盛八日式火鍋放題店 (已結業)

盛八燒肉就食得多，無諗過盛八都有火鍋放題，所以黎試吓～餐牌有新款未見過出面有嘅橙味湯底，好好奇所以試吓～ 橙味湯底其實有d似柚子味，清新唔油膩，好適合夏天～ 另外叫咗個南瓜湯底，好濃郁～ 兩隻湯底都好味得黎唔會蓋過牛肉味～打邊爐除咗食牛之外，點少得d醬油配料～ 呢度d醬油配料好齊全，特別啱哂我一定要有嘅芫茜/乾蒜等～食完刺身，望下出邊飲品/沙律/冷麵/蔬菜/丸類/熟食/甜品種類多，90分鐘要試晒真係要快手，哈哈～主力牛同豬，d肉一望已知新鮮～ 澳洲貴族和牛比較軟身有入口即溶感覺，好味～ 美國特選牛肩，啱我鍾意有咬感～ 兩個都牛味濃，好味～ 特選豚肉都肉質嫩滑～太多野食時間話咁快就到，最後當然唔可以錯過新鮮嘅乳酪，有草莓同原味，又多toppings，fit哂我，我嘅至愛，食完兩柸先走～呢到嘅火鍋放題物有所值，抵食好味，非常滿意～

每星期都會來旺角巡視業務，四季都可以打邊爐嘅我地好想搵火鍋放題食，冇留意原來女人街後面有呢座新大廈，有咁多餐廳喺呢座大廈～因為lift嘅有限度，所以大家要排長龍搭lift，排到出晒街轉彎位，所以都要少少時間～一嚟到當然忍唔住即刻走出去睇吓有咩食～ 第一時間就走咗去刺身嗰度，叫咗三文魚同鮑魚片，encore左幾次，三文魚新鮮，鮑魚片好味爽口，師傅都切得幾厚身，我地去左拎好多次～跟著叫左澳洲貴族和牛放題＄298，牛魔王當然又係主力食牛啦～ 送到黎見到大大塊，顏色新鮮，肉質軟有口感，好味～ d牛叫咗幾次都上得好快～出邊見到好多配料，特別開心見到有鬆弛熊魚蛋～ 好可愛～另外呢見到飲品有沙冰，甜品種類都有好多，好耐冇傳統自製嘅啫喱，見到呢度有，忍唔住攞咗幾個食～總括，咁嘅價錢非常之抵食，食物種類豐富又好味，會在encore～

星期六睇完戲諗緊食咩既時候，就見到盛八有票尾有85折。即時上去試，但係個場冷冷清清，門口都無職員。要入到去先見到啲職員圍埋玩電話。但佢地見到客都即時招呼入座。坐低之後睇睇午餐餐牌，見有飛驒牛。又唔係好貴，任食都係298，即時試試啦。黎到碟牛同張相真係9成似，有牛味，但同之前係Sogo 買既和牛真係比下去。Sogo 和牛好似好食啲、但買少少已經唔止298。所以盛八食和牛都抵食既，仲有菜，丸，乳酪，甜品呢啲正常野，無咩特別。

到盛八一般都係食燒肉放題，之後發現同一集團竟有火鍋放題，仲要係食日本飛驒和牛，真係不得之了!梗係要約埋大食又識食既朋友一齊去。盛八火鍋位於旺角女人街內，入口有小小難搵，見到玻璃電梯個幢新大廈就係。 上到去地方好大，有細房，有大房，仲有面壁既二人檯，雖然有d怪, 都算幾溫馨既。放題有幾個價錢選擇, 極上和牛放題每位收費係$378, 呢個價錢平時都係買到一細塊和牛牛扒黎煎, 反而呢道係任食和牛, 當然要豪一次!用蔬菜黎做打邊爐既湯底係好正常既事, 但以香橙做湯底又真係未試過! 店長推薦加上期間限定，而且加$18就有鴛鴦湯底, 一於黎個香橙南瓜鴛鴦湯, 放縱又健康既火鍋夜!放題限時90分鐘, 揀好湯底就出去擰配料同醬油, 一般火鍋放題都係任食火鍋配料同麵食, 呢度竟然連刺身, 甜品, 雪糕同飲品都係任飲任食, 十足酒店buffet一樣, 簡直係叫人失控!等湯底滾起既時候, 梗係食住碟三文魚刺生, 厚切份量多, 當做前菜都唔錯, 都算合格。除左刺生，另外仲有熟食，擰左雞翼同雞軟骨串，雞翼幾惹味，可以再encore!牛肉雪花分佈平均, 呈網狀型, 因為切得薄, 落鍋滾兩下就食得, 入口軟綿綿,

