神燈燒 (已結業)

今日同朋友去左旺角神燈燒食午市燒肉放題，任飲任食食足180分鐘！先食刺身，帶子、赤貝、魷魚、三文魚、油甘魚，每款都叫左黎食，新鮮既牛魔王既我地先黎嗌左一輪牛肉：美國頂級雪花牛小排、美國牛頸脊、美國安格斯肉眼扒、美國頂級板翼西冷、牛舌、韓式牛肋條黑松露油燒帶子、原隻蒜辣帆立貝，大大粒絕無欺場；蒜香牛油深海大虎蝦，燒烤過既蝦肉好香又彈牙；仲有雞腎、雞皮串，雞皮燒烤過後脆卜卜好食自助區可以自由選擇拎Level 1 既雞肉、豬肉等，仲有腸類、蔬菜熱食就有關東煮、咖哩牛腩、炸薯餅等等，真係多不勝數野飲更誇張！連啤酒都9款，Asahi、1664、泰國象啤等等.總括黎講個人覺得Level 2 性價比最高，有齊壽司、刺身、水產、安格斯美國牛肉同埋特飲！今日同朋友去左旺角神燈燒食午市燒肉放題，任飲任食食足180分鐘！

星期一下午3點半，本來想去食大瀛喜。點知去到話落左場無得食，唯有改轉神燈燒。去到全場冇乜人，坐得都算舒服。但一睇張餐紙分開三個層次，最平188,最貴加埋一成400,要最貴果個 level先至有刺身任食。有啲唔抵！.店內主要食肉為主，但D肉又無乜味，全部都係一般。叫咗兩杯飲品大到成個水桶噉，飲極唔完。小食唔算多，甜品亦入嘛嘛，坐咗130分鐘就叫你埋單。唯一好處係隨時可以去食anytime。侍應服務尚可，平啖的一次經歷

放假中午約了閨密聚餐，放題一次過滿足我們的慾望，還有足夠的時間暢談一番。神燈燒感覺很童話，內裏裝潢也十分貼合，每張台還有一盞神燈，是用來許願滿足我們的食慾嗎😂我們選了level2，餐單已經足夠我們享受。Level 2是可以連level 1的食物一拼選擇，可以手機QR code點餐或出外拿，我們手機點完便馬上要出去拿食物😋種類繁多，我們都最愛燒雞翼，有黑椒蒜香，辣味，土匪，還有不少得最愛的芝士腸，雞肉腸🤩回到座位剛才點的都到了，牛肩胛大理石，牛舌，金菇肥牛卷，通通都拿去燒吧。雞翼燒緊已經香味撲鼻，急不及待燒好馬上嚐味，自己燒的一點也不乾，鮮嫰多汁，雞肉味濃，三隻味中我們都最愛辣味，牛肩胛稍微烤到帶有一點焦色的程度最棒，很香牛味😋再來便點了些壽司及炸物，還有飲品飲品不得不說一下，雖然外面有罐裝支裝，但我們都點了特飲，紅豆冰及綜合水果茶，超級大杯的說😮不但大杯，還很有水準，清甜解渴而不膩壽司叫了甜蝦及蟹柳，壽司飯醋味適中，甜蝦，蟹柳都很新鮮，再燒肉途中吃一兩件可以減膩🤤炸物中這個薯絲炸蝦卷我特別想試，外面炸到金黃色的薯絲包薯蝦仁，兩者之間很夾再來燒一點特式食物，蒜蓉孜然茄子，黑糖牛油甜薯，黑

價錢唔算貴，但食物幾唔錯另一間燒山嘅餐廳，當然唔少得燒山個招牌樣我地嗰陣黎嘅時候，餐廳menu仲係分3個level，我地就中規中矩揀個level2吧呢盤肉係一入座就送上嘅，都鍾意嘅可以番點，都係任食放題形式嘅，個人覺得鍾意食牛嘅就全晚點呢樣都得，因為牛肉食落肉味幾濃，唔會有一大陣雪藏味，質素唔錯。塊燒烤板好夠熱，簡單喺塊板上面拖幾秒已經食得，好嫩唔韌。而個人覺得其他肉就冇咁抵，因為屬於出面自助bar自取嘅形式同埋質素。除咗豬牛雞，呢度有埋刺身食，一次過滿足2個願望。食太多牛想轉下口味，呢度嘅燒海鮮都值得一試，全部都幾有肉地，燒完都唔會乾或縮水，味道及格有餘，唔會有雪藏嘅冰味。總結：鍾意食牛嘅都幾值得一試，因為lv2牛肉水準中上上，好食之餘熟得又夠快，可以食好多好多，而且價錢又唔算太貴，中等，所以性價比都唔差

