相馬日式火鍋 荔枝角

營業中

休息中

相馬的大閘蟹放題真係超抵食🦀🦀🦀除咗大閘蟹任食、仲有送一盤蒸海鮮拼盤、點心及火鍋任飲任食。。。😋😋😋適逢大閘蟹季節，當然首選食大閘蟹先，每次每人2隻，可能食蟹嘅人都多，所以每次叫完5分鐘內就到，蟹大約每隻3両，都鮮味算有膏。首先侍應會叫你飲個胡椒花膠湯先，然後就放盆蒸海鮮拼盤，有蝦、魚柳、鮑魚、蜆及帶子等…火鍋湯底係胡椒花膠湯，湯底味道都濃，花膠都唔錯，仲無限供應。👍👍👍點心就個人認為一般，蒸牛肉球就唔錯，但蝦餃塊皮好厚，可以留返個肚其他嘢😅😅😅整體嚟講都唔錯👍👍👍

收工約咗朋友一起去食<相馬>任食大閘蟹海鮮火鍋放題套餐，朋友提醒我唔好係lunch食得太飽，如果唔係…要後悔😝一黎就先食個大閘蟹，大閘蟹中等size，有豐富的蟹膏，啖啖滋味誘人，肉質都很清甜，我哋4人食食下食咗20隻😹任食火鍋可以去自助吧揀，有好多食物選擇，我就攞咗少少新鮮嘅蔬菜🥬秋葵、粟米🌽翠玉瓜。而點肉類就有美國特選牛肩胛，都幾厚身，入口易咬，唔會癡牙😳；仲有優質豚肉，肉質幼嫩，爽滑無比，肉身都比較薄，更加索味👅Menu有即叫即蒸點心，我哋就叫咗籠蝦餃試下😝嘩~熱辣辣咁岀現，食落好似酒樓咁好食，皮薄餡靚👍🏻而一次性極上蒸海鮮🦞，好大鍋又多海鮮，有龍蝦、帶子、鮑魚…隻隻都好大😻上面仲有蒜蓉粉絲，鮮味更岀！食到好飽，個肚都凸咗出嚟，滿足！

有個朋友食過兩次都話好味兼抵食， 咁啱有個朋友想生日飯 食大閘蟹，所以訂咗位無限時任食，大家滿心期待，點知....每次攞嚟嘅大閘蟹都唔熱，我哋張枱已經係最近蒸爐， 而且冷氣唔大，唔明點解上枱嘅蟹唔係熱辣辣嘅， 之後每次叫侍應攞蟹都要再叮囑要熱啲，亦聽到其他食客 落order攞蟹時都話要熱啲。舖頭送嘅蒸海鮮 就不得不提， 全個蒸鍋內嘅海鮮只有蒜蓉味，但冇海鮮鮮甜味。 龍蝦沒有鮮味 ，蝦不新鮮，肉質梅，每粒蜆都有沙，魚肉都極腥。胡椒花膠湯底係幾好味， 火鍋料牛肉丶 豬肉片 ok， 好多菜同菇菌選擇，秋葵同粟米仔都係珍寶裝。串燒方面，菠蘿燒到好乾，無哂汁，豬牛雞冇乜特別，迷你紫薯最穩陣好食。單骨雞翼叫咗孜然味，夠味。榴槤味雪條 幾好味。以大閘蟹丶蒸海鮮鍋為主題的話， 真係比較失色。不知何解 當天海鮮質素咁差，令人失望！

忽然媽咪話興起想打邊爐，左搵右搵都唔知擇邊度好，見到一間都幾多好評，睇到環境同食物都唔差，今晚一家四人就係相馬渡過，我地入場時人流算多，不過好快就有位，等一陣就入得，呢度既職員都好有禮貌，態度好好，睇到佢既價錢好抵食，既市既話都係$498，仲要係任食，食物種類選擇多，一落單坐好D野食就好快到！🧡有我最想食既大閘蟹，好大份，又重稱，熟到金黃色，剛整起好夠熱，咬落去有好多蟹肉，好清甜，最開心係任食添！🩷跟住有成兜海鮮，全部放埋一兜勁豐富，裝到滿滿，睇到都流晒口水啦，大頭蝦好清甜，好有肉地，仲有鮑魚，上面都放滿晒蒜蓉，加上海鮮咪道更加香，仲有青口、海蝦等等…..！🧡美國特選牛肩胛已經排得好整齊，一份份咁出比我地，刀工好好，脂肪同牛肉好平均，口感好好，同時散發著陣陣牛味，佢既優質豚肉都好好食，肉質軟腍好滑，都係用上等靚料，早前試過係出面食過好鞋口，呢度係唔會鞋口！❤️最特別又過癮既係好似去咗酒樓咁，有即叫即蒸既點心，有包又有蝦餃，真係好特別，我地都讚同話好好食，媽咪話最鐘意食點心啦！

