石岐佬酒家 (已結業)

因每星期也要到旺角上課，因此，也曾多次光顧這菜館。通常會點晚飯孖寶，其中的污糟雞雖然是順德名菜，不過個人覺得味道尚可，沒有太大驚喜；反而河鮮方面比較出色，如蒸黃骨魚，啜魚等；鎹 鎹 芥菜煲可說是鎮店之寶；但店中出品的甜品，除了價錢外，一點也不吸引，特别是甜薄諹 ，Ｄ粉好像未熟咁

I rarely say this for a value-price restaurant, but I love this place!頗有特色的一餐, as said previously. This place is old-fashioned, but if you are a food-lover, this is a gem. 啫啫芥蘭煲The aroma is mesmerizing. I order this every time. Selected 芥蘭and pork with 蝦醬. The description is simple but it is unlike anything else I have tasted. Perhaps it is because the large clay pot, heated to high-temp (sort of like a street-side version of the Stone-Grill gimmick). The 芥蘭is still very tender. Makes you want t

想吃一些特色的食物，一行三人晚上六時正來到，只見二枱客人，阿姐指示坐到大堂中的小圓枱．不想做生招牌，又想看電視，要求坐近角落；阿姐說已給人訂下，於是只好從命．不料全晚也不足十枱，給人訂下的枱整晚也沒有人坐???點了晚飯三寶:啫啫芥蘭煲,啜魚煲,雙乳鴿.一jar蔗汁.先來乳鴿,很小型,符合近來興起吃太子鴿的做法;炸的火候不錯,很脆皮,調味亦很可口,不太咸,咸是大多數食店的缺點.再來的是芥蘭,砂煲大得嚇死人,是廿吋以上的,主角芥蘭也不少,全都是中段最嫩的部份，用小許豬肉和蝦醬爆香，甚為惹味．最後來的是啜魚煲,用一隻廿多吋的鐵鍋上，下面用火鍋鑪燒著，陣容大得嚇死人，材料甚多，魚塊是炮過油的，很多很多件，其中有冬瓜片，芹菜，薑葱也很多，為了怕滾過了火，稍後要把魚塊移開，再叫一碟米粉放在魚汁內吸收湯液．味道妙不可言，魚塊的調味也很好，連怕鯹的在下也接受，只是細骨稍多，要小心．因人客不多，正好慢慢嘆，再叫了雙皮奶，芒果布丁，兩者也上佳．不太甜．這豐富的一餐，是滿意的．

愛華頓主場勝阿仙奴1:0之後的早上,隻身到太子石岐佬飲早茶.十點多仍然車水馬龍,搭檯又是必然.好不容易才找到自己的小天地,不久之後又有人來侵佔.始終,還是要搭檯.昨夜A.J補時入波奠定勝局,就算一口濃凋的普餌,仍不能洗去其隔夜之甜絲絲感覺.腦海不斷重覆看台球迷大合唱Andy Johnson D.D.D.D...)點心紙上選擇亦不少,落單之後即叫即蒸,慢工出細貨.豆苗餃的澄麵皮厚如潮州粉果,很sticky,三位一體如連體嬰,一分開就爆破.餡料有豆苗同蝦仁,豆苗碧綠爽脆,味道十足,蝦仁亦夠爽甜.如果用回薄皮,或會更加好.燒腩卷很不錯,腩肉甘香,皮很爽.芋頭未夠粉,略帶點硬.而且芋味亦不夠.包身實淨,非常鬆軟.薑荵牛柏葉挺爽,但我還是愛無添加的黑柏葉多一點.百花釀魚肚,軟綿綿的魚肚,吸收面頭上的墨魚膠,採陽補陰,反觀魚膠的味道已經索走一大半,味道盡在魚肚內.下一次來,應該不止吃得那麼少,小勝一球,點夠喉?

[ 先祝諸位豬年行大運，搵多D食多D！]地踎兼地底茶樓一間。別少覬其其貌不揚的燒腩卷- 它比陸羽靚靚仔仔的燒腩卷更出眾，更啖啖肉：燒肉大大件（大「益達」咁大），紅燒燜而不偏甜；食落不單入味，竟然仲「索索聲」，不稔亦不黐牙，「奇哉怪也」；皮雖然薄，但厚度合宜；淡口，不甜，毫不搶燒腩一分秋色。芋頭是粉紫色的香芋，但若可再煮粉一度會比較好。看罷那一盅三件但「爆盅」的叉燒包，砰然心動（尤其眼見那叉燒包粒粒叉燒又少汁的時候…）。不行了，吃得太飽了。下一次再來吃吧。

我唸佢的中午套餐就真係平`通街了.... 4-5個人5個菜又有成隻雞, 成條都幾大的海鮮等都係168元..一個字..抵. 佢既家鄉菜的確有一手, 好抵食.環境就一般啦. 因為太多客, 我地都唔好意思坐咁耐, 食完就走了.姐姐芥蘭煲好有相頭.