好耐冇見我嘅老朋友，所以相約一齊出去晚飯！佢仲係食肉獸！無肉不歡！仲係好食得添！後生嗰陣時成日同佢一齊去食燒烤！所以今日就揀咗韓式燒烤放題！就最啱佢啦！～～神燈燒～～餐廳提供有燒肉，仲有日式料理！又有甜品！最重要我哋冇酒不歡⋯⋯有啤酒供應！，咁熱梗係要飲啤酒啦！蟹子沙律凍凍地超開胃！沙律菜又夠爽脆⋯⋯黑毛豬豬肉每人一份，肉質新鮮，肥瘦均勻，肉質結實⋯⋯美國安格斯牛板腱我個人認為肉味最香濃！充滿牛肉味！又有口感！蒜蓉生蠔生蠔肥美多汁！非常鮮甜！芝士生蠔生蠔配上香濃的芝士！芝味澎湃！芝士迷一定唔好錯過！其實仲有多款食物供應！但係因為我朋友太鍾意食肉啦！食完一疊又一疊😏大腳板雪糕雪條踢波後的回憶！讀書時每次同班朋友踢完波都會食大腳板雪條！回憶～～～～

想不到吃什麼，放題便最方便。食放題少不了刺身，三文魚，帶子，吞拿魚。由於這里上菜快，前後叫了幾次，這就是放題的樂趣🥰為了甜甜番薯仔，順便叫了沙律，美味。吃這里少不了燒肉，雞牛豬任叫。主打安格斯牛，有秘製壺漬封門柳，黑椒牛仔骨，美國雪花牛小排，牛頸脊等等。主功食牛，都吃不下雞和豬了。虎蝦是自助燒小不了的，蒜蓉店家用錫紙兜仔裝住，可以直接燒。另外點了魷魚，大大塊。生蠔有芝士和蒜蓉兩款，不錯。除了自取罐裝樽裝飲品，還有黑牛冰紅豆冰這些傳統特色飲品，必點啦，懷舊一下。

天氣咁熱但係又好想食燒烤！戶外燒烤基本上太熱所以根本冇可能！而家真係好流行韓燒🙆‍♀️又好想食日式料理🙆‍♀️⋯⋯朋友提議呢一間油麻地啱啱好我你就喺旺角行完街！🎈🎈神燈燒🎈🎈我哋選擇左Level 3所以有一份黑毛豬嘅豬肉！肉質鮮嫩！肉味香濃！仲有無限量供應啤酒添！因為太熱所以我哋飲咗好多罐啤酒！仲有樽裝汽水供應添！食物自助區都非常大！小食有好多款最鍾意係佢嘅泡菜！非常正宗辣味啱啱好⋯⋯又夠爽脆⋯⋯芝士焗蠔我哋食咗好多隻⋯⋯蠔質鮮美⋯⋯芝士多到仲可以拉絲添⋯⋯不過蒜蓉味都好香口！美國安格斯牛頸肩肉味超香濃！肉質新鮮！日本番薯仔超級鮮甜！最後仲有我哋嘅童年回憶牛奶公司雪糕真係好耐冇見啦⋯⋯

