盛記酒家

營業中

休息中

一星都無，大年初一卜咗房唸住開開心心過年。5點幾去到，一入到去就見到原本卜左嗰間房已經有其他客人喺入邊打緊麻雀，轉咗另一間更細的房俾我地。新年前幾個月已經特登上去book房，嗰時經理仲俾我哋睇咗幾間房，咁嗰時就揀定咗一間大少少坐得舒服少少嘅房，即時俾埋$1000訂金。到咗大年初一正日，一入到門口，接待處女經理一開始話換了更大嘅房間俾我哋，想焗我哋用嗰間又細又霉嘅房。後來我地堅持要番個間房，佢地唔夠講就反口話卜房唔會有指定房俾客人揀！態度非常惡劣，一句道歉都無，仲同我地講佢要食飯，私人時間，叫我地自己揾其他人處理。另外，盛記好污糟，見到3個男職員都係指甲全黑邊，連空氣也有霉味，飲茶嘅杯都白濛濛，有油漬。本身卜間房，唸住打麻雀，房入面有兩張麻雀枱兩盒麻雀，其中一盒麻雀上面貼咗張紙寫住「唔齊」，仲要好污糟，黐立立上面好多黑色斑點，麻雀枱又爛，聽到隔籬房打牌打到五隻南。我哋book咗兩圍枱，埋單要成萬蚊，咁嘅服務態度同衛生情況，一千蚊訂當比錢乞兒，止蝕離場。

幾日前經openrice訂座4/2/2024星期日晚上六時到此食晚食，誰料準時到達卻被安排至一張臨時加插於兩枱之間還要單邊貼牆的一張三位方枱，最離譜是坐椅為摺櫈，尤如幫街市熟食市場的店餔。再望一下，附近空置的枱多的是。於是向知客查詢可否安排其他座位，答案係是日客滿，無法安排。對於此等劣質的服務，我只有默默祝福佢早日位列仙班，就這樣頭也不回便離開。

之前寫左一次, 但被抽走左, 可能我寫得唔好咁我簡單d 寫, 類似既事之前都有comment 講, 我既經歷: - 食物ok, 份量都ok, 但環境細- 上網訂座7位, 但有一位突然有急事黎唔到. 到餐廳時已經即刻講返, 等左15mins 入座, 但最後我都係照俾7位茶茗. 原來餐廳同平台有協定, 唔可以改, 改左佢地都要按訂座人數照俾錢平台. 明既, 作為顧客 最後有咩都係自己解決, 公平d 俾返佢. 餐廳最後建議可以打電話訂檯- 點左芥蘭煲，但賣晒, 最後改左生菜煲. 埋單時發現錯左價錢, 第一次問既時候侍應話2樣價錢一樣, 可能佢太忙記錯左. 咁我自己再睇睇餐牌先發現2者價錢唔一樣, 再提一提, 最後改返. 真係多謝餐廳結論, 說好香港故事, 推薦大家黎試下

今日同女朋友過咗嚟灣仔食飯!這間酒家有唔少人推薦 所以就過咗嚟食!發現性價比都不錯!叫咗三個餸分別係菠蘿咕嚕肉,咖喱鮮牛腩煲,揚州炒 飯!揚州炒飯,蛋香味十足而且用料都比較豐富的!分量比 較多!菠蘿咕嚕肉,份量正常的,係新鮮炸的肉。唔會太厚粉 肉質都比較嫩!咖喱鮮牛腩煲,這個非常有驚喜。性價比高,肉分量非 常多的,牛筋牛腩非常好吃!很送飯的我們兩個人食到非 常飽!我也會推薦其他人過來光顧！我和女朋友也打算下次再光臨

當晚貴賓房有宴會，散座也滿座，坐喺4人枱太細小，枱與枱之間距離太近，椅背碰到椅背，幾乎引起衝突；太多客人，好嘈，可能用咗臨時㕑工，食物質素有啲失望，煎蝦碌8隻有3隻較細有一隻未熟兩隻霉，呢個係食材及廚藝問題，味道可以；椒鹽鮮魷粉漿太厚，鮮魷不新鮮雪藏貨，食材同廚藝都不合格；炸雞冇味道可能係雪藏貨，食材問題；大班兩味，味道可以，四百幾蚊有啲偏貴；泥鯭粥落重味精，只見生菜絲魚肉少得可憐，去粥鋪食碗魚腩粥好過，不過有幾位侍應招呼唔錯。

呢家酒家真係夠晒震撼，由嘅梅菜蒸菜心清新爽口到脆皮乳豬既肉香味濃，仲有啖啖肉既菠蘿咕噜肉酸甜得嚟唔膩，每樣都係幾好食既選擇！而裝得一籮籮嘅干撈海皇粉絲，啖啖彈牙，真係令人食指大動！講到脆皮燒乳鴿呢，佢個外皮煙韌得嚟蜜汁香甜，入口即化，正到飛起！最後果碟椒鹽豆腐粒，外脆內軟，每粒都帶少少鹹香，簡直係下酒小食之王！每樣嘢食份量都幾慷慨，食完之後真係滿足到嚟一個咩都唔使諗！這家酒家食物既口感同味道都做得好好，食一次仲想再食，絕對係食客嘅心頭好！👍🥢😋

