真味鮮廚 (已結業)

餐廳位於觀塘，地理上十分方便，距離地鐵站只需要五分鐘左右，這天和朋友一同享用的就是火鍋，知道他們最近正在做推廣， 我們就是看上了他的海鮮拼盤。但因為正在做推廣當然沒有這麼少，一到達店員為我們安排了一個舒適的位置，先放上了刺身拼盤， 味道吃起來和一般日式餐廳的沒有大分別，也就是新鮮和甜美。及後奉上的就是雞煲， 可以挑選不同的辣度， 最重要份量十足，美味可口。湯底方面，我們挑選了 沙地瓜瑤柱湯鍋， 真材實料， 無可挑剔， 終於到了我們喜愛的海鮮拼盤， 精心挑選的六至八款海鮮，每日不同，也令我充滿驚喜，這天發現有原隻龍蝦分邊上 ，這樣的價錢配上這個海鮮拼盤已經 完 勝了， 另外，海鮮挑選時令，完全沒有腥臭味， 新鮮又美味。

好友上月生日，不過一直未安排到時間同佢慶祝。最近得知她終於忙完手頭工作，所以即刻相約出嚟吃頓晚飯。今次揀咗觀塘呢間「真味鮮廚」，因為酒樓最近推出咗個「海鮮火鍋放題」，套餐包刺身、湯底、海鮮拼盆、安格斯肥牛、巨形水餃、任食重慶雞煲同配料等，而且免收茶芥同醬料費，仲要無限時，啱曬同朋友嚟慢慢食慢慢傾。點完餐後店員就會立即送上刺身拼盤，刺身種類都幾多，有鮑魚、三文魚、帶子、吞拿魚、八爪魚同希靈魚，份量十足，而且樣樣都好新鮮。鮑魚大大隻，非常厚肉，食落爽口彈牙。三文魚油潤肥美，而八爪魚亦鮮味突出。跟住就輪到食可以無限添加嘅雞煲，上檯後職員會幫手將雞件炒勻至入味。雞肉微焦，肉質好嫩滑，而且食落唔會太麻太辣，反而香味撲鼻，令人食慾大增。湯底同海鮮拼盤接著送到，我哋揀咗個皮蛋香茜鍋，湯底頗清甜，芫茜味芳香，馬蹄爽身得嚟又有咬口，加埋彈牙嘅皮蛋，夠晒清熱下火。海鮮拼盆用料亦唔欺場，睇下幾豐富，除咗每人有半隻龍蝦外，仲有蟶子、扇貝、海蝦、貴妃蚌、大蜆、鱔片同龍躉頭腩等。龍蝦肉質爽彈，滾熟之後依然大大隻，啖啖肉。蟶子同扇貝本身已經很鮮味，再配上芫茜湯底，味道就更香甜。另外碟特級安格斯肥牛同水餃皇賣相都好吸

任食，食到飽，無限添加，自助，看到這些字眼已經感到超值。超值又不等如有質素，但這食店會給你意外驚喜。刺身拼盤，三文魚新鮮肥美，吞拿魚味濃，八爪魚煙靭綿滑，北寄貝甜美，象拔蚌鮮嫩，意想不到的是有磯煮鮑魚味道清甜。再來是重慶雞煲，雞肉嫩滑，味道濃厚，還可以無限添加。火鍋湯底選了皮蛋芫茜湯，皮蛋非常多，芫茜也很多，真是什麼也多。海鮮大拼盤，有意想不到的西澳龍蝦龍蝦是新鮮即劏的，味道鮮，而且肉質彈牙。蟶子，海蚌，扇貝，大蜆，沙白蜆，鱔片，龍躉頭腩，鮮味爆燈，令人一啖接一啖停不了。還來一碟特級安格斯肥牛，靚肥牛的重要元素是嫩滑，而且味道濃郁。再來一隻巨型水餃皇，裏面的蝦肉真的彈牙。基本上吃完以上食品已經感覺肚裏滿滿的，但停不下來，因還想試黑豚肉這個必試，炸魚皮也不可放過非常香脆，鮮淮山外面沒有滑潺潺的感覺看來處理過的很用心。味道: 值得一試環境: 舒適地方夠大衛生: 尚可服務: 尚可價錢: 超值

