碧翠臺 (已結業)

在星期一，難得gf有假期，於是同佢試下lunch buffet，呢個buffet係任食頭盤、湯、desserts加一個main course。去到既時候，有3枱人，環境寧靜，用天然光，我們坐的位置有一把傘加沙發位，好舒服。食物種類不算太多，可以樣樣都試，味道都幾好。d沙拉有幾款，入面的生果幾新鮮。個粟米海鮮湯好足料，餐飽一般，唔熱。main course 我們叫了一個春雞和羊架，份量都幾少，不過幾好食，可以留力食desserts。desserts 有麵包布甸、芒果糯米飯、雪糕、pancake等等，最重要係有我最愛的tiramisu。個人而言就只有tiramisu 最好味，其他就不過不失。加埋一，每人150蚊度，可以由1200食到1430，而且環境幾舒服，間唔中歎下，傾下計都唔錯。可以一試。

一行八人衝入帝苑, 坐下不久即開始狩獵.先來冷盤, 三文魚, 煗 魚, 八爪魚sashimi, 後兩者比較乾, 無咁fresh and juicy.海鮮cold platter揀左蝦, 蟹脚, 青口, all普通.白灼海鮮試左聖子, 細細隻, 但算鮮甜.炒硯幾大隻, 辣酒花螺也爽口大隻.Tempura蝦不太隻, 油偏多, 普通.羊架嫩有羊香.甜品首選Tiramisu, 酒香濕潤適中.American cheese cake 香濃.Spoon choculate mousse也香滑.Blueberry cheese cake, 屬soft type, cheese味不太濃, 但入口軟綿綿的.Bread Pudding 用上提子麵包, 再自加Vanilla sauce, 很正.Ice-cream corner有waffle, crepe and 4 kinds of Haagen Dazs 雪糕, 有cookies n cream, mango, strawberry and choculate. Waffle很正, 鬆軟外脆, 很有牛油香.Overall 食物質素唔錯, 選擇也算多.廚

17/2去選擇麻麻地多但樣樣都好食咸點的香柔雞翼最正,自家制的朱古力都好好味旦糕反且不可同上面呢2樣比但都幾好食的很可惜佢冇藍莓同芒果旦糕還境一流,另外收碟都好快,,,,2個人$303

上年12月係我第一次食甜品buffet而我既第一次就係奉獻左係呢度今次既主題係環球美食...聽waitress講我食o個日係第一次做呢個主題而且係第一次將煮兩樣咸點(e.g.雞翼)改做第木台一盤好似張相咁hi-tea既咸點...有三文治同叉燒so我個人就中意以前咁多點喇...臨尾我都有寫comment話比佢地知講番D野食...今次我覺得差過上次...因為無我好中意食既american cheese cake...><好彩仲有TIRAMISU喳...依然係十分好味丫...仲有一樣要讚既...就係今次食左個好好食朱古力卷好濃朱古力味家!!!其實cake都係一般la...唔知我下次再黎既時候會唔會又係一年之後既事呢?XD

趁著聖誕前想同三五知己食dinner buffet, 但好多地方的booking都已滿, 唯獨是這裏有位, 於是懷著探險的心情試下這裏的buffet的水準如何...環境方面幾好, 有鋼琴伴奏及演唱, 而且係一個open area, 感覺好舒服好似去左外地d酒店咁.食物選擇方面都好多而且吸引, 味道又唔錯. 除壽司刺身, 沙律和熱盤外, 比較特別的有自選即煮pasta和大排檔即滾海鮮. 甜品都有好多款式, 個人特別喜歡牛油麵包布甸和桂花啫喱. 藍莓cheescake的味道ok但質感就稔左d. 朱古力噴泉冇食到不過見到友人的棉花糖上的朱古力隔左好耐都唔"擎", 差dd囉!食物refill都好快, 特別係估唔到臨近9:30 buffet時間完時都還有好幾款甜品refill tim!service方面都唔錯, waiter/waitress們都有禮, 換碟和斟水的速度都很快, 不過唔知係唔係因為人客多的關係驚唔夠碟用, 所以呢頭食完果頭就收碟呢!?整體experience都好好, 值得一試!

