果鍾意好薑嘅呢個啱晒喇，超級辣，食完個身會慶嗰種🙈
繼續閱讀
同屋企人去左旺角飲茶🥢 呢間酒樓喺旺角都算幾熱門，好多街坊都鍾意嚟，最正係佢哋真係做到「味美價廉份量多」，食得好滿足㗎👍我哋今次點咗幾款點心同小食，真係每一樣都好有水準。首先嚟個珍寶蝦球燴伊麵，個伊麵燴得啱啱好，唔會太腍，而且每條麵都吸晒湯汁嘅精華，最重要係上面大大粒嘅蝦球，彈牙又鮮甜，真係好足料㗎！😋跟住仲有我哋最愛嘅芝士鮮蝦腐皮卷，呢個真係做得好有創意！腐皮卷炸到外脆內軟，裡面包住鮮甜嘅蝦肉同埋香濃嘅芝士，一切開仲有少少拉絲效果，口感同味道都好有驚喜，小朋友都好鍾意食㗎！🧀🍤點心當然唔少得黑金流沙包啦，個包熱辣辣，一撕開，裡面嘅流沙餡就爆晒出嚟，蛋黃味香濃，甜度啱啱好，黑金嘅賣相又好特別，真係食得好開心！🖤💛另外仲有龍蝦湯鮮竹卷，鮮竹卷吸晒龍蝦湯嘅鮮味，味道好濃郁，食落好滋味。呢個配搭真係幾特別，估唔到咁夾㗎🦞甜品就點咗個盈館桂花糕，桂花糕清甜又帶有淡淡嘅桂花香，口感Q彈，食完一輪熱氣嘢，食返件咁清香嘅甜品，真係好解膩！🌿最後仲叫咗份八味脆豆腐，豆腐炸到外脆內軟，灑上八味粉，香口惹味，作為小食真係一流！盈館嘅地理位置都好方便，就在旺角創興廣場，港鐵站行過去都好近。佢哋嘅出品真係有質素保證，而且份量十足，性價比好高，好啱一家大細或者朋友聚餐。嚟呢度食飯，真係可以食到飽一飽，心滿意足咁離開！下次想食高質又抵食嘅點心，記得嚟盈館試吓啦💯
繼續閱讀
您可能會有興趣的...