盛八日式火鍋放題店 (已結業)

又係時候食盛八喇，同Ling Ling嚟個火鍋Dating先，今次因為唔係同大少食，所以我唔再揀甜醬油湯底(因為唔係個個鍾意食嘛)，我決定嚟個新嘗試，試佢最新出嘅清新甘橙の実湯同輕鬆南瓜甜味噌湯日本極上飛驒和牛 - 本身無諗過食佢，但係等位嗰時見到佢不停喺我面前行來行去，真係忍唔住，一食入口，非常淋，一啲都唔韌，又好香肉味，令我非常懷念之前喺日本高山食過嘅飛驒牛 “清新甘橙の実湯”同“輕鬆南瓜甜味噌湯” - 本來我覺得甘橙應該會好怪，點知，反而我覺得佢同牛肉好夾，只係食到最後，比較鹹，南瓜湯底就比較淡口最開心係重有魚生食，今次我終於都食到帶子喇，每次去都食唔到

原來女人街中間有幢食廈，一直都不知道，透明的升降機可觀察各層食肆的光景。角落有點像自修室，二人自己對著牆壁，桌上放電磁爐，食客背對走廊，大快朵頤，食相不會被看見，大大提升私隱度。橘子湯底從未聽過😵，何妨一試。橘味湯底，甜帶橙香，頗為奇異，新奇罕見🤓。另一邊的南瓜湯底，普通清湯加幾片南瓜，味道不算特別。牛肉新鮮薄切，放四方形大木板上，夾起來又薄又輕，如絲像布，薄如輕紗，輕燙即成，牛味不錯，吸湯入味。雞粒呈方粒，結實爽口，即使煮太熟亦未感太鞋太老。黃金芝士丸、竹輪卷、千島醬丸、迷你牛筋丸、迷你墨丸、南瓜燒，黃金芝士丸比傳統芝士丸更豐富，咬開少許開口即有大量芝士湧出。千島醬丸大顆而充滿千島醬，酸酸的又爆醬，味道不錯。也有師傅現場切刺身，帶子、三文魚、鯛魚等等。帶子薄切新鮮沒雪氣，限取四片，味道也鮮美。甜品設有大量西點、凍餅，還有大部乳酪機供食客自行製作乳酪。乳酪，原味，沒椰果，加了點糖果及朱古力，味道還可，不太酸，易溶。個半鐘任食，大家也有點趕，看到不少食客也怒衝像「黃老太」一般。吃得多牛涮鍋後，偶爾一試其他店子也有新意。

個半小時任食既日式放題店 主要係選唔同level唔同價錢既牛肉火鍋放題， 然後出面既普通打邊爐料同野飲甜品等等都可以任拎。 我同朋友選左最高級 378 一位 既肉既放題然後佢有好多款特別既湯底。 我地加18 蚊可以點雙併湯底， 分別係香燈味噌湯同 南瓜味噌湯 湯底真係好香新鮮既燈同南瓜味 要黎打邊爐感覺新奇肉方面 有肥牛 牛肉靚過出面任食邊爐題肥牛一個level油脂同肉比例平均牛肩肉 肉質8 成都係肌肉 十分煙韌 肉味好濃澳牛 介乎肥同瘦中間 肉質比較林， 但都不失彈牙既口感雞肉 十分嫰滑 雞有雞味 推介豚肉 油脂味重 食得多會膩 食幾塊係好好味最後係日本牛肉 有少少雪花紋 口感大慨6 成油脂 一食多有充足既油花 口感軟綿綿 必點！而值得讚賞係出面既打邊爐料都唔hea無論丸腸 蛋 麵 等等全部都係日本野 成本唔平 好似 墨魚丸 芝士丸 牛筋丸全部都唔錯， 另加一質素中級既刺身， 又有沙冰 甜品 乳酪雪糕等等如果以放題黎講絕對值回票價， 若怕貴既朋友可以食佢178 或者298 少d肉選既放題 當打下邊爐都唔錯 !