好吃的中菜廳愈來愈難找，要CP值高的更難，要沒有味精的難上加難！終於找到了….由於遇上做冬佳節…全餐廳坐滿了客人，氣氛熱鬧，一點都不冷清！但價錢比平時高少少…但龍蝦伊麵只係三百幾算正常價舊式傳統酒樓，必有花生前菜！超超超有驚喜..不是平時走氣淋掉的炸花生，而是鹵水味道的，淡淡的八角味…好好吃！由於得兩口子，不能盡吃…今次點了龍蝦伊麵，咕嚕肉跟脆炸豆腐！炸豆腐又是另一亮點…外脆內軟…外層的炸粉做得很出色！咕嚕肉正常發揮！龍蝦伊麵是兒時的味道，不是掛上厚厚的玻璃湯汁，是香濃蒜香炒伊麵，非常香口，不會太「漏」！本想點豬腳仔但沒貨！唯有下次再光顧！這間店又會是我另一個常光顧的飯堂

「盛記酒家」食完一次覺得質素真心唔錯👍🏻今次去試吓食其他嘢😗😗.滑蛋鮮蝦球🍳鮮蝦球大隻彈牙又鮮甜🦐滑蛋份量多🥚仲炒得好滑😋😋.XO醬海皇炒飯🍚加入蔥花、鮮蝦、帶子等炒製🐚飯粒粒粒分明😬😬食落帶陣陣XO醬同蔥花味道😛😛.鹵水鵝掌翼🪿鹵水汁醇香🤎鵝掌翼肉質鮮嫩入味🪽點少量白醋，更加滋味🤤🤤.紅豆沙(2客)🫘充滿豆香同陳皮香😉😉口感綿密細緻☺️☺️.香片🫖

我公司係呢度常客，平時飲茶都係經openrice訂枱，老婆屋企人係外國過嚟探我地，我就特意提前幾日係openrice訂枱打算冬至同佢地去呢度做冬。 當晚去到，門口接待員一聽到openrice訂咗枱即時黑面話冇呀今晚大時大節大把客唔接受openrice入面已經確認左嘅預約，不斷埋怨強調openrice按人頭計算每一個客人收佢$10，佢唔想分俾openeice。莫非openrice而家用槍指住佢迫佢開放網上預約？又想用人網上預約功能又唔想俾錢？平時冇客就唯有接受openrice收費，但大時大節見到唔靠openrice都滿座就氣焰囂張等客人黎到先話唔承認openrice既booking趕客走。最起碼係唔係都提前打電話俾我話今晚唔可以用openrice預約，點解要差到等人地黎到先串咀趕人走？？如果係咁巴閉唔接受openrice預約，咁點解佢唔關閉個網上預約？好明顯佢係當我地係後備客人，有其他電話預約既客人出席就即埸趕走openrice預約客人，有人缺席先俾openrice預約客人入去。按照佢哋邏緝，我完全相信就算我電話預約左，如果有人預訂貴價菜式，佢一樣會將我張枱俾其他人。做餐廳做到咁真係第一

我公司係呢度常客，平時飲茶都係經openrice訂枱，老婆屋企人係外國過嚟探我地，我就特意提前幾日係openrice訂枱打算冬至同佢地去呢度做冬。 當晚去到，門口接待員一聽到openrice訂咗枱即時黑面話冇呀今晚大時大節大把客唔接受openrice入面已經確認左嘅預約，不斷埋怨強調openrice按人頭計算每一個客人收佢$10，佢唔想分俾openeice。莫非openrice而家用槍指住佢迫佢開放網上預約？又想用人網上功能又唔想俾錢？平時冇客就唯有接受openrice收費，但大時大節見到唔靠openrice都滿座就氣焰囂張等客人黎到先話唔承認openrice既booking趕客走。如果係咁巴閉唔接受openrice預約，咁點解佢唔關閉個網上預約？好明顯佢係當我地係後備客人，有其他電話預約既客人出席就即埸趕走openrice預約客人，有人缺席先俾openrice預約客人入去。按照佢哋邏緝，我完全相信就算我電話預約左，如果有人預訂貴價菜式，佢一樣會將我張枱俾其他人。做餐廳做到咁真係第一次見。幸運地我即時搵到另一間餐廳，如果唔係我都唔知點同家人做冬。