又到左放飯時間，做野超級累，今日慶祝公司業績創新高，同事就提議去呢一間餐廳慶祝！食物乾淨又衛生，價錢相宜，任食大閘蟹超級正！重點推介@@@@任食大閘蟹海鮮火鍋放題✨全部都以新鮮海鮮為主，可以任食大閘蟹，四人餐可以享用開邊龍蝦。龍蝦肉質非常彈牙，非常新鮮。賣相好正，打卡一流！再來呢個@@@一次性極上蒸海鮮，上臺就覺得好吸引，亦充滿海鮮香氣， 😛 。日本帶子肉質鮮甜，青口就淡淡肉，廣島蠔都值得推介，另外還有海蝦/大頭蝦/水魷/鮑魚等等高級海鮮。之後呢個@@@優質豚肉&優質雞腿肉，果然高質，好新鮮，咬落去沒有渣，證明好新鮮。@@@@即叫即蒸點心， ❤️燒賣輕微金黃色嘅包皮，外皮香脆，入面嫩而多汁. @@@日式串燒炸物令人一食就停唔到嘴！口感豐富，有香脆外層，配上內裏鬆軟多汁，我好鍾意呀！💛食完一餐好既又繼續返工，繼續沖業績！

呢間甘抵食既餐廳真係第一次食，4人用餐超級多豐富，so good。任食大閘蟹/////洗得好乾淨，可以放心享用～非常新鮮多膏，好肥美。👅極上蒸海鮮////👅開邊龍蝦師傅貼心地將龍蝦開邊以方便進食，醃得入味，內裏則肉質飽滿，軟腍鮮嫩。❀優質豚肉/////而且全部都超級吸引！！真係睇到都流曬口水😋🍋優質雞腿肉////🍵- 🍋非常新鮮彈牙😍😍🥛 海鮮類：日本帶子/沙日/蟶子/蟹棒/大頭蝦/水魷/鮑魚🍵-好正❤️❤️全部海鮮肉滑汁香，滋味無窮，送酒小菜，簡直一流！😍😍🤤😋💯✌🏻❤️👏🏻👅日式串燒炸物👅////全部都系即刻炸出啦，好新鮮好鬆脆👍🏻👍🏻👍🏻👅 Milktop 雪糕👅////口感幾清新，quite fresh。

一直都有一個印象就係任食放題質素應該都唔會好好，但係呢一間嘅放題令我對之前呢個既有嘅印象有所改變🤭一個價錢可以食到超級多種類食物，包括係有火鍋，蒸海鮮，大閘蟹等❤️呢三樣嘢就係吸引我同屋企人要去食飯！大閘蟹嘅質素我同屋企人一齊認為都係很好的，特別係蟹肉同埋蟹膏嘅質素都係好好的🤤而另一樣嘢我哋都係好期待嘅就係海鮮，可以喺app入邊任叫唔同種類嘅海鮮，蝦都有好似兩款左右選擇，真係好正☺️串燒都有得叫，但相對選擇就冇咁多但係都有最基本的牛肉豬肉雞肉😝食咗最基本嘅傳銷質素都係好食的！打邊爐方面淨係叫咗牛肉，牛肉嘅牛尾都好適中，肥肉唔會係好多✨整個用餐體驗都係好好的😎

一年一度大閘蟹🦀季節又到啦，於是今日同男朋友去食大閘蟹加海鮮火鍋放題！🦀🦀🦀🦀 大閘蟹，超正der 🧏‍♀️❤️❤️🩷大閘蟹嘅質素超好，勁多膏，又鮮甜！呢個一食落去入口即溶！仲有陣陣回甘！真係好好食🥹 我哋食完1 round，第二round嘅時候以為要等一下先會有，點知一遞張紙仔之後好快就上第二round嘅大閘蟹！廚房效料超高！😀✌🏼🐠🐟🐟極上海鮮蒸鍋，yummy yummy 🤤🤤🤤海鮮蒸鍋，超足料！有各式各樣嘅海鮮，各有千秋！🦐開邊琵琶蝦，蒸得啱啱好，鮮甜美味！啖啖肉！全部海鮮，都好新鮮，爽口彈牙😊肉質鮮嫩，口感豐富！🤩🍢🍡🍢🍡串燒party , 正正正😍😍🥰呢個套餐真係超抵，仲可以任叫串燒！燒粟米超甜，爽口惹味！燒節瓜都好唔錯啊！🍲🍲🍲火鍋配料，無🉐頂。雞脾肉，彈牙Juicy! 蟹籽丸，魚蛋都好好食！大閘蟹新鮮，海鮮火鍋材料上剩，多選擇！ ｜推薦指數：🩷🩷🩷🩷🩷｜大閘蟹迷必黎！😎