已經第二次食....呢度都好旺場下..因為要等位...半個鐘.四人叫了乳鴿兩隻-嫌佢比較油,不夠乾身介蘭煲-可能介蘭還未係時候,有苦味,加左蝦醬炒,咸左少少啫...海鮮保煲-有鴨掌/鵝掌是但一樣,唔識分,花膠,海蔘,冬菇同埋白菜底.....腳趾唔係幾入味..其他可以...蒸大頭魚-個人麻麻地食魚,同埋太多骨,好鬼細條,吃都要打醒十二分精神,,,如果唔係一下唔覺意就哈哈囉....加埋4支啤酒....呢度d野好啱一家大細食...雖然個煲就好大,睇落料就少少,但係食落都唔覺得少....不過今次就味精重左少少,食完口乾.....今餐唔使俾$,所以唔知幾多$

早幾日因為有一個老同事退休，老細又指定叫我去訂枱食番餐，地點要大家都方便、價錢唔可以太貴、D野又要好食...我真係唔知點好...於是目標鎖定油尖旺一帶。睇過之前各方好友既食評，而且佢既晚宴套餐價錢亦係心水之內，於是就決定左訂呢道啦。 經理幫我地間左間房，就剛好樓梯一落的位置，而且仲有部大電視。 當晚係飲宴形式，所以菜式亦比較多，所以唔一樣一樣咁講喇。總之平均來說是不錯啦。比較令我回味既有招牌乳鴿同走地雞。不過翅就比較差左D，唔夠濃，有少少八十年代既感覺，別外蟹粥他們選用了肉蟹，賣相及成本係高左、好睇左，不過就不及用水蟹般鮮味囉。 PS.因為係地庫既關係，手電接收會差左D，你可能會因為講電話而要走到接待處^^"

和男朋友二人到這裡吃晚飯，可能我地去得早，六點十唔駛等位，大約三十分鐘後就已經坐滿晒，仲有好多人企係度等。我地叫了二個小菜，一碗白粥和一碗白飯。瑤柱魚湯勝瓜浸田雞，魚湯鮮甜香濃，田雞又嫩又滑，味道不錯。蠔仔肉碎煎蛋角，賣相好似點心"煎薄餐"，都幾脆和香口，不過我食到幾塊蠔殼。=.=附送果盤有西瓜六小塊，埋單142蚊，我覺得價錢略貴，但只是一般好食啦。

由於係“無飯夫婦”嘅關係，我和太太每星期都會幫襯一次，晚上七時之後開始多人，所以最好先訂位，免卻排隊之苦。經常幫襯此店因為這裡菜式夠鍋氣，好野味。一般來說，蒸魚、燒水魚及啫啫煲雖時頗耐，約四十五分鐘，這算是食好嘢嘅代價。推介菜：BB鴿，細細隻很嫰滑。啫嗜爽肉芥蘭煲，用蝦醬炒很香口，而芥蘭選取莖部，所以特別爽口，而且煲仔份量也頗大，差不多每圍枱總有一煲。這裹以河鮮出名，特別推廌金槍魚，肉質很滑但又不會散，不過一般金槍魚都耍二、三斤重，所以最好有三、四個人一齊吃。另外這裏的羊腩煲及水魚也是不錯的選擇。最後一提，到這裏吃飯要有耐性。香港人，一般都比較急，以前我都層經因為餸菜遲來而不耐煩，但為了口腹，現在比較接受了。

聽老爸說這家店的小菜不錯,就來了這裡吃飯.未到七點到達已經要等位,眼見都是熟客居多.等了大半小時才可入座.四個人點了污糟雞,滋味焗骨,啫啫蝦醬爽肉芥蘭梗,姜蔥蟹兩隻和海參扣鴨掌.先來污糟雞.雞挺滑,可是上面的榨菜太咸,而且沒什麼姜蔥味,油有點多.令人失望.滋味焗骨用砂鍋上,滋滋作響香味四溢.排骨頗為入味,如果可以切小塊一點就更好了.啫啫蝦醬爽肉芥蘭梗(部長說是招牌菜)等了很久才上碟,用上了一個極大的砂鍋上,爽肉不會太肥,芥蘭煮得十分香脆爽口,蝦醬的味道剛好,很快就搶光了.難怪九成桌都點了此菜.姜蔥肉蟹沒有試,聽老媽說味道不錯.是次埋單$416有點貴.服務態度不錯,只是上菜速度極慢(可能當晚飯桌太多做不來的關係吧),搞到我們要取消海參扣鴨掌.環境真是十分麻麻,門口就有人劏魚,等位的人要一邊等一邊忍受魚腥味.走的時候已是快九點,還有一大堆人在外面等位.真是厲害.下次來要試一下生炒糯米飯,$68一大盤還有很多人點.不知道好不好吃?

