知魚知樂

營業中

休息中

離黃埔站2分鐘既路程，工作完後和朋友路經見到，一行四人一時好奇入咗去試吓。叫了個 墨魚花鮮青花椒味烤魚( 小麻小辣)，再加了一份小龍蝦、墨魚丸、火鍋粉和蒜蓉烤茄子。首先個烤魚沒有特別，算不過不失，但個味唔會吸引到我想再去食。而個火鍋粉和蒜蓉烤茄子算正常野，都係無驚喜！小龍蝦唔算好食，剩左一半，重點係當時大家都係食唔飽既情況下都無人想食埋佢。跟住我要重點講佢個墨魚丸，呢個真係俾到個驚我哋！佢上既時候見到有8粒野係碟到，一開始都唔覺得有咩問題，直至我地夾起既時候就驚訝地發現，原來佢係得開半既，所以實際我哋得4粒，一碟48蚊既墨魚丸得4粒，即係話18蚊粒墨魚丸，朋友仲好好咁幫口話可能好好食先咁貴，但最後我地食左發現譚仔既墨魚丸都比佢好食時真係嬲咗，講真果下我覺得自己做左水魚。唔會有下一次。

當天經過黄埔新邨替朋友辦点事，經過這間刚開不久的餐廳就顺道買個烤魚午餐外賣，怎知烤魚像炸魚，魚又有點腥，最糟糕是超多醬汁😬未吃過那么難吃的烤魚😪😪, 肯定没有下次。

冬天除左打邊爐，最正一定係食熱辣辣既烤魚同酸菜魚今日比我係屋企附近搵到間好好味既酸菜魚($328)仲有好多配料可以加，我就諗住加d菜健康d，要左娃娃菜同萵荀，放落去一陣就吸收曬湯既精華酸菜魚份量大，三四個人叫一份都好夠食食辣野點都要配番杯凍飲先夠爽😎餐牌上有各款奶茶、水果茶、芝士奶蓋茶等，唯一美中不足係唔可以揀無糖無冰😔要左杯芝滋潤粉桃($40)飲到底仲有好多桃肉碎，口感似沙冰，解辣解膩岩曬啦

天氣轉凍就好想食熱辣辣既野，所以今晚同屋企人去食麻辣酸菜魚，我地要左小麻小辣，再加鴨血($35)、娃娃菜($28)和萵笋片($28)招牌酸菜魚($328)超大份，兩至三人share就最岩，魚片上既時候已經全熟，非常鮮甜嫩滑，應該是因為魚比較新鮮的緣故，完全沒有平時食酸菜魚既魚腥味值得一提既係呢度飲品選擇好多，令人選擇困難症最後要左芝滋珍奶(少甜 少冰 寒天晶球+$6)有厚厚既奶蓋，有珍珠仲有寒天，煙煙韌韌，配重口味既麻辣酸菜魚絕對係一流🤣餐廳除左酸菜魚仲有好多燒烤可以揀，我每次必點既烤羊肉串(2串）$36 肥瘦相間，有羊味但唔膻

黃埔又開新嘢啦🐟🐟🐟，今次試咗午市嘅一人烤魚同酸菜魚。午市套餐包咗個小菜同罐裝汽水，小菜係醋香雲耳，味道酸爽，口感彈牙；酸菜魚都唔錯，魚肉鮮嫩彈牙，而且魚肉份量以午餐黎講都唔少，啖啖肉咁，好不過癮。初嚐就叫咗中辣，都真係幾辣，個底依舊有啲芽菜咁，酸湯配埋白飯，滿足晒～而個烤魚就麻麻哋了，烤得有啲燶，而且依隻魚冇乜肉，食起上黎都有啲kick，冇酸菜魚咁啖啖肉食得咁過癮，可能下次試多人share個隻會開心啲。

