知魚知樂

營業中

休息中

今日我和朋友去了這裡吃烤魚。一人份烤魚（番茄味）配米線$68番茄的酸甜與魚肉的鮮美相得益彰，讓整道菜充滿層次感。烤制過程中，番茄的汁液滲入魚肉，使魚肉更加鮮嫩多汁，且增加風味。烤制後的魚肉外皮微焦，內部卻保持滑嫩，番茄汁讓每一口都充滿濕潤感，十分美味。蜜汁雞中翼（$23）：燒蜜汁雞中翼經過高溫燒烤，表面金黃酥脆，咬下去時能感受到外皮酥脆感，令人食慾大開。蜜汁搭配在雞翼上，帶來一種濃郁的香甜味道，既不會過於油膩，也能提升雞肉鮮美。串燒海蝦2串（$35）：海蝦的鮮甜味在烤製過程中會被充分保留。海蝦肉質緊實，口感滑嫩。烤粟米🌽（$20）：烤粟米帶有自然的甜味，搭配上燒烤後的焦香味，讓人食指大動。招牌牛舌，水晶嫩牛肉，蝦滑，竹笙重慶麻辣湯手工麵：牛舌的口感非常嫩滑，嚼勁十足。水晶嫩牛肉吃起來非常嫩滑，幾乎在口中瞬間化開。肉質新鮮感與清淡的調味相得益彰，讓人一再回味。蝦滑的製作工藝精良，蝦仁的新鮮味道讓每一口都充滿海鮮鮮甜。口感彈牙，吃起來非常愉。重慶麻辣湯手工麵：這道麻辣湯的湯底非常濃郁，麻辣的風味層次分明。手工麵彈性十足，與辣湯完美融合，讓人回味無窮。秘制燻蹄：一咬下去，豬蹄的膠質和肉汁都瞬

行開黃埔，突然間好想食魚，聽過好多朋友講知魚、知樂食魚係好好食，今次就試吓，舖頭前面仲要有好多錶位，對於揸車都算方便，舖頭裏面環境簡潔，座位寬敞，乾淨企理，職員細心介紹三條魚嘅分別。鮮茄味烤魚我哋揀咗清江魚因為店員同我講淨係得一條大骨，冇乜小骨，魚肉嫩滑，蕃茄味酸酸甜甜同魚配合非常合適，越食越開胃，小朋友都食好多好喜愛！脆皮奶卷外表鬆脆，咬入去暖暖滑滑，好香鮮奶味，唔係好多地方有得食！而家喺店舖裏面食大烤魚做緊聖誕新年大優惠送蒜蓉烤生蠔半打性價比極高，生蠔新鮮！好大隻，隻隻都有我手掌咁大，好肥美！燒得啱啱好，勁香勁惹味！安格斯肥牛牛肉嫩滑唔會韌，有非常濃郁嘅牛味。非常好食。炸魚皮配合蕃茄湯底，好味道!!!

幾時都話紅磡最多嘢食 餐廳開得夜 就算夜咗放工都冇問題留意到開咗間新嘅烤魚店但係唔知烤魚 仲有酸菜魚水煮魚我哋就點咗水煮魚 一樣好食最近優惠仲送燒生蠔🦪有時佢會送肥牛 可以問吓餐廳最近送乜嘢-$288 個人認為魚的份量係「巨無霸size」唔使擔心太辣 可以根據個人喜好已經好有心機把魚𠝹花口感更加嫩滑仲可以加入配料 打邊爐！有啲驚喜送生蠔 出手比較豪氣送半打生蠔都唔平 食得出幾新鮮 店員話每日新鮮到貨 蒜蓉香呢度嘅小炒肉幾受歡迎！見到隔籬枱都嗌咗樂大廚辣椒炒肉 肉炒得好香 加埋青椒 簡直係米飯殺手朋友就想食返碗米線 呢個米線唔辣 蟲草花雞湯米線$58 味道OK 米線質地都恰到好處 湯底鮮小菜價錢比較大眾化 如果唔食烤魚 都有多啲選擇門口好容易認 好遠到見到

