真心泰國菜館 (已結業)

難得約到一班小學同學仔出唻, 當然要搵中間點方便大家放工, 今日行過見依間泰式餐廳好似好地道, 店入面唔算多人, 朋友又話想食咖哩就一於啪板店裝修幾特別 有風味我地五個人叫左個四人套餐再另外加左兩道餸先唻冬陰公, 我唔係好食辣但都食到, 酸酸地好開胃西蘭花炒蝦, 估唔到d蝦真係幾新鮮啵依個味道就淡左少少, 如果可以再加少少辣會更好好新鮮, 唔會好似出面果d咁梅, 依碟彈牙架椰醬炒飯, 第一次食口感似粿米飯, 又有椰香味, 甜甜地入面仲有椰肉, 非常飽肚跟餐送芒果糯米飯, 最最最鐘意依樣, 食完就好想飛一轉泰國呀！全餐廳當晚應該最嘈我地依枱, 又滿足又愉快既一個晚餐, 希望快d有下一次聚會!

朋友話想食泰國菜 諗起呢間N年前係朗晴坊食過既泰菜 但由於果邊full左 就過黎呢邊不嬲就覺得呢間泰菜價錢合理 性價比算好好野食未到 叫住杯椰汁珍多冰先my fav☺️☺️☺️冬蔭公湯同出面有啲唔同 香料特別種類繁多仲特別重椰奶味👍蝦🦐都係新鮮既 爽口彈牙呢個西蘭花不得了 成碟應該有兩棵西蘭花份量完成要3-4人先搞得掂咖哩海鮮飯 呢隻黃咖哩甜甜地 一啲都唔辣 岩哂啲怕辣嘅朋友仔！ 送飯可以話一流 連埋啲洋蔥紅青椒一齊食 特別甘甜🙀呢個pad thai都係超大份量 口味雖然甜甜酸酸開胃的 但我地食左半粒鐘 啲份量都無減退到😂 最後帶走聽日做lunch 😆下次可以同一大班朋友再黎 咁大家都可以share 多啲食得輕鬆啲🙈🙈

今日成班朋友提起去食泰國野，我就搵左呢間地道泰國菜，7點到步，已經無乜位，等左15分鐘就已經可以入座，我地望左餐牌好耐，實在太多野想食，但最後我地就叫左兩個套餐，因為包含既款式都有齊大家想食既，包括明爐蒸烏頭、泰式通菜、串燒(雞、豬)、菠蘿炒飯、喇沙雞柳米粉！烏頭算係大條，重有好多肉碎，個湯酸得黎好好飲，魚肉吸收左湯既精華，簡直無得彈，而且條魚一D都唔腥！之後黎左串燒，燒得香之餘，配搭既醬汁都好惹味，菠蘿炒飯係我既至愛，一上枱，炒飯既香味已經深深吸引住我啦，飯中有菠蘿、提子乾、臘肉、雞柳，而通菜真係值得一讚，好惹味而且只係帶小小辣，而喇沙米粉個湯就有好多花生粒，米粉分量都幾多！

同朋友行街行開旺角，經過通菜街裏面見到有一間好有泰國風情嘅泰國鋪頭，無論鋪頭及店舖內都好有泰國特色，我哋四條友就叫咗個二人套餐+1個一人晚餐，未到七點已經好多人，我哋好在只系等左5分鐘就有得入去食，一人晚餐：喇沙雞絲米線，仲有餐飲同甜品$65，個喇沙味道好好味，而且好多花生醬同每條米粉都掛住喇沙汁非常好味，味道好出眾，泰國米粉比較幼細及硬身，好彩呢度都食到，正，二人套餐A set有泰式明爐烏頭魚，熱辣辣上枱，魚質滑身吾腥，個魚汁酸酸甜甜，配合芹菜及秀珍菇，好鮮甜，泰式紅火炒通菜，值得一讚，個通菜非常有鑊氣，仲有少少辣椒非常惹味，另一個系泰式串燒4串，我哋揀左豬肉+雞肉，燒得非常香，肉不會太鞋身而且甜甜地，配上個醬汁有花生醬喺裏面，好夾，菠蘿炒飯，份量中等，裏邊仲有啲肉鬆及提子乾好有咬口，奉送甜品綠豆邊糖水，上菜速度快，服務都幾好，泰國人好有親切

