影片
更多
2006-01-25
6 瀏覽
同幾個同事一齊食lunch,呢度係半自助餐形式,即除了主菜外,其他(湯,沙律,頭盤,甜品,生果)自助任取。先講主菜,六揀一,其中有分西式同泰式,我要左火腿什菌長通粉忌廉汁,個汁好香好有忌廉味,什菌又唔少,火腿切成細細粒,好易入口,至於通粉,唔會煮得太硬,加埋青豆同洋粒,都幾岩我口味,但係整個dish既精緒都係在於個汁,佢令成個粉生色不少!另有同事叫左炸海鮮,一碟有炸魚炸蝦炸乜炸物,然後旁邊放些醬俾你自己點,好似仲有個薯仔咁上下,真係見到都覺熱氣!另一同事要式肉炒河,其實只係羅漢齋少河加肉!所謂泰式,可能就係佢個碟同我地既唔同,有些泰式花紋咁囉!呵呵!湯有兩款,兩款都正,我飲粟米海鮮,好足料喎,夠濃夠味道!餐包係小法包,外脆內軟.沙律可以推介兩款,一款係泰式柚子沙律,個汁好得意,啡紅色,好似好醜樣,但係食落酸酸地,幾特別!另一款係蟹籽沙律,本來呢係沙律唔特別,而且名不副實,多多蟹柳才才蟹籽,但最值得試竟然係點綴既芒果,真係好少食到咁甜咁有芒味既芒果肉架!食過番尋味呀!輪到甜品,真心講,我覺得佢既tiramisu唔係太得囉!朱古力粉好多好厚,一大層咁,所以朱古力味完全搶晒,芝士無乜芝士味,
湯有兩款,兩款都正,我飲粟米海鮮,好足料喎,夠濃夠味道!餐包係小法包,外脆內軟.
沙律可以推介兩款,一款係泰式柚子沙律,個汁好得意,啡紅色,好似好醜樣,但係食落酸酸地,幾特別!另一款係蟹籽沙律,本來呢係沙律唔特別,而且名不副實,多多蟹柳才才蟹籽,但最值得試竟然係點綴既芒果,真係好少食到咁甜咁有芒味既芒果肉架!食過番尋味呀!
輪到甜品,真心講,我覺得佢既tiramisu唔係太得囉!朱古力粉好多好厚,一大層咁,所以朱古力味完全搶晒,芝士無乜芝士味,似cream多些,而lady fingers又不太足咁…反而麵包布甸勁好味,又香又滑,個面仲有少少脆,令人食完都想再食!仲有朱古力慕絲都特別,因為係用匙羹載住,味道就一般,雪糕有四款,似普通雀巢雪糕,唔特別,果撻又係好普通之作,其他蛋糕同喱就無試了!
除左食物之外,呢度環境氣氛十分好,坐得舒適,又有自然光,令人感到好優悠!
服務方面,本來都ok,但係唔知點解主菜太遲上,我地飲晒湯食晒頭盤都仲要等!呢方面要改善一下喇!
張貼