放題火鍋食物選擇唔多 野飲得幾種 連可樂雪碧果d 都無，另外甜品竟然無提供，比個雲呢拿雪糕都好啦，但d海鮮都ok 既 鐘意食海鮮既可以試下，我對海鮮就麻麻哋啦🥱 呢個價我食牛角都得啦，中上放題都係差唔多呢個價，但呢間我就覺得唔太抵食😅 亞太 樓上樓下大把選擇好過佢

真味鮮廚真係無改錯名，為會觀塘新開的火鍋放題，餐廳又大又新淨。大人$298一位，我個人認為是超值的。首先上來的刺身拼盤，每款都鮮味十足，有別於一般火鍋店食刺身質素，甚至乎比日式放題的刺身還要新鮮！這點非常驚喜！接着來的重慶雞煲，也是我強烈推薦必須encore的美食。餐廳選擇的雞件，肉質非常彈牙，就算雞胸的位置也非常嫩，唔使5分鐘食完， encore了一次！海鮮拼盤，據店員說每朝早五點新鮮入貨，怪不得鮮味十足，蜆肉還會動呢！何奇新鮮！特級安格斯肥牛，也是十足感動，不用多講，大家知到圖片也能想像其嫩滑和牛肉果十足！套餐還包括巨型水餃皇，愛吃水餃者必定大滿足，尺寸比正常水餃大兩倍！光是以上五個皇牌主打，已誠意十足，值回票價，接下來的自選項目，還有任飲酒水，連啤酒都有四款選擇，可見老闆非常用心。令人忍不住推介，下個月，一定要同屋企人坐來過！值得一讚，就是所有的服務員，都非常之有禮貌和熱情，感覺到他們重新研發的熱愛工作，整個體驗非常好！

今晚同事約好去 觀塘 真味鮮廚 吃放題, 果然有驚喜.  唔限時, 任食任飲, 真係不飽無歸.餐廳裝修好省鏡, 燈飾很潮.  座位整潔闊落.餐廳有大大個魚缸, 養了不少生猛海鮮.  龍蝦, 鮑魚, 象拔蚌…...海產多不勝數, 好生猛.店員招呼好好, 迅速安排座位, 遞上點菜紙.  圖文並茂, 介紹得好清楚.  落了單, 第一頁食物全包.  分三步曲:第一步：先送到 新鮮刺身拚盤, 有鮑魚, 象拔蚌, 三文魚, 吞拿魚, 帶子, 北寄貝, 八爪魚.刺身十分新鮮, 肉質鮮甜可口.  刺身上枱的時候都好窩心地用冰鎮著.鮑魚大件鮮味足,  帶子超滑又好食, 象拔蚌鮮爽, 三文魚厚切, 肉質肥美.啤酒飲品任飲,  罐裝飲品, 汽水, 果汁, 菊花茶, 竹蔗馬蹄水.我先取芒果汁.吃完刺身,  第二步：重慶雞鍋 送到, 店員替我們打火, 雞鍋有雞, 洋蔥, 蒜子, 薑, 芫茜. 炒起已聞到香噴噴,  雞好好肉, 有重慶的辣味, 第三步：海鮮火鍋送到. 我哋叫咗 皮蛋香茜湯底, 湯底十分清甜, 有香茜, 馬蹄,   湯底材料無馬虎.醬料款式齊, 自己混醬.海鮮大拼盤, 好足料, 夠隆重,  每人半隻

