真‧章魚無雙

營業中

休息中

慕名而去試既明太子章魚燒-$32(6粒)omg，勁好食！平時啲章魚燒得一粒章魚，佢唔止，入面有滿滿既章魚🐙明太子醬好夠味，好好食。全部即叫即整，熱辣辣😋😋😋好明白佢點解長期有人排隊，一定有下次❤️

小食最愛章魚燒❤️ 但唔係間間都整得好食 不過呢間就一定好食啦👍🏻​全部章魚燒都係即叫即製，製作時間大概20分鐘 超新鮮! 熱辣辣!  🐙蟹膏章魚燒$34 (6粒) 比得勁足料🤩 好多蟹膏 醬料同木魚花 都比得好多章魚燒梗係要一口一個啦 食落去好creamy d料差d爆曬出黎外脆内軟 仲有粒大大粒章魚 好咬口🤤🐙蜜糖芥末章魚燒$30 (6粒)一樣咁好味 醬料甜甜辣辣咁 同章魚燒好夾小食必食 章魚燒  又抵又好味👍🏻

【葵廣掃街必食小丸子🐙真·章魚無雙】-黎葵廣除咗行街買衫🛍又點少得掃街呢?🤩今日要介紹葵廣掃街必食嘅章魚燒🔥🐙章魚無雙🐙🔥-章魚無雙係葵芳廣場二樓🏢係「李圓圓」同「我想和你無所事事」附近佢係旺中、觀塘同西灣河都有分店架🥰-佢有1️⃣3️⃣款口味，可以嗌6粒或8粒💁🏻‍♀️雙併加兩蚊（芝士及牛油粟米無法雙併）自備器血減$1哦😙🐙真•大阪風章魚燒🇯🇵🐙真•激蔥風章魚燒🧅🐙真•日式咖哩章魚燒🥘🐙真•蜜糖芥末章魚燒🍯🐙真•沙律蛋章魚燒🍳🐙真•明太子章魚燒🔴🐙真•蒜香牛油粟米章魚燒🌽🐙真•柚子章魚燒😝🐙真•蟹子章魚燒🦀🐙真•櫻花蝦章魚燒🌸🐙真•芝士章魚燒🧀🐙真•黑松露章魚燒🕶🐙真•蟹膏章魚燒🦀-😋真•明太子章魚燒（6粒）$32即叫即整😉平時都要等十幾分鐘先有不過今日好好彩唔洗等😝拎上手仲係熱辣辣架🔥章魚燒面頭淋滿曬明太子同沙律醬 仲灑咗啲紫菜同木魚🥰章魚燒食落皮酥餡軟嫩（⚠️要小心熱）明太子味道濃厚😍入面嘅章魚粒爽口個人鍾意成粒放入口食🤩超滿足！不過如果加埋高麗菜增加口感就更好味😋好味指數：🌕🌕🌕🌕🌗-📍 真‧章魚無雙 葵芳：葵芳葵富路7號葵涌廣場2樓C07B號舖旺角：旺角彌敦道688號旺角中心1期2樓SB

🐙 <明太子章魚燒> $ 32/6粒 上個月久違地去咗一次葵廣，第一次試呢間人氣小店，超級多人排隊等候，證明一定好味道!!!落單到野食到手都差不多要20分鐘!留意店鋪主要收現金❤️章魚燒有多款口味，即叫即製，一拎到手熱辣辣，抵讚😆👍🏻明太子醬好惹味❤️鹹味中又帶有明太子既鮮味😍雖然章魚燒本身係偏淋，但明太子醬完全喺點睛之筆，濃香味十足🥳下次想order黑松露口味，睇落都好似人氣之選⭐️

去葵廣掃街，呢間會係我嘅top3之一，佢哋醬嘅款色好多，可以因應你當日喜好去選擇。今次揀左真.激蔥風 x 明太子章魚丸。章魚丸：今次有少少失手，因為成粒都好腍，外皮做唔到脆既效果，應該係煮嘅時間同個漿控制得唔好。佢地有時會做到外脆內軟，下次依然會再碰碰運氣！不過，章魚🐙依然大粒，爽口嘅。醬：🫴🏻真.激蔥風：好有驚喜，蔥非常香、爽口、清新，再加上咸咸地既醬汁，好夾！👏🏻🫴🏻明太子：中規中舉，用左明太子味唔太出，不過個醬都算幾好味！😜

今日心血來潮想去行下葵廣同買野食食完飯之後就同老公，女女岀發行完一陣，就去依間章魚無雙買盒小丸子每次都有人喺到等買/攞我哋就買左6粒原味返屋企嘆好足料，大大粒章魚粒，醬汁又夠味即叫即做，而且個皮又唔會好粉，好食！

去葵廣掃街第一次試章魚無雙😬，本身都鐘意明太子嘅關係所以都係試左呢個口味。雖然無雙喺葵廣都幾有名，不過都等得唔算耐，沿路都見人拎住一盒盒，可見都唔會中伏。🤣🤣明太子本身都係咸香味重啲，如果食唔慣嘅人可能會覺得咸。明太子味章魚燒，章魚好大粒，不過略嫌有點細粒。（$38，8粒）

