盛八日式火鍋放題店 (已結業)

今次選擇去近期Openrice做緊Promotion既盛八日式火鍋放題❗湯底方面: 選擇算係好多😆有成十個湯底比你簡❗松露控既我地當然係要左松露鮮菌豆乳湯喇🍄湯底個味好出而且非常濃滑，令人意外，好真材實料❗❗而係枱上面已經預備左一壺昆布湯比你自己加湯，雖然加湯唔係用返本身既豆乳湯，不過因為加熱後既豆乳湯會越煮越濃。加上牛肉既油脂會令湯底更油膩，所以加昆布湯的確係比較適合👍牛肉方面: 我地本住一個黎就梗係食最正既起飛驒牛🐮 唔好以為係香港食唔到和牛，呢度既起飛驒牛真心好味，入口軟滑即溶😍😍😍我地大大話都一人拍左兩盤幾😆😆😆其實有得食和牛又有得食刺身都幾開心喎 ❄

尋日4個朋友去食晚餐，90分鐘任食火鍋食物質素一般，出面自助枱既食物種類都唔算多，同其他既差唔幾。本身佢地已經冇乜服務到我地，但係差唔多食完既時候，佢last order完，我係出面整緊雪糕時，聽到有幾個員工係道討論我地張枱既食物，佢地話我地一定食唔哂，已經計劃要收我地錢🤔🤔（食淨超過200g要罰錢）及後我地俾完錢，等緊佢地找錢時有人過黎同我地講食唔哂就要罰錢，一係就加錢繼續食（佢解釋左一輪先發現係冇得加錢食，都係要走）但佢地仍然未找錢，所以我地繼續坐係道點知，突然有個應該高級小小既人行過黎，唔單只冇錢找，仲要我地俾多百幾蚊，因為我地過左90分鐘未交枱。我地隨即同佢理論，係言談之間佢冇尊重過我地其實係客人，態度好串！😡 其實百幾蚊要俾真係冇問題，問題係佢地故意令客人會遲左幾分鐘交枱就收人錢！以後都唔會再去食！大家都要小心d~ps 理論後佢地係冇收到我地錢

服務員態度超差，喜歡叼東西坐係到都比他嚇死！！所謂的放題，出餐超慢，嘢食冇，最後先講....冇喎算把啦！搞到咁差就不要再做了！不要再去也不要試！啲食物質素差了，同以前冇做放題的時候根本就不同質素！我去食盛八，是因為他的燒肉好食，做放題做到質素咁差，真的以後不會再去吃了！尤其是服務差差差差差差差

食完即刻肚屙！係屙左兩次食物種類好少 肉類唔新鮮第一轉牛肉好梅 色水好暗 第二轉好好多值得一讚係松露豆乳湯底好味 不過以呢個價錢黎講我冇諗過檯上面壺水係要黎加落邊爐到而唔係加返松露湯

公司同事聚餐, 人比較多, 想起旺角盛八坐位多價錢又相宜, 於是就再次光顧. 其實之前數次光顧感覺都挺好, 想不到今次會因為一個不可理喻的經理, 而導致不歡而散.講番食物, 我地叫左三個湯底, 昆布同番茄還好, 黑松露味道坦白講有點兒怪怪地...似濃縮忌廉, 實在難以下嚥. 食物方面, 丸菜甜品種類頗多, 但牛肉切得紙一樣薄, 也罷, 放題店要控制開支可以理解, 其他都一般般. 直至最後結賬時, 有位戴黑框眼鏡, 面色黝黑的經理同我地講:"你地食剩超過200g, 冇得用個買一送一優惠" 的確我地仲有少少野未落晒落去同係個煲度, 但絕對屬於可接受範圍, 起碼唔係幾盤野冇掂過果隻, 我地詳細解釋過後經理仍然要收番正價, 並扣住我同事信用卡. 此外, 我地有位同事臨時未能出席, 多左一位, 經理亦都堅持有加無減原則, 要收全費. 需知道, 浪費食物的條款係為防止某些缺德顧客(例如某種用碟鏟蝦的人)過度領取食物所設立, 200g來說等於大半包紙包飲品, 哪怕你只吃剩幾粒丸, 隨時已經超標. 如果食剩食物屬於可接受範圍該條款一般無視, 此為不成文規定. 該經理於今次事件態度惡劣, 我們因要回公司

應該系今年食過最差既燒肉 208放題➕50蚊升級咩鹿兒島和牛 一般般 ➕左100蚊 升級特選 壺嘖完全咬不動 差 上菜慢到無朋友 寫左2張單等左40分鐘 結果服務員話廚房唔見左張單 要重新寫過 差 漏單嚴重 能漏則漏 差

今日放工同男朋友都想打邊爐！之前見openrice盛八火鍋有優惠，星期一至四晚市有6折！於是就試試佢！我地試左日本和牛放題😍😍用左柚子胡椒湯👍🏻佢地話日本牛係飛驒牛🐮日本和牛入口已經覺得好軟好滑⭐️⭐️⭐️⭐️⭐️同男朋友都好興奮因爲係任食呀！試埋澳洲和牛，肉味重的！一樣好味！不得不提，雞肉都好好味😳仲有幾款凍海鮮任食！食飽飽就去拎甜品！😋呢餐和牛火鍋真係好正！最重要係價錢亦十分合理👍🏻

