真滋味美食

營業中

休息中

港大學生/舊生一定唔會唔識真滋味的烤脾以前新興仲係厚和街的年代，凌晨時分先飲個早茶，食到咁上下再打去叫定烤脾（大學生胃口特別好！）好懷念以前個叔叔同嬸嬸，好nice 好有耐性！食烤脾之餘係食個人情味！畢業後都一直幫襯，直到今年，轉左手喎！（btw 希望叔叔嬸嬸退休生活快樂🥰）純粹轉左手，鋪面/食物種類都無變嘩！個阿姐d態度差到一個點，不可一世！前面個細佬問「沙嗲牛肉係點，可唔可以睇下？」個阿姐一個西面，瞪大對眼，再加一句「沙嗲牛咪沙嗲牛肉囉，無得睇架！」下？喂，咁以為你一串串的食物都放左出黎ga ma, 問下都正常不過卦?! 其實一句野有好多不同表達方式啫，洗唔洗一句得過黎！以前上一手儲落既goodwill 都不消幾個月毀掉！烤脾幾好食都不了🙅🏿‍♀️待客之道有待改善喇~

西環呢間小食店係兒時回憶 細個放學一定買返幾串嚟食 自從搬走咗 每一次返嚟都會買番幾串懷念下 男朋友試過都覺得好好食近幾年佢開鋪嘅時間比較飄忽 成日都撞唔啱今日下午六點鐘佢竟然有開門 即刻要買返幾樣嚟食呢到名物係雞髀 有炸有烤 今日試烤雞脾！要等十五分鐘太好食已經唔記得咗影相 做生意好老實 店員話雞髀細隻咗所以收28蚊 👍雞髀烤到啱啱好 保持到裏面肉質鮮嫩 個皮烤到脆卜卜 加埋辣粉非常好味另外仲叫咗炸魚蛋同埋炸燒賣 呢兩樣又係必食嘅推介 炸魚蛋大大粒 同長洲魚蛋有得揮 魚蛋非常彈牙👍👍👍👍另外仲叫咗豐味四寶 我最愛食韭菜餃同埋泡菜餃 之前個叔叔係自家製 依家就唔太清楚 反正都仲係好食 同店員吹開水 話叔叔開始退居幕後 不過食物質素保持到 希望佢嘅開業時間會穩定啲 我會多多幫襯支持小店

飲完㗎啡打完卡，就再過個街口買雞脾食，這個雞脾又係幾次經過都未有機會試，今日一次過掃埋佢！因為隻隻人手即燒，所以俾了錢仲要等。在附近逛了一大圈，再回去雞脾都仲未得，唯有再等。雖然小店很小，但其實食品選擇也多，買的人也絡繹不絕。雞脾真的很不錯，皮薄而肉嫩，醃得好入味，而且食落有蜜糖的甜香，熱辣辣真係好好食！雖然等了差不多20分鐘，不過假日唔趕時間係可以接受的！但原來呢度仲有炸墨嘴呀其他招牌貨，睇黎要有下次了！

我夠膽講呢間係全港島最好食嘅烤雞脾! .以前讀U，有時會喺hall度行落黎/坐的士落黎附近嘅新興飲早茶，有時都會順便買呢度嘅烤脾食。而家我間唔中都會諗起呢度嘅烤雞脾，真係皮脆肉嫩勁juicy，個秘製醬汁惹味無比，老闆會問你加唔加啲椒鹽喺上面，其實我覺得唔駛加都好夠味!!!! 加左我就覺得鹹左少少，不過重口味嘅朋友一定會覺得正！冇得即叫即攞，因為佢會即刻烤，所以最好預早十五分鐘打黎order 啦，否則就要喺度等幾個字.呢間小食店開到凌晨四點嫁，真係深宵時份肚仔餓時嘅救世主！

🙆🏻‍♀️隱世小店❤️真滋味西環街坊應該大部分食過馳名烤雞脾🍗🍖👧🏻就最喜歡食墨魚🦑咀$17串粒粒墨魚咀都好飽滿❤️😋爽口彈牙🤔其實墨魚咀是什麼部位？😂難道真的是咀？喜歡食重口味的朋友可以叫老闆落埋椒鹽粉🌃重點係由下午3點營業至淩晨4點