買了團購吃美國牛肉shabu shabu，加完假日附加費和服務費也要約HK$175，其實跟原價(HK$178+10%)差不多，如果計埋19:30前埋單有75折，其實團購仲貴!!!即使係團購，但我都未試過吃那麼差的shabu shabu，好明顯牛的質素是給次貨。每塊牛的闊度和長度只有一根手指左右，超幼和超薄，而且一半都是肥膏，真正是牛肉的只有超級小塊，放入火鍋灼熟完再變細塊D，根本不知道自己吃什麼。用料不是上乘可以了解，但那種切法簡直不能接受，像是人家吃剩的才給團購客吃，超失望。另外，用餐時間90分鐘，未夠鐘已經不停催促我們交枱。總括而言，價錢不是特別平，去其他日式火鍋放題店會有更好的服務和牛肉。

是日大餐：盛八日式放題，肥呀！😋今日肥仔獸加多$18元叫左兩個湯底，一邊係蒜香豬骨濃湯，另一邊係南瓜湯😆呢間野肉類方面都幾多選擇，有午餐肉，南瓜丸，龍蝦沙律丸，牛丸，墨魚丸等等，而且都幾好味，肥仔獸特別推介：龍蝦沙律丸😋但蔬菜類就比較少選擇，得兩款菜，同埋粟米蘿蔔甘。。唔通連個天都唔想我肥仔獸食多啲菜減肥😭另外，飲品方面，佢有機裝汔水，紙包飲品&沙冰。機裝汔水特別之處係機身教你溝汔水，做成特飲既感覺。另外，亦欣賞佢有紙包飲品👍🏻但呢。。唔知係咪食9:30既關係。。沙冰無得飲😭肥仔獸㩒左成三分鐘，㩒得一啖都無😭😭失望呢度除左火鍋外，仲有魚生、三文魚骨&熟左既雞翼，但肥仔獸只係食左三文魚刺身，都好食，首先刺身夠凍，而且唔太多跟，有三文魚既甜味😋最後講返主角，雞🐔豬🐷牛🐮。我叫左$178個款，雞肉好滑，幾好食👍🏻豬肉有啲豬味，都係幾好食👍🏻牛肉雖然係最平果隻，但係味道都唔差，而且切得夠薄，唔會好似食橡筋甘，又有牛味😋呀，差啲忘記，肥仔獸冒飽死既風險，都要試一試個日式咖哩飯，咖哩食落有少少甜，之後又有少許辣，而且薯仔夠淋，又有少許牛肉，正😋總括黎講，好食，肉類選擇多，亦有刺身！👍🏻但可以加多啲