有次行行吓街經過，見到有咁多新奇味道嘅章魚小丸子就好想試吓！一打開，超級無敵足料，啲蟹膏多到滿瀉，入面真材實料，大大粒章魚喺入面！仲有好多其他味道嘅章魚小丸子，一定要試曬咁多隻味，絕對唔會伏，款款都咁誘人

佢全部醬都好岩送飯食 😹🤣😂 。 因為全部都好咸同埋 d 醬好多 。佢每款都有柴魚響上面既 。🤐🤐咁所以個醬又咸個柴魚又好咸咁既 。衣個係真.蟹膏章魚燒🦀 。$44/8粒 。 佢應該係韓國之前好 hit 一罐罐果 D 罐頭蟹膏黎既 。 唔腥既 。衣個係真.🧀芝士章魚燒 $41/8粒 。 衣個反而麻麻地 。 芝士味唔係話好濃 。 😵😵得個咸字 。 不過又未去到難食既 。衣個係真.🍄黑松露章魚燒 $44/8粒 。 聞落好香 🤤 。 食完要飲好多水 。衣個係真.激蔥章魚燒 。 $38/8粒。 d蔥成本兩三蚊 , 佢就好似唔洗錢咁比勁多 😂🤣😹 。 中意食蔥既可以食下 。 個草青味同沙律醬幾夾 。

真。章魚無雙嘅章魚小丸子喺葵廣已經好多年，平時行過都會見到排晒長龍。今日沿路行去都見到有唔少人拎住黎食，果然好受歡迎，真係葵廣人氣之選😋雖然係星期日下午時間，成個商場都好多人行街，但只係等咗5分鐘左右就有得食啦😍 呢度嘅章魚小丸子有好多種口味，數一數有13種咁多！第一次幫襯，所以揀咗原味（大阪風章魚燒）試下先。🐙每粒章魚小丸子裏面都有大約三舊章魚鬚粒粒，絕對係真材實料！面頭有沙律醬、大阪燒汁、紫菜碎，仲好中意上面舖滿木魚，令到口感更豐富😍 下次經過再試下其他味先😆

去葵廣掃街，其中一間就係想食佢🤤見佢間店好多年，都冇幫襯過，但點知原來咁好味驚喜！🔅原味+ 櫻花蝦🔅出乎意料之外既好味！因為佢個皮係✨脆架！✨好少見章魚燒可以燒到咁脆卜卜🥹❣️內涵章魚都夠大粒、又唔會糊。漿汁好夠味（偏濃）但都係正既！食到我地大讚特讚！下次一定會再想再食！😍今次見佢寫住因為返貨問題得粒粒章魚冇左原粒章魚。但心諗而家咁都好好味，原粒章魚仲不得了

葵港出名多嘢食，今次就叫咗個蟹膏章魚燒，另外我仲叫咗多醬，見到啲木魚飄下飄下真係好自愈，佢啲蟹膏都落得好多，咬落粒小丸子嗰度脆卜卜，入面仲要有好大粒章魚，食幾粒已經好飽肚。

每一次經過呢間章魚燒都見到有人排隊，今日就試一試la. 睇睇餐牌，估唔到章魚燒都有咁多款口味可以㨂，而個價格定位都配合返葵涌廣場，適合街坊、同學同普通打工仔買嚟醫肚，最平$29有6粒原味，想豐富少少，可以俾多幾蚊就有8粒，亦可以食其他味道。係排隊的時候，聽到有好多人叫明太子。而我就鐘情原味，真大阪風章魚燒。每粒都有章魚粒，仲要大大粒❤️味道方面，係原味，沙律醬、木魚、燒汁同紫菜粉都有落足，一d都唔會就住就住，呢個價錢可以話係誠意之選。另外，佢淨係收現金，想食就記得帶錢。

講到黎葵廣掃街，梗係要支持真‧章魚無雙 💛🔹蟹膏+ 蜜糖芥末章魚燒 ($33) 呢間其實已經係其他分店食過幾次，今次又口痕想食🤣試吓未食過嘅口味雙拼➡️"蜜糖芥末"+"蟹膏"章魚小丸子嘅餡料唔知點解覺得旺店分店好似多D豐富D🤔不過都一樣咁好味，外皮香脆，唔會成粒麵粉漿，咬開仲有完整嘅章魚幾彈牙👍🏻👍🏻👦🏻👦🏻就比較鍾意食傳統味道嘅"蜜糖芥末章魚燒"，👧🏻👧🏻比較鍾意食"蟹膏章魚燒", 蟹膏落得好多, 好似唔洗錢咁😂🤤🤤下次又試下其他味道先😍

今次又黎度葵廣搵野食，每次嚟都少不免要食章魚小丸子🧆依家亦都係我嘅最愛😍🌈黑松露章魚燒6粒 $35兩款都係大約等咗5分鐘就有啦！一拎上手仲係熱辣辣，除咗用黑松露沙律醬之外，每粒章魚燒上面都有一pat黑松露醬，可以話黑松露味超級濃郁！小丸子裏面有一大粒章魚，但就好似冇落椰菜，口感爭少少🤏有埋就Perfect啦！而且佢加咗大量嘅木魚碎，一齊食真係好似去咗日本咁😌🌈明太子章魚燒6粒 $32呢款明太子亦都係我嘅最愛，面頭加咗大量嘅明太子沙律醬，有少少咁多辣，十分惹味！不過同樣地可以落返啲椰菜，增加成個味道嘅層次～