相撲手日式放題 (已結業)

放題就經常食, 但係相撲手放題就比較之特別,原因就係呢佢地不定時間就有師傅係食客前表演切魚手技,  面前條魚非常之大, 師傅好快手令條鮮魚變作剌身啦, 再派發畀食客, 幾有gimmick之餘又夠新鮮!剌身方面都非常之新鮮, 熱食嚟講我最鍾意食個串燒蝦,口感結實得黎又有炭焦香, 而壽司上面再加啲黑松露提升味道, 唔錯唔錯另外就係呢度跟單都幾貼, 冇任何漏單, 同埋上菜都幾快, 點完之後大概五分鐘就已經有得食呀, 都幾滿意!食物質素方面, 呢度放題唔錯,  有幾樣勁好食嘅, 例如就係嗰手捲,紫菜特別脆, 海胆好CREAMY!, 正每人一上嚟之後, 就有張紙就可以畀你填低你想食嘅生蠔, 生蠔都幾鮮, creamy

今晚同男人撐枱腳 㨂左相樸手同佢食呢間野聽得多 食真係第一次 好彩唔洗等位 不過上到去都幾多人款式方面都幾多野㨂 淨係生蠔都有兩款一款係每枱都可以叫嘅 另一款係廚師精選生蠔黎講自係肥尾 重可以無限encore食完一輪生蠔 我地日就開始叫刺身款式算多 三文魚好肥美 不過螺肉最吸引我地重有蝦刺身 肥大得黎夠算甜天婦羅方面 炸粉算薄 不過款式唔多串燒方面 牛舌真係好好食 值得推介彈牙有牛味 好食到encore左兩轉重有一啲蜆煲同牛筋煲 味道都唔錯

Sorry 都要講句，但真係要講，我未食過咁難食嘅放題見到Yahoo有團購都驚中伏，上黎openrice 睇左評價先買，點知仲伏抱有極高期望黎到餐廳，一入去，餐廳一陣味我同自己講，無野嘅，食評咁好，野食好食就得但期望愈大，失望愈大等左成個鐘都未黎野食而佢限時食兩個鐘等咁耐都無野食會好躁底後黎有個員工宣布，餐廳下晝電力有問題，所以預備唔切食物，會比多半個鐘大家食刺身選擇極少蝦刺身有大大條腸未挑走，而且帶腥味，不新鮮其他刺身我已經沒興趣吃天婦羅咬入口成口粉，而且好重油溢味燒物都係燒雞翼入面啲肉係未煮熟嘅，串燒蝦又未燒熟只能吃到暖暖的又油膩的熱食，感覺很掉胃口壽司完全不行，飯握得太鬆手卷的飯同紫菜係離開嘅招牌焗蠔有點腥完全是提不起食慾的賣相，所有燒物、炸物都是極油膩另外要說，洗手間那邊很髒佢擺左好多飲完嘅汽水罐喺廁所入口個邊，地下濕哂又痴笠笠好失望唯一可以讚嘅係佢會開咪安撫下極度失望同暴躁嘅食客但係免費比我都唔會想去食

There have been too many choices of Japanese buffet in Tsim Sha Tsui. There is something that this restaurant stands out among others: free flow oysters.With a very reasonable price, you get unlimited oysters! Very attractive offer😋The quality of the sashimi was not bad at all!We also tried the beef here. It's better to go with rice.

和一班中學同學聚會順便慶祝其中一人生日，就成班柴蛙蛙去左尖沙咀「相撲手」食放題，估唔到都幾正wo d野食~員工服務態度都幾好幾有禮貌唔會黑哂面！so far黎講都幾抵食！呢間放題係有埋生蠔供應！！彷間少有生蠔放題~呢度d蠔係日本松島蠔~比較大隻，肉質厚肉~味道比較淡身！加番d醬汁調味就岩岩好。味道都幾鮮~無腥味！！軟殼蟹手卷~店員拎過來時候店員仲會溫馨提示要快d食，紫菜淋左唔好食，服務態度有heart!! 即刻食真係仲脆卜卜~口感幾好！軟殼蟹d肉都幾鮮樕多汁但不油膩。雜菇稻庭烏冬~個湯底幾香幾鮮甜！有蘿蔔，海帶，雜菇！！至於個烏冬都幾好食~煙煙unun!! 好快食碗食哂~再叫左牛舌做餸！！燒到好香，肉汁豐富~配埋碗烏冬真係一流。最後全場仲熄燈，咁岩又有其他客人生日！！全場為我同學拍手慶祝，感覺幾有feel~仲黎左個吞拿魚蓉酥皮上面插左枝煙花仔！！幾靚~估唔到吞拿魚蓉加左醬汁再放入酥皮度食幾正wo...好味！！

