神戶日本料理

營業中

休息中

我本人喜歡幫襯呢啲小店，上網見到呢間神戶日本料理唔錯咁，朋友生日專登過嚟試吓，果然無令我地失望，D刺身好新鮮呀👍🏻👍🏻👍🏻服務員又好好，知我朋友生日，專登準備咗個生日牌，仲要喺甜品度手寫Happy birthday🫶🏻最鍾意佢真係乜都有，有刺身有串燒仲有好特別嘅壽司，得閒離開自己住嗰區，去吓其他區試吓感覺都唔錯👍🏻連我平時唔食甲羅燒，到另外有驚喜，仲要好好味😋一啲都唔聽腥，令我對呢樣食物再俾機會佢，原來可以咁好味，仲好食過我喺日本試過嘅好啊我會再支持我會再下次帶埋老公同埋個仔過嚟試吓先同事生日小店都唔錯，好過去連鎖店小店感覺好窩心，好親切🫶🏻

好耐冇食過一間咁有heart 既日本料理小店，。入店後環境舒服整潔，對於我地周圍食野嘅人，這是首要的要求👍🏻😊。老闆2公婆好同心💕料理師傅工藝水準高👍🏻，服務員又非常有禮招待👍🏻，。食物又新鮮🍱🍙🍤🍣，價錢更加係CP值高✌🏻✌🏻，我地會繼續幫襯🫶🏻🫶🏻🫶🏻，。

與友相約睇“繼續寵愛”展覽，當然係chill的心情去享受，食餐好，就是首選。朋友居於沙田，當然帶佢試一試大圍小店。路過神戶數次，未有機會試試，今日開心去感受一下。中午時間人流不算超多人，可以輕鬆談天。朋友與我也看上了三色丼（三文魚籽，吞拿魚，海膽）仲有小食，湯，沙律及茶碗蒸。當然貪吃的我們也加了蟹肉忌廉薯餅。喝口熱茶後，服務員細心放下了湯麵豉（唔會太咸），中華沙律（正常），蔬菜沙律（蔬菜新鮮不錯）及茶碗蒸（有白果，魚蛋，口感嫩滑）。三色丼（三文魚籽，吞拿魚，海膽）最令人開心係厚厚的吞拿魚蓉，可以說有差不多一厘米厚，超豐富；而三文魚籽也鋪滿碗的三分一位置；海膽都有6小瓣。各海鮮新鮮吸引，一口接一口，令人興趣不斷。仲有熱辣辣蟹肉忌廉薯餅，令今次相聚畫上完美體驗。#Hong Kong foodie #Taiwai #Carado Garden #Japanese Cuisine #ethical small shop #chill day #My Neighbor Totoro

呢間壽司唔錯喎😋，我見到佢哋都有啲壽司餐，但最後都係自己散叫🤣，見聖誕節食好D啦，懶得出街迫，唯有叫外賣啦🥳。。。。。我哋兩個人食，叫左海膽軍艦、帆立貝壽司、火炙左口魚邊壽司、火炙鰻魚壽司、大吞拿魚腩壽司、三文魚腩壽司、金龍卷、牛油果軟殼蟹卷。。。。。價錢都唔算平🤪，但勝在幾新鮮啦，又有我至愛嘅大吞拿魚腩壽司，左口魚邊壽司都好好味，我女朋友都話好味過某幾間壽司店啦，一分錢一分貨啦，都可以再食啦😋😋😋

日本料理小店 今天選了二人套餐 菜式特別蟹肉海膽沙律 蟹肉不新鮮 海膽普通刺身新鮮 但魚味不夠跟平時一田買的一樣豚肉炒蘆筍 不過不失 串燒 牛舌好食 雞串好食燒鰻魚串 香 但是有好多細骨 大家食一定要小心秋刀魚刺身新鮮冇腥味刀工一流 魚骨還可以翻炸 下酒一流和牛炒飯 肥美 但和牛炒香d 就更好甜品 糯米糍雪糕皮比較厚 像日本和菓子熱茶沒茶味就算茶包都可以出色啲呢個價錢 性價比不夠 鋪頭有日本師傅 負責炸物 小炒 侍應姐姐親民 有點像隔離茶餐廳姐姐

門面雖細少，但內裏坐位尚算舒適，諗住普普通通的日本餐，無諗過D野食都幾好味呀！我哋叫咗令和怪物蠔，海水味重，好似我手板咁大隻呀超正呀，係我鍾意嘅口味；鵝肝多士原來係配蘋果底，食落去都唔錯喎又唔油膩，廚師仲擺得好靚呀；蔥吞拿魚腩蓉脆米口感唔錯呀，食落去真係卜卜脆；海膽爆丼好正呀，真係好多海膽，超滿足我呀；鵝肝蟹肉炒飯都唔錯呀；仲有個串燒鷄肉棒、牛舌、鱔都好好味呀！每樣食少少已經飽到想嘔呀😋🤤🤣

同埋個朋友行行吓入咗大圍小店，店員推薦我哋兩個男人食過特選二人餐，開頭以為每人$1180原來係2人加埋$1180朋友仔仲開左支清酒頭盆係蟹子沙律！蟹子脹波波好大粒，生蠔係日本生蠔，店員有介紹不過忘記咗叫咩名！秋刀魚刺身超級好食，吞拿同金目鯛（其實我唔知咩叫金木叼）都好有水準⋯⋯不過我始終最鍾意係八爪魚刺身，師傅話唔係經常會有出可能肚餓嘅關係，啲壽司一嚟我哋兩個食晒之後先覺得好好食，比起我食過廚師發板嘅更勝一籌再嚟炒蘆筍、湯同甜品都在80分以上，可以值得一試⋯⋯大圍區有咁嘅水準算係比較突出

