相撲手日式放題 (已結業)

真係冇食過啲咁難食既放題。大佬，我比錢入黎食放題，點解要食得咁辛苦。一入門口見到啲客源都知中伏，但入左黎就冇計啦。啲刺身得帶子叫做正常，火炙壽司竟然可以'燶'晒，個溫泉蛋同生蛋唔知有咩分別，天婦羅冇汁點同埋啲麵粉厚到呢，生蠔腥到痴線，啲薯角硬到唔係比人食，叫蟹柳黎左青瓜仲要同佢講都唔理。最離譜既係啲野食完成10分鐘都冇人黎收野，其他野食黎到，見到冇位放都唔收，啲員工係咪唔洗做野？未試過食放題食得咁辛苦，真係比錢買難受，建議大家唔好黎試。

我在團購買咗呢個，晚上食都要$2xx全部單都係已book首先，間舖唔比walk in ，我哋個次走到過去，先知間舖所有單係提早book，好搞笑，同埋我係第一次見有咁既做法上菜極慢我哋好快手填咗比佢哋，等咗30分鐘先泥第一道菜，後尾幾道單都接近1x 分鐘先有。現場所見，侍應係好多，但唔知點解上菜可以咁慢，成日要等勁耐食物味道一般我食過唔同放題，真心覺得啲食物味道好一般，比成$2xx ，食得少，而且唔係話特別好正最後，我唔真心推薦大家食呢間，懷疑間野欺詐

8月25日按fb推介来试吃好失望服務差味道衛生欠佳的服務員摆到满桌的吉碟都唔收!刺身又欠新鲜落柯打又迟迟未到要催完又催唯一是現埸新鲜即切吞拿鱼還算0k但是總體说不满意不值推介不會再来光顾!

提早一家人慶祝父親節, 爸爸一向中意食放題, 可以一個價錢, 食到多款野食, 保證個個食得飽。我係OPENRICE查到呢間相撲手日式放題有生蠔食, 而且評價亦唔錯, 所以就預先BOOK定位係父親節前一晚一家人一齊去大吃一番。店內設大量卡位, 8點多, 店內已坐滿九成食客。店員先給我們一張Order紙, 生蠔限最多每人兩隻, 生蠔以冰墊底, 雖然我唔食生蠔, 但爸爸大讚新鮮, 而我更聞到好重既海水味。click完order紙, 我就出去自助吧拎野飲, 野飲以罐裝汽水同埋韓式飲品為主, 更有提供啤酒。唔飲凍野更可選擇熱水、熱茶返位後, 部份熟食已經好快上檯:羊架 不帶肥油, 只有淡淡羊羶味, 肉汁豐富, 而且很林天婦羅 即叫即炸, 表面脆口, 隻蝦略帶點爽鐵板燒物 赤豚露筍卷 汁醬包住豚肉, 少少辣, 很惹味串燒 蝦、牛舌呢度既牛舌林度剛剛好, 燒後亦唔會好乾身壽司 呢度有多款創意壽司, 唔係周圍都可以食到, 每件壽司都細細件, 食多幾件都唔會咁易飽刺身 超過十款, 每款刺身都很新鮮, 完全沒有雪味。第一輪order既部份三文魚為腩位, 有豐富魚油味, 而普通既三文魚魚油味雖不比腩位, 但

今次一行六人，第一次嚟試試，刺生新鮮，串燒好味，壽司ok，即劏藍鯨魚直得推介，好鮮味！下次一定再去！兩小時時間足夠，等食物時間正常，牛柳粒串燒記得一定要食啊！六人去一人免費，記得影印優惠啊！

先講唔好嗰啲 。天婦羅好差勁厚粉多油。 甜品選擇好少。雞翅無味， 叫咗一次就冇再叫。刺身ok. 壽司種類幾多，都幾好食。 成晚我哋叫得最多次係清酒煮蜆清酒味好濃生蠔真係一轉轉睇下好唔好彩。 一轉好食，一轉唔好食蠔無味。