睇到大王同廚師新節目介紹飲食好地方, 第一集見佢地食和牛已經食得好滋味, 比我望到牆上寫住盛八, 二話不說就訂位. 起初唔知呢棟大廈響邊, 行左入女人街仲懷疑有無行錯, 但原來街中間有棟咁新咁靚既大廈.入到去即時揀定需要既湯底, 同行人話想試節目入面講既南瓜, 而我亦不知從哪裡來的勇氣想要試橙味, 所以就黎個無敵鴛鴦鍋喇. 個鍋底好快上, 一睇真係有D唔習慣, 不過試下味, 南瓜就係南瓜味, 個味較濃, 而且清甜. 而橙味酸酸甜甜, 質感較南瓜既稀, 又無想像中既難接受.除左肉食類, 其實就自助形式, 野菜, 丸類, 飲品, 甜品等等任君選擇, 款式夠多而且新鮮.仲有個刺身BAR, 有大眾化既三文魚, 八爪魚等, 仲有帶子, 食落肉厚鮮甜, 口感不錯.選了極上飛驒和牛餐, 飛驒牛呢輪睇電視就聽得多, 食就真係未試過. 紅嫩既肉配上縱橫交錯既油花, 油脂十足. 牛肉軟腍, 唔洗點任何醬料已經食到肉本身既肉鮮味.另外仲有豬肉, 同樣脂肪分怖平均, 食落唔會覺得起渣, 肉味濃香.

見有優惠咁岩又星期三所以揾個fd一齊去食，揀左藥膳同松露素菇豆乳湯底，松露味好香，但係藥膳d味就唔多出。配料，野飲種類算多，酸汁，胡麻醬，芝麻醬等等，有韓式年糕，刺身每人攞4塊都新鮮，甜品種類都多，但係味道就麻麻，另外仲有士多啤梨雪糕，原味乳酪。叫左最貴日本和牛，另外仲有豚肉及雞肉。雞肉好滑，牛肉都好正，最重要牛肉叫第二轉都一樣咁多，完全無少，反之豚肉就失色d。冬菇同冬瓜一樣咁正，特別要試冬菇，好冧無奇怪味，仲有冷麵都唔錯。但係得90分鐘實在太少，好快就話要埋單，個陣我地先食左一半多d, 兩個人都趕，成班人真係會食得少少。而且唔理咩湯底都係自己用枱面d湯加落去，d味淡左好多，呢度要扣分

無意中係Openrice見到有優惠 : 原價 $298 澳洲和牛 及 $378 日本飛驒和牛 買一送一 ，優惠只適用於星期一至三~ >LINK HERE< ，至到 2016年6月30日，優惠券要預先print定。一直以食燒肉為主既我，其實對Shabu Shabu既喜愛程度一般，始終覺得燒肉可以令到靚靚牛既油脂、香味發揮哂出黎先係最好食，但友人成日都講好想食Shabu Shabu，襯放假就立刻去試左~~ 既然有Coupon就一於試 $378既日本和牛放題~ 湯底揀左昆布湯， 係等緊煲同埋肉上枱之前，出去出面buffet bar行個圈先~ 除左需要落order任叫既肉類之外，呢到既放題仲有其他刺身、前菜、火鍋配料、甜品俾大家任拎~~ 前菜有螺肉、中華沙律等等，配料方面蘿蔔、粟米、芋絲 呢D要慢慢煮既配料當然一早拎左番去先啦~ 仲有各款丸類、菜類、腸仔、烏冬粉絲等等，非常豐富!!值得一提既係非常多款揀既醬料調味架~~ 生熟蒜蔥花呢D基本野當然有，除上之外仲有芝麻醬、胡麻醬、麻油、七味粉，一定溝得到自己鍾意既醬料拎完一堆配料之後~番埋位已經見到最期待既肉類上枱了~ 首先係每樣

早幾日係OpenRice睇到個和牛買一送一嘅優惠，無幾耐就約左個朋友星期一去涮一番。當日下午5點45分左右上到去，店員就問有無book枱，我就話無，心唸會唔會等好耐，點知揀完湯底同牛肉就即刻入得，順手比埋張優惠券佢，入到裡面剛好坐正對住攞食物嘅位置。BTW我地叫左松露湯底同日本和牛，碟牛肉真係好吸引，油脂分佈平均。放件牛肉落去5秒即刻拎上黎，帶少少粉色嘅和牛，一放入口咬落去，軟嫩嘅質感令我覺得好滿足，而湯底味道極濃郁，都唔需要點豉油。除此之外，我仲攞左啲三文魚刺身，刺身質感甚差，不吃也罷。當然黎得呢度，都唔係為左食呢樣野而黎，所以都唔要求太多。離開時候，門口有好多人等緊，好在提早少少去食。總結而言，對牛肉質素相當滿意，值10分。湯底幾好飲，但有少少偏咸，值7分。成餐總分有8.5。