今日我約左朋友去旺角行街，行街之前都係食左野先，到最後唔知食咩好，行行下見到間任食燒肉放題，見裡面都多選擇。我地到最後揀了level 2，level 2都有125款食物，真係有排食喇。而家好多地方都是用上手機點單，這間也不例外。飲品勁多選擇，有罐裝、樽裝、泰式飲品(例如：珍多冰、涼粉冰、龍鳳大檸樂)等等，除了罐裝支裝可以出面拎之外，其他飲品可在手機叫。到最後叫左杯龍鳳大檸樂，飲完仲可以係出面攞支玻璃樽可樂加落去，超正!!飲品區附近都有熟食、醃肉、醬汁、卷物、沙律、老火湯、糖水等等。比想像中算多選擇。出面熟食區攞左辣酒煮花螺、咖喱牛腩，兩者都不錯，花螺非常入味仲帶點微辣，個咖厘比想像中出色，仲可以配埋白飯一起食，值得推介。其他燒物就叫左我地至愛既雞翼，雞翼有三款：土匪、辣味、黑椒蒜香，三款都叫哂，三款都唔錯，但土匪比較惹味同喜愛。牛都是必叫的一種，叫了牛仔骨同黑椒西冷扒，金菇肥牛卷等，這個性價比真係非常高。食甜品前都夾了幾舊火炙三文魚加州卷。甜品攞了個泰版熊貓雪糕，一開出黎非常得意但帶點邪惡。食完最後甜品超滿足超飽。

三個人食lv3，88折後一千一佰幾，貼錢買難受一坐低冇耐已經有小強係牆上面，D肉4塊4塊咁叫，仲要用牛油紙墊底嘅爐，仲衰過係屋企燒，個爐又冇力，根本唔係燒肉，係等佢烘熟，又熱，冇乜冷氣，中段已經煙到對眼拿住，未夠鐘已經走，食唔落呀，真係伏到嘔，唔明D好評點得嚟，乜嘢打卡，乜嘢神燈，完全冇意義，上到去見到對情侶喺度研究，忍唔住叫佢哋走，話佢哋知難食到嘔，佢哋即走，咁嘅價錢比D咁嘅嘢客食，真係得佢哋真係好意思收

今日有新遊戲推出，好在一早訂定，店主通知今日可以提取，立即換衫飛奔出去取貨。為咗今晚可以慢慢先睹為快，決定早少少食飯再回家慢慢玩。突然想起有間放題燒肉店在附近，一直也想試試，而且還有早鳥優惠，價錢可以平一點。任食套餐分為5個Level ,最後揀了Level 2 ,已經包了出面自取所有飲品，食物，甜品，而且還有QR code 揀取刺身飯、特式飲品，炸物小吃等等。天氣太熱一坐低先叫飲品，特盛.綜合水果茶，份量超級大，一杯應該差不多有1L 份量，果味香濃，入口酸酸甜甜，清新又解渴。出面小吃熱葷會不時轉款，有泡菜炒年糕、關東煮、咖喱牛腩、辣酒煮花螺等等，關東煮蘿蔔超入味，入口清甜不苦澀，花螺肉質軟淋，辛辣刺激。燒肉都挺多選擇，有各式豬牛雞，還有丸類，雞翼等等，特別喜愛雞翼，蒜蓉味蒜香味濃郁，肉質鮮嫩，而香辣味辣勁十足，香氣四溢。美國牛舌心肉味香濃，肉汁豐富，大愛。美國肩胛大理石雖然油脂不算太多，但肉嫩可口，沾上燒肉汁更加惹味。

我對放題都有一種情有獨鍾的感覺，相隔一段時間便會心思思，今日找來一間放題來止渴。此店舖分三種價格來收費，分別在於燒肉的種類，我們見中間價格的燒肉種類都很不錯，所以點了下來。餐牌見有刺生、壽司、炸物、各種燒肉、飲品，甜品等等，真係令人眼花撩亂。先點一些刺生來開開胃，三文魚，油甘魚和帶子，款款都新鮮。小食，我們就點了雞泡魚乾，在爐上快燒兩面，用來佐酒一流。朋友急不及待，點了一轉全安格斯牛，不同的部位有肉眼，牛小排，牛頸脊和封門柳，款款都肉味濃郁，嫩滑可口。再來點了必點的雞翼和豬排，調味適中，食多幾件都冇問題。只是燒肉太悶了，這裡還有海鮮。點了海蝦、帆立貝，帆立貝都有妈幾個口味選擇，我們點了蒜香和黑松露，兩款都好味。食韓燒當然要飲野，任飲之種類繁多 ，手調台式飲品，汽水，連日本Asahi 啤酒都有，真係飲多幾罐都回本了。朋友再點了一碗湯麵來食，都不錯。我就轉移視線去食甜品，我選擇了朱古力味雪糕，永遠是最好選擇。今日真係大滿足，120分鐘內，刷 刷 刷，飲 飲 飲，真係暢快極。