星期六竟然book到位。一入店內 見人流咁少心知不妙點知中伏了食物質素好差生蠔冇海水味冇蠔味其他刺身都尚算可以熟食方面得好少選擇仲要係唔好食既得雞翼先叫做擺得入口甜品方面居然冇甜品 得雪糕仲要係雀巢。想點？地方殘舊 洗手間出面環境又好臭咁既價錢（298加一）唔平架喎！出面有好多日式放題店都好食過你地好多未食過咁垃圾既放題非常失望完全感到中哂伏奉勸各位千其唔好食呢間

Menu冇希靈魚冇甜蝦甜品冇咩款式揀只有兩種雀巢雪糕 同 兩種雪條他他醬焗蠔 啲醬有理冇理比好多同個蠔完全唔夾生蠔好淡味, 食一啖已經唔想再食所謂鮮蟹粥你落西芹真係無法理解口感一硬一軟 牛馬唔搭馬嘴粥又冇蟹味可以讚係得番 牛油炒粟米清酒煮蜆汽水款式夠多呢間食過一次夠嫁啦

正當大家掙扎緊諗唔到食咩嘅時候。大家就會選擇食放題！因為我哋一行人響尖沙咀，所以都係寶勒巷附近搵食。雖然係樓上鋪，但係見到佢凍咗個牌係街邊咁我哋就試吓啦！刺身有好多選擇，有甜蝦，三文魚，蟹腳，帆立貝，北寄貝，榮螺......佢所有嘅刺身都好新鮮，值得一提嘅係佢嘅甜蝦！一般出邊食到嘅甜蝦都係好細條，但係佢哋嘅size係好大！另外每人可以叫兩隻生蠔，生蠔係肥美同新鮮，我都只係落咗檸檬汁就就咁食！其實壽司有好多款，因為我想留肚所以就淨係點左我最鍾意食嘅鵝肝！鵝肝方面好香好juice，一啲都唔乾。響炸物方面呢，佢哋嘅芝士年糕，榴槤炸彈，金絲脆蝦盞都熱辣辣好脆，唔會話夠粉厚過啲餡！另外我好鍾意佢嘅蟹蓋，入邊有好多蟹肉，個個食完都再encore！最後呢我就食咗個蟹粥，因為實在太飽啦食唔落甜品！佢啲蟹粥好甜，而且仲有隻蟹腳！總結坐嘅位置都算闊落，食物質素好，侍應服務態度都OK，價錢亦都合理！

放題就食得多，第一次見到有即切即食藍鰭吞拿魚，好奇心之下就決定同朋友黎試下當晚大約6:30入到餐廳，安排左坐卡位，環境舒適，夠闊落，上菜速道都幾快，仲無咩漏單。我同朋友都好中意食刺身，首先梗係黎返round刺身啦，見到成盆排得好整齊，好吸引，三文魚仲要好大片，又夠新鮮，其中最正係赤蝦，有成隻手掌咁大。呢到仲有生蠔食，味道幾鮮甜，可惜每人只限兩隻，有d吾夠喉。串燒海蝦大大隻必試。焗蟹蓋真材實料，口感極佳，再三encore炸物有榴槤同脆蝦盞，夠香脆，吾錯吾錯最後就到藍鰭吞拿魚，要3位師傅先搬得起，足見份量十足，跟住每人仲可以即場食，夠鮮甜，要食多幾塊。總括黎講呢度係值得一試的放題。

呢日又係同事Farewell日，撞正Happy Friday，有兩個同事食過呢間放題話幾好，又好氣氛，岩哂gathering，於是我地就book左呢間餐廳準點放工柴娃娃去食放題。首先拎d野飲先，呢度有我鐘意既蘆薈野飲😍。榴槤控既必食既榴槤炸彈，榴槤味好香(連隔兩個位既同事都聞到)，外皮又香脆唔油，忍唔住encore。大大隻 新鮮甜美，又一必encore之選。好足料，岩哂我呢d重口味之人。今晚呢度仲送每人兩隻生蠔同海膽蝦👍。食食下仲開咪通知有師傅即席劏魚。劏之前仲放係度比大家任影，好識搞氣氛。第一次食放題又得睇劏魚、食藍鰭吞盒魚，又有得食生蠔，服務仲唔錯添，完全無漏單，野食仲好快上枱添。今次同事無介紹錯。

