盛八日式火鍋放題店 (已結業)

上次食過盛八既燒肉放題之後，發現盛八既放題唔係伏之後，今次特登約朋友試埋火鍋放題。呢間火鍋店位於女人街既一幢好新既商業大廈上面(銀城廣場後面), 平身覺得呢個地段好似有D唔襯盛八既格調，但一上到去見到門面咁靚對佢既信心又番番黎。侍應帶我地就坐途中, 我完全被兩旁既任食甜品，配料同刺身吸引住，好少見任食火鍋咁有heart所以我同朋友都決定要豪一豪比佢，點左最高級別既日本和牛放題$378, 而湯底就揀左壽喜燒。壽喜燒湯底甜甜地，令到你煮咩都好都會有一陣好香甜既味道，連醬油都唔需要點。響邊煮邊食既時候可以加入適量既壽喜燒醬汁或者湯,自己調出你想要既味道。<日本和牛第一回>日本和牛果然冇令我地失望!牛肉既油花分佈均勻，筋肉間帶有網狀既脂肪，一見到已經知道係靚既牛肉。入口既瞬間有立即溶化既感覺，肉質鬆軟，記得滾兩下就好食喇，如果唔係煮到好熟好硬會浪費左D靚牛。另外想感受下真正既壽喜燒，其實可以加一隻日本生雞蛋($10)，將肉沾著蛋汁食，令牛肉入口時更嫩滑，更可以為熱辣辣既牛肉降降溫。<日本和牛第二回><澳洲牛>澳洲牛肥瘦分明，肉味香濃，但食上黎無日

前身係炙鍋的時候已經來過、保留左原先的裝修。連埋我地兩人，餐廳內唔夠20位客人，唔怪要搞買一送一。侍應冇推介，我地點左飛驒牛加麥茶壽喜燒湯底。壽喜燒湯底比X陣同牛X鍋做得好，唔會太鹹或太甜。侍應放低湯底時、話壽喜燒加湯加呢個，係麥茶，加完後、湯底明顯變得唔夠味。配料方面，希望青菜的選擇可以再多點，丸類就X一同X氣比較岩我胃口。至於牛肉，只有盛八做飛驒牛，冇得比較，但近乎入口即溶。但論上牛速度真係有待改善，頭三輪的飛驒牛都要等12分鐘-16分鐘，食到一半得番唔夠10個客時，就大概8分鐘左右上牛。食到一半點埋澳洲牛美國牛，點知落單唔使2分鐘就有。老公話要靠食澳洲牛美國牛同出面的火鍋配料食飽

見到openrice有午市90分鐘放題買一送一，老公好中意食牛肉，所以點都要上嚟試一試上到見到人唔多，位置都几闊落我哋叫左澳洲貴族牛餐$238，湯底就要黑松露豆乳湯，個湯都几惹味，唔錯跟住就上主角啦，澳洲貴族牛🐮🐮🐮，好掂！我本來唔點好牛的，都覺得好食然後又試左其他幾款肉，豚肉切到好薄，幾近透明，好淋下特選牛肉就好嘛嘛了，好似街市凍肉鋪個D肥牛仲有美國牛肩肉，都唔錯，個人覺得同牛角個度嘎牛肩肉差唔多火鍋配料都几多選擇，d芝士丸，明太子丸好正，我中意仲有D一口雞，配韓式辣椒醬，搭配得好掂蘿蔔炆得好淋好入味，可惜得最後一舊，羅完之後發現都無再添了甜品款式都几多，味道都ok，木糠布丁，羅左一個，第二次去羅已經無曬了，一直到走都無refill到最後食左個雪糕，完美收場，好飽

之前聽到盛八開左有火鍋任食，仲要係飛驒牛已經勁想黎試。咁岩見openrice有優惠，就約左fd黎一試飛驒牛任食火鍋！除左火鍋料外，仲有唔少熟食同刺身，而且水準不錯，但我一心黎食飛驒牛，梗係唔會俾其他野佔領我個胃啦～一黎第一碟飛驒牛水準已經好高，油脂分布好平均，而且仲每片都好大塊。食任食火鍋通常第二碟就見真章，多數之後質素就麻麻～但呢度竟然無呢個問題，仲質素一碟好過一碟！最後果碟仲要又大片、油脂又香！好滿足呀呢餐～

15/1用了openrice coupon選了牛肩肉，由每位$198減為$148。但因星期五又加了$20，又要加手續費$19.8。結果也沒平很多。湯底選了松露, 另一邊是蓄茄. 我覺得松露幾香. 但之後加了水便淡了很多. 牛肉方面, 朋友說, 第一次那幾盆肉比較好味, 之後任食再加單那些沒有之前那麼好吃. 雞肉都很好, 但忙著叫多幾盆牛, 沒有再叫雞肉, 沒有比較了. 除任食肉外, 還有任食魚生, 每次取四片, 有帶子, 希靈魚, 鯛魚, 三文魚可選. 帶子最好, 很快便沒貨了. 另外還有任食冷麵, 串燒, 甜品, 沙冰, 飲品等, 都好多選擇. 以上都是自己出去取的, 不用等.每人$190. 這個價錢來說, 不是那些一般團購貨色, 也不會叫很久也不來食物.