約左朋友聚會食嘢，最啱就係食放題，選擇多多，乜都有得食，份量又多，啱晒一班大胃王嘅朋友，鍾意食乜嘢就攞乜嘢，真係好啱我哋！呢間餐廳推介嘅係當造嘅大閘蟹，大閘蟹仲要任食唔嬲，當然要食返夠本啦！枱都見到蟹嘅身影，就知佢有幾好味，幾吸引，幾搶手啦👍食完個大閘蟹，就嚟返個一次性極上蒸海鮮，因為我哋四個人食，佢仲送咗隻龍蝦🦞，龍蝦開邊見到入邊啲肉滿滿，非常吸引，食落去啖啖肉，新鮮又甜，爽口又彈牙！其他海鮮仲有日本帶子，沙日，灰蜆，螺，小蟶子，蟹棒青口，廣島蠔，海蝦，大頭蝦，水魷和鮑魚。小蟶子真係極度鮮甜，🦑水魷魚又話又爽口，🐚螺肉彈牙嘅口感真係令人食唔停口！肉就有基本嘅牛肉，雞肉，豬肉，美國特選牛肩胛肉紅卜卜，非常新鮮，夠晒有牛味😋仲食埋春卷和日式串燒和Milktop 雪糕，一餐真係非常完美。

黎呢度就係為左食大閘蟹，🥢之前朋友話係度食得好爽，話呢度既大閘蟹好抵食，今日我男朋友陪我一齊食返夠本，呢度係荔枝角既相馬，唔睇唔個呢間有咁多分店，咁就近近地食完仲方便去下場玩，🥢呢度真係聞名所講，價錢抵食又係放題任食，而且✌🏻大閘蟹✌🏻都仲係任食，今次真係好正，佢既蟹肉係好新鮮，蟹既味都好濃郁，完全無腥味。仲拎埋勁多✌🏻海鮮😱打邊爐又點可以唔食海鮮，呢度都好多款，呢了好多蝦、蟹棒、青口、鮑魚、水魷、螺，大部份都食到，全部都好好食，而且佢地都洗得好乾淨，一粒沙都無✌🏻日式串燒炸物✌🏻都好吸引😱炸到好甘香，金黃色既外層都炸到外層脆卜卜，食起上黎好惹味，真係一啖接一啖停唔到口，炸物同串燒都一枝好食，而串燒燒到有燒烤味，外面都燒到好香脆，串燒技術高超，愈食愈好食✌🏻美國特選牛肩胛✌🏻肉質好靚好優質😱首要條件一定要有牛肉，總知食極都唔會厭

朋友生日，又咁啱到咗大閘蟹🦀嘅季節，我哋四個女仔就嚟咗呢度體驗吓大閘蟹🦀➕日式火鍋放題喇！我哋四個人超放肆，食咗一個好過分嘅膽固醇超標嘅一餐🫣🫣🫣 唔緊要啦，老咗之後就冇得咁瘋狂囉，同埋我哋四個女仔都話食埋呢餐之後就去做gym嘅哈哈哈哈哈🤔🤔🤔🫠唔～～～蟹乸同蟹公都超好食！激多膏，真心正🤭大閘蟹超大隻，同手掌差唔多大，肥美！一打開啲膏就爆曬出嚟，金黃色咁！味道濃郁！整體嚟講，大閘蟹質素very good🤤 ！我哋食咗咁多隻，99%都係超新鮮，勁多膏！好好味！值得一讚🤗 🐬🐟🐠一次性極尚海鮮蒸鍋，材料豐富！開邊蒸龍蝦，激厚肉！充滿龍蝦鮮味！其他海鮮都好新鮮，用蒜蓉蒸，超突出海鮮嘅鮮甜味！食過返尋味！😳🍲任食火鍋。🐮美國特選牛肩胛，好味！肉質唔鞋！牛味濃！🐷優質豚肉，爽口嫰滑！南瓜鮮甜！黐咗線，呢餐真係超飽，又滿足！價錢10分超值，絕對值得再嚟！不過食完之後真係要做多幾次gym啦哈哈！😫😫😫