從來未遇過可以有人服務態度可以差到咁 張枱偏細 一路上菜d waiter已經彷彿淨係識喺左邊上菜 即使右邊有位都係 到冇位擺個陣就老馮咁要個客幫你執位比你上菜 成枱人對手都忙緊 個男waiter黑住面拎住碟野企係到一粒聲唔出 等運到咁 我咪同佢講冇手喎 跟住佢就轉身將要上枱個碟野掉左落垃圾桶! 之後仲要行番轉頭話：你唔要咪掉左佢 哩d係咩服務態度? 客人會幫你執個位比你放野係義務唔係佢責任 唔好老馮咁旨意人地幫你啦小朋友 仲有 咁樣浪費d食物你真係好折墮 god bless you

八月上旬·晴朋友問：「你不會吃日式放題的吧？」「吃！為什麼不吃？」我答。就這樣，在這周五大伙兒就在這裡聚會。其實我沒有什麼餐點是特別不吃的，尤其是「跟大隊」的時候。好像是日朋友們約晚飯，提議來這裡。坦白說，我還是第一次來。朋友說周五這個時段的餐價每位$268，已包十多系列的所有和食都是放題任吃，兼會即席解體原條吞拿魚。就價錢看，沒有什麼值得猶疑的地方吧？我們的約會在周五，也不要說，是晚是全場爆滿。香港人喜歡吃放題，可見一斑。這裡地方其實不小，少說也可以坐一百人，我們一行十多人就坐在近餐廳入口，即解體吞拿魚的地方旁。只見兩位師傅合力將原條藍鰭吞拿魚拿出來，也花了好些功夫才將其放在檯上。朋友在忙「剔紙仔」去選吃什麼，我去看看吞拿魚解體。只見經理敲鐘，食客紛紛聚集在放吞拿魚的檯前看解體過程。逾七十公斤的吞拿魚說真的不算是很大條（以吞拿魚來說），但在這裡出現真的引起一陣小哄動。當食客「打卡」完畢，兩位年青師傅將這條藍鰭吞拿「解體」。而周圍也聚集不少食客在瘋狂拍照：看來，這是店子的景點之一。師傳先將赤身及魚腩的部位切出來，再分發給在排隊食客。我們分發得中拖羅，頗鮮美之餘而油份也香。赤身魚香更濃，

點解有咁多好評 好伏...三文魚 吞拿魚刺身ok gei（第二轉吞拿魚冇咁新鮮）d蝦好大隻 大得黎更加唔新鮮 好似己經有少少發黑 八爪魚d口感好似食橡膠咁 帶子冇味 北奇貝好似有山咁 去返主打gei生蠔 其實我都係為左d蠔先過黎食 不過我真係從未食過咁差gei 蠔 冇海水味 冇蠔味 都唔知食左d乜 黎gei目的原本係生蠔 本人熱愛生蠔 而且要求唔高 但咁gei 食材同處理手法真係好失望 諗住轉食熟食啦 但係款式真係唔多 簡唔落 未夠鐘己經埋單走人平時都唔寫食評 今次係馬桶上面走唔到 冇野做先寫 就算請我都唔會再去食呢間野！！

我之前一家人有食過相樸手, 當時覺得好好, 食物新鮮, 所以一知有團購, 就馬上買了十張一家大小一同去食. 但是這次的經驗卻十分不愉快, 令我覺得我是貼錢買難受,  十分後悔。 1/ 漏單十分嚴重, 我們食的時間是2小時, 但中間有45分鐘是沒有東西到的, 追了幾次, 最後是叫我再下單??? 我們下了幾張壽司單, 只來了最初的一張, 及最後的一張, 叫了幾次蟹腳也沒有來, 最後來的, 也食不下, 因為確實不新鮮。帶子刺生也是次次有叫, 但只有最後一盤才有出現。2/ 數量跟下單的不一樣, 我們一行十人, 最離譜的是叫了10個水蛋, 10隻餃子, 只給我的是4個水蛋, 2隻餃子。  這是一次十分失望的放題, 我是真金白銀的去付款, 但我感到我好像是乞求食物, 是這樣去做生意嗎????????