今日因爲買左團購特意黎試，位於Tst ,聽聞都唔差就黎試。一開始明明book 左5點半都要等到6點先入到座，已經火左！點知食物差，等好耐至出到食物！2個鐘跟本好快過！食唔到幾多round ,我完全唔明點解會有好評，環境又唔大，坐得唔太舒服，野飲唔多選擇仲要撞正供電問題。真心唔會再想試囉！味道好一般，唔算好新鮮！蝦同刺身都麻麻地，比起同款的放題餐廳本人覺得唔太值呢個咁貴的價錢！應該唔會再黎試！不太吸引！唉

主打松葉蟹，但松葉蟹叫咗成半個鐘頭都未上👹 雞翼又生 蜆有沙 同埋 魚生非常差 沙律啲沙律醬水一樣，冇一樣好。 唔知點解，有人讚好得咁緊要，是否做馬 🤕🤕。下次唔使錢都唔會嚟食💩💩💩

我未食過一間由book枱到食果刻都可以差到不知所謂既放題，而令我第一次蹝時間寫食評既就係呢間講到自己幾好既餐廳。我係因為Yahoo團購知道呢間野，講到自己評價幾好，到買左打去book枱就知道中伏。聽電話個丫叔極度冇禮貌，第一次打去話所有日子冇晒早場。第二次打去明明有枱，一聽到團購就話冇位。第三次仲衰，佢竟然話“唉～又團購“。我團購都有俾錢架，唔想就唔好學人攪團購啦！唔知以為我黎食免費餐。之後再睇openrice發現個個團購去食都有唔好經歷，都抱住唔好太相信網上寫既野自己試左再算，點知真心伏。一坐低叫我地刺身唔洗寫住，會有刺身拼盤送。。。我覺得我地忍耐力太好，足足等左一個鍾先問，問完等左15分鐘都冇，自己入單啦，再等都冇，又再吹““我未試過食放題等左個半鍾一塊刺身都未入過口““最後有個男人拎一大碗““足5-6人份量““既刺身黎，叫我地食住先。。室溫温度既刺身，完全唔知邊張枱唔要拎黎。離晒普，冇下次，唔洗錢都唔會食。食過最垃圾既放題

話說Yahoo 有團購，我們一行八人去。一去到比張大圓枱，但是中央沒有轉盤，很難夾食物。叫刺身又求其比幾片，明明每樣叫10片，食物質素極差，乜都話賣曬，唔夠一個鐘已經唔想食，又冇甜品，飲品種類又少，以後一定不會再去。

今天雖然好病在身，但朋友誠意拳拳請食放題，我就卻之不恭🙏🏻一來到就要左碗粥打底，煮得好綿，而且有唔同嘅材料，所以令到個粥都好甜好食。朋友就要左三隻蠔 ,佢話本身好味好淡，但係配埋隔離個豉油就啱啱好而且每次食都要攞過一張新紙另外值得一讚嘅係佢個燒茄子，味道好龍仲有好多椒鹽既味道，食落十分香口！另外天婦羅亦都揸得唔錯，最意想不到嘅係連紫薯天婦羅都有，有一種好有趣既感覺。另外都叫咗個羊架來食，味道一流，而且燒得唔會好乾，不過可能羊架嘅質素唔屬於好高，所以有啲好韌嘅位😜

突然間，想同朋友去食放題所以膽粗粗去試吓呢間相撲手放題😁😁😁之後覺得有幾樣野都好好食值得推介！頭先好意外嘅係佢呢一度竟然有生蠔食，以咁嘅價錢又好食而且仲好新鮮，性價比極高😝有得sample當然有咁好啦，佢一焗好過忌廉都做得好好好有芝士味😁至於個燉蛋就不過不失，不過鍾意食熱野嘅我就覺得幾好，不過我朋友就覺得無咩蛋味另外再要咗青用多春魚，煎得幾好不過如果唔鍾意食魚嘅朋友就唔好浪費胃口食😜另外佢呢一度啲壽司都幾有特色，就有飯啦背都有花士令仲有個生牛肉卷味道唔錯，夠特別😙 不過食量少嘅人就盡量唔好嗌壽司啦！😂