男朋友生日，今日成日陪佢去食去玩，要食放題火鍋當然係食相馬，我地係荔枝角相馬食個任食大閘蟹海鮮火鍋放題。宜家係大閘蟹最好食的時間，多膏又夠甜，膏係完美的橙黃色，睇見已經留定口水，大閘🦀️清蒸冇任何調味，鮮甜得不得了！大大隻琵琶蝦🦐開邊處理，蝦肉肉厚夠彈牙，好有口感，味道鮮甜，啖啖蝦鮮味，一次性極上蒸海鮮包括有🦪🐟🦑🐡🐙日本帶子，沙日，灰蜆，螺，小蟶子，蟹棒，青口，廣島蠔，海蝦，大頭蝦，水魷，鮑魚等豐富到震😋🫨呀！跟著仲有多款肉任食😂大胃男友晏曬👍美國特選牛肩胛，優質豚肉，優質雞腿肉，每件都新鮮又滋味。牛肩胛簿簿一片鮮味無窮，雞腿肉啖啖肉滑溜溜，豚肉又香又鬆化👍

雖然知道係除咗大閘蟹外仲有好多食物可以任食但今次主要的目的係食大閘蟹！前提係朋友之前去過呢間餐廳食後，覺得整體質素都十分好所以今次就一齊再去食了(⁎⁍̴̛ᴗ⁍̴̛⁎)講下今次最想食嘅大閘蟹先(*≧ω≦)大閘蟹當然最重要多唔多膏啦！除咗多蟹膏之外，當日食到嘅大閘蟹都係幾大隻下，但係我就唔太識得分佢係幾多兩了(/ω＼)另外，我地四個人食所以係四人餐就有開邊龍蝦，如果兩個人食嘅話就冇龍蝦嘅^ - ^打邊爐我就鐘意牛肉，肉都唔會好肥！炸物有好多選擇，大愛芝士春卷，係可以輕微拉絲٩(˃̶͈̀௰˂̶͈́)و最後一定要講吓任食海鮮，真係比較會少見，又唔識但係質素都係唔會好差，可以！

見到相馬岀咗我最愛嘅大閘蟹menu，就叫男朋友同我一齊去食好西🫶🏻我哋緊係揀咗任食大閘蟹海鮮火鍋放題啦~ 店員安排我哋入位吾夠10分鐘就上左第一輪蟹，熱辣辣又多膏❗️ 我好鍾意蟹膏嘅細膩同綿密，濃郁嘅蟹味真係流晒口水🤤，食哂~再叫多1 round ，上蟹速度快🫰🏻之後點咗串燒炸物，蝦球🍤 好彈口又大粒，牛肉串亦好惹味🤩，男朋友攞咗粟米、金菇、娃娃菜，仲有我中意嘅蓮藕，原來火鍋自助吧有好多款式，你一定搵到你想食嘅，仲要全部都好新鮮！串燒又岀現啦😍今次有肥肉金菇、雞肉串、豚肉串，全部都好煙韌香口，肥肉金菇唔癡牙🤭好好食再來，火鍋海鮮拼盤有大大舊嘅日本帶子、非常乾淨嘅沙日、好爽口嘅小蟶子，其他都好新鮮又無雪味，食到我哋舔舔脷👅海鮮蒸鍋仲厲害！勁多唔同蜆，又有手掌咁大既鮑魚，又有十分新鮮嘅開邊琵琶蝦🦐，加上蒜蓉粉絲一齊蒸，最緊要係又夠鮮甜，不得了

呢幾日開始有啲涼涼哋，秋意嚟，最好就係食大閘蟹😚，朋友就揀咗呢間喺返工附近集中點嘅荔枝角相馬，呢一間火鍋店都幾多分店下。當然我哋就係揀最近新推出嘅任食大閘蟹海鮮火鍋放題套餐😋☑️任食大閘蟹首先講咗佢哋任食大閘蟹嘅質素都好好，比我想像中大隻，仲幾多蟹膏。☑️一次性極上蒸海鮮蒸海鮮特別鮮甜，仲有好多唔同嘅款式，最common嘅日本帶子、鮑魚、海蝦等等都有齊。☑️美國特選牛肩胛/優質豚肉/優質雞腿肉火鍋當然唔少得肉，豬肉、牛肉同雞肉都有齊晒，而且三款唔同嘅肉都幾好食。☑️即叫即蒸點心最估唔到嘅係呢度竟然有埋點心食，我就揀咗我最鍾意嘅叉燒包、燒賣，蝦餃、牛肉球😍燒賣大大粒，蝦餃皮夠晒薄，叉燒包都好好味，仲有juicy大大粒嘅牛肉球。點心質素真係冇得彈🥳