下午來到女人街（通菜街）工作，便順便去午餐，給我找到這間泰國菜館，剛入店，便給那裡的傘陣佈置所給引。那就像是進了藝術館一樣，牆壁上也放了許多藝術品，把店內裝潢的很有味道。進店時沒有太多客人，所以店長（我想是）怡姐（其後問她的）着我隨便找個位買坐，我便選了近收銀的枱子坐，怡姐給我菜單，我便問她有什麼介紹，她樂意的推介了冬蔭功湯麵伴蝦。湯麵應是金邊粉，幼嫩彈牙的粉麵配上微辣帶甜的冬蔭功湯，還有好幾隻彈牙中蝦，味道配合得宜，不過個人覺得可以加辣，下一次要着店長加辣。另外還點了兩個頭盤，當然火少得最愛的泰式生蝦刺身，蝦超大隻，又新鮮，值得一讚，怡姐說每早新鮮由市場找出新鮮活蝦，上菜時便生剝蝦殼及清潔，保持蝦肉新鮮。另一頭盤是泰式炸軟殼蟹，蟹肉肥厚，鮮甜。另有飲品，加$5便有菠蘿紅毛丹冰，超低！最後還有甜品送贈，淡淡清甜的大菜糕，超正。因為貪吃，又點了餸菜，麵也吃剩大半，其實只點湯麵已夠，但其在太低吃，點多了，下次要節制一下。沒想到臥虎藏龍，在女人街也找到了這抵食的泰國餐館。後來發現有許多客人到來，我也不便多留，走時才發現餐廳有免費上網，下次可以在店休息一下上下網。

放工到友人的工作地點附近聚餐，選了一間聚餐熱店食泰國菜。早前曾到另一間分店吃泰國菜，友人對食物及環境甚為滿意，於是到這間餐廳吃泰國菜。點了兩個套餐，一個主菜、一杯飲品和一個甜品。馬拉盞通菜拼豬頸肉配白飯($68)，豬頸肉烤得香爽，但我依舊更愛馬拉盞炒的通菜。馬拉盞為新鮮青綠的通菜加入非常香口的辣鹹味，越食越開胃。生菜肉碎包白飯($68)，生菜新鮮清脆。肉碎炒得辣香，加入生菜片和白飯，新鮮清爽的生菜、香辣肉碎和香軟白飯的配搭，色香味俱全。來到泰國餐廳，喝奶茶檸茶實在太普通，當然要喝泰式凍奶茶(套餐+$5)。有些泰國奶茶太甜，但這個甜度適中，茶味足，越喝越想喝。 另外選了一杯特飲菠蘿紅毛丹冰(套餐+$10)，紅毛丹包着菠蘿，肉質肥厚，味道和荔枝相若，甜味為主，酸味為輔，與菠蘿一樣。外層的紅毛丹軟，內層的菠蘿甜爽，令這杯帶點紅毛丹飲品更具特色。最後是我們必點的酸辣海鮮湯($76)，海鮮湯的辣味及香料的味道讓我倆上次喝了後回味無窮。湯底是精華所在，加入辣椒非常香辣，伴飯絕佳，仍然是超水準的海鮮湯。最後是套餐的糖水，芋頭綠豆西米糖水。糖水量不多，看上去是平平無奇，但西米的口感帶點嚼勁，芋頭與綠豆

跟朋友在旺角逛街，又到了食午飯的時候，旺角到處都是食肆，什麼款式都有，朋友就話想食泰國菜，我想了想~以前在旺角工作，都一定會去通菜街旁邊暗巷找餐廳，而這間真心泰國菜就是我以前工作時的飯堂名單之一，所以我就帶了朋友來試一試。午餐來說，選擇有很多，但我以前都是食海南雞，當然今次也要再試試，同以前一樣咁滑，又有雞味。因為我和朋友都想飲冬蔭功湯，所以我們叫了冬蔭功湯河，雖然有河粉，但湯底沒有淡到，超濃又足料。馬拉盞通菜非常有鑊氣，熱辣辣又夠味，好食乾炒肉片河，最鍾意食呢隻泰式河粉，大大塊，加啲蛋碎，又香又好食口痕叫了一款小食~炸軟殼蟹，外脆內軟，肉質夠厚，好好食