天氣凍最好就好打邊爐，第一次食日式火鍋。都算不過不失啦，選擇算多，肥牛切得夠薄，色澤鮮紅。雜丸類就真係好多，魚蛋好彈牙又有魚味，夠爽口。雞肉夠嫩滑又無皮。豬肉切得超薄，真係第一次見啦。講明係日式又點會少得刺身呢 刺身都算新鮮，切得好厚同大大件。拎咗幾轉刺身。不過掛住食忘記影相就真啦 炸雞翼一出就要快D去拎，啱啱出夠哂熱，皮脆，唔會炸到好乾。甜品選擇都好多款式又有雪糕。

Ss真係好outdated...到以家先第一次去食日式火鍋放題…朋友食過，介紹俾Ss去食，Ss心諗都應該好食嘅。Ss今次揀咗$208澳洲貴族和牛，係openrice 下載coupon,原價$298，服務費收原價嘅10%。湯底加$18揀咗雙湯底，分別係壽喜燒同黑蒜豬骨湯鍋。湯底好普通，黑蒜豬骨湯鍋更加食唔出有咩味…澳洲貴族和牛其實算是不錯，食落口幾滑身，可惜牛肉切得太薄，攪到冇咩牛味，另外亦試咗美國肥牛更是慘不忍睹，好彩冇貪平揀美國牛！豬肉有幾薄.......自己睇..........另外，出面有其他火鍋配料拎，當中丸類選擇很多，而質素都很不錯。甜品亦有十款到，以放題嚟講都算多選擇。甜品質素比較普通，不過有froyo已經好好喇！成個放題得90分鐘，其實食得比較趕。今次埋單，兩個人$500，未算抵食，不過Ss覺得可以一試嘅。題外話，餐廳地下好滑，已經小心行，都仲有滑腳嘅情況，大家如果去嘅話，就要小心啲喇！

同女朋友即興搵日式火鍋食晚飯，上open rice搵到呢間有飛驒牛食的日式火鍋店，就決定去重拾上年冬天，係高山飛驒小鎮一間地道專吃飛驒牛餐廳，吃過的牛肉的味道。我特意叫昆布海鹽湯底，怕太濃味的湯底遮蓋左牛肉味。食完第一塊，我同女友都不約而同咁講一定唔可以點醬汁，因為呢度啲醬汁，不能令牛肉更鮮味之外，更遮蓋左牛肉本身味道，點左醬汁同普通牛無大分別。當然呢度嘅飛驒牛，同日本的無得相比，但放入口都有少少融化嘅感覺，我地都覺得飛驒牛打邊爐味道較遜色。最令我地無奈就係上牛肉的速度，坐左15分鐘左右，我地叫左一次加牛，等左20分鐘，仲未見牛，催左一次單，再等15分鐘，都係未到，再催多次，waitress竟然話頭先漏左單，幫我地叫廚房出先，要女朋友面露不悅，表示坐左一個鐘只食左一板牛，佢地先主動幫我地跟單。最後等多5分鐘，終於有牛肉上枱，唔洗再食配料，但我地已經在等待期間食其他食物，填飽左大半，再食已經唔覺得特別好食了。呢度有刺身（三文魚，帶子，八爪魚等），熟食，甜品（cake，puff，乳酪雪糕，味道全部一般），有冷麵及少量拌菜，配料同飲品都多選擇。 憑收據一個月內再次用餐有75折

11月19號係第一次食，咁我就以第一次既經歷尼寫呢篇食評啦，當然覺得好想食先會咁快食左三次啦！由於係星期4去到完全冇人等位，之後個兩次都要等，第一次用openrice coupon，之後兩次係用番上一次幫襯張單就有75折。第一次試左貴族和牛餐，如圖第一次係好正常既和牛，食落唔錯，點知之後就好明顯變左飛禪牛，之後仲每一round都係，真係好食好多，十分彈牙有口感，唔會話太肥。刺身每人每次限取四件，有帶子鮑片希靈魚三文魚玉子同鯛魚，試晒咁多款全部都唔錯，好厚好有口感，但佢d豉油甜甜的有點怪。湯底是蕃茄湯底，唔係好濃不過好滋味，炸雞新鮮出爐外脆內嫩，第二次去冇炸雞轉左七味雞翼，雞翼好食好多。甜品方面，木糠布丁非常好食食左幾兜cheesecake, 布丁，雪糕，乳酪雪糕都唔錯，泡芙就麻麻。有樽裝既柚子麵同梅子麵，非常靚，像擺設，試左果然好濃梅同柚味。烏冬同拉麵都有試，幾彈牙。有75折既話絕對抵食，而且豚肉質素都唔錯，值得再去。