位於黃埔嘅「知魚知樂」，係一間將重慶傳統風味帶到香港嘅餐廳～菜式唔單止展現咗地道嘅重慶特色，仲喺食材選擇同烹調技術上都落足心機花生醬拌麵呢道菜嘅麵條口感筋道唔錯，搭配香濃嘅花生醬，味道絕配。醬汁入面嘅香料調味適中，完全唔會掩蓋花生嘅自然甘香，每一口都充滿層次感烤雞軟骨同烤羊肉串每串都經過精心醃製，但都keep 到肉質鮮美雞軟骨嘅肉質彈牙，咬落去時酥脆得來又有咬口；羊肉串亦散發緊濃郁嘅香料香氣~烈焰牛肉小串呢20串小串牛肉，每一串都入味均勻，外焦內嫩，牛肉嘅鮮香喺火焰嘅烘烤下更加濃烈，口感滑嫩，辣味十足烤肥腸串肥腸經過精心處理，保留咗獨特嘅油脂，烤到金黃香脆，口感豐富脆皮奶卷作為甜點都值得一試。外皮酥脆，內餡香滑，甜而不膩，為整餐畫上一個完美嘅句號~

今次去黃埔食飯，經過一間好中式嘅烤魚，如果你鍾意烤魚、海鮮同串燒嘅朋友，呢間餐廳提供嘅菜式真係唔錯，本來想外賣，因為店舖做緊外賣＄１０優惠，好吸引，但朋友話驚拎住好多野係手，最後堂食。1.鮮青花椒味烤魚(買烤魚送肥牛⭐️）free*用嘅係清江魚，魚肉鮮嫩，青花椒嘅微麻感真係增添咗好多風味，辣度適中（如果食得辣可以選中辣以上）。烤魚入面有free配菜，豆芽清脆，娃娃菜鮮嫩，蓮藕帶甜，三者搭配得好好，平衡咗魚肉嘅油膩感。2.串燒部分亦*烤韭菜香味四溢，口感非常好；烤魷魚鬚烤得正好，外脆內嫩，海味十足；烤牛肉肉質柔軟，醃料入味，每一口都令人滿足。而烤雞軟骨嚼勁十足，食完一串仲想再要。蒜蓉烤茄子*就蒜香濃郁，搭配口感滑嫩，次次燒烤必叫之一。3.飲品方面（百香果檸檬茶、鴨喜香檸檬茶）少甜少冰清新爽口，非常適合搭配呢啲味道較重嘅菜式，令整體用餐體驗更加圓滿。整體而言，呢頓餐點喺５００左右元嘅價位，無論係味道、質量定係多樣性都相當出色，非常適合聚會！

同朋友放工之後想食魚，忍唔住上網揾下有咩好食~~最後就簡咗食最愛嘅烤魚~我地簡咗鮮青花椒味烤魚❣️❣️魚就簡唔算好多骨嘅清江魚，佢肉質鮮嫩，味道清甜，仲可以保持魚肉嘅原汁原味青花椒小麻小辣嘅調味，適合唔太能接受過辣嘅人，味道適中，仲可以提升清江魚嘅味道~~除咗魚之外，我地仲叫咗唔少配料：水晶嫩牛肉🥩牛肉肉質鮮嫩，煮熟後仍保持嫩滑口感虎皮鵪鶉蛋虎皮鵪鶉蛋內裡嫩滑，味道香濃豆芽芽菜清脆爽口，口感清新竹笙竹笙口感爽脆，仲吸曬D湯!!蓮藕片蓮藕片脆嫩清甜 手工麵手工麵彈牙有嚼勁，配埋呢個湯底無得輸。金針菇食完賣單價錢都唔算好貴~但我地就食得好飽!!

