真‧章魚無雙

營業中

休息中

.係葵芳食完晚餐仲有d口痕o(≧v≦)o所以去左食章魚小丸子見好多人都話好好好食咁就試下啦～叫左個明太子小丸子都幾多人等，我都等左廿分鐘🥲拎上手見到海量明太子🤩感覺落重本呀👍🏻每粒都有大大粒章魚🐙不過個味道就真係一般好咸呀！可能係因為明太子本身就咸？同埋食落食好熱既辣口但又未似岩岩出爐既感覺因為某d邊位有d乾身 似煮耐左咁另外就係粒小丸子好鬆散咁食完食好想飲水暫時試左呢一個味道覺得一般，未到好好食～無衝動再試🤫

🐙真•黑松露章魚燒 $41 (8/10)熱辣辣一咬就流心，入面有兩粒章魚，都好爽口彈牙，黑松露忌廉汁超香濃，真係好松露味好出。推薦指數: 8/10好食過3樓嗰間，真心好食好多！😂

見網上咁多好評，同聽朋友講葵芳章魚燒好食所以特登收工黎試大約晚上8:30左右見到間鋪門外冇人，已經心感不妙叫咗雙拼黑松露同埋蟹膏章魚燒見網上面啲人話要等好耐所以都問一問，咁個員工就同我講即叫即整唔使等😥😥😥大約一至2分鐘，就已經拎得好明顯整定之後再返熱知道係咁之後，已經冇乜食慾食嘅時候，啲皮已經淋哂啲醬汁普通啲餡料已經冇乜特別去諗好唔好食，裏面係有章魚粒的第一次打食評因為我唔明點解網上面咁多好評反而我當時去葵芳另外一間門外有好多人等緊

松葉蟹膏蟹肉章魚燒，產品張相有蟹籽蟹籽缺貨店員未有事前告知，出餐時先講，觀感大打折扣😞建議下次可以落單前講一聲味道ok但蟹膏味唔算太突出，份量同價錢都成正比雖然影響唔大但真心覺得如果有product缺貨，寫清楚大家都好做

今日行街突然想食小丸子見到一間大排長龍就決定一試有超級多種味.最吸引我既係黑松露同蟹籽沙律最後決定試黑松露味首先佢個醬係超級超級超級多黑松露味都算濃一個人食一份岩岩好

今日嚟到葵涌廣場發現呢一間日本嘅小丸子店超多人排隊～個餐牌，仲要好多款嘅小丸子可以揀🤪所以我就同朋友叫咗一款雙拼小丸子嚟試一試🤤🤤🤤🤤呢度嘅味道都好多選擇！有原味、蟹膏、明太子、黑松露、芝士、蟹籽等等😗😗所有嘅味道都十分之特別，同埋好吸引添！我哋叫咗喺蟹膏同黑松露嘅六粒💛💛一拎起已經超級香味～大大粒嘅將月圓部門咗蟹膏醬同埋黑松露醬🥲🥲咁恐怖真係超級邪惡啊！下次再嚟要喺8粒先夠，真係好好食🤪

經過俾個餐牌吸引左，好多口味選擇，有最基本原味、明太子，連蟹膏同黑松露都有😯，諗緊要咩味既時候，隔離已經排緊條長龍。章魚燒即叫即整，大概等左20分鐘就有食啦。————————————♥————————————- - - - - - - - - - - - - - - - - - - - - - - - - - - - - - - - ♥️ 芝士章魚燒 $36 (6粒) 大推👍🏻👍🏻👍🏻一打個盒香味撲鼻，大大粒章魚燒上面佈滿燒焦芝士，外面有小小脆，裏面軟軟地，一口一粒好滿足呀！有啲後悔冇聽店員講要8粒，6粒唔夠食呀🥺。- - - - - - - - - - - - - - - - - - - - - - - - - - - - - - - - ————————————♥————————————

有啲失望依家細粒咗好多！咬落去已經唔係原粒章魚😢同其他地方普通章魚小丸子冇分別唔似即整😵（如圖）可能出咗名，所以難食咗 以後葵廣可以skip呢間唔食😥好可惜😮‍💨

今日放工嚟到葵芳食章魚燒🧸呢到都幾易搵　～6點幾都唔會好多人🥤章魚燒配上醬汁加沙拉醬，仲有好多木魚碎、海苔粉☺️我就揀左蟹膏同黑松露❤️～店內可以揀要6粒定8粒‼️揀8粒一定唔會後悔🎉🎉因為真係好正🥹🥹章魚燒香脆外殼和宛如香濃湯汁的內心帶來兩重享受，真係好滋味。入面仲係原粒章魚🌰🌰如果同朋友一齊嚟強烈建議買不同的味道與友人分享🎌🎌下次會想試埋明太子味🔅鍾意食章魚燒嘅朋友得閒去試吓啦