食到肚瀉今次竟然食到肚瀉我食過好多間火鍋但就得這間食到我肚瀉大約食完後一小時就肚瀉了原因唔知係咩可能係佢d餐具唔乾淨可能係佢d醬油,或飲品問題可能係佢朱古力噴池問題亦可能係食物問題我都唔知佢邊度出事,令到我肚瀉食了雞,牛,豬,基本上我都煮到全熟但一樣肚瀉講返食物飲了一些果汁,汽水,紙包果汁最好飲都係果汁,紙包果汁味道一般今次無炸雞翼,得炸雞但味道上炸雞一般,可以不試,咸咸地雞係最好食其次係牛,豬牛,豬味道都一般牛我覺得同一般肥牛差唔多,我食最平果隻,所以唔意外牛個樣真係唔太好,又肥,又多血管,賣相差不過食落口差唔多豬肉味道都可以,對比起"牛氣",這邊的豬肉叫合格牛氣的豬肉,係完全唔食得,"牛氣"果面d豬肉超級難食雞有處理過,不過食到第3碟我已經頂唔順第一已經太飽,第二食到厭雞雖然好食,但真係會食到厭好難想像點解有人可以食到5碟牛肉....今次佢地增加了一些新的丸類但最好食,或叫得上係好食的,得金色的芝士丸金色果隻芝士丸真係好好食,最好食係這隻其他丸都係一般,貢丸同出面無咩分別得金色芝士丸,同貢丸係叫做好食今次無了汁煮牛肉,但有唔知醬汁煮成的牛肉,甜甜地,唔好食重衰過我自己煮....今次

看了食評,好像很吸引就去了主要是看到種類很多結果令人失望大家貼上來的是晚市時的樣子原來中午去食,選擇會少很多很多東西都沒有,刺身沒有,甜品只有少量,沙冰沒有,連配料選擇都比較少反正中午的選擇的種類就是比晚市少當然中午去食,收費較晚市便宜不過當初去食的理由就失去了飲品選擇都很多,這是較為滿意的一點不過服務有好像沒有一樣現在這些餐廳都強迫收加一服務費,但根本沒什麼提供服務這不是說服務差,而是無服務可言比對同類的店牛涮,牛涮這邊服務好很多,最少他們真的有提供服務我食了雞肉,雞肉真的非常好食不知是原本就是這樣,還是處理過他的肉質非常好同樣對比起牛涮的雞肉,盛八的雞肉贏成條街我以為急凍雞肉比唔上鮮雞肉,點知盛八的雞肉並不比新鮮雞差而且沒有骨,全是肉,又多汁盛八有肉丸選擇都不錯不竟牛涮這邊無牛涮和盛八相比下,牛涮優勝在於素食類種類多,而且服務較佳而盛八則是收費較便宜,但肉類選擇較多,而且味道亦較好盛八有提供一些熟食,我見網上有寫有提供咖哩但事實上他沒提供,來看他的熟食是經常改變他提供了三文魚頭,汁煮牛肉,炸雞翼,照燒雞串汁煮牛肉,最好配飯,因為好咸,同埋牛肉好韌炸雞翼,又係另一推介,非常好食,超級

地點咁方便，仲要抵食又高質嘅日式火煱放題我認識嘅真係唔多，呢間係其中一間。呢晚同朋友們坐底，一打開個menu就有唔同嘅放題組合，就見到有多款湯底揀，款款都各有特色，不過如果鐘意食牛就一定要揀壽喜燒湯底，用呢款湯底配牛一流。而且有佢唔點醬已經好夠味，甚至有些人可能會覺得略重味不過點解見到張相係昆布湯底? 有朋友可能因轉天氣喉嚨唔太舒服，咁唯有清淡少少，不過佢清得嚟都係好味嘅，所以無所謂啦另外我哋揀個組合係包牛肉﹑豬肉﹑羊肉任食，仲可以加廿蚊升級有埋三文魚刺身，咁鐘意食三文魚嘅我哋緊係已升級埋。切得好厚，咬落夠彈夠口感，一流! 不過個Wasabi唔係好夠味，要點好大PAT先夠。呢款牛係極上那隻，即係質素中中挺挺。我覺得已經好正，而且呢款應該性價比最高。牛脂肥廋適中，牛味又夠香濃，我哋都食咗好多，果然牛先係今晚嘅主角。其實豬肉都唔錯，不過已比牛牛搶去風頭了。其他配角，例如野食，飲品都係任拎，就唔逐樣介紹啦。