橙綠招牌好搶眼 遠處已見到裝修好有正能量 玩食字 #非常魚樂同埋有個情緒回收桶 掉曬負面情緒晚市未到7點左右已經滿座有一人餐亦都有一大窩份量既選擇我地三個人就食一大窩既酸菜魚, 再每人點一個餸$288 酸菜魚內有萵荀片,娃娃菜,芽菜同埋木耳既配菜 可以選擇麻同辣既程度, 然而最少既辣都勁過十小辣如果大家食唔到辣 就考慮下叫其他野食$35 魚豆腐 魚豆腐原來係正方粒既魚蛋, 魚味好濃亦好彈牙$28 火鍋粉 係透明既寬粉 好易會痴底 唔洗太早放$28 萵荀片 點菜前問店員: 酸菜魚有土豆娃娃菜同芽菜伴菜叫左飲品, 跟單無折, $39一大杯, 楊枝甘露比較出眾, 椰汁同奶既濃郁係似食緊糖水

知魚知樂，除左主打既烤魚，仲有雲南手工米線、樂大廚川式小炒、水煮系列、雞煲、燒烤串燒、小龍蝦、前菜小吃、茶樂茶等。蒜香酸菜味烤魚：我哋揀既江團魚，份量好大，鮮味十足，魚肉雖然好厚身，但肉質細嫩，好少細骨，可以大啖食；配菜都很豐富，每款烤魚都有土豆片、蓮藕片、娃娃菜、金菇、大豆芽菜等；湯底加左好多蒜頭粒、酸菜，令成個鍋呈現金黃色，相當誘人，魅力沒法擋。烤魚配菜：我哋點左竹笙和火鍋粉，兩款都係索湯神器，美味魚湯完美吸收晒，鮮味無窮。蒜蓉烤茄子：原條茄子上面鋪滿大量既蒜蓉、孜然粉等香料，調配得恰到好處，交織出濃郁醇厚既香辣風味，而且烤製技術非常高超，令茄子呈現緊緻多汁既質感，每一口都讓人很驚豔。總結，烤魚新鮮美味，令鍾意食魚既我哋，食得好開心。

抱着满怀期待的心情去体验黄埔这家新开的烤鱼店，但结果却让我们非常之失望。首先，下单一个烤鱼和几份个配菜、一份烤串和几个小菜，用餐人均近 300 元。烧烤串尝到几串肉质是发酸的，且每串的量只有一小条，性价比非常低。小炒肉也略腥第二，我们刚落筷，茶水饮料并未喝完，也没有想要结束用餐的意思，店员立马过来指着未吃完的烤鱼（还有一些未吃完 ）示意是否可以端走、收拾桌面。当时店面并未满座，我认为用餐最忌讳的就是催饭。

終於有機會試吓呢間酸菜魚叫左兩個套餐，一一份係烤魚，一份係酸菜魚麵，份量很足！兩份餐都包咗一杯台式嘢飲。個人覺得酸菜魚嗰個魚比烤魚嗰款魚好食！侍應服務都很好見到下午茶好抵，$49包咗一碗麵，一個小食同一杯嘢飲有機會可以再食

知魚知樂 📍紅磡黃埔新邨民泰街53-73號地下E號舖⭐️ 一人份毛血旺 $78揀左手工面，佢等咗好耐先至上，不過拎上嚟嘅時候都幾靚仔，算係色香味俱全🤣加咗錢叫咗份蝦滑，都幾爽口。食住鴨血仲有毛肚覺得自己好似打緊邊爐😂⭐️ 胡椒豬肚雞米線 $68胡椒味都幾濃，但冚唔過好重嘅杞子味。豬肚份量唔算好多，但係都OK。不過啲雞煮得太耐有啲嚡。都係揀咗手工麵，整體嚟緊合格。⭐️豬手唔記得咗幾錢，佢個皮超級韌，味道一般，唔推薦

今日係紅磡同個fd行街，想食辣野，見到呢間烤魚好似幾吸引，決定入去試下一人份烤魚 $78加配 水晶嫰牛肉 $12 及黑柏業 $12呢個lunch既一人份烤魚都夠哂份量，個青花椒湯底好香又夠辣，魚肉小骨，非常嫰滑，配菜都好豐富，加埋黑柏葉同牛肉更加滿足，主食揀左米線，配埋個湯好正烤雞軟骨2串 $18烤羊肉串2串 $25烤台灣香腸2串 $18串燒甜甜地可以解d辣，燒得好香，推介羊肉串香酥炸排骨 $42呢個排骨好有台式風格，似排骨酥，新鮮炸起熱辣辣，又夠脆口花生醬拌麵 $36個麵質有咬口，味道一流，值得一試芝滋茱莉加配寒天晶球 $42繽紛水果茶兩杯飲品都各有特色，水果茶夠哂refresh,配辣野岩哂大大杯

