真心泰國菜館 (已結業)

經朋友推介，在女人街中隱藏佐間好有風味的泰國菜，今晚和朋友聚會來到、入店就發覺挺有特色的.入正題吧、最主要還是菜色和味道吧、我們點了冬陰功、咖哩蟹、蝦刺生等、以及小可愛店員介紹的泰式蝦醬炒飯、味道還真和其它泰國菜食店更具風味、特色！店員介紹的炒飯飯粒粒分明、咸香再加小小辣、感覺又香辣均衡、真值得推薦和一試再再試！

這間泰國菜餐廳喺旺角已經好多年喇，之前的老闆係正宗泰國人，所以幾位侍應都係泰國人，以前老闆娘還鎮得住呢幾位大姐，如今轉左手，呢幾位女侍應服務態度簡直奇差無比，懶既懶，無禮貌既無無禮貌，事緣早陣子去食午餐，我叫了一個蝦醬炒飯，上菜時見到，有好大舊辣椒喺碟邊，然後成碟飯有用辣椒碎去炒，我食左一啖覺得好辣，我平時都有食開辣，但都頂唔順，就問問那個態度差的侍應，點解而家蝦羔炒飯落辣椒炒（因為以前食開係冇），我唔係投訴，只係我想知師傅有冇落錯料，但侍應竟然答我碟飯冇落辣椒，我問成碟野紅色一粒粒係咩黎，佢答唔到，只係不斷話冇落到辣椒，我就話不如叫師傅出來我親自問清楚，點知佢一手拎走我碟飯入廚房，然後用不屑眼神望下我又自言自語唔知講咩！哎...人去茶涼，緣份已盡！

女人街，唔止遊客鐘意黎，我都好鐘意🤤不過吸引我既唔係大街上賣野既檔攤，而係大街兩邊既餐廳，大部份都係小店經營各具特色，今日就發現左間口味正宗既泰菜喇午市同下午茶都非常抵食，絕對好過去茶餐廳食頹飯～我地叫左兩個午餐，+$10轉龍眼冰龍果冰非常清甜，很濃既龍眼肉味，就算冰溶曬都唔會覺得淡如果大杯d就更好泰式鮮蝦炒河$48呢個我好鐘意，比我係泰國食到既更好味！河粉好彈牙軟熟，入口好滑，炒得夠鑊氣又唔油青咖喱海鮮炒飯$48飯炒得唔錯，入口好香青咖喱味🤤非常惹味以炒飯黎講配料真係算豐富炸蝦餅$63口感結實爽彈，唔厚粉夠脆口泰式炒通菜$68個人覺得比馬拉盞炒通菜好，無咁重口味亦無咁油！味道同我係泰國食既一樣，口味好正宗午餐重有甜品附送價錢合理，味道正宗

這家泰菜好有泰國特色，店內店外裝修佈置都好傳統，唔知店員是否也是泰國人呢(我自己猜不到呢)。可能今日係平日，唔算太多人，放工太餓了，唔洗等位就最好，餐牌上款式有很多，不過今晚都係食我鐘意的。"西柚辣沙律"我最愛，去食泰菜必點菜式，辣度唔算太利害，我接受到的，柚子肉有好多件，加上沙律的調味，開胃醒神，除咗有蝦肉，仲有扎肉添，都算多料喎！"冬陰功"鐘意辣的朋友就話好好味，除了辣度十足，我覺得個湯鹹鹹地，有蝦有菇整體都不錯。"泰式炒貴刁"夠獲氣，好惹味，唔會太油同太鹹，仲有花生碎同青檸汁，有風味。"泰式炸蝦餅"炸得剛剛好，熱騰騰，夠彈牙，通常傳統食店先會保持到水準。"大樹菠蘿冰"第一次飲，感覺都幾特別，又唔會太甜，飲完冬陰功，即刻飲返啖冰凍飲品，爽呀！

今日約了個舊同學聚舊，難得大家都好喜愛食辣，異口同聲就決定去食泰國菜。這家食店雖然係內街，但位於旺角的中心很方便。店內佈置好泰國風，以木為主，食物的整體感覺也很地道。冬陰功：個湯真係好夠辣，雖然選了細鍋，但材料份量都算多，尤其D菇吸晒湯，特別有味。蝦醬炒通菜：今晚個菜好新鮮好嫩，加埋蝦醬炒，好入味又唔會太鹹。泰式炒貴刁：耐無食，今日食覺得特別好味道，唔太油膩，調味剛剛好，即炒夠熱，香氣撲鼻。椰汁綠豆冰：椰汁個味道好似新年糖果盒入面的椰汁糖味道，甜絲絲。

