真鮨 (已結業)

老細今日下晝打嚟話有好消息恭喜我，咁開心於是我叫女友夜晚食餐好嘢啦🥰。.我嗌咗幾款壽司同女友鍾意食嘅鵝肝多士：.櫻花鵝肝多士 $138/2件厚厚鵝肝表面唔會好油身，口感好滑潤而且鵝香味濃郁；多士脆身，咬落卜卜聲，有少許鵝肝油喺表面令多士更香口；特別一提季節限定櫻花醬，少甜具有花香味，配搭鵝肝幾適合。.左口魚邊壽司 $44魚溫微暖，左口魚大大舊，爽口得嚟，咬落去魚油慢慢滲出，好juicy🥰，好啱送酒。.帆立貝壽司 $52巨型帆立貝比其他店舖份量多，咬落去鮮味十足，肉質唔腥微甜，質素高。.三文魚壽司 $30三文魚好長身，經微微火炙後，外型好睇咗之餘，油份滲出，加上少許蛋黃醬，味道香濃而且食慾大增。.獺祭今日咁開心，特意開支清酒同女友品嚐一下。好易入口，口感純滑😆，配搭壽司亦係唔錯嘅選擇。

尖沙咀鬧市有間氣氛寧靜嘅日本餐廳，木系裝修帶高級感，好適合約會。🥢石持鯛 $268石持鯛相當易入口。味道清淡毫無腥味。脂肪唔多，肉質柔軟又帶彈性。廚師以魚頭魚骨熬成兩小碗魚湯，非常有心思。湯頭鮮甜美味。簡單以蔥花、豆腐做配料，反而更突顯魚味濃郁。🥢燒牛舌心串 $58/串牛舌心肉質柔軟唔嚡口。🥢鹽燒雞翼串 $48/串廚師先將雞中翼𠝹開一刀再將佢攤平串起。雞皮燒得好均勻，口感頗香脆。肉質亦比想像中嫩滑。🥢燒豆腐串 $28/串兩大塊豆腐外脆內軟，表面鋪上鰹魚碎、蔥花，增添香氣。串燒最啱餸酒，飲獺祭啱晒～

呢間餐廳門口嘅裝修幾有日本風，入面座位唔算多，可能疫情嘅關係，午飯時間都唔算多人，12點半左右去到可以即時安排到坐位午餐嘅價錢大約百零蚊，定食餐有前菜，麵豉湯同茶碗蒸前菜係螺肉，味道不過不失，茶碗蒸好重蛋味我嗌左個Moshi雜錦盛丼定食入面有海膽，三文魚，碎蟹肉，蟹鉗同三文魚籽，種類算多海膽味道濃郁，結實厚身三文魚，蟹肉同蟹鉗非常新鮮，三文魚籽好大粒，色澤鮮明通透，每啖飯配魚籽一齊食好易入口下次應該會試下其他定食

老婆想去食日本野，同事早兩日試完真鮨話好食，咁就岩啦，即刻打去訂位雖然店舖唔算好大，枱與枱之前可以放低竹簾，唔駛望住隔離枱食，有返啲私人空間睇完餐牌，好多選擇，刺身、壽司、燒物、煮物，串燒都有食日本野點可以冇清酒呢，爽先黎刺身三文魚刺身，好肥美活赤貝刺身，鮮甜爽脆再黎壽司左：珍寶馬刀貝右：珍寶赤海蝦左：火炙三文魚右：芥末八爪魚左：火炙劍魚腩，極具油香右：蔥吞拿魚蓉，口感軟滑全部都好新鮮，火炙劍魚腩最有驚喜，經過火炙既魚腩，迫晒啲油香出嚟，相當美味另外仲要提一提壽司飯用左赤酢飯，比普通白米酢既酸度柔和啲，配搭鮮魚油脂更有層次清酒煮蜆，湯甜蜆鮮，美味最後係串燒鹽燒雞翼燒青椒仔明太子啡菇汁燒雞肉大蔥蒲燒鰻魚串燒火候調味都好好，好滿足

有個朋友好鍾意食日本嘢🇯🇵今日我去尖沙咀😆所以佢就推薦我食呢間《真鮨》🔥位於金巴利道 地方唔算好大 勝在裝修有日本feel👍🥗 先嚟一個蟹子沙律 $68簡簡單單 蟹子食落趣卜卜 🦀材料新鮮 味道清甜🌿🦀🦐 甜蝦蟹膏軍艦 $64蝦肉彈牙 蟹膏回甘 🤤壽司飯軟硬適中 一啖食落口非常滿足🥰🎏火脊左口魚魚翅壽司$44 🍣 加火脊三文魚壽司 $30 兩種魚各有特色 但都係一樣好食呢😇😋🍤 再叫多個天婦羅拼盤 $82有茄子🍆 番薯🍠 南瓜🎃 炸蝦🍤 脆䊢顏色唔深 一睇都知係好正咬落口冇肥淋淋😚🐣鹽燒雞翼串$48外皮燒到好香 食落去仲有肉汁 正🤗🍻 最後叫咗兩杯Sapporo $88 一邊聽日本音樂 一邊食 真係一大享受😄👍