今日同家人一行7人黎飲下午茶,2點黎等左一陣,阿姐d 帶位方式實在吾掂!求其比張就黎走既臺我,但果臺客仲好似有排傾,眼見有張空臺,立即自己走去坐.至於d點心阿姐問佢羅咩都話無,一系叫佢羅佢又無左件事!我地點左幾款點心:馬拉糕,雞粥,蝦餃,燒賣,炸雲吞,桂魚帶子餃,帶子腸,蘿蔔糕,雙皮奶,山竹牛肉,甜薄牚,雪糕芒果布甸,灼通菜,灼菜心,叉燒包.除左蘿蔔糕同甜薄牚吾好食之外,其餘d點心都保持水準(因即叫即蒸)家人想食糖水,阿姐話有紫米露,咁就叫左紫米露啦!隔左一陣第2個阿姐拿左碗紅豆沙黎,我地問佢"咩吾系紫米露咩?"阿姐:系呀!紫米露黎架!"我地睇真後,再問:吾系喎!系紅豆沙黎架喎!阿姐:咁紅豆沙咪仲好過紫米露!"之後我地話吾要,女經理行過黎好惡咁話"吾要就由佢地啦啦!算啦!"男友立即扯火罵個經理:而家系你地比錯野我地仲咁惡!之後個經理無理我地走開左,反而阿姐同我地講吾好意思.成間酒樓難得有個咁既下屬!埋單$208,系抵食!但我地實在無法再忍受呢間酒樓既服務態度,好自為之!

今日2點同男友黎呢度飲下午茶,假期全日點心小點$8,中$10,大$13,吾系貴!而且2點後免茶芥,仲有d特價點心.舊式酒樓吾好奢望環境及裝修好,嘈亦系意料之內. 另一舊式酒樓特色系服務差.但食物質素補數!我地叫左7個點心:白腸粉$10,流沙包$6.8,xo醬炒蘿蔔糕$10.8,莧菜帶子餃$13,豆沙窩餅$10,雞粥$13.8,咸煎餅$6.8.白腸粉---超水準!薄而通透!滑到不得了!正!流沙包---亦系超水準之作!一"meet"開已好似火山熔岩咁流出黎!而且好香旦黃味,必食!xo醬炒蘿蔔糕---好一般!味道好似煎蘿蔔糕加豆瓣醬咁,無咩特別.莧菜帶子餃---3大粒肥而大既餃,餃皮晶瑩剔透,莧菜及帶子相當新鮮!真系無邊間酒樓有咁既水準!豆沙窩餅---似豆沙燒餅,都幾煙韌,豆沙餡亦吾過甜.雞粥---另一推介!成窩上,粥底夠綿,雞亦相當滑兼有鮮味!$13.8簡直超值!咸煎餅---呢款都不俗!十分煙韌!似咸既麻糬.埋單$84,咁既食物質素絕對系抵食!

不清楚這店跟中山那間是否有關係,但此店主打的也是珠三角的家鄉風味小菜.是日六個人吃晚飯,要了椒鹽和味龍,相當香口惹味;另點了欖角子羌蒸魚咀, 欖角是中山人常用以入餚的材料,它跟子羌一鹹一酸,非常醒胃,個人覺得比魚咀更令人回味.乳鴿$25一隻,體積比正宗石歧的妙齡鴿稍大,骨頭也較硬,但已是香少有的美味, 比龍華酒店的出品好得多.鱘龍魚分別以炒球和豉汁炆腩兩吃,魚肉固然鮮美非常,但我吃得更多的是炒過的蔥,爽口夾惹味.另還有雞,菜和芝士龍蝦炆伊麵,比較一般,但碟頭相當大.此店最差的是環境, 又逼又嘈,生也麻麻.但以街坊價吃好東西,不免要將就.見鄰桌點的炒田螺和辣酒煮花螺都很吸引,當然下次要再來啦.