係通菜街竟然都會搵到間好正宗泰國feel既餐廳，入面有好多佛像、象等等既泰式擺設我地就叫左個二人餐試下，個湯可頭飲落覺得有d酸，但飲飲下就feel到有d椰汁味，同埋個湯雖然係冬蔭公，但唔太辣，岩哂d想飲冬陰公又怕好辣既你！最驚喜係湯入面有好多料西蘭花夠淋，同埋有好香蒜蓉味，蝦都好新鮮同爽，好果可以再大碟d就好肉碎好多，如果可以再多d肥肉就好喇，同埋好辣，夠哂惹味，同埋生菜一齊食就冇咁油膩呢個都味道正常炒飯都幾大碟蝦餅雖然有d貴，但份量都幾多，蝦餅都係即叫即炸加埋個酸辣醬一齊食，好味就算加左冰，椰汁味都幾濃，甜度都ok最後仲有大菜糕食添

又係出街食好野嘅時候啦，今次就同屋企人喺旺角食泰國野，食之前都上網GOOGLE 過，原來呢間已經開左十幾年，而且仲開埋分店TIM。餐廰環境幾有特色我地因為預左晏D 去食甜品，所以唔諗住食咁飽，淨係叫個2人餐再加少少野食4 個分就夠啦。2人餐有: 椰汁冬蔭功湯第一啖入口覺得好酸，但之後繼續飲落去就覺得幾好飲，飲得出有層次。好足料肉碎生菜包肉碎份量夠多，但稍為"鞋"左少少。雞肉炒貴刁味道有D似炒泰式金邊粉。西蘭花炒蝦味道唔錯，不過蝦嘅份量有D 少，每人平均分唔到一隻。另外我地仲叫左個泰式蝦餅同真心招牌炒飯。幾有蝦味，不過唔夠彈牙。飯嘅味道好好，如果配合埋冷飯炒就會更好。甜品

女人街食肆林立呢日經過呢間泰國菜館門口裝修 充滿泰國味道 好吸引 就決定入去試下入到餐廳 見到天花掛滿左彩色既傘 好有特色餐牌選擇都幾多 晚市一人套餐都幾抵只係幾十蚊就可以食到個泰式飯/麵+餐飲同甜品不過我地想試多的野 所以決定唔點套餐咸魚炒介蘭介蘭翠綠又爽口滲出陣陣咸魚香味海鮮乾炒粗河粉很足料 份量亦足 獲氣夠燒雞半隻 好大份 兩個人食都好夠雞燒到好香 肉很嫩滑 高水準餐飲揀左青檸七喜 價錢都算合理食飽飽仲有甜品送 耶汁糕 不過味道略淡

今次嚟到泰國真心泰國菜，喺旺角區有兩間分店。今次食通菜街嗰間，因為食之前同朋友喺西洋菜街嗰頭行街。之前食過另一間，覺得唔錯，於是決定可以幫襯一下呢間分店。我同朋友兩個人，我哋一共點左一個收費278元既套餐，再加一個收費145元既鹽燒魚。1) 鹽燒魚 (⭐⭐⭐⭐⭐)以內藏香茅再外加淮鹽燒烤而成。賣相OK，肉質鮮美 ，唔算好鹹，有啲去骨。燒嘅程度適中，香口熱辣辣上菜，令人好滿足，大飽口福！2) 黃咖哩牛肉 (⭐⭐⭐⭐⭐)另外仲有雞及豬供選擇，咖哩汁稀凋適度，味道濃郁，加以熱辣辣的蒜蓉包醃食，可謂天衣無縫！咖哩唔算好辣，一般人都應該接受到。3) 蝦醬通菜 (⭐⭐⭐⭐💢)泰菜必選，惹味依然。份量都幾多，唔算太油膩。蝦醬令到通菜好香口，每次食親泰國一定會叫通菜，先覺得滿足。4) 泰式春卷 (⭐⭐⭐⭐⭐)鬆脆可口，不過可能有啲熱氣啦。套餐包嘅，當係餐前小食。另外仲送甜品， 最頂癮是食完食完辣野之後 ，黎杯冰凍清涼嘅椰汁水！

裝潢用不同花紋既傘勾上天花板，唔知點解，總係有種清涼感❤️。青咖哩泰式炒飯 $48飯粒偏硬，青咖哩味道稍嫌不足，不過辣度足夠，所以食落仍風味十足。份量大，以48蚊既價錢，絕對屬性價比高既一餐。泰式小食併盤 $146有超多小食，蝦餅，魚餅，春卷。 蝦餅唔係平時食開既形狀，不過仍然彈牙，更添口感。魚餅香葉味濃，好吸引。跟餐可配飲品，加5蚊就可以有細特飲，都幾實惠，雖然細細杯，但係以過口癮黎講，真心唔錯🙈。最後仲有甜品添✌🏼。

女人街有好多野食, 突然想食泰國菜, 入左呢間有WiFi,有泰文歌的真心泰國菜,lunch menu好多選擇,有湯河,撈麵,飯,小食, 泰國特色飲品, 價錢唔貴,天氣凍凍地, 叫左杯熱紅棗茶, 甜甜地, 個底有好多紅棗,食泰國菜唔少得生蝦, 加蒜頭食, 個汁好辣好剌激但好味道,4隻生蝦夠哂凍,朋友食豬頸肉金邊粉, 湯底有多種香料味, 好香, 好惹味, 炒貴刁, 加花生碎有口感,好香口,  貴刁甜甜地, 唔油,唔辣,易入口,最後有甜品椰汁大菜糕, 唔係好甜,岩哂香港人口味, 