<真滋味>-係隔離街食完晚飯 友人突然話有好介紹就係呢間喺電車總站附近嘅舖頭舖外寫明 烤雞髀要15分鐘烤製 要排隊前或提早打電話訂今次只係行過咁岩友人介紹 明顯就係冇訂但咁岩一叫就有 好彩唔使等太耐—————————————————————-『馳名烤雞脾』🍗 - $30-所謂色香味俱全 呢隻烤脾可以話係香味都殺死人聞落好強燒烤同煙燻既香味 🤤店員會先落少少椒鹽 加埋少少辣粉 不得了食燒雞最緊要都係塊雞皮 慢慢燒 燒走晒啲油份咁樣燒雞皮係零舍香脆 可惜比我整爛左少少咬落去 肉質雖然不是嫩滑juicy 但亦唔鞋反而可以一梳一梳齒開啲肉 唔會話食得好狼狽唯一就係$30食隻雞脾都真係奢侈左少少🤦🏻‍♂️-真滋味美食 (西環)西環卑路乍街163號地下-—————————————————————P.S. 唔駛等好似係因為佢俾咗人哋留起嗰隻比我 🤷🏻‍♂️#foodbeggar #hkfood #food #chickenthigh #chickenleg #grilledchicken #kennedytown #begginginkennedytown #beggingin堅尼地城

烤雞髀$30 墨魚嘴$17 潮式炸肉卷$18服務員問我要唔要辣，我話要，佢就加左啲粉落去因為啱啱食飽飯，所以外賣返屋企，回家中途食咗一粒墨魚嘴，味道唔錯，幾特別，第一次食，但係，過咗一陣我就非常口渴，佢啲味精都好勁。

今日蘭桂坊飲完野，餓餓地，去左西環真滋味食烤雞脾，記住早十幾分鐘前打定電話，唔係老板實要你慢慢等雞脾認真唔錯，外脆內軟不解釋，真係食過返唔到轉頭，真日破戒介紹比大家當然唔指烤脾，烤脾就每個西環友一定知道。另外我想推薦兩樣，潮式炸卷及鴨胸，真係食過返尋味，見議可以試試，食肥左唔好賴我😂😂🤣

如果你無聽過真滋味，唔緊要如果你無食過真滋味，唔緊要如果你聽過真滋味而無食過，絶對係你人生既一大損失！！個名夠晒簡單，甚至老土，但可以話係西環、港島、香港最好味既小食店成間舖基本上無唔好食既野，長時間你都要排長龍等，雞脾賣到要訂你就知勁無論如何都要先做個勞蘇食推介 —— 馳名烤雞脾拎住已經香到爆，皮脆肉嫩，皮完全係完美燒烤個隻肉質呈粉紅，最厚肉既位都係咁嫩滑最出眾係佢自家秘制醃法，味道一試難忘無食過你唔會知點解成三十蚊又排隊又等都咁多人訂咁多人專登遠道黎買另一好出名既係炸墨魚嘴，小食店唔常有，風味十足好味就梗係，爽口而多汁，如果撞啱有大粒個隻仲多汁仲正另一必食推介係黑椒煙鴨胸，好入味好正肉滑多肉汁，炸過都一啲都唔乾火辣牛丸，比想像中辣，係辣椒辣味，好惹味幾正加多個勞蘇食第二推介 —— 炸雞翼尖唔係日日都有，即叫生炸，生炸既風味食過就知正，醃得又好好味唔會無肉，一試難忘仲要平到一個點點走得甩次次黎望住真滋味婆婆公公在努力，心入面有啲感動為小食、美味在努力，日日好長時間對住好多油煙，作息時間又差，大家幫襯時就一齊講多句多謝啦，多謝真滋味，珍惜一份滋味#勞蘇食繼續推介雞中翼大魚蛋蝦卷鮮蝦卷蟹

諗住落嚟飲早茶，但新興未夠鐘開門太肚餓就過嚟食下小食先好掛住佢既烤脾啊🥺🥺🥺但烤脾要等成15分鐘，又無打電話嚟留定，所以都係食其他嘢算餐牌百年如一日連佢都緊貼潮流，出新嘢食烤脾一定要打嚟叫定先，咁就可以唔使等炸雞皮都好好食咖今次揀左芝士腸同炸燒賣芝士腸$10有4條咖即刻炸，所以每樣都好熱好脆再加埋啲椒鹽同辣粉佢落得好均勻，每邊都會灑好多落去😂😂我就鐘意食芝士腸多過燒賣，因為有啲芝士，食落無咁乾 係其他地方又少啲食到下次一定要食烤脾

同男友路過見有人排隊！好奇又排下原來大家都排緊烤雞比招牌下寫住要等15分鐘 可致電預訂但好想食 諗住都排黎試下排到埋去老闆話仲有一隻😍然後話唔係好脆身 問我要唔要緊係要啦！老闆滲左d 味粉落去雞比望落大大隻 極有燒烤風味同男朋友食完一啖 不斷讚嘆話好好食!😍😍真係好好食啊！雖然30蚊一隻！但食到呢個味真係好抵！