最近食咗佢哋主打嘅鮮青花椒味烤魚，今次我就試咗海鱸魚真係令人難以忘懷。海鱸魚肉質鮮嫩，外皮烤得金黃脆口。最特別嘅係佢哋用咗鮮青花椒醃製，令到魚身帶有一陣陣麻辣嘅香氣，同時又唔會過份刺激。青花椒嘅獨特香味滲入魚肉中，每一口都充滿層次感，真係好正！🤤之後，我試咗餐廳自家製嘅鮮奶捲。呢款鮮奶捲用料非常足，內餡係用新鮮牛奶製成，咬落去即刻感受到牛奶嘅香滑。🍼蒜蓉茄子內裹保持嫩滑，加上滿滿嘅蒜蓉同埋輕輕嘅醬油調味，每一口都係濃郁嘅蒜香味，令人食慾大增。🍆至於燒牛舌同雞串，都係非常值得推薦嘅燒烤選擇。牛舌燒得非常入味，口感極佳，而雞串嘅肉質鮮嫩，調味適中，燒得剛剛好，每一口都充滿肉汁，同時帶有一點點炭燒香味，非常滋味。🥩🍗最後，滿杯橙橙係一款非常清新嘅飲品。佢哋用新鮮嘅橙榨汁，味道清甜可口，啱晒食完豐富嘅燒烤後嚟一杯清新嘅飲品解渴，真係夏日消暑嘅不二之選，飲完令人心曠神怡。🍊

哩個主打烤魚串燒既店門面招牌同裝修都做到好吸睛, 鋪內好多霓虹燈同埋字句, 顏色亦都大紅大綠咁好搶眼。D位都幾闊落有兩排大卡位。叫左個水煮牛, 份量係有D驚人, 滿滿既一盤。無論係牛肉同埋配料比例都幾乎一比一, 口味亦夠辛辣刺激。牛肉都幾大片, 另外幾中意佢個配料有豆皮, 吸左辣湯好惹味。個湯底越煲越濃越煲越辣, 叫左份萵荀同埋竹笙淥一陣就入哂味, 過足辣癮。 如果中意重口味, 烤魚串燒飲啤酒🍻吹水既話哩度都可以一試!

呢幾年周圍都開酸菜魚，但呢間我覺得都幾特別首先係佢嘅裝修好新淨，行年輕路線 橙綠色主題對比好鮮明，座位闊落坐得幾舒服加上唔淨止川菜，仲有台式飲品等選擇，感覺無咁傳統我哋先叫咗一客「蒜香酸菜味烤魚」（$288）有唔同魚選擇，我哋揀嘅係肥美肉嫩嘅黑魚花， 呢款湯底唔辣，但就有好香嘅炸蒜味，黑魚花真係好肥美，而且起碼有五、六十嚿，毫不欺場，配菜有薯仔片、連藕片等等，飽肚得嚟又好食！加咗一客「水晶嫩牛肉」（$88）幾鍾意呢款牛肉嘅口感，係比較爽脆嘅，煮耐啲，牛味會更加出！當然唔少得「竹笙」（$35）可以索曬啲湯汁，一啲都唔會浪費！小食就叫咗一客「涼拌無骨鴨掌」（$58）個底有秘製嘅酸辣汁，好開胃，鴨掌鹵過，本身已經好香、好有咬口，加埋酸辣汁真係食唔停口！再嚟一個串燒「烤魷魚鬚」($36)一份有兩串，幾香醬燒味，食到好重的孜然燒汁味，幾惹味！呢度主打食酸菜魚同水煮魚之餘，仲有自家手打特色飲品，咁梗係要試下啦！叫咗個鴨喜香檸檬茶（$38），半甜少冰，再加($6)寒天晶球，呢期都好興呢種檸檬茶，係特別有種鮮香，餸火鍋真係一流！