最近喺旺角食飯，多數是一大班人去cafe，或者食雞煲，泰國嘢印像中都有兩三個月冇食，突然有d掛住 炸蝦餅同埋泰式生蝦，亦因為順路的關係就去左通菜街的真心泰菜館。喺通菜街嘅所有餐廳都係細窄形，呢個亦都係條街特色，但內籠裝潢都幾有特色。見餐牌好多一人套餐價錢大約60至70蚊包飲品， 想食豪d啲嘅有二人套餐，我就選擇就散叫，叫了炸蝦餅， 馬拉盞炒通菜，青咖哩炒飯，及一杯咸檸七。想叫埋泰式生蝦，但見m要156蚊就冇叫。炸蝦餅配甜酸雞醬，一上碟見到8大舊， 但每個都係切開的。內有飽滿彈牙蝦肉，又炸到外層脆卜卜，好味馬拉盞炒通菜，可能唔啱時節，菜不夠嫩，但馬拉盞嘅醬好味，提味不少。其實馬拉盞同蝦醬幾似，都係用蝦仔發酵成，但馬拉盞多了辣的層次，如果點菜時選擇選擇了椰菜苗咁會好食好多。青咖哩海鮮炒飯，可能係因為加了青咖哩，碟飯色水冇咁好，但內有魷魚，青口等，其實都幾豐富，所以大家唔好以貌取人連加1埋單都係3百頭，都算抵食。

小妹與男友好像經常吃西餐今次我們轉轉口味到泰菜館用餐我們點了一個set dinner套餐包了甜品和飲品特飲再另外加錢再點了青木瓜沙律細的冬陰公馬拉盞通菜豬頸肉飯$68豬頸肉香脆 肥瘦剛好附有頗多的馬拉盞炒菜我吃得很開胃因為是唯一不辣的一道菜套餐有飲品和甜品性價比頗高～青木瓜沙律是小妹每次到泰菜館必點的菜份量都頗多滿滿一碟 有青木瓜絲 花生 蕃茄等酸酸辣辣的 非常開胃冬陰公$75因為小妹不能吃辣而這個冬陰公都頗辣男友便興高采烈地喝掉整鍋他說比起九龍城泰菜館的來得更辣點好喝

之前食過朗晴坊嘅真心泰國菜館， 味道覺得不錯。今日星期六要番工，想食美味下午茶補番數，記得真心泰國菜館係通菜街也有一間分店， 收工後同老公立刻前往過去。去到通菜街嘅真心泰國菜館， 裝修一樣好有特色， 充滿泰國風情嘅傘、佛像、 大象工藝品， 剎那間有如置身泰國，感覺良好。這裡有"真心午市大特價"餐牌, 真心講句，真的非常超值，價錢便宜外，大大碗，份量多，真心讚好。先來個泰式生牛肉河($32)， 清鮮的牛骨湯頭，清淡又爽口，南洋香料的撲鼻香氣，讓人鼻孔都開了，柔嫩的牛肉片頃刻間在高湯裡燙熟， 口感又軟又嫩，加上彈牙的河粉， 吃了一碗還想吃第二碗。之後來碗泰式豬頸肉湯米($38)， 豬頸肉香口又惹味， 配合鮮甜清湯, yummy 。另外一人一杯餐飲 : 青檸梳打(跟餐加$5)， 酸酸甜甜又有汽，好醒神 ; 龍眼冰(跟餐加$10)， 清甜潤喉， 最啱女士飲 ; 雖然係跟餐，但飲品絕不馬虎。再來散叫一個泰式生蝦刺身($95)， 大蝦肉質緊實富彈性，味道爽甜鮮味，再配上大量生蒜、辣椒，調制嘅醬汁，完全帶出蝦肉嘅鮮味，其酸辣味道，非常醒胃。還散叫一個泰式炒芥蘭($68)， 芥蘭顏色保持鮮綠，夠鑊氣，

今日約咗朋友在旺角食晚飯，突然興起想係咁凍既日子食下泰國菜，搵到哩間位於通菜街的真心泰國菜館，係地鐵站行過黎又近，就決定黎試下。夜晚餐牌有一人餐，二人餐，同三四人餐揀，可以再散叫其他野食我地揀咗其中一款二人餐，有四樣野食，飲品。肉碎牛菜包，肉的份量多，有少少辣，惹味，夾生菜食好清新冬蔭椰汁雞湯，椰汁味重，唔算好辣，雞肉嫩滑炒貴刁，雞肉，可以撈花生碎粒食，金邊粉煙韌易入口，酸酸甜甜，唔油蒜蓉炒芥蘭，新鮮，爽口三色冰，香甜有椰汁味