真光商店 (已結業)

從友人方面得知，這間在中學附近的麵店，因為鋪位被收購了所以快要結業，所以趁結業前再去吃一次。記憶中，中學時代光顧這裡的次數不多，但總會聽同學們提起這裡。這次來到，要了一個4餸的車仔麵，配料選了牛腩，豬大腸，魚蛋及蘿蔔配米粉。車仔麵送上來的時候，看到湯底的顏色深沉但很清澈，喝起來不會很濃味，帶點點麵豉的味道。這裡的車仔麵的配料切得比較細粒，牛腩夠入味，但不算太淋。豬大腸也是切得薄薄的，煮得夠入味但顏色白白的，應是用白滷水煮過。魚蛋只是來貨，味道及口感一般。而蘿蔔則煮得夠淋，只是甜了一點，應是煮蘿蔔時下多了糖。同場還有多名食客都是帶著相機來懷緬這裡的，聽老闆說這店會營業到9月10日，要吃這老店的車仔麵的話要趕快呀！

在西環第三街西邊街交界有一間不起眼的小店，走入他們的店像回到60-70年代的舊香港，十分有特色。 他們賣的不是山珍海味，又不是什麼高級食物。他們做的就是小小一碗的～車仔麵。他們的車仔麵簡單，沒有濃濃又搶的味精湯，第一口吃時真是平平無奇，但是在細細品嚐之後，發現他們的湯底是用大地魚（如果冇錯的話）煮成，感覺非常舒服，不會像其他店的霸道，淡淡的鮮味和其他的材料非常配合。他們的菜都好新鮮，沒有將貨就價，豬皮比較淋，可能是區內比較多老人家的關係。魷魚則十分爽口，蘿蔔則非常甜又沒有渣，我想是因為老闆3代的秘方。此店的另一特色就是~小童麵，份量不多，只有一個配料，價錢只是5蚊，最岩一些小朋友（或者大朋友）食，十分經濟實惠。老闆又對學生十分照顧，車仔麵送紙包飲品。所以除街坊外，他們的顧客就是學生哥了。小店的熟客非常多，老闆和顧客都有傾有講，像家人一般，在本來美味的車仔麵上再加上一份溫情，令人回味無窮。

真光我食過好多好多次,你話佢好好食??又絕對唔講得,呢間店係帶比你好暖既感覺小店經營二十年以上,老闆的媽媽是創辦人,現在老闆接手已十多件,仔大女大...真光小店的車仔面不會帶給你甚麼大驚喜,但保証衛生,唔會難食..用料則似檔主那樣老實,芝士腸只用金妹的,咩菜新鮮用咩菜,唔貪平,之前雲吞竟用CP..因我有吃開CP的雲吞..當初吃真光的雲吞立時嚇了一跳,CP是泰國一熟食大廠,似香港的波仔,但CP比波仔高檔,味道亦較優勝..CP在泰國有海鮮養植場,以控制其品質...所以CP的速食品不是平價野,但論貴佢又未算...但一定好少店肯用它,之後我問老闆是否用CP的雲吞,佢都承認,我話:『好貴喎』老闆笑笑:『都係你地食既姐!』我每次去食車仔麵,立立什什叫五∕六個"送",再加飲品,閒閒地$3/40..但老闆係舊式人,樣樣減D...三十五元他大叫三十元,,二十五元他又收二十元永遠收不足$...他的想法是熟客仔沒所謂,心照不喧,,總是叫你吃得開心兼物超所值..這是一份食物以外的溫馨

19-3-2009未夠鐘開會, 先搵個地方食 lunch, 今次0黎到呢間舊到無輪的車仔麵店.要了油麵, 配豬大腸 + 齋 + 蘿白 (三(食送) $17)... 油麵淥得十分彈牙爽口, 正! 3 (食送)就以蘿白最好食, 無渣, 好甜, 不過好似甜得有點「人工」, 唔通浸過糖水的? 豬大腸咬落爽口, 味道就帶點「臊」, 加上中間唔少肥油, 我就受唔住了. 齋就 (原來) 唔係酸齋, 只係一團團發大了又無乜味道的麵筋, 質地十足索滿水份的海綿, 難食;「搭」的唐生菜就係苦的, 比齋更難食! 環境充滿「歷史痕跡」, 唔知經營0左幾耐? 友善的老闆娘一路煮麵一路同食客 (熟客?) 傾閒偈, 幾有人情味的一個地方.三(食送) 賣 $17 一碗, 算係咁吧, 難怪老闆娘話平日勁多學生幫襯.

二十幾年前幼稚園時代已開始幫襯, 睇住事頭婆退休到佢個仔同新抱接手, 時間真係過得快... 返回正題, 呢間係我食均咁多間車仔麵最正的一間, 個湯底好濃但唔會好鹹. 我最鍾意係滑滑的豬紅同埋魷魚. 兩個人叫兩個麵加個魷魚菜就剛剛好~

呢間係我由細食到大的小店, 以前最鍾意食小童麵宜家, 就食4號麵, 即豬紅魚蛋蘿蔔油麵我本身不吃油麵的, 除左黎呢度可能係食開呢間口味既源故, 我覺得佢地既豬紅真係好好食蘿蔔很林, 魚蛋是細細粒果隻, 雖然size小., 不過幾入味環境和食物同以前一樣, 沒大轉變, 只是老闆已經換上了第二代想起以前的老闆娘, 即是宜家位老闆的媽媽, 真是好懷念...

有日經過這間外表古舊的麵舖，以車仔麵店的形式經營，看起來沒有吸引的地方，入來吃，純粹貪得意。沒有什麼心水，就隨便的點了牆上餐牌的其中一項推介，豬皮蘿蔔魚蛋米粉。賣相是很地道，料子也夠多。蘿蔔有點渣，很甜，是有點點冰糖的甜味。雖說冰糖很多時是煮白蘿蔔時帶起並甜味的引子，但在成品中吃到甜味，就有點兒那個；魚蛋細細粒，是來貨，味道也不怎樣，沒有什麼好評；豬皮很鬆軟，索滿了醬汁，也美味。可惜再看真，有不少的豬毛夾雜在豬皮中，幾倒胃口的，也放棄了其中的一大半。顧客也是熟客，店主一邊煮麵，一邊與各人閒話家常，好一幅街坊小店風情畫。亦有「小童麵」的供應，是單料麵，每碗5蚊，感覺好像時光倒流。埋單16蚊，雖然不至於很出色美味，不過有時在這些老食店吃東西，也別有一番風味。