今晚又是同男友行到邊附近就食到邊，而甘岩見到女人街後巷中有間叫真心泰國菜館，睇下係咪真心好食先！入到去環境好似置身於泰國！套餐包飲品，凍檸茶幾大杯鮮牛扎肉湯河味道好鮮甜，牛肉好嫩，扎肉又夠厚，仲要價錢係$49！泰式冬陰炒麵$68好香好重冬陰公湯味道，而且有好多蝦，草菇，食完不覺得口渴，麵炒得一點也不會太乾或太諗身！最後點個菜，馬友炒芥蘭，個芥蘭好嫩，我嫌不夠咸，可能我比較重口味，哈哈另送一個甜品芒果西米露俾我地滋潤一下！總結：服務不錯,每人埋單一百蚊有交易！

前幾日同朋友喺旺電搵電腦零件,搵下搵下都唔記得咗時間,買完野嗰陣已經好肚餓喇.特別鍾意食濃味嘅嘢,見到泰國菜館梗係第一時間諗起冬陰功啦,開正我嗰飯.雖然我唔係好知道正宗嘅泰國裝修係點樣,總之以一個外行人嚟睇,入到去即時覺得好泰國呀本來想影一啲相,但係朋友阻止我,話可能係宗教擺設,最好唔好影.員工睇落係泰國人,都係互相用泰文溝通.話我膚淺都好,起碼感覺上好地道先吖.既然一開始諗起冬陰功咁就叫咗個冬陰公湯河.雖然背對著侍應,但係當冬陰公送到嚟之前已經即刻知道,因為就算睇唔到都聞到.因為冬陰功發出好濃烈嘅香氣.就咁睇到嘅材料有香茅,南薑,菇,芽菜,最突出嘅一定係嗰隻乾辣椒.雖然個樣好兇猛,可能已經煲到出曬味,食落都唔會噴火.成個湯味道偏酸而唔算好辣,香茅味爆曬燈.味道同氣味一樣都係非常濃郁.我朋友叫咗既係乾炒紅咖哩膏筍絲腩肉飯,好長好翹口嘅名.個樣係普通啲,驟眼睇同個飯名一樣,係用紅咖哩膏乾炒一啲筍絲同埋豬腩肉就上碟~咁就當然係啦,不過都有特別既地方.筍絲爽嫩無渣,而且除咗一啲叫唔出名既香料之外,仲落咗好重既金不換.同冬陰功裏面嘅香茅一樣,香氣濃烈到會直攻腦袋.中意金不換氣味嘅人毫無疑問咁會

平時去得九龍城去食泰國野多，由於要就朋友照顧小朋友，今次到了旺角食泰菜。看到門口的餐牌午餐十分經濟，有泰國湯粉炒粉再加上泰式飲品，因此決定試試，一入到食店，店員熱情安排座位，又有不少泰國的佈置，十分有氣氛。今次我的點了豬扒湯河，河粉十分滑，又夠熱wo ,豬扒分量都不細，十分抵食，朋友點了一個炒飯也十分足料，有雞肉等，又少油，健康之選，飲料方面點了棷汁冰，不用加錢，夏天最愛又涷又好飲，估不到食泰國野都可在mk 食到經濟之選。

泰國風味十足的小店，裝修很有泰式風味。打開餐牌，價錢相宜，星期六都有午餐及下午茶，而且選擇多。海南雞飯海南雞飯的雞味香濃，油飯不油膩，配上雞湯，有泰國風味。泰式生牛肉湯河湯底香濃的牛骨味，配上軟綿綿生熟程度適中的生牛肉，推介。如果食得辣的人，配合埋泰式辣椒粉味道層次更上一層樓。泰式冬陰功金邊粉金邊粉爽滑入味，冬陰功湯味度有香茅香葉味等，有層次，辣味亦配合香港人口味不會太辣。食完粉後還可以整碗湯飲，實在滋味。 泰式炸蝦餅炸蝦餅真材實料，蝦味香濃，爽口彈牙，又沒油膩感，令人回味無窮。泰式椒鹽軟殼蟹椒鹽軟殼蟹，粉不厚，又沒油膩感，唔錯。泰式椰汁冰椰汁味豐富，解喝之選。檸檬七喜，青檸樂檸檬青檸新鮮清新，汽水夠汽，唔錯。