見好耐無食過甜品自助餐，心穩又起喇!的確只係得兩款熱食(炸蝦同雞翼)，我覺得佢地炸蝦重比甜品吸引，而雞翼都好大隻，味道...普普通通啦講番正題，真係有數十款甜品供應，而好多一杯杯整得好靚好似jelly 既東西，我要左"紅桑子石榴荔枝啫喱" 真係好睇唔好食，重有陣怪怪既鶿水味(可能唔岩我胃口啦)。至於蛋糕、焗布甸都係唔錯既!我鐘意有款熱食布甸係有得加雲尼拿汁，好香甜吸引。唔知點解佢地既芒果甜品裏面既芒果味真係好假，好似d罐頭芒果既味咁! 失望哦...最後每人重送左一球"螺旋藻"雪糕添~

我係這間寫字樓返工，時不時就落去食個自助LUNCH. 坐得舒服唔駛講，服務又好。雖然主菜同自助的款式來來去去差不多，但勝在可以保持質素。我三年前美國返ＨＫ食，到今年回流再去食一樣正。我鐘意其三文魚夠新鮮，湯又夠熱無咩未精，仲有?肉類款，雖然食唔出係咩肉，但係好好食（因我個人唔係好鐘意肉﹣故的確有質素）主菜分量少，剛來到你會覺得實唔夠飽.....但係之後你就知!至於dessert, 記緊留肚，因次次都食前菜食太多而無法盡興。芒果dessert 好似有２﹣３款，其中有種似布甸樣的好正，全部cake 都要食，只好同朋友share .....因?真係樣樣好食。要花個半鐘先食完個"long" lunch，埋單仲有coupon 送，下次?有折！

http://hk.pg.photos.yahoo.com/ph/nancy_habia/album?.dir=d73e&.src=ph&store=&prodid=&.done=http%3a//hk.pg.photos.yahoo.com/ph/nancy_habia/my_photos05年12月同男友去2/F果層食tea time甜品buffet, 唔記得係咪2:30pm開始...價錢好似$17x/位, 有coupon所以8折.我們都非常鐘意食甜品,整體上我都好滿意.比90分(因為好食又多款環境價錢又ok既真係好難搵). 我男友就咀剔d,因佢勁like食tiramisu,依度既tiramisu ok既,但酒味不夠濃...NY cheese cake 和chocolate mousse cake好味! 好多款cake擺晒出黎,甜品亦有幾款,絕對夠食,我無隻隻試晒,但印象中試過既都係ok ga. 咸點只有蝦餅同雞翼,ok 架,好多人拿.如果$150左右一位我會多d去.2/F環境&view好像比起地下和地庫是最暗和舊舊地,不過坐得幾舒服,service唔錯,密密收碟,refill快

最愛這裡的是環境，有十多層的樓底，環境是十分開揚的，加上播放柔和的英文歌，座著舒適的椅子，就像去了旅行一樣輕鬆，來這裡食野幾個鐘，就好似去左一次短旅行一樣。說實對甜品不是太熱愛，如果全場甜品每樣試一件，我相信真的會很漏，因為吧檯上甜品款式都有三四十款，我不是試了太多，只選自己喜歡的幾種來吃，反而吃得最多的是新鮮生果同埋雞翼、炸芝士和炸蝦丸，為的是中和甜膩感，自助餐包一杯飲品，不用吃得多，同朋友傾下計，睇下書，已十分滿足了！

以一間五星級酒店來說，環境真的不錯，寧靜，開揚，服務態度好，而且甜品亦不錯！男朋友最愛朱古力，佢話ｄ朱古力旦糕又香又滑，其他甜品都賣相精美，好似藝術品一樣，唔捨得食。不過個期的主題不明，因此就好少芒果同士多啤梨的甜品啦．．．ｐ．ｓ．甜品ｒｅｆｉｌｌ得好快，而且仲有朱古力噴泉呢～

睇過網友介紹的dessert buffet, 就同朋友去試下. 個度既環境算唔錯, 好靜, 梳化又舒服. 不過一入席, waiter哥哥即送上梳夫厘, 但俾個“林”左(縮低左)既梳夫厘俾朋友. 個賣相唔靚之餘有無乜味. D態度咁點掂呢?! 至於食物方面就..差! 咸點有雞翼+吉列蝦, 前者又鞋又無味, 後者又林又凍. 至於甜點真係無樣好食. 朋友質疑師傅是否失去了味覺. 因mousse 帶咸; 湯水+藍莓西米杯超甜; 綠茶蛋糕+朱古力蛋糕唔夠味, 桂花喱杯+木糠布丁唔知乜味…唉…我同朋友都食到無晒心機, 真係無下次呀!