前日突然見到Beecrazy有盛八火鍋放題團購買，咁盛八一向都有保證，梗係即打電話嚟睇吓Book唔Book到今日先再Confirm買團購喇，竟然有位可以Book，所以我一路Book一路Online買~~我Book咗8點，就係因為知大少最近都要OT，唔敢訂太早~點知……我7點50分打俾佢……佢重喺地鐵未到，咁我梗係去拎枱先喇，我記錯地址，以為喺雅蘭中心，但係……原來喺女人街舊皇雀會嗰度，所以我即刻衝過去……因為團購嗰啲，遲咗佢唔會Hold枱俾你，所以一定要準時上去上到去見到都幾多人，都安心少少，同職員溝通完之後，佢要我等等，大約都係等咗大約20分鐘就有枱原來呢間放題都幾大間，我地坐近門口嗰邊，但係離拎食物嘅地方都幾遠，一頭一尾~有甜品吧，好少火鍋放題有甜品吧，可惜……我地食得太飽，無食到啲甜品其實眼見就都OK多火鍋配料種類，但係食過牛一，覺得牛一多啲款式，呢度只係比牛涮鍋多少少醬料吧都好多揀，我好少見日式火鍋有麻醬，係真係花生醬嗰款麻醬，除咗稻香呢啲中式火鍋會有之外，其他日式火鍋嗰啲麻醬都係好水狀，一啲都唔杰，呢個就啱晒我，我最鍾意杰嘅麻醬飲品方面，有汽水、橙沙冰、芒果沙冰、橙汁、提子汁

很久沒有在旺角吃飯, 今次朋友搞飯局, 指定到盛八吃. 朋友之前吃過不錯, 所以今次想重點吃最貴最頂級的日本極上飛驒牛. 近排經常吃飛驒牛, 可能多得日本的大力推廣吧, 把這美味的食材引進香港, 但我其實一直不知如何讀. 這店家門口有張介紹, 是讀 "駝". 還簡單介紹了飛驒牛的生產地.好期待呀, 我們選了店員推介的喜壽燒湯底, 便出去食物區.這個比我吃牛乜牛物好好多了, 食物區選擇非常多, 傳統的丸類有五六款幾多款麵, 擺得好靚好衛生! 蔬菜都有很多款熟食, 好多炸物, 好香口呀估不到的, 是有刺身區, 有師傳即時切魚生, 立刻拿了好幾片, 真的好肥美好, 香而不溜拿了很多丸類, 回去就後悔... 那些飛驒牛己經到了. 見到飛驒牛就好像見到女神一樣,我們眼裡容不下其他東西...手上的丸類....還是交給友人清倉吧飛驒牛油花很多, 這裡的油花分佈己經算是極平均了. 湯底令肉味帶甜,而且勁易咀嚼,入口即化, 以這個價錢可以任吃飛驒牛, 真的很化算.任吃的還有豬肉.另外不得不提的是任點的雞肉. 己經去了皮, 但就算淥了很久, 還是十分嫩滑, 很神奇. 很想知道是什麼品種和做法可以弄得這樣嫩

非常敬重的朋友生日當然要跟她賀生晨, 一向都知她既愛遊日本又愛吃日本菜, 趁住入秋, 便帶她來一頓日式火鍋放題夜, 放題有咁多選擇, 總有幾款合她口味, 那就不用擔心她吃得不滿足, 的確好主意, 哈! 乘機讚讚自己。一出升降機門便看到兩支印上【飛驒高山‧牧場直送飛驒牛】的大旗, 無錯! 餐店的重點就是飛驒牛, 亦是朋友最愛, 故才選擇這裏跟她慶祝。開放式的門口, 木板的牆身鑲了大招牌, 還設一座電子螢幕顯示有關收費。內裏以泥黃色和深灰色為主調, 裝潢滿有和風色彩。地方寬敞闊落, 設有多張四至十人枱, 亦有一排排梳化座, 還有一排面牆的單人位, 完全可迎合不同人仕需要, 孤獨自閉型又得、小情侶又得、一家大細又得、大夥兒相聚又得, 加上枱與枱之間有一定距離, 令人坐得很舒適。走到最盡頭便是自助食物區, 有多款的火鍋配料、日式小吃、刺身、甜品、飲品和醬料。不過, 我現在心中只是掛着今晚的主角「日本極上飛驒和牛」。先取飲品邊吃邊飲, 除了有一大個放滿紙包飲品的雪櫃外, 還有三款果汁、菠蘿沙冰、各款汽水及玄米茶供應。******************************一坐下便馬上揀選火鍋