今日同朋友11個人去左呢間日式放題食飯, 其實之前都有去過其他同類型, 但係呢間真心好正 先說肥牛, 擺盤好有心思, 唔係一片片疊住就算, 另外, 每片肥牛既色澤都鮮明, 每片的層次都睇到, 紋理亦很清楚, 絕對係上等的肥牛 至於自助吧的款式亦很多, 而且好乾淨衛生, 有刺身, 熟食, 以及平常打邊爐的款式例如菜, 丸, 肉等! 真係好多野揀嫁 我們點了三個湯底, 一個是昆布, 另一個是壽喜燒, 還有是柚子湯底! 昆布湯底很清, 而且都幾多昆布, 絕對唔會淹蓋其他食味的原味

今晚，我同朋友到旺角買家庭電器，之後我們都很想吃火鍋，想起幾個月前的日本旅行，吃了一頓非常豐富美味的火鍋放題，一路很想再吃多一次，在街上的廣告板，發現這間盛八剛好有火煱放題，我們決定去這間餐廳吃火鍋！原來這家火鍋開在一幢食肆眾多的大廈, 感覺幾新淨及光猛。進入火鍋店，看見環境乾淨，沒有一般火鍋店的臭味, 以沉黑及深淺木色作裝橫, 配合光亮的燈光, 感覺這家火鍋店高級和整潔，座位寬敞，坐得十分舒服。看了餐牌，餐廳供給顧客幾種不同的火鍋放題選擇，我們這晚是衝着雞牛豬的火鍋放題，所以便叫了普通那一種火鍋。普通鍋放題 $178/位首先來了湯底，湯底是黑松露豆乳湯。湯底味道甜美可口，湯中可以見到黒松露粒，富有牛乳滑度和黑松芳香，而且加湯是加湯底。這樣，湯底變得會越變越淡了。牛肉都切得幾薄，無限添加，脂肪分佈都不錯，輕輕放入湯已經熟透，我地還加了隻日本蛋，用和牛沾蛋汁黎食真係無得頂！除了肉類外，盛八還有不同類的刺身提供，野菜，麵食，啤酒，飲料，甜品和雪糕，應有盡有。總括來說，這家火鍋店的食物質素非常好，自助吧選擇多，而且服務態度非常體貼，店員都會主動過來幫我們加湯，想吃高級日式火鍋放題，可以來試試

今晚就跟幾位朋友來到旺角盛八火鍋，一直都聽朋友說他們的飛驒牛是吃過不能返轉頭啲牛肉，我們儘管就嚟到那邊試試，我們買了團購的優惠$298。星期五六日 每位還要附加費$20，最後埋單每人$360，我對今次的服務態度覺得很差劣！這裏的服務員態度差得很，不是繁忙時間，什麼原因會沒有人理會的呢！加牛肉等了足足30分鐘，而要求加湯又等了三十分鐘！放題都要給360根本不值這個價！而這$360及這個OK並不是這間餐廳的服務態度!飛驒牛最吸引之處是只要滾8-10秒就要即吃，入口即溶，香滑牛味，不能再吃回其他牛肉！切得薄薄的！非常新鮮的牛肉質！我們點了的湯底是藥膳湯，開頭都是非常濃郁的，喝了每人一碗湯後，湯已清光了，再加的已是清湯..再沒有藥膳味。甜品區，我們8時半左右到，到我們就離開的時候都沒有人把空出的位置加添。有刺身每次可拿四件。種類不太多：三文魚、八爪魚等等...菜就有4-7款選擇，第一次嚐椰菜hotpot,又幾好味！Frozen yogurt是我覺得還不錯的一個甜品的選擇！反正都沒有那麼多選擇。如果要我再來這裡，只有飛驒牛令我再來！沒有服務，甜品不多，湯就真的一般般了。這間其實令我非常失望，難怪

盛八一向以燒肉出名，不過今次就食去火鍋店，結果又覺得唔錯窩！選了最平的級數，其實都無咩期望架啦，不過豚肉同雞肉有意外驚喜豚肉真係切到紙咁薄，真係放攞湯等五秒就食得，係唔un架！！！雞肉係滑架…淥左好耐都係好滑，驚喜！至於牛肉就一般般啦，正常預計級數！另外有刺身俾你任食，三文魚無雪味，可以啊！

前日去咗食，係為咗慶祝朋友生日，咁就揀咗美國特選牛肩放題黎食啦，雖然唔係最貴個款但係都食到加咗幾次！仲有個餐嘅雞肉好好食好嫩！炸雞都係，仲要有韓式嘅醬可以落。野飲都有好多選擇，有沙冰，仲有教埋可以點調特飲。火鍋材料都好多選擇，刺身亦都好新鮮。