約咗幾個月無見嘅朋友，揾間唔限時嘅餐廳邊食邊傾計！原本想食尼間嘅任食火鍋！但我們兩人又唔太餓！最後決定食$198 /位 鮑魚海鮮蒸鍋餐刺身～三款魚每人兩片～算OK鮑魚～好新鮮亦算大隻日本鮮海螺～有驚喜上枱時仲郁好新鮮刀貝～須然都新鮮但唔大隻無嘜肉食沙巴龍躉～夠滑可選八寶飯或粥～我哋選咗粥～無嘜味及煮得太杰！一般！我自己在醬油區攞咗啲炸菜調一調味 有姐姐幫我哋蒸份量其實唔算太多但都夠飽食埋個粥

Easter holiday 姊妹敍會，環境舒服，一半食各。魚王幫我們選了好大隻加拿大象拔蚌做刺身，超鮮甜美味！然後海鮮逐個蒸，食材新鮮，因爲人不多，基本上服務員幫我地蒸，樣樣都好味，特別龍蝦，魚，蜆..., 因為不多嘢食唔曬，雞及大魚頭打包。吖，還有底粥都好讚！

平時最鍾意就係一盅兩件，放假梗係要同屋企人飲下茶，今次午市時間就嚟到觀塘亞太中心嘅真味鮮廚，好好彩唔使等位就可以入去，仲有得坐卡位🙂❣️蟹籽燒賣王$23.8燒賣大大粒，熱辣辣，而且有好多蝦肉喺裏面🦐❣️燒鵝拼燒腩仔飯$48燒鵝非常香口，但略嫌燒腩仔過肥，太多肥膏🌚❣️鮮蝦腐皮卷$22.8腐皮唔太油膩，裏面亦都有好多蝦肉😋❣️黑金流沙包$17.8流沙包尚算流心，但餡料過少🤪❣️油雞米線$19.8油雞入味，米線就清清淡淡，冇咩特別❣️鯪魚球浸生菜$23.8鯪魚球咬落結實，冇咩魚味，應該加左好多麵粉🌚❣️滷水掌翼$42掌翼好入味，食落都好多肉😋❣️豉油皇鵝腸$42鵝腸爽口，不過就唔太入味，芡汁過多，好水汪汪🌚🏦是次消費總額 $290（人均消費$96.7）茶位$8 🍴須加一服務費👅好味度：7（10分滿分）食物味道中規中矩，閒時嘆番一盅兩件，都唔錯，不過服務質素就要改善下，叫阿姐拎碟辣椒油都叫左幾個阿姐先有🤪

今日同阿媽嚟咗真味嘆茶.呢度嘅茶位每人$12，對於觀塘入士嚟講來講唔算太平。兩個人叫咗四碟點心。媽媽叫咗牛肉腸粉同埋5色拼盤而我就叫咗包汁鳳爪同埋叉燒腸粉牛肉腸粉：媽媽同我講話腸粉好林，牛肉就好硬。對於冇牙嘅佢來講，佢就將啲牛肉掉晒出嚟，太硬冇食到。叉燒腸粉：呢度嘅叉燒腸粉只有兩條，好多時外面嘅酒樓一般都係有三條。所以唔算太抵食，至於味到來講就算係不過不失。包汁鳳爪：呢度嘅包汁鳳爪簡直係唔好食，中伏！一般酒樓都唔會用炸左嘅鳳爪嚟做包汁鳳爪，所以完全唔夾同唔入味！連呢度最吸引嘅係五色拼盤$25有五種唔同嘅點心可以俾你食到1）蝦蛟： 鄙薄餡靚好正！2）粉果：味道一般3）鮑魚燒賣： 個鮑魚好硬唔夠淋而且燒賣好硬4）千層糕：夠林而且味道很好，媽媽讚話好食5）流沙包：流沙包唔係有太多流心流出嚟，但係嗰包嘅顏色就好靚！呢個午餐食咗120。

