知魚知樂

營業中

休息中

作為烤魚愛好者 見到黃埔新開左一間新既烤魚店一定要試下佢！間鋪好近黃埔站 一出行幾步就見到！一入到去好似返咗大陸既烤魚店咁 卡位坐得好舒服 好有氣氛！叫左招牌青花椒烤江團魚 小麻小辣 之前食四川烤魚小辣都辣到痴左線 最慘係第二朝去廁所 菊花都好痛😭今次呢個招牌烤魚 辣度真係岩香港人 小小麻辣岩岩好 魚肉嫩滑 配合個湯底好惹味！除咗食烤魚外 都俾佢既飲品選擇吸引左揀左最近大熱既檸檬茶系列 好fresh 好解辣！烤豆皮第一次食都好得意 外脆內軟 有驚喜！驚唔夠飽仲叫多個花生醬拌麵 麵質好彈牙～

位於紅磡民泰街呢間知魚知樂，大大間好易認，今日我去朋友屋企，就去呢間買左唔少野，全部都價錢合理，味道好，所以好推介大家去試下。打左三個餐，番茄魚米飯，蕃茄肥牛米飯，同埋一個秘製肉醬豬軟骨飯，另外仲叫左兩小食，分別係秘製燻蹄，同皮蛋卷，全部都大大碗，好好食，價錢合理。先講蕃茄魚同蕃茄肥牛，佢地嘅湯底都一樣，好濃郁嘅蕃茄味，而且好多配料，有牙菜，豆芽，蕃茄等等。肥牛份量多，好抵食，而蕃茄魚就肉質鮮嫩，好滑又冇骨。秘製肉醬豬軟骨飯，肉醬多，啖啖飯都食到肉醬，而豬軟骨都好味，大碗又食到飽。小食都很出色，秘製燻蹄，同皮蛋卷，我比較喜歡皮蛋卷，未食過，應該很難整，是功夫菜嚟，出面卷有咬口入面皮蛋就軟身，好食，點埋醬食一流，我本是很喜歡食皮蛋，會為左呢個卷再去食，推介大家都試下，又吾貴。順帶一提店員服務好好，因為俾漏左一個醬汁，佢跑出來追我地，已過馬路咁俾番我地，真係好好呀，讚。

新開優惠送焗蠔，屋企人想試下2-3個人食清江魚$318比想像中多肉但基本配菜/配料如土豆、寬粉、菇等等都無墊喺底，只有娃娃菜，其他要加錢另加～味道方面，沒提供麻度/辣度/酸度選擇我覺得唔夠麻，無乜花椒新店operation有待改善見到四周幾張枱都催單，某啲枱有漏單情況（我唔餓所以無催）串燒方面，羊肉還可以，起碼快少少有得食。送嗰碟焗蠔幾OK（6隻$168）蠔質素差的話會有陣連調味料都蓋唔過嘅腥味有台式飲品，但糖水比例較多，過甜。座位方面唔太舒適，有啲迫。連卡位旁邊都有放張枱（我坐呢啲，啲侍應行黎行去）餐廳內無乜走路空間，咁嘅環境食火鍋都有少少危險，亦無提供籃擺手袋但香港租金貴，明嘅～

呢排冇乜mood食嘢，純粹見到新開試業就去試吓，見佢lunch Menu都唔算貴，所以同朋友每人叫咗一個餐，佢食烤魚，加咗墨魚仔+鴨血+魚片，不過佢唔係食得好辣，所以叫咗小辣就算，我都偷食咗兩啖，最鍾意係佢嘅新鮮花椒，平時都係食乾嘅花椒，今次鮮花椒入口真係好正，好麻！我個酸菜魚加咗羊肉片，冇得走辣，但個湯好正，d面索晒d湯真係好好食，d魚片厚得嚟又彈牙我哋仲叫咗鰻魚串燒，個面仲有籽然粉，估唔到又幾夾👍🏼仲加錢要咗杯西柚茶，食辣嘢啱晒！

見到新開，諗住試新嘢，點知乜都冇食到仲成肚氣。23/12 天氣好凍，門口個接待仲好好俾咗杯熱茶我，邊飲邊等位。呢個舉動好暖心，我好欣賞。七點入座，比左張大枱我地兩個人坐。19:10落單，叫左條江團魚。等左20分鐘都仲未有野食，叫其中一個樓面吹單。等到30分鐘我行埋出去吹單，佢話一個爐一次過烤八條魚，差唔多烤完，叫我地再等等。最後等到19:50佢黎同我講，話我叫果條魚無，叫我轉第二條。我反問番佢，點解我吹單果陣你唔講，你根本冇幫我跟。跟住佢拎住一張19:39分落既單話我地係岩岩落單。你禮貌啲同我講對唔住，我都算。仲要同我坳話我係岩岩落單。呢啲服務態度真係一流。