Been having chicken pot a lot lately and reckon fish would be a good alternative. Stumbled upon Double Happiness in Hung Hom that specializes in grilled fish hot pot and Chinese skewers. Every table gets a complimentary snack. Catfish in garlic and pickled cabbage - the level of spiciness was probably adjusted to meet the local standard. Savory soup. The fish was firm and dense. Large portion which the two of us could barely finish the whole fish. Also ordered enoki mushroom, celtuce, lotus root

星期六和男朋友一齊去黃埔食餐飯，咁啱經過知魚知樂有位待應同我地講當日有個優惠就係叫任何一客烤魚，都會送價值$169蚊嘅四川烤串，一共有48串，見新開張有嘅樣嘅招徠，就入去試下。我地叫咗佢一客酸菜魚兩個人食，的而且確，佢嘅魚整得唔錯，連平時唔食酸菜魚嘅我都覺得幾好食，雖然我唔食辣，但因為佢地無得走辣，所以只可以㨂程度最輕嘅小辣，坦白講佢魚嘅份量唔少，每一片仲𠝹埋花，整得好靚又無骨，但最大嘅問題就係佢嘅招徠方式...明明白紙黑字寫明重慶串燒有48串，但我地食完就發覺只得36串，差成一打。同待應講話數量唔啱，佢就只係話每枱都送咗4串大嘅雞軟骨，但就無就烤川嘅數量做任何解釋，只係叫廚房補返四串所謂大嘅雞軟骨比我地...計埋嗰4串應有嘅雞軟骨，我地枱一共只有40串，差成8串。其實，我地並唔介意你用送“一客小食”作為一個招徠吸引食客，但問題餐廳白紙黑字寫到明送成48串串燒，比就只係比咗36串，仲要唔問都唔比嗰四串所謂送嘅雞軟骨，咁樣嘅體驗，雖然你啲待應勤力，服務態度都唔錯，但係感覺上，似係呃人嚟食嘢咁...新餐廳，啱啱開業，贏咗人流，輸咗聲譽，係香港人真係咁好呃，定係生意其實就係要咁做？

来香港以后，你有多久没吃烤鱼啦！真的实名羡慕香港理工大学的宝子们，家门口就是美食n条街！（不是一条街，而是很多条！）今天在红磡逛gai，找到了一家宝藏烤鱼店「知鱼知乐」，他们家主打的就是一个【松弛感】！ 全店以淡绿为主基调，生机感十足！每个桌上都会有大大的加热炉，超养眼！ 第一次来，便试了一下他们家的招牌【鲜青花椒味烤鱼】，真的绝了！本来还担心他们家烤鱼的味道会不会比较神奇，结果完全没有踩雷！特别新鲜而且鱼肉的汁水浸的很足，吃起来非常满足！ 然后值得一提的，就是他们家的各类小食，我们点了【秘制熏蹄】、【凉拌牛肉】还有【卤水肥肠】，每一样都很入味，超乎想象！ 红磡的这家是新店，装修也非常nice，喜欢吃烤鱼的uu一定要来打卡哦！

朋友生日，佢好鍾意食烤魚，我就請佢去黃埔知魚知樂食烤魚慶生，餐廳地方整潔乾淨，主打烤魚和串燒。蒜香酸菜味烤魚，寫明金黃選香，不辣之選，唔食得辣嘅我當然係揀呢個，魚有兩款選擇，揀咗清江魚，一大鍋烤魚上枱滾住食，面層鋪滿蒜蓉和酸菜，魚肉外層微焦，肉質白嫩多汁，入口鮮香濃郁，配菜有金菇，蓮藕，土豆同娃娃菜，十分豐富。加少許湯就可以食埋火鍋，加咗鴨血片和豆花，兩樣口感都係滑嫩，浸左湯底食都好好味！串燒同樣出色，蜜汁雞中翼燒得啱啱好，皮脆肉嫩，灑滿香料好夠味。蒜蓉烤茄子，茄肉滑糯，蒜香味十足！燒粟米味道香甜。花生醬拌麵，醬香濃郁，麵質彈牙，十分滋味！芝滋香芒，芝士加埋香芒真係好夾，面頭嘅芝士奶蓋超級厚，飲落鹹甜適中。

