真秘鍋 (已結業)

從朋友口中知道旺角廣華街新開咗一間火鍋店，今日同公司同事一起去試，真心覺得環境，味道，服務都唔錯，大廳座位好闊落，舒適，食材够曬新鮮，平時懶得寫食評今次仲係第一次寫，值得推薦 ，下次仲會幫襯。

前兩日，朋友邀請試菜，本身對邊爐無乜驚喜，我們10人來到，餐廳入面原來有房間比客人，真係幾高私隱度，重點仲要有得唱k呀🤓🤓，音響仲好過其他卡拉ok公司！先講下餐廳環境，餐廳屬於輕奢華風，裝修高貴，啱晒鍾意打卡嘅人，仲有好多特別嘅鳥籠屏風，睇得出餐廳幾有心思🤙🏻房間仲有分大細房，啱一大班人聚會慶祝生日同開party，8個人又得，15個人以上又得🙀而食物方面，真係幾有驚喜，湯底方面有好多選擇，花膠雞湯龍蝦湯底都好濃足料真係有龍蝦㗎，唔似出面啲火鍋店溝好多水，真材實料，鍾意食辣嘅人仲可以點麻辣👍🏻食物擺設靚之餘仲係好食，打卡必點🤣，牛肉海鮮必點，啲手打丸同自制餃類都幾有心思😍所以總括而言，依家出邊搵間餐廳要有房間又有得唱K，仲要裝修靚，重點食物真材實料又高質真係幾難🥺所以尼間餐廳會成為我新飯聚熱點

今天朋友推薦左一間特色火鍋店，更係要試試！位於旺角廣華街，入口也不算太難找，上到去發現裝修試業中，老闆娘話6/9正試營業，聽面未預備好，所以她俾左間K房我地，火鍋+唱K太興奮喇！因為我係K迷，所以第一時間試音，這裡真係五音不全都變歌手🤣然後商量過後揀左由老闆基爺推薦嘅花膠雞，我地先飲湯，雞湯清潤滋味👍🏻仲有原隻雞在吸收湯汁，食落又有另一風味！今晚我地叫了本地手切肥牛(牛味👍🏻）響玲、菜、豬頸肉、手打墨魚丸、雜錦餃子🥟⋯⋯飽到唔識郁😩我最喜愛響玲，因為吸收了湯汁，味道不是文字可形容，所以食完又忍不住再叫😆仲有菊花特飲潤喉添呀😊