好耐無落旺角，今次落去完全為了要去盛八嘗嘗飛驒牛肉，都被大家拍的照片吸引了見到有團購，二話不說就訂購了，但原來19:30前埋單有75折，計落仲平過團購係佢喇!!飛驒牛 - 油脂分布均勻細緻，甫坐下，到食物台裝過了醬料，已見侍應送上了湯鍋，豬肉，雞肉及主角飛驒牛肉，湯底選了人氣香橙湯。等待湯滾起期間，取了點鯛魚刺身，可能太早，未來得及解凍，樣貌唔吸引之餘好冰感，咬落食沙冰一樣再環顧其他火煱食品，都係專注返牛肉吧!兩人火速已消化了第一碟，夾起下鍋滾幾秒，入口溶化，厚度適中，無成口油的感覺牛味唔濃，和牛其實都無咩牛味，所以鍾情牛味既可能唔太欣賞。但店內亦有澳州牛和美國牛肉可選，仲有牛肩等第二碟好似有d欺場，明顯與第一碟唔同，份量亦較少....向店員反映過後，第三碟比較正常，但油脂分布都不及第一碟細膩...甜點其實不錯，種類繁多!個人偏愛雪糕新地，但試晒3款，都似乳酪多於雪糕。總體來說，飛驒牛肉燒烤應該會比shabu shabu更好! 另外，奉送的雞肉都頗嫩滑，有點意料之外

日式火鍋簡簡單單 有肉有丸有菜😌就放任一夜😈-✨日本極上和牛放題 (晚市 $378*)✨🐮選擇了對自己好一點的極上和牛 雪花果然滿滿！淡紅色與白脂肪扭曲花紋 厚度...薄得不可思議😂肥美感十足 入口快不用嚼 但一口吃三片才爽快😎-💥火鍋料💥選擇與不少同類店近似 不過備有較特別的丸丸😆芝士丸 南瓜燒 麻吉燒等外皮皆為炸魚肉 稍乾身～蔬菜都滿鮮甜～喜歡甜甜的粟米🙂和綿綿的南瓜🙂-💥湯底💥鴛鴦鍋有酸甜甘橙🍊微甜南瓜甜味噌 都偏稀身～-💥魚生💥🐟三文魚雖然不算太亮澤 不過入口鮮甜夠魚脂😤鯛魚就比較淡 但以白身魚刺身來說味道也合格！-💥甜品💥🍦有乳酪雪糕🍦蛋糕🍰一口泡芙 果凍等 一般水準～乳酪雪糕很甜 像雪芭 蛋糕淡口 有麵粉感-Rating💁🏻(6*/10*)💥17:00-19:30 & 21:30-01:30入座/離座有75折！💥午市60分鐘指定肉類放題($58*)起 夠曬抵食

朋友最鐘意周圍去試D新奇既野食,今次經佢推薦係要陪佢試下盛八新出既輕鬆南瓜甜味噌湯&清新甘橙之實湯底...聽落好似係伏,不過朋友叫到點都要硬住頭皮去試下.輕鬆南瓜甜味噌湯&清新甘橙之實湯:橙味好香甜,初時以為唔夾,但一食真係不得了,橙味不論配牛肉,豬肉定雞肉都好好味,令肉味更突出,不過其他配料就麻麻地,反而放回南瓜味湯底比較夾,2種湯底都好好味,令人一試難忘.日本極上飛驒和牛,每一片既肉顏色好粉嫩,雪花分布好平均,食落牛脂味偏重,牛味濃郁,好嫩滑,入口即溶.豚肉油脂分怖平均,肉味濃香,不過一碟就夠雞肉肉質幾嫰滑,唔鞋身,雞味重,不過都係一碟就夠,食多碟牛仲好.蔬菜配料同其他腸仔肉丸都比較一般,唔建議食太多,留返個胃食牛仲好.食到咁上下點都要試下甜品既,芒果布甸,芒果味有D假,木糠布甸既忌廉唔夠香滑,餅碎算係幼細.泡夫真係可以不試,賣相係吸引,不過無忌廉餡,外皮太甜而且太厚身.最好味都係芝士蛋糕,好香濃既芝士味, 但食落唔會太膩

Nowadays, there are lots of hotpot restaurants in Mong Kok. I especially like the all-you-can-eat one because there are a wide range of food to choose from. Tonight, me and my friend went to try this famous Japanese wagyu all you can eat course. The restaurant is located in a new building on the Main Street so it's very convenient.Me and my friend chose the "Japanese wagyu" course which allowed us to try all sort of meat such as U.S. Beef, Japanese wagyu, pork and chicken. We also chose their ne