知魚知樂🐟 有得食魚就快樂😆心血來潮想食烤魚 搵到原來大圍有一間 地方都算大 有兩層 店入面好多霓虹燈 都可以用黎打下卡😝 食物選擇都多 烤魚 米線 串燒等等～🔸小酥肉外皮脆卜卜 入面嘅肉夠軟腍🤤 調味剛好 忍唔住係咁食🤣🔸烤娃娃菜(2串)有誠意嘅串燒 娃娃菜好香口又有蔬菜嘅甜味😋🔸午市一人份烤魚配白飯今次揀左鮮青花椒味 小辣🌶️ 魚肉都算滑 食落啖啖肉 配菜有豆腐 娃娃菜 豆芽 成個餐感覺好豐富🥳 小辣嘅程度岩岩好🤭 帶有花椒香味加啲麻辣感🔸午市一人份毛血旺配白飯上枱俾啲辣椒嚇親😂 食落似平時嘅三小辣🥵 夠晒麻辣 入面有午餐肉 牛柏葉 娃娃菜等等 好滿足😚 送飯一流👍🏻 美中不足嘅係今日冇晒鴨血🥲🔸繽紛水果茶、山楂草莓冰烏龍兩杯飲品都係跟餐加配 揀左半甜少冰 山楂草莓飲落酸酸甜甜 解辣一流😌 水果茶就偏酸 兩杯都好真材實料😍 又夠fresh🌿

先講一樣嘢比較嬲 25蚊兩吋雞腎嗰串雞腎好似將一片雞腎切開四粒 放上去, 人生未食過 咁離譜 份量, 其實小極你都唔好切到一開四 同我一串得一片雞腎有乜分別? 兩吋25蚊 兩片雞腎?另外串燒腐皮 嗰個好食 入面有少少餡料唔知係乜但整體味道可以只係偏鹹咗少少水煮牛麫 個水煮嘅味道都算正宗酸菜魚麪一般， 湯底酸度都還可以 魚片算爽彈口 ， 酸菜魚包一世碟 黑木耳一個餐大概80蚊左右 包一罐可樂份量都類似出面食餐嘅份量 酸菜魚麵唔記得上嘅 都幾厲害 食咗碗麵去到一半兩罐可樂都未畀 叫先至記得 另外叫咗 麻醬拌麵直情兩碗嘢都已經食曬 去到想買單佢哋都冇去上過直接買單時同佢講冇嚟到取消。 乾淨程度 一般 檯面都仲係有少少油，感覺上抹唔乾淨 令我感覺 唔係太舒服 但係講緊呢間嘢係新開。 價錢亦都唔可以叫平喺黃埔嚟講有另外一間 附近轉過彎 出名啲嘅食酸菜魚 醉雞 嗰間仲抵 仲好食啲性價比啲。 未到嚟講呢間不過不失 但係新店嚟講衛生上同埋 價錢上 覺得未算好

知魚知樂 （25/1/2024）今日同朋友去紅磡行街，到食午飯嘅時候，喺附近見到一間大大間嘅烤魚店，這間食店叫做知魚知樂，位於紅磡民泰街53-73號地下E地舖，坐港鐵係紅磡站A出囗行幾分鐘就到，其他交通工具都可以，十分方便，食店外有大大隻字寫知魚知樂，好有烤魚的感覺，店外店內都寫咗好多可愛牌子，令人看見都好高興，尤其是寫做人最緊要開心，店內亦好似返咗大陸既烤魚店咁可以打卡，而卡位亦坐得好舒服，好有風味。我哋見到午市套餐都好抵食，有牛有魚有豬有雞配米線及飯，亦有辣有唔辣，辣嘅味道有多款味道，唔辣嘅就有蕃茄味，真係好多選擇，所以我哋就叫咗一人份烤魚，份烤魚都唔細份，條魚敲得好美味，啲魚肉好滑溜，第一啖食落好辣，但跟住再食就覺小辣啫，魚汁亦好好味，好配合來撈飯食，仲有椰菜、芽菜、豆腐都好惹味，這味烤魚飯餐，真是一流。我哋食套餐前就叫咗個前菜小吃先，就選了小酥肉，個酥肉有香有脆，又唔油膩，啲肉又唔乾，一碟仲有好多件，我哋一路傾偈一路食，非常正呀。之後我哋再搵美食，就係涼拌系列叫咗涼拌牛肉，啲牛肉好有牛肉味，爽滑可口，只有少少辣味，芝麻味仲更加多味，每塊牛肉肥瘦均勻，連埋啲洋蔥食，非常好味，仲有