今日去左尖沙咀行街😆，晚餐想食下日本野，就同朋友黎試下真鮨啦🥳。.金目鯛薄切 $198呢個菜式淨係擺盤都好吸引😍，金目鯛本身嘅味道我都好鍾意💕，而呢度仲提供點金目鯛嘅酸汁，更加惹味🤤。.油甘魚壽司 $36片油甘魚刺身真係好厚身呀🔥，而且油脂分佈都好正，非常滿足❤️。.蒲燒鰻魚串 $116當然唔少的我最愛嘅鰻魚啦😎，師傅都燒得好香😜，而且本身鰻魚就好夠肥美，配上鰻魚汁好正💕。.燒鱈魚干 $38呢個菜式都係我第一次食😗，鱈魚干燒得非常香脆🤩，而且配埋蛋黃醬一齊食好夾呀😋。

行到韓國街又唔想食韓國野，跟住就見到依間日本餐廳。揀咗好耐之後決定食依個火灸海鮮丼。先有一個前菜，蒸蛋同麵豉湯暖下胃。跟住就上個丼，啲刺身勁豐富，有四大片左口魚裙邊，海膽，帶子同三文魚籽，仲要勁重油香，超級好食。唯一不足係個飯太細，岩岩好飽咋😥😥

蔥花海膽大阪卷 吞拿魚茸和海膽的份量相當多，自己動手卷更為滋味～仲有適量的芝麻蔥花提升了口感層次🥰空運原條刺身 - 笠子肉質甜嫩，配合刺身專用醬汁更為提鮮，係客人品嚐完刺身之後，職員會將魚骨魚頭即席熬湯，成為另一道菜式，再嚐鮮美魚湯，食完生冷野再飲配熱湯完全滿足哂個胃，生熟食同樣美味😋餐廳裝修幾靚，有吧枱及卡位選擇，如果遇上隔離枱有客人，職員會拉下簾，增加私人空間之餘也可以防疫，服務殷勤有禮，主動添茶

經常行過金巴利道都會見到moshi moshi, 今日晏晝終於有機會去試吓，叫咗啲刺身、壽司同飯鰻魚蛋包飯原條鰻魚極度肥美，燒過的鰻魚邊更為香脆，雞蛋炒過相當嫩滑，加上微辣咖哩好match!-赤海蝦壽司食落爽厚彈牙，加少計檸檬汁更為清新-芥辣八爪魚軍艦裝有滿滿八爪魚，芥辣唔會太攻鼻，大眾容易接受-甜蝦壽司好少見咁大隻甜蝦～口感幾好火炙類壽司-左口魚邊 肉質偏爽 火灸後更香-三文魚 油脂頗豐富所以食落更為軟腍👍🏻

友人表明想吃壽司/刺身，皆因男友不好此物，本時總沒機會多吃。我當然樂意奉陪。在尖沙咀佐敦一帶的餐廳左挑右選後這間雀屏中選，最後算是不負所望，質素絕對得起中上的價格。同行友人更是讚不絕口，讚到連我都不禁揶揄她大概太久沒吃過高質的日本菜吧。我們一行兩人點了：1. 特上壽司拼盤 $3282. 鹽燒吞拿魚胺 $2283. 蟹肉蟹膏玉子燒 $984. 角切魚生沙律5. 燒明太子冬菇串6. 燒牛舌六道菜的質素，以及服務均無可挑剔。值得一讚的是雖然舖面不大，但有簾幕設計，可以隨時拉下布簾分隔兩張二人桌，或在四人桌中間拉下分成兩桌。因此，縱使我們坐在四人桌的一端，旁邊另有一二人桌，在兩邊布簾的阻隔下感覺仍甚具私人空間。最後用了Openrice Pay 的$50優惠，再划算了一點。

小店大約只有廿多個座位，如果黎食最好就book定位先。牆上掛住有木牌菜單，全部都係佢地既拿手菜，睇到令人心大心細，樣樣都想試。壽司整體都好新鮮同厚切，特別是油甘魚壽司，十分肥美，肉質甘甜吞拿魚腩蓉壽司吞拿魚腩蓉幼細香滑，口感軟綿，加上蔥花和醬油完全帶出魚蓉的鮮味鵝肝多士厚切鵝肝，上檯時油香四溢，一夾就慢慢流出黎。連塊法包多士都唔夠鵝肝咁貴，烤焗時應該用咗蜜糖，平衡到鵝肝豐盛既油脂感，最幸福既係融化後的味道包住脆脆既多士填入肚腹。純米大吟釀酒顏院呈透明帶點淡黃色，味道清甜易入口，有芳醇的香味，幾清新高雅魚湯食完壽司就上埋啱啱刺身魚既魚頭滾湯，奶白色既湯聞落已經好香，飲落去全身都暖哂，入面既粒粒豆腐帶住魚既鮮甜滑入喉嚨，係一個好好既ending