我好好好好鐘意食章魚小丸子🐙，所以就算葵廣有好多好嘢食，明知食完食唔落其他嘢，但係每一次嚟到都會忍唔住食🥢，呢一間仲要標王係有原隻章魚🐙，雖然今次嚟到已經冇咗原隻，但係佢裏面仲有好多嘅章魚粒，佢有好多味都好好食，而我嘅最愛一定係明太子章魚燒，粒粒都好飽滿，好多明太子醬好多木魚，每一啖都充滿明太子沙律醬味，鹹香鹹香，熱辣辣嘅章魚燒一啖接一啖，好快就食完，即叫即整，大概等15分鐘左右，嗌完去其他舖頭睇下，再返嚟攞就差唔多啦

假日想去「掃街」，心心念念地好掛住無雙章魚燒🤤一於就坐言起行去探訪「掃街」行街勝地葵廣✌🏿✌🏿雖然每次去到都會大排長龍 要等一陣但都係值得去排嘅🤭 可以去第度買定飲品等食之前試過佢嘅黑松露今次就試下雙拼 蜜糖芥末 加 蟹籽💖我覺得依個組合都幾正😍因為本身好鍾意食醬汁！mix哂蟹籽加蜜糖芥末度一齊食 又有蟹籽口感 又有甜甜的蜜糖芥末味道🤤🤤我宜家一路打文字 都回味緊🤭（餓了 下次會想試試佢哋嘅明太子章魚燒🫶🫶

成日lunch唔知食咩好我又唔係咁鍾意食飯葵廣呢間章魚無雙我諗好多人都識架喇最近就好鍾意食章魚燒當lunch咁食蛋沙律拼激多蔥章魚燒 各4粒 $40第一次食蛋沙律覺得幾好味wo，估唔到呢個配搭又幾襯，而且好多蛋沙律，仲有薯仔粒tim 食落都好飽肚下激多蔥真係多蔥到不得了，蔥愛好者一定要試下😂不過叫蛋沙律就有個問題，因為蛋沙律太多，會有濕濕地嘅感覺，咁另一款味會沾到d汁就會有咁香口喇🙈所以睇下大家介唔介意咁，我係當飯食先叫蛋沙律😂

叫左個黑松露章魚燒😝8粒41蚊，除翻開$5粒，雖然價錢可能比出面貴，但係佢咁足料，又有黑松露，價錢算係咁💯💯章魚燒面頭有好多黑松露沙律醬，然後最頂有啲黑松露😝😝，身為配角嘅木魚片同埋海苔粉都為章魚燒增加左日本嘅風味❤️❤️❤️ 最緊要啲章魚燒真係好足料，每一粒都有兩至三粒嘅章魚粒，可惜佢話因為疫情，本身佢哋用原隻章魚🐙，但係而家暫時改用章魚粒。不過都唔緊要，因為味道真係好😝😝不過可惜唔知係咪因為嗰日太多人，章魚燒有少少淋左🥹🥹🥹

-{葵廣人氣章魚燒🐙}依間野超人氣！但冇試過 終於黎到葵廣見識下🥳🤤黑松露/明太子章魚燒🤤 ($43)黑松露: 好多黑松露醬 食落都同啲醬成正比 一樣咁濃😂最出色嘅位係粒粒都好大嚿章魚咬落好爽彈😋明太子: 又係好多醬食倒有啲籽咁🤩大大嚿章魚個口感好豐富🥳👖褲評: 8/10性價比好高🥰一定會encore依間☺️性價比: 9/10服務: 8/10環境: nil🚩 真‧章魚無雙 🚩地址: 葵芳葵富路7號葵涌廣場2樓C07B號舖旺角彌敦道688號旺角中心1期2樓SB02號舖#fuudjai #fuudjai旺角 #fuudjai小食 #fuudjai日本菜 #fuudjai葵芳

夜晚8點幾黎到葵廣搵食一定要掃下街既😋好耐冇行葵廣 好多舖都唔同左.我一早上網做晒research諗住有機會黎掃街一定要食既小店未食正餐 就諗住搵啲小食食下先🤣.當中包括2樓既真。章魚無雙佢出名在章魚燒好食 多味道揀 又多木魚碎唔知多唔多人同我一樣 食章魚燒係為左啲木魚碎🤣🤣🤣.我就揀左明太子章魚燒明太子醬唔會太咸 反而好香口感creamy 同章魚燒勁match!!!!!!.食章魚燒 重點係木魚碎 痴住每粒章魚燒睇佢擺動幾下識食一定成粒啪入口(不過要小心熱🤣🤣🤣🤣🤣)粉漿係口內流出 又香又滑每粒章魚燒都有至少兩粒章魚粒勁大粒 有咬口 無敵👍🏻