在旺角逛街到九點多，肚子有點餓，隨便找了家泰國菜進去吃。餐廳環境不錯，進去有一股很濃烈的香味，我覺得有點像廁所的芳香劑天花板有很多漂亮的傘，兩邊也有很多泰國特色的畫。我們兩個人點了三個菜，一個木瓜沙律$75 味道一般般，不是很像木瓜沙律的味道。泰式酸辣無骨鳳爪$76味道是好的，但就是辣度十足，要注意自己食辣的程度來點。青咖喱海鮮炒飯 $98小辣，海鮮份量不多，有蝦、魷魚和青口，裡面還有茄子，四季豆和一顆顆綠色的果子，不知道叫什麼名字，但是味道很濃烈，因為我不喜歡，所以要挑出來再吃。

今日黎到旺角覓食，偶然比我發掘到一間平靚正既小店！食物質素同服務都唔錯，而且由泰國人主理，味道相當正宗。正值下午茶時段，打開餐牌我真係呆左，價錢超級平，只需$28就有一碗泰式粉麵，仲包埋甜品。平時雞湯河就食得多，今次就選擇左鴨河。湯底好濃郁，而且鴨肉份量都幾慷慨。雖然係下午茶，但河粉既份量都無減，食到好飽呀！整體味道都幾好，但湯底比較濃，食到最尾會有啲膩。加幾蚊就有多杯泰式奶茶，味道較甜。附送既甜品，味道冇乜特別。總括而言，食物味道唔錯，店員好有禮貌，重點係下午茶真係超級抵食👍🏻

真心泰國菜館-隱世小泰國旺角通菜街一向美食林立，只是被大量的排檔隱藏著，今天一於捐窿捐那，找尋美食，發現一間門面有泰國的雕刻像，一打開門口，木製的傢具、別緻的天花、泰國的民族雕刻板、泰文的音樂、泰國人的員工，最重要是看到泰國客人在用膳，像置身於泰國般的。冬陰公海鮮泡飯餐廳非常貼心的提供辣度選擇，令不同的客人也能嘗到冬陰公的滋味。冬陰公湯底非常足料，酸酸辣辣的，一聞起時已經充斥著濃濃的香料味，有香茅、薑片等等。海鮮亦非常多元化，有大蝦、魷魚、青口等等，令湯底加更鮮甜，還加入菇類或蟹柳作伴菜。最後泡飯是神來之筆，每粒飯粒都吸收了冬陰公湯底的精華，一次滿足了幾個願望。泰式炒貴刁金邊粉是也，海量大蝦、金黃煎蛋、煎豆腐條、切絲蔥花芽菜、花生碎和青懧汁，全是正宗泰國金邊粉必備，炒熱的時間剛好，醬汁汁底不會太乾或太濕，並充分沾滿在金邊粉中的，水準之上。泰式炸蝦餅炸粉非常非常的薄，以致不會太油和熱氣，蝦餅啖啖蝦肉，蝦餅是由蝦肉打成的蝦膠狀，一咬開時彈牙爽口，配上泰式辣醬後更加惹味。泰式椰汁冰、椰汁綠豆冰飲料也不例外是可以選擇甜度，因為正宗泰國的飲料都是偏向重甜的，相對比較膩口，這次的椰汁冰點了少甜，甜

朋友搬到新界住後，難得一見。星期日相約旺角聚舊，經過好耐無去過既女人街，發現一間好有泰式風情的餐廳，而且價錢唔貴，仲有下午茶時間，好吸引！餐牌上的選擇有好多，各種泰式湯粉、麵、飯，最平二十多元起，豐儉由人。最後揀左真心招牌炒飯、炸蝦餅、冬蔭公湯、芒果糯米飯。大家Share真心招牌炒飯$48飯粒炒得夠乾身，加上豬肉鬆、乾蔥絲，好味道！👍 冬蔭公湯（細）$75雖然係細Size 但都幾大鍋，偏辣香濃係我喜歡嘅味道。l泰式炸蝦餅$63新鮮熱辣上枱，香脆爽彈！配上泰式辣醤更添風味！芒果糯米飯$68份量十足芒果糯米飯，芒果新鮮香甜，椰汁香濃，但是可能太早上枱嘅關係，糯米飯有點實。建議下次食飽飽才落單。泰式椰汁糕意想不到有飯後甜品送👍椰汁冰跟炒飯送的椰汁冰夠凍唔太甜。👍