每次嚟呢間亞太中心唔係韓燒就放題，第一次嚟飲茶。一行三人，其中同行長輩推薦，果然食物質素唔錯，價錢抵，坐位唔密亦坐得舒適。翡翠筍蝦餃皇，唔算大粒，不過蝦肉爽口。鮮竹牛肉球，無特別，都唔錯。黑金流沙包，個包做得好軟，流心餡多啲會更好。蘿蔔千絲酥，蘿蔔條夠粗，食到蘿蔔嘅口感。百花炸兩腸， 油炸鬼唔脆，腸粉幾軟滑。下午茶孖寶：蛋黃千層糕，皮蛋瘦肉粥，長輩形容抵過大排檔，係咁讚個千層糕好味叫我哋試。蜜味叉燒米線，都係長輩推介，話呢度啲肥叉好食，雖然唔係肥，但係入口都幾鬆軟。美極安格斯牛肉崧炒飯，唔係咁鐘意食炒飯嘅我都覺得好味，肉有牛味，炒得乾身唔油，粒粒分明，飯唔會太硬太淋啱啱好。

真係好耐好耐冇飲茶啦， 一來疫情問題，二來時間唔夾，難得今日年三十早放，即刻同好同事沖過嚟茶樓食點心！呢間茶樓食物質素一向有保證，平時有下午茶就更加抵！不過今日年三十就冇咗呢個優惠，可能因為咁人流都唔算多，不過咁樣我反而食得更安心！最鍾意佢嘅金沙銀蘿腸，一絲絲嘅白蘿蔔，超甜又多汁，加埋少少蔥花仲有薄網脆皮，最外面包上腸粉皮，點埋鼓油完全係冇得輸！鮮蝦腐皮卷熱辣辣又脆卜卜，咬落都鬆脆，只係比較多油。其他食咪好似蝦餃，四寶雞紮等到保持一貫水準！

今日同表哥一家去飲茶 佢係假日都有下午茶供應 嗌左7-8樣點心 每樣的食物質素都不差 中上的水準 而當中我推薦就係菜心同埋豬手 菜心好淋甜 而且上湯的味道滲哂入去 好好味 另外 豬手亦好入味 亦炆得好淋 係一個唔錯的飲茶選擇

成間酒樓得一個女經理有禮貌 其他員工黑口黑面 皺眉頭 咁多枱 得四五個員工一開始叫咗兩個二人餐 點知無啦啦上咗兩盤要額外加錢嘅象拔蚌刺身 咁我哋當然話我哋冇叫，個侍應阿姐就好燥底咁拎走左，隔咗一陣又返嚟話我有叫。。。跟住成餐飯 我地好似得罪咗呢個阿姐咁，十問九唔應，去到攞豉油，同嗰個阿姐講冇晒蒜蓉，佢竟然行過唔理我哋，扮聽唔到。。。真係痴線，仲衰過澳牛食咗個幾鐘之後，先發現有幾碟食物根本都冇黎，咁當然追佢單啦，最後先拎過嚟，真係唔問就搵你笨。之後叫左兩罐可樂啦，個男經理就拎咗兩罐忌廉，我咪同佢講 我叫咗兩罐可樂囉，佢竟然話返我轉頭話我明明就係叫咗忌廉，真係好服佢哋嘅服務態度！最嬲嘅係，食佢哋個蒸鍋梗係想食底嗰碗粥，竟然揭開之後得一大碗黃色湯，嬲到即刻搵個女經理，佢話真係唔好意思可能落少咗飯。。。總體來講海鮮好食嘅，但服務真係好差好差...

野食唔差 就係差在某男經理午市個場旺我都明點解燥但我個時段明明人已經開始少食食下野放張櫈埋黎大力到成張台郁哂老人家當堂嚇到三魂唔見七魄食到一半加單我叫「唔該」你埋黎就問我「做乜野呀？」加完等咗半個鐘未到我先話問下仲要已經唔係問你明明你同事態度都正常你居然係遠處大大聲話「加單係要等架啦！」知你地忙我地全程唔該前唔該後除咗落單都已經無野舉過手食得乾乾淨淨無搞到污糟邋遢真係唔知得罪你乜野最後上菜仲要大大力啲汁都飛埋落台茶餐廳都唔會咁無心機做不如翻屋企休息下啦你地既服務質素真係極品永久blacklist