之前係Yahoo 買左團購放題，諗住試下啦。17:30pm, 一去到樓下既時候， 勁多人本身都諗住今次實冇死， 咁多人排隊點知⋯⋯⋯⋯⋯⋯⋯⋯⋯⋯⋯⋯⋯⋯⋯一上到去既時候，個位勁迫，連個袋都放唔倒，不過算啦， 諗住團購都係咁上下之後都點野食啦， d 野食等勁耐先上， 同埋係咁溜單， 正確泥講， 點既野食有一半都溜單而野飲還可接受，唔洗等， 自己攞就係，選擇都算多。差唔多食到最後， 有個明顯係做暑期工既女仔唔小心將盆放魚生既水倒左係我個身度， 由於個女仔好細個， 我都冇鬧佢， 但我覺得其他員工冇過來幫助⋯⋯⋯ 原全係唔掂總括，我以後都唔會去 ，服務差，冇野食， 團購價$168，再加$45 服務費， 寧願加多小小錢 都唔洗受氣

從來都唔寫食評的我，今次忍唔住，都要將事實寫出來，希望大家唔好再俾呢間野搵笨。佢地之前的食評都唔錯，點之搞團購，又應付唔黎=趕客。入座一片混亂，張櫈污穢到冇人有。食物叫了好耐都唔黎。魚生唔新鮮，牡丹蝦超難食。壽司都好一般。熟食仲差，牛油煮蜆超多沙。天婦羅又凍又厚粉，串燒凍既，牛肉冇味，蒸蛋冇蛋味。只有個烏東可以接受---茶餐廳質素。餐廳環境超差，垃圾車係你隔離周圍轉，送餐的盤係你頭上過。我地2小時放題未夠鐘已經走了！我勸大家千祈唔好帶另一半或家人去食或慶祝任何節日，簡直係俾錢買難受！唔好咁笨！

好耐無食過放題啦 今晚終於再戰江湖同男人一齊去食相樸手 價位唔算特別平不過絕對物超所值 因為有勁多蠔食時間一到廚師即席開生蠔 排隊啦喂有肥有瘦啦 睇下彩數 不過勝在可以任食質素算係咁上下 有鮮味嘅 唔錯食完生蠔 覺得唔夠重叫左燒蠔 同樣好味喎咁當然食放題少不了刺身啦 款式算多啦象拔蚌最吸引我 北寄貝都唔差入口鮮甜彈牙 我地encore左3次熟食方面 燒物黎講 最愛串燒蝦 夠晒大隻牛舌都好好味 牛味濃又彈牙其餘燒物都唔錯 起碼夠熱 同埋上枱速度快

上次我男朋友嬲嬲豬話我唔帶佢食放題，今次就一定要我同佢食，咁我地就最決定食相樸手放題，因為我同佢都好鍾意食生蠔😋因為我地星期四食，所以就$298一位，但入座前付款就有9折，姐係唔洗三百蚊就可以食到，仲有日本生蠔同松葉蟹腳，都幾抵！照舊一去到我哋就攞晒啲紙出嚟寫啦😂我同我男朋友都偏向鍾意食刺身，呢間餐廳啲刺身都唔錯架都幾新鮮，尤其係三文魚同帶子，另外，睇吓啲蝦，超大隻，長過我同我男朋友隻手😂生蠔：咁我哋就叫左幾隻生蠔試吓先，生蠔都幾大隻幾肥美，所以之後我都無限encore !前菜：我哋仲叫咗玉子豆腐沙律，都幾好食架，啲菜都好新鮮，個汁都酸酸甜甜幾開胃熟食方面：我梗係叫我最鍾意嘅牛油粟米啦！串燒我就叫左有機糖心菠蘿糖鹽燒大蝦，菠蘿又甜又大嚿，大蝦都好入味！我哋仲叫咗先蟹粥，蟹粥好香蟹味，蟹粥啲料都好豐富！清酒牛油煮大蜆：我哋叫左一鍋，好大鍋，蜆都好新鮮！麻辣赤琢露筍卷：偏辣，但係都好香，好入味，呢種食法都幾夾總括而言，餐廳選擇嘅食物都幾多下，無論刺身定熟食都整得新鮮同入味，同埋佢飲品選擇都好多，最後仲有朱古力雪糕食tim