同朋友5人聚餐，喺OpenRice見到呢間啲食物唔錯咁，我哋就試吓叫外賣返屋企食啦，我哋叫咗三文魚腩刺身、帆立貝刺身、海膽刺身都OK呀，仲有個精選刺身丼都好OK啊😋；但本人最欣賞嘅係滑蛋鰻魚飯好好味呀海膽沙律都唔錯啊我哋仲叫咗炸軟殼蟹、紫薯餅、雞翼、炸餃子、雞軟骨，因為平時叫外賣比糖食，一定會麻麻哋，估唔到外賣齋嘢食都算唔錯啦，我同我D朋友都好滿意，D野食完全清0🤣，整體都可以比80分，下次我哋都會再先買糖食啦我諗應該會更好味啦有空party都會再叫呢間食啦，值得推介下👍🏻

同朋友聚餐，係OpenRice 見到呢間D食物唔錯咁，我地就試吓叫外賣返屋企食，我地叫左三文魚腩刺身、帆立貝刺身、海膽剌身都ok呀😋仲有個精選刺身丼都好ok呀😋。。。。。。但本人最欣賞嘅係滑蛋鰻魚飯😋好好味呀😋，海膽沙律都唔錯呀，我地仲叫左炸軟殼蟹、紫薯餅、雞翼、炸餃子、雞軟骨，因為平時叫外賣比堂食，一定會麻麻地，估唔到外賣炸野食都算唔錯啦，整體都可以比80分，下次我地都會再試埋堂食啦，我諗應該會更好味啦😋，有home party都會再叫呢度食。。。。。。

今日再去食得比較豐富因為星期六個人心情開朗客氣嘅說話唔多個睇圖片先來同太太食咗一板海膽師傅話呢隻味道同口感會比馬糞海膽好大分別（雖然有啲貴但係值回票價），之後叫左我鍾意食嘅活赤貝同埋少少刺身，之後加咗兩杯生啤就開始食串燒，生啤唔記得咗係乜鬼嘢但係好似好抵飲買一送一。之後老闆推介咗好多特別嘅小食，太太最愛嘅鰻魚手卷分量足夠，燒烤有好多種類好多食咗先記得影相大蝦好食，羊架夠大件，但雞翼好似細隻咗D！水準喺大圍區可以接受。如果同我一樣鍾意飲啤酒嘅朋友一定要記住叫牛舌舖頭好多搞笑公仔可以有助打咭

琴晚試咗秋刀魚刺身唔錯呀，店員仲好好問我魚骨要唔要食，可以炸返嚟食，送酒唔錯喎，仲要話唔使額外收費，我之前係第二間要加$50、$60㗎，仲有鱈魚白子都唔錯呀，和牛胸腹、串燒嗰啲都好正呀👍🏻都值得推介

同女友拍完拖仔咁岩肚仔有啲餓，就去左呢間居酒屋試試。由於唔知有咩好食，就問老闆有啲咩好食嘅推介，老闆都好用心同我介紹👍🏻👍🏻鰻魚手卷鰻魚大塊 味道唔錯😋😋日式炸餃子炸得岩岩好 外脆內嫩 仲有肉汁👍🏻👍🏻好味燒雞翼燒得啱啱好😋味道唔錯 老闆仲好好人送多咗一串嘢食俾我👍🏻👍🏻👍🏻雞泡魚乾 秋刀魚 雞腎 送酒必備😋😋😋老闆推介啲嘢食整體唔差，好味。價錢又唔太貴👍🏻👍🏻老闆同店員都好nice，下次經過都會再去

上星期日同朋友係到食生日飯第一次係到食，餐廳環境雖然比較細但係食物的味道非常之好👍！所有食物都保持到最大既鮮味，我覺得最好食既係餃子同鯖魚👍餃子好味多汁餡既份糧岩岩好吾會太多肉或太少菜，鯖魚吾會太燶外脆内滑保持到魚既鮮味係到😋仲有食左個泡菜豚肉烏冬烏冬既湯底食吾到有味精味，豚肉同烏冬嘅份量亦唔會太少！平時食日本菜總會覺得吾夠飽，但係係到就算食好少都會覺得好飽好滿足🥰！！！絕對會再一次幫襯😋

見到OpenRice 食評，同相都好靚。就諗住返工前食個外賣啦。點知大失所望。叫左野菜牛肉烏冬，落錯單，又唔出聲。當冇事前菜嚇親人，幾條粉絲+麻醬。就叫做前菜，完全唔掂啦⋯⋯主食，好似好大碟，食食下發覺勁油，唔係汁。最勁，就係個餐外賣冇茶碗蒸，但價錢係一樣。真心冇下次，好想幫襯小店，但完全唔掂。

星期五想同幾個親友敍一敍 食好西 大家都想飲下酒放鬆下 就決定係沙田大圍區睇下有冇好野食 意外發現大圍新開左一間日本料理店 一於係openrice 訂定枱 因為已有訂枱 去到即時有位坐 唔使點等店面環境座位正常 不會太逼夾 我呢個肥人坐都ok 比想像中理想整體食物全部同行人幾滿意 中上質素海鮮/刺身 全部都好鮮甜有口感熟食類亦都唔輸蝕 串燒嘅火候調味剛剛好 好惹味去食日本料理一定要叫枝清酒先夠夾夠爽呢間日料嘅Sake 種類都算多我地5人同行 叫左枝1800ml 的作 zaku，配埋啲食物，飲得非常盡興同行人都表示一定會再幫襯，住沙田/大圍區的朋友，可以黎一試。