有少女心嘅你一定要黎食下呢間燒肉放題一入已經有d位可以打下卡佢連個醬油壺都係跟主題 美美der 除咗燒肉都可以拎d熟食架仲有大大個教主同佢代言嘅野飲 岩哂飲無糖嘅你係時候睇下d肉肉 都唔錯 靚靚地 都新鮮仲有刺身叫架 呢間真係幾合一嘅餐廳 又燒肉又刺身又熟食呢個係芝心雞翼，不過呢個就一般 因為唔係太食到芝士係入面重頭戲 重頭戲 一定要食佢d 海鮮 仲有個特色野大啡菇真係好正架d蠔，青口都幾肥美而且有埋芝士 有埋蒜苗 調哂好味架啦最最最最正係帶子 完全唔縮水燒完仲大大粒 任食黎講真係好少有最後埋個靚單 開心

朋友20歲生日應酬叫咗個level2 ,諗住貴少少300中有啲好嘢食,點知完全同level 1 200中冇乜分別,然後又貴又難食,不過講真呢啲咁嘅野200中我都嫌貴,個爐又唔夠力啲肉鬼咁厚,煎極都唔熟,個爐仲會無啦啦出煙有陣臭膠味,認真請我都唔會嚟食.啲特飲全部冇誠意全部都係涼粉溝汽水或者溝奶刺身壽司嗰啲全本就send又難食,連最基本壽司飯酸都冇,講真未試過咁嬲.而家根本就係比三百幾蚊食明將,唔係,應該明將都好食過佢.成個場抽油煙完全唔夠力勁大陣油煙味,服務比一星都唔係誇張,叫個waiter拎把鉸剪比我,之後拎住把鉸剪喺我面前揚下揚下有冇搞錯.成餐飯根本就係夾硬食到飽,啲嘢唔好食完全冇滿足感,唉.....

這間燒肉放題店位置非常方便易達，我和朋友也是”牛魔王”，故這次選了Level 2的安格斯燒肉水產放題，主要是因為有水產、安格斯美國牛肉、刺身及特飲類，熟食處也非常乾淨整潔，可安心取食物，而雪櫃內的飲品種類也很多。安格斯牛肉有幾款，美國頂級雪花牛小排、美國牛頸脊及秘製壺漬封門柳等，肉靚口感真的與眾不同，油份高搶火，燒一燒便能入口。刺身方面都非常新鮮，有帶子、三文魚、吞拿魚及北寄貝等，我們encore了3轉🤭水產方面也不俗，有蒜香牛油深海大虎蝦，大大隻啖啖肉，也有蒜蓉燒生蠔及黑松露帶子配紫菜等應有盡有。甜品必試榴槤炸彈，特飲連紅豆冰都提供。這個價錢可任食這麼多高質食物，還有機械人送餐，一定會再來。

朋友話想找間食店大吃大喝，解解心內煩悶，放題任飲任食應該最好不過。食店內見到餐牌已知道今早沒有食早餐時正確的。食物種類十分多，我們點了小食，刺生，炸物，燒肉和飲品等等…… 真係多到不能盡錄。介紹一下飲品先，有多款的罐裝飲料外，還有日本啤酒和手調飲品，真係齋飲啤酒都歸本。小食：我們點了雞泡魚乾，在爐火上烤烘一下，用來佐洒真是不錯。刺生新鮮，油甘魚肥美，三文魚口感豐厚，帶子雪白。燒肉：種類都好多，雞、牛、豬、羊、海產，應有盡有。海產點了彈牙大蝦和兩個不同味的帆立貝，黑松露油和蒜辣味。黑松露美氣沖天，蒜辣味刺激又野味。燒肉：點了美國安格斯牛頸脊、小牛排、封門柳，件件都肉味濃郁，口感軟嫩，真係令人食指大動。食到尾聲，當然是不可缺少的甜品啦！我就選了朱古力噴泉，有棉花糖、軟糖和水果可供你自家製作，又好玩又好食。