灣仔群策大廈有好多美食，其中一間好有鑊氣又好味道嘅酒家就係盛記。同幾個朋友敍舊，所以約上去食晚飯。人未齊，先叫啲小食送吓啤酒。嚟碟椒鹽豆腐，外脆內軟，鹵水鵝掌都幾入味。食住等，叫咗滑蛋炒蝦仁，蝦好鮮甜，蛋又炒得好滑。跟住嚟嘅炸白飯魚同鮮魷，炸粉唔係好厚，食到入面嘅鮮味。豉油皇鵝腸，啫啫雞㷛同炒菜都好有水準，價錢又好大衆化，所以有好多捧場客。另外，佢哋嘅燒乳豬同燒鵝都好出名，下次可以再試。最後叫碟豉油皇炒麵，炒得好乾身，咁樣就滿足哂我嘅食慾喇。

好耐之前食過呢間酒樓嘅小菜幾有水準，最近同屋企人食飯又揀咗呢間，同樣食得滿足👍🏻金牌叉燒皇（例）$148叉燒肉質好好，咬落去淋得來係爽口嘅，唔會霉，配埋甜甜嘅醬汁，好香好好味，仲要係熱嘅，做到好似啱啱燒好即切。蒜香爆龍躉球 $288呢個超級香，好有鑊氣，熱辣辣爆香晒啲乾蔥蒜頭同埋係蔥段，好惹味。龍躉大大件，魚皮充滿骨膠原，魚肉白雪雪，滑得嚟又爽口，完全唔會腥。燒汁香辣一口牛 $148呢個都好有鑊氣，爆得一口牛好香，肉質完全冇筋冇渣。配菜嘅西芹爽口，不過就略嫌有少少老有少少筋。欖角冰梅骨 $148冰梅骨肥瘦適中，有少少酸莓嘅香味，加上欖菜嘅嘢味同埋好似有少少黃薑嘅味道，好惹味。干撈海皇粉絲煲 $168超級香，砂煲好存熱，粉絲食到尾都係熱辣辣，香氣十足，勁香蒜味，加上爆香晒嘅蝦乾、魷魚乾，再加上一啲鮮蝦肉同埋蛋花，粉絲入晒味，乾身得來好爽口。最後，仲有甜品花生麥米粥送添，好足料㗎！

今日同家人食晚飯，揀咗灣仔呢間老牌中式酒樓，呢度嘅食物質素有保證。一坐下，便遞上小食：滷水花生，花生好腍好入味。金牌叉燒王（例）$148叉燒上枱係熱嘅，唔會冷冰冰。叉燒色澤唔錯，厚切，肉質軟腍帶爽，肥肉入口潤化，肥美甘香。欖角冰梅骨$148 呢個排骨好惹味，口味獨特，咸咸甜甜，仲有少少黃薑粉香氣，令人食唔停口，排骨肉質鬆軟。蒜香爆龍躉球$288 煲仔好有鑊氣，加上香蔥同蒜，超香龍躉球厚肉，魚皮滿滿骨膠原，魚肉新鮮鮮味。燒汁香辣一口牛$148 西芹雜菌好惹味，牛肉唔韌，份量不少。乾撈海皇粉絲煲$168又係一個惹味之選，配料多多，有鮮蝦，八爪魚粒，蝦乾，魷魚乾等等。粉絲炒得好有鑊氣又彈牙爽口，吸入了海鮮同海味的鮮味，正。最後，店員仲送甜品俾我哋，花生麥米粥甜度剛好，涼涼嘅天氣最適合，食完暖笠笠又滿足。

盛記酒家 灣仔杜老誌道6號群策大廈3樓=====================每個人心中總有道最愛廣東菜，小炒皇聽上去只有男人才喜歡的菜式，我也是愛不釋手。去到任何餐廳只要menu 上見到小炒皇呢3個字，一定要叫碟。我真係超鐘意食$$148小炒皇, 韭菜爽口, 小炒皇加入蝦乾魷魚小魚乾腰果， 混入小量紅辣椒調味，整體極之惹味$68 乳鴿，呢個份量一隻2個人分，淺嚐試試味。，知皮薄又脆，咬下有肉汁！$168 辣子雞煲見甚多人推薦 仲要是招牌菜，個醬確實調得香噴噴又惹味仲有糖水送呀！ 食到飽上心口！#香港美食 #hkfood #hkfoodie #yummy #foodporn #delicious #cuisine #restaurant #香港 #香港旅行 #香港美食#香港探店#灣仔#會展美食#粵菜＃盛記酒家

今日同朋友到灣仔盛記酒家慶祝生日🍽️。我哋叫左盛記小炒皇，椒鹽鮮魷🦑，新鮮菠蘿咕嚕肉🍍，杏汁燉白肺湯🐖，大壽包。盛記小炒皇：魚乾夠晒香口，炒得好夠鑊氣。料都好多好足，辣辣地幾好食。椒鹽鮮魷：熱辣辣即炸出黎，鮮魷爽口彈牙。炸得又夠脆，香口好食。新鮮菠蘿咕嚕肉：新鮮菠蘿已經冇得輸，肉唔會太肥，配料都好多。個汁酸酸地好開胃。杏汁燉白肺湯：平時自己唔會煮既菜式之一，都好好味道，份量都算多。大壽包：蛋黃都算香，蓮蓉好香。