呢幾日凍冰冰，最好就係食熱辣辣嘅酸菜魚，坐言起行，放工就去黃埔嘗試一間新開嘅餐廳嚟到梗係叫招牌酸菜魚，加埋午餐肉、薯粉同豆腐，一大盤上枱嘅時候確實嚇咗一跳，因為份量確實幾驚人，酸菜魚好鮮甜，雖然上枱嘅時候所有魚肉都已經熟咗，不過仍然保持嫩滑，而配菜吸收咗湯嘅精華，味道更上一層樓除此之外，仲叫咗花生醬拌麵，濃厚嘅花生醬再加上彈牙嘅麵條，惹味開胃又飽肚最後叫咗脆皮奶卷做甜品，此乃畫龍點睛之作，奶卷表面鬆脆，內裏包裹住嫩滑嘅鮮奶，真係好好味酸菜魚喺香港開到成行成市，呢間新開嘅餐廳食品質素有保證，而且價錢相宜，唔錯#知魚知樂

喺黃埔A出口附近嘅知魚知樂，真係超近極方便！天氣凍就最適合食有熱辣辣湯底嘅嘢！好多款唔同嘅烤魚🐟串燒小食，多款茶飲，選擇多到你睇唔曬🫣一人份嘅烤魚都有添呀😍QR code落單好方便可以慢慢睇-黎到當然試下水煮魚，酸菜魚，套餐價一人份量都係$68魚肉份量好多，有娃娃菜，雲耳，芽菜，魚肉亦都好爽冇咩骨👍🏻仲有一兜涼拌小菜，可以配飯，米線同手工麵！有得揀埋辣度同洗唔洗走青添！-串燒試左烤豆皮，烤韭菜，娃娃菜全部都燒得好香好好食👍🏻特別係韭菜嘅份量大大條又多！-小食有脆皮奶卷，爆漿榴槤球每款都有5件，一定要小心熱！炸得香脆之外又唔會好油膩就算凍左食都仲好脆添！有卡位得坐幾舒服～～最滿意係有埋紙巾，手套，圍裙，餐具，濕紙巾自己隨時拎👍🏻

星期六日唔想同人哋迫上深圳，其實嚟黃埔食烤魚都非常之性價比高。這裏有不辣之選，烤魚$318的魚肉是比較結實，有咬口，又有質感。我們選擇用蒜香，又有酸菜，最喜歡佢烤魚下面再加埋啲蓮藕，蔬菜，金針菇。除咗烤魚之外，我特別喜歡這裏的生蠔，滿滿的蒜蓉覆蓋住，入面整得非常之多汁。牛肉串非常有街頭風味，上面很香香草味。糍粑一定要試吓，因為入面有熱辣辣的黑糖汁，又香又甜又脆。一碟仲有六件，大家一齊share。重點推介是兩杯茶飲，這裏的茶飲非常之多選擇，我們一杯叫了楊枝甘露，原來入面是芒果沙冰，配上粒粒椰果，非常解渴。另一杯是茉莉奶綠，呢一杯冇咁邪惡，入口順滑，淡淡茶香。最勁嘅呢度係有齊晒一次性手套，厚厚的濕紙巾，仲有圍裙，非常之有返深圳的感覺。