朋友推介咗一間尖沙咀日本小店，拉開大門，就見到入面別有洞天，上一條短樓梯去到用餐區域。全日式既裝修風格，除咗木系傢俬，檯與檯之間亦有竹簾，係香港空間咁有限既地方，仍然有呢種重視客人隱私既小店抵讚。 鳥海山純米大吟釀係呢個氣氛下都忍唔住小酌一番，入口比較順滑，有米香味，甘味比較重唔會有辛辣感。 原條活魚刺身 - 蝦夷目張上菜時賣相已經唔錯，刺身鋪開得相當精美，師傅刀功好好，切得厚薄適中。入口時好有筋道，稍微咀嚼就有漸濃既鮮味，完全冇腥味。另外仲附上酸汁，食落更開胃。 三文魚腩魚腩都幾厚切肥美，食落魚油同肉質交融，令人忘記咗佢其實都幾高卡路里。 劍魚腩睇落白中帶紅，已經好吸引，食落去肉質軟軟地，脂肪感比三文魚腩重，但係唔會覺得漏。 油甘魚睇脂肪紋已經覺得抵食，入口順滑有嚼頭，今日食既魚入面鮮味最重。 帆立貝一望就覺得好大粒，一啖咬落去味美鮮甜，咀嚼後有點黏既口感，令人好滿足。 珍寶蝦特大隻既蝦，甘甜感好足，食食下有漿起既感覺，好似打緊蝦膠咁。 甜蝦蚧膏蟹香味入口時就衝哂出黎，係口入面迴盪，兩樣材料配合得好，口感同鮮味都up 火灸左口魚裙邊燒得色澤油亮，有些許油花滑落旁邊，強忍住罪惡感放入口

這間日本餐廳一直在我的wish list上, 今天終於有機會來到這餐廳品嚐午餐, 午餐定食共有18個, 大家看看選擇那一個😅 餐廳座位不多, 不過當日都只是得幾枱客人我和朋友都是選擇魚生丼👇味道不算差, 可惜不是我們所預期, 不過以這個價錢食魚生丼都不算貴海膽蔥吞拿魚蓉丼定食 $148海膽分別有兩種, 一種有少少馬糞味, 另一種味道較鮮甜. 蔥吞拿魚蓉佈滿丼面上. 套餐配有麵豉湯, 前菜&茶碗蒸. 茶碗蒸不夠熱, 味道亦普通Moshi 雜錦盛丼定食 $178雜錦意思有三文魚, 海膽, 蟹肉, 蟹腳&三文魚籽, 款式算多, 亦很新鮮我相信我會再來這間餐廳試其他午餐定食, 例如蛋包飯...... 😅

上星期同朋友去了位於尖沙咀的moshi食日本菜，好耐無幫襯，睇下食物質素仲系吾系高水準先！三文魚腩壽司：三文魚腩厚度十足，食起黎充滿口感，入口慢慢滲出吾少魚油味，當中仲帶鮮味添，令人回味無窮！油甘魚壽司：同樣有足夠既厚度 吾會太薄，更加可以食到魚鮮味。油甘魚甘香中帶出鮮味，也不錯！蟹肉蟹膏壽司：同時可以食到兩款蟹料！蟹肉帶鮮味，而蟹膏少少咸又吾會蓋過蟹肉既味道啊。蔥吞拿魚壽司：吞拿魚份量佈滿左系壽司，甘香味十足，整體也不錯。蔥花海膽大板卷：極度推介大板卷！真的很足料！吞拿魚同海膽仲多過壽司飯，海膽入口慢慢溶化，絕不帶半點腥臭味，甘香和鮮味十足！另外，吞拿魚甘甘地，同海膽好夾啊！甲羅燒：咸味可接受，蟹膏份量也很多，可以配合埋餐廳所提供既餅一同食用。當中有蟹籽增加口感。另外仲order日本酒！

距離離職還有兩天, 被邀出席不少farewell飯聚, 今晚同事帶左我去尖沙咀一間食日本菜。餐廳面積不大, 從外至內格局都很有日本風格。主打刺身、壽司, 價錢對比連鎖壽司店高一點點, 但食過就會知道物有所值! 而且更有多款清酒選擇, 邊食壽司, 邊嘆哂, 夠哂chill~壽司飯都選用了醋米飯, 細細件, 完全被刺身覆蓋, 更顯份量。【帆立貝壽司】HK$50/兩件帆立貝超肥美厚切, 口感滿足, 味道鮮甜。【甜蝦壽司】HK$52/兩件甜蝦同樣肥美, 甘味中帶鮮甜【火灸左口魚邊壽司】HK$44/兩件左口魚邊好滑, 充滿魚油, 表面有微微焦香。【火灸墨魚壽司】HK$38/兩件墨魚有點點厚度, 爽口有彈性, 有少少黏口質地。【蔥花海膽大板】HK$176/兩件賣相已經令人流哂口水, 紫菜灘開, 突顯豐富足料材料。自行卷起入口, 吞拿魚蓉嘅魚油、鮮甜海膽, 再加入蔥花, 多重味道同口感, 令人一試愛上!