去之前睇左好多評語，而且睇到佢做緊優惠，就同一班fd一齊入去打邊。入到去，環境幾好，地方夠大唔會迫，有啲地方真係會迫到食得好辛苦呢!好，我地食食夜晚90分鐘成日無食野，一飲去就狗沖去找熟食有炸雞，冷面，魚生。炸雞係好食既，但唔知點解無炸既感覺😂但唔緊要啦，冷面不過不失啦，而魚生都ok既，但佢就係出面放題個啲咁新鮮，不過呢間係火鍋店，無問題既好好，我地要左豬骨湯同昆布湯，昆布就無咩感覺啦但豬骨就幾正，dum個拉面落去吸曬啲湯汁，完全正到爆咩事仲有仲有，個道同其他地方唔同既係，佢有沙冰飲，我飲莓咪，唔太甜，完全o岩我。我地叫左原價198個個餐，牛呀豬呀個時都係咁啦，但我覺得佢地個啲佢真無好好好好好好食，勁滑，加埋啲湯真係唔係路好好味媽的。時間得90分鐘，其實幾急，佢地已經好好人，比我地食多20分鐘先走。啲員工呢效率好快，我地吹水爆笑佢地又會偷偷笑係1我地笑聲太奇怪定咩btw甜品就無咩點食啦，食左泡芙，抹茶布丁同抹茶乳酪雪糕😂所有甜品整得幾靚，不過呢😂😂我理解唔到泡芙入面無cream,所以唔中意食😂抹茶布丁就無咩味，抹茶乳酪雪糕就幾好食囉，自己吱雪糕，隔尼放左唔同既配料隨便你diy😂。係正既

在這百物騰貴的世代，任食放題常常會變成劣食，唯獨盛八由始至終，都是高質任食當然啦，貴是比較貴，但多一百幾而食到他們的質素，我覺得抵！ 昨晚一直下雨，旺角人頭湧湧，心血來潮，跑去盛八火鍋。八時多入席，等了才半分鐘就被領入座。 坐了一會，看了桌上的餐紙，他們教我們弄好吃的壽喜燒，我就點了麥茶壽喜燒湯底。朋友是外國人，所以就點了日本飛驒牛讓他們試試。其實我已是第n次來的了，不過這次跟另外三位朋友來，牛肉堆了一大碟，好看就拍拍照點完之後，店員細心著我們出去拿配料 湯底來到，他們說這個肥膩感會減低，但我其實不介意 他們端上第一盤牛，我的朋友們都嘩一聲他們小見多怪，我就十分淡定，因為知道盛八一向有保證。 配料有蔬菜，咖哩飯，冷麵，烤肉，刺身，汔水，甜品等等。我就不吃那麼多東西了，專注吃肉吧！還點了必須的日本雞蛋，這樣拌著吃最棒了。 日本酸汁配雞蛋，很想要吧！ 略嫌今天的湯頭淡了點，不過各人口味也不同，希望下次又濃回來！盛八始終是盛八，我覺得香港的放題店絕對沒有一間比得上他。每次介紹予友人，友人都大讚其服務及食物。希望一直維持水準吧！

今次食飯是慶祝我同太太的結婚紀念日，目標已確定係日式火鍋，之前試過日x，牛x等。不過價錢都要$200/位，又覺得唔係好值。無意間，見到有人話盛八，即管試下。盛八個位置係女人街，講真，我由登打士街行入去，真係比較難搵。如果豉油街入，可能好d。基本只跟1款湯底，但我又想試下多款口味，加左$18多一款湯底。我選了壽喜燒，感覺一般。不過有自加麥茶，又幾特別。反而太太選那款藥湯，有驚喜，有藥味得來，又唔會好似太刺鼻。我們入座時間約19:00，加上係星期三閒日，好少人，一入到去就可安排入坐。接待個職員無表情，反而入面招呼既後生男及後生女侍應，熱情招待。雖然係日式火鍋，但近年好多餐廳都變成多元化。我最喜歡就是，有火鍋，又可以食刺身，每次取4塊，款式約4-5款，不過勝在無人排。三文魚算新鮮。另外，仲有咖哩飯，食左少少，算OK，但火鍋先係重點。另有雞串，自己放落光波爐，照2分鐘，食得。點了個牛肩放題，原價$178。牛肉算瘦，補得好快，這裡所影的，已是第3輪，仲保持質素。食食下，因藥湯湯底較濃，所以用得較多，於是太太問侍應可唔可以加藥湯(唔要水)，我估無，點知侍應轉頭返來，比了一件藥膏，佢話加這塊落湯先保