系市區搵到好正正嘅烤雞髀 🤤 雖然舖位細細但功架絕對唔小嘢 😆 佢哋主打炸串燒同埋烤/炸雞髀 😙 雖然好日都唔會嚟堅尼地城呢頭但今次呢隻雞髀試過之後絕對會令你好難忘 其實比起炸雞脾，燒髀嘅魅力更吸引到我～雖然上面見到皮某啲位置窿咗少少，但皮薄同脆度都非常好，仲有少少蜜糖香～ 🙆 十足十去燒嘢食嘅時侯先會食到嘅蜜味燒烤風味 🍯 另外一個有驚喜嘅位置係食落真係唔油膩 👍，雞肉🐤濕潤得嚟好嫩滑，成隻都唔乾或者老，但又唔會好似炸雞脾咁食到成口油，實在太厲害喇～😍 醃料嘅味道都調配得宜，食得出有淡淡嘅香茅味添雖然好隔洩，不過買完可以對住個海嘆雞髀，😚 有美景搭夠都幾梳乎

同朋友係西環碼頭食雞脾🍗朋友問我食過真滋味美食既烤雞脾未? 我話未🙊佢話好出名，黎到一定要食下，於是我地買左一隻去碼頭慢慢嘆。為免要等咁耐，我地打電話去訂📱朋友打左十幾次去先打通，果然好受歡迎😂老闆👴🏻好搞笑，話5分鐘有得拎，問左幾次黎唔黎到拎呀，如果5分鐘拎唔到就比下個架啦~(老闆好有禮貌問)我地當然黎到啦，因為係斜對面街🤣行到過去，有3個人買緊野食。老闆問朋友有冇訂雞脾呀? 朋友話5分鐘前打過黎要一隻，老闆娘就拎左隻雞脾問我地使唔使脆啲，要脆啲既話要烤多一陣，我見咁金黃就話唔使，就咁可以。係我地走既時候忽然後面多左成6，7個人，我諗應該都係訂左雞脾🤔講番隻烤雞脾，真係堅大隻，雞肉好嫩好多汁，而且一啲都唔油，食烤好過食炸，加上雞脾搽左蜜糖烤，食落更加香🤤雖然賣29蚊，呢個味道同份量我覺得都抵食。

這間「真滋味美食」，是我從某視頻網站的飲食短片裡面得知，所以才千里迢迢，從西貢坐車來到西環「堅尼地城」，在西環海旁找這一個沒有堂食，廚房也只有小小一個小檔攤的小食店。這個西環小食排檔「真滋味美食」，餐牌都是直接貼在檔攤的外牆上面，沒有其他餐牌可以參考。「真滋味美食」的招牌食品，都是以燒烤雞髀食品為主，最有名的「馳名烤雞髀」價錢賣港幣二十九元正。「真滋味美食」食品另一個有值得一提的地方，就是等候所需的時間，少到味近乎零分鐘。我還是剛剛跟「真滋味美食」店員點選完食品，「真滋味美食」的廚房店員收到我的錢後，就立刻遞上食品給我。雖然「真滋味美食」的食品等候時間幾乎是「零分鐘」，但是這樣就不等於「真滋味美食」的實際雞髀製成品，溫度會有冰凍的問題。因為「真滋味美食」的廚房店員，把「馳名烤雞髀」交給我的時候，「馳名烤雞髀」的實際手感還是熱呼呼，十分燙手的。至於「真滋味美食」「馳名烤雞髀」製成品燙手如昔的原因，我就不太清楚了。因為我在「真滋味美食」，由剛剛交錢給店員，我還未趕得及拍攝「真滋味美食」實際環境狀況，「真滋味美食」廚房已經把烤好的「馳名烤雞髀」加上調味料，直接把雞髀交到我手上。加上「真滋味美

今天和朋友吃完糖水，意猶未盡，想要吃點鹹的，又不想太飽。所以，就來了這家小食店。小食店在西環開了很久，顧客很多，味道也很不錯，今天我們點了兩個小食。炸燒賣（$11）一串5顆，炸過的燒賣外脆內彈，表面灑了椒鹽很鹹香，味道很好。炸紫薯網卷（$17）十七塊只有三小塊有點小貴，但是網卷的外皮很酥很脆，裡面的番薯是黃色的，很甜。加上表面灑的椒鹽，鹹鹹甜甜，外酥內香滑，非常的不錯，推薦喔～～～～～～～～～～～