早前曾和朋友一起來試日本和牛放題，豈料此店的職員服務態度極差。我和朋友有感整個晚餐每人都只吃到數片飛殫牛，於是在last order叫多次飛殫牛。豈料有一個男職員竟然完全無提供任何飛殫牛，反而放下雞肉和豬肉各一大盤來後揚長而去。我覺得盛八若果不捨得供應飛殫牛，便應取消日本和牛放題，不應誤導客人

因有OpenRice coupon 7折，決定與友人一試日本極上和牛（松露鮮菌豆乳湯底）個湯底陣味好似金寶罐頭湯咁，但會好滯。豬肉好薄又好味，但都唔夠雞肉咁好食，雞肉好滑仲無雪味添（相信係湯底既功勞）為大家附上日本極上和牛既相片（按上枱先後次序黎排列）只有第二碟上枱同入口令人失望（唔係俾呢個價錢既話，會覺得唔差）其餘既四碟牛入口易咬，有肉汁，肥瘦都略算均勻。90分鐘真係趕，但無辦法喇。侍應只會留係落單機附近，想搵人過黎都唔易。後來我用手語向侍應表示要加牛。無折係唔會想試呢

無冷氣 邊食邊流汗 通風差無刺身 得生蠔 但係要收錢自助區好少選擇 二人座位要面壁無下次..............................

地方都算大，都算多位，食品款式還好，牛既款類都算好，不過就不同價錢，牛既質素都算好食，甜品方面都算多選擇，飲品都算多，都會再去食既。

早前男友一班死黨身先士卒試吃果，好評如潮，大讚松露鮮菌豆乳湯底如何色香味俱全，憑收據於一個月內再光顧可享有7折優惠。時隔2星期，為了7折，又再去一次，今次我終於可以現場評價一下。內裡環境不錯，可能早段時間，人流不算多，位置尚算寬落。先繞場一周，食物品種豐富，刺身，熟食，沙律，串燒，炸物，甜品，蔬菜，丸子，飲品，每一類都有幾款可供選擇。先說刺身，每次排隊每款只有4片，三文魚和魷魚比較討好，味道鮮甜，想要多吃就要排多幾次，刺身位等候時間很快，兩三分鐘就可以了。再來熟食，炸雞中翼受到一致好評，外表香脆，內裡嫩滑，友人都encore了幾次。雞肉串燒吃的時候已經冷了，依然不影響味道，可以一試。重頭戲的火鍋，先說湯底，味濃香滑，實在不錯，會令人上癮。美國特選牛肩肉質素一般，薄薄一片，牛味不重，勝在不鞋口，涮幾秒就可以吃。雞肉味道比較討好，雖然沒有調味，但是吃不到雪藏味。豬肉的肉質最差，僅僅熟的程度，入口也顯老，有點失望。湯底吃到後期，因為加的是清湯，所以會越來越淡。最令人失望的是甜品，款式雖多，但味道實在是不予置評，扣分不少。總的來說，是值得再回頭的餐廳，但建議甜品要改善一下。

知道盛八推出了新湯底，便急不及待去試試。選了雙拼鍋，清新甘橙湯；酸酸甜甜好開胃，味道帶香橙味道，食慾大增。另外點了輕鬆南瓜甜味噌湯，味道清淡健康。 點了日本飛驒和牛，牛肉鮮味嫩滑，有嚼口，還可無限添加的。 店內設有自助bar,點好湯底和肉類後，就可以自助選取食物和飲品。 食物款色大致歸為幾類，分別是刺身、熟食如雞翼、串燒、冷麵、小食，火鍋配料如丸類、蔬菜、粉麵、甜品、乳酪等等 女士們當然不會放過吃刺身的機會，當日有三文魚、希靈魚、墨魚，還有我喜愛的帶子。 小食以雞翼最為好吃！其他食物都不錯呢！

同事介紹來一個快食又平既lunch放題。 由於時間關係，我地先來叫左個南瓜湯底。好濃郁既南瓜香，都算新鮮，薄切南瓜片仲可以任拎再加入湯底內，充滿南瓜味，感覺都健康一點。 重點介紹一下呢個熟食雞翼先，外皮帶點脆脆，好入味既肉，好香口惹味， 再配佢地既甜甜酸酸辣辣既醬汁超正，超有層次感。 58蚊任食來算都算多選擇，都算新鮮，蔬菜種類較多，另外丸類都有好幾種類選擇， 口感都算彈牙，有爆醬款，味道都不錯。 最後雖然無咩時間，但係點都要食埋個雪糕先，可以自己任配不同糖果配料，乳酪原味雪糕再配不同配料，又有口感又好味，好清爽。 呢度不好處就係時間短，會食得好急，得一小時食，就算無人等梗，未食完桌上既嘢都會趕你走。

我是吃他们的shabu shabu 自助火锅，汤底好味道，食物也好，甜品有十几种，都好味道，有十几种饮料提供，地方舒服，就是地点难找。我是参加了groupon的优惠，但是groupon的地图居然指示错误，大家看Google map的指示好