同幾個同事一齊食lunch,呢度係半自助餐形式,即除了主菜外,其他(湯,沙律,頭盤,甜品,生果)自助任取。先講主菜,六揀一,其中有分西式同泰式,我要左火腿什菌長通粉忌廉汁,個汁好香好有忌廉味,什菌又唔少,火腿切成細細粒,好易入口,至於通粉,唔會煮得太硬,加埋青豆同洋粒,都幾岩我口味,但係整個dish既精緒都係在於個汁,佢令成個粉生色不少!另有同事叫左炸海鮮,一碟有炸魚炸蝦炸乜炸物,然後旁邊放些醬俾你自己點,好似仲有個薯仔咁上下,真係見到都覺熱氣!另一同事要式肉炒河,其實只係羅漢齋少河加肉!所謂泰式,可能就係佢個碟同我地既唔同,有些泰式花紋咁囉!呵呵!湯有兩款,兩款都正,我飲粟米海鮮,好足料喎,夠濃夠味道!餐包係小法包,外脆內軟.沙律可以推介兩款,一款係泰式柚子沙律,個汁好得意,啡紅色,好似好醜樣,但係食落酸酸地,幾特別!另一款係蟹籽沙律,本來呢係沙律唔特別,而且名不副實,多多蟹柳才才蟹籽,但最值得試竟然係點綴既芒果,真係好少食到咁甜咁有芒味既芒果肉架!食過番尋味呀!輪到甜品,真心講,我覺得佢既tiramisu唔係太得囉!朱古力粉好多好厚,一大層咁,所以朱古力味完全搶晒,芝士無乜芝士味,

只可惜係一至星期五先有, 如果唔係見客都冇機會黎.. 好想同男朋友仔黎呀~~$118一個set lunch.. 頭盤, desert 任食, main course 自己叫.. 有三文魚刺身, 吞拿魚刺身和生蠔, 都算係咁啦~~最好食係個tiramisu, 可惜客人o係度, 唔好意思狂食!

10月22日2個人去食2:30~5:00的甜品buffet, 因為有1位免費COUPON, 所以試下。這裡通常都要訂位, 因地方好細, 只容納到30~40人左右。環境不用講, 好清幽, 好舒服, 只係耐唔耐比d細聲講大聲笑的噪音破壞左。服務方面唔錯, 有3個waitress, 1個captain, 對於地方不大的balcony來講已經好夠。收碟、加水都有效率；但由於佢地手上冇攞鐵盆, 而部份甜品是用小器皿裝住, 見到佢地收起碟後疊唔穩, 有點危危乎。食物: 咸食有雞翼(其實味道一般,但由於甜品太甜的關係, 勁多人食, 中和一下甜味)、有一個似薯寶O既炸物(裡面係芝士薯蓉+雜菜, 味道也是一般), 仲有一款中湯(冇試到, 但都有不少人攞, 我只知裡面有紅蘿蔔同雪耳等材料)。雪糕係雀巢雪糕, 有4款, 我冇試, 因為冇乜特別, 亦都唔係好多人試。甜品: 有十幾款, 雖然試唔晒所有甜品, 但我覺得一個以甜品為主題的BUFFET來講款式唔夠多；自家製朱古力: 有8款(似龍島及SEE'S那些外國朱古力,不錯)TIRAMISU: 好食荔枝PANCAKE: 好FRESH, 每一少件有一整粒荔枝肉每人

補返個食評先！呢度的甜品buffet 一直都幾出名，當然要來試試。甜品冇想像中咁多，熱盤只有腸仔及雞翼等普通貨式，唔知係咪因為食得太多甜野，太漏的關係，這普通的食物都頗受歡迎。以我咁鍾意食甜品的人，都覺得食到想嘔，可能樣樣都係甜野同埋好漏的cream，食到尾段真係有少少反胃。我都係建議食一般酒店的buffet好過全程都係甜品。因為一般酒店的buffet的甜品款式都ok多，至少唔會食到今次咁漏到爆。但個環境真係幾正，我地兩人枱的梳化好大張、好舒服，直頭可以訓係度咁，而個酒店格局都好特別，好似井字形的公屋咁，但當然係豪華形啦！坐係度傾下計，真係幾relax。