琴晚去試，點了日本飛驿牛，90分鐘！說說感受：上肉很慢，非常慢，基本上食就1分鐘等就15分鐘！75分鐘時候會截單！而且，續點的牛品質極有問題，上圖俾大家感受下第一盤牛和續點牛的差距！excuse me？確定這是牛？！另外還有一盤全白，老公下手太快，無影到。結論：唔會再去！！！

早一陣子在團購網看到了盛八的任食和牛Shabu Shabu，所以便到了openrice 看看它們的品質如何，結果發現了這裡的voucher 更是買一送一的耶，6月尾前星期一至四便可享有這個優惠，所以便二話不說便book 了要試試看。以往的盛八主要是吃燒肉的，單點品質都是很好，近年他們改革了，新增了任食放題，今次我地試呢間涮涮鍋放題位於旺角西洋菜街的一橦新落成的大厦內。Book 位的時候說明了會用voucher，就座前店員便收取了，而且會先點了湯底才帶我們入座，從入座起有90分鐘的時間吃。我們點了原價$378的日本飛驒和牛，這個價錢可以吃到飛驒牛真是十分優惠呢，平時要買飛驒牛差不多要$200/100 g！我們加了$18 選了2款湯底，分別點了櫻花藥膳湯和黑蒜豬骨湯。店內是典型的日式簡約風格，乾淨舒適。 這𥚃和一般的shabu shabu 放題一樣設置了自助bar，bar 裡有冷麵，蔬菜，丸類，飲料和甜品等。 值得一讃的是這裡丸類的款式都一應俱全，比起其他放題的要多，必吃的有午餐肉，芝士龍蝦丸，黃金芝士丸和章魚丸。而飲品則有提供紙包裝或汽水機，更有思樂冰。

盛八的火鍋未食過, 但今日特別黎就係想食新出的湯底, 很有創意, 又有特別.聽到南瓜甜味噌湯已經覺得好新奇得意,  但更精彩既係清新甘橙之實湯.創意十足但味道又夾唔夾呢 ?! 真係食過先知.同一般的火鍋放題大致一樣, 都是90分鐘任食, 有分不同價錢跟不同級數的牛.湯底也有十多款, 而且+$18 可以食到2款湯底真係唔錯既選擇, 好岩我呢D 選擇困難而又貪食既人.我同朋友選最貴最高級的日本極上飛驒和牛, 湯底當然+$18, 一次食到2個新口味.下完單, 就可以出去取火鍋配料, 這裡裝潢也帶日式風格, 空間感夠大唔迫, 加上冷氣夠凍, 一點也不局促.先去取飲品, 紙包飲品有幾款, 我要綠茶夠安全, 味道又清爽, 岩哂打邊爐, 一消熱氣.但隔離就有果汁機, 汽水機, 沙冰機. 嘩!!! 超多配搭. 而且仲有圖有真相, 教你點溝特飲.我當然唔會錯過, 自己溝左提子+雪碧, 味道甜甜地又帶氣, 好飲好爽.食火鍋最緊要個醬油, 有齊蔥花, 薑蓉, 生熟蒜, 辣椒, 麻醬等等, 加埋醬油最完美.更有酸汁, 蘸豚肉最夾, 食完都唔膩.配料也超多, 睇見都肚餓, 有成20幾款. 細看發現有新丸類, 我

見有午市買一送一優惠，幾大都約朋友黎試試。叫左$138的美國牛肩肉，牛肉同豬肉餐，同其他牛家族差不多，外圍有雜圓，菜，烏冬，麵等選擇，特別的是佢有油炸鬼，同埋各類肉圓腸既質素都五錯。

飲食男女介紹又有print coupon買一送一即時同老婆試試飛驒牛，香口、肉味唔算濃澳洲和牛，肉味重啲，但無咁香口配料質素好高，食過好多間shabu配料呢間真係最好無論蔬菜、丸類、乳酪都好食（只限原味）豚肉都正雞肉估唔到，好好食，但當然一碟夠晒皮牛就唯一缺點切得太薄身