神石燒牛扒水產專門店 (淘大商場1期) (已結業)

晚餐時間1830，只有一枱客，少了很多客，原因？試完就知答案！QR code叫完嘢食，出去攞碗裝湯，一打開個碗櫃，裏面有五六隻小強🪳走動，勁誇張，同個樓面講，佢張啲碗勁大力掟落藍色洗碗箱，態度極差，沒有任何交代。以為只係個別事件，在另一個碗櫃攞碗繼續。之後，叫了兩客石燒，兩客壽喜燒，食食下又有小強🪳喺個gas爐走出來，呢下真係接受唔到，走到上枱面，即刻無晒胃口了。樓面過來圖手就把小強拿走，只係話問我地要唔要換其他野！唔期望食肆係要好乾淨，但有小強見到就真係接受唔到！完！不會再幫襯，亦相信好快間舖會摺。

同好鍾意食高質素牛肉嘅朋友約食飯，冇乜選擇之下，見到佢門口啲牛肉賣相好靚，好似好高級咁，但係價錢又唔算太貴，即刻開OpenRice望一望評價，點知都係好多負評，但係朋友都堅持想入去試下，所以我哋入去叫咗最平嘅選擇，埋單唔使$400入到去位置唔算寬闊，但係私隱度高，因為我哋嗌嘅價錢平，所以牛嘅份量都好少，勝在佢有任添白飯，沙律，同埋麵豉湯，有舊石頭笑吓笑吓啲牛肉都算幾過癮，算係好過冇嘅一間燒牛肉店，不過如果淘大商場再開一間類似嘅話就一定會比下去，味道都係不過不失啦，唔係最平嘅牛，但係都唔覺得有幾高質素

好好好後悔冇睇食評就咁盲舂舂入咗去首先一入到去環境勁差，成間店都煙霧瀰漫，懷疑抽氣系統壞咗🤡我哋坐嗰張枱嘅隔板底有一隻陳年曱甴屍體，我哋喺店內期間都曾經出現一隻曱甴喺面前，嚇到我傻，係店員幫手拍落張枱度打死，但係之後冇喺嗰張枱做任何清潔😵食物方面我哋叫咗壽喜燒鍋，啲肉勁差，未煮之前嘅肉每一嚿都好似啱啱喺冰格拎出嚟，都係硬繃繃，煮完之後都韌到好難咬另外有五花肉，係啲肥膏中間施捨咗少少肉出嚟，不過人哋本身已經係五花肉，就算啦清酒煮蜆嘅蜆，成碗入面得一隻係開殼，精彩🤡仲要啲湯係熱，但隻蜆係凍呢個故事教訓我下次食啲咩之前都一定會乖乖睇咗食評先🤡以食大餐嘅價錢夾硬食咗一堆又難食又對身體冇益嘅嘢🤢真係俾錢折磨自己，冇試過去食一間餐廳會後悔到咁

男朋友叫左個$188既 M6 黑毛和牛神石燒，我叫左個$158既壽喜燒。壽喜燒可以話係淡而無味，完全冇醬油同味醂既味道。肉同菜好似用清水煮咁，烏冬都只有半個，食完感到非常空虛。男朋友既燒肉可以用驚嚇黎形容，肉量非常少，並且肉質發黑，油花發灰。男店員更嘗試解釋肉質瘀黑=黑毛和牛，啲灰色既油花=雪花…肉嘅味道好臊，加埋好多蒜頭，明顯係為咗掩蓋唔新鮮嘅味道。最後買單要$400。對於店家完全不用心監管食物質素，真係十分失望。

讚同所有差評留言全部差評留言講出我的心聲😂環境差，食物質素低，環境乾淨程度差，店內好大油煙，服務係無服務（只有一個廚師，一個樓面），食物真心一般，價錢不值。後悔無睇評論👎☹️對於有質素要求嘅人唔建議去，不值一試。👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎👎

🥩神石燒牛扒水產專門店叫左兩款唔同既一人盛～價錢相差大約幾十蚊🤪有齊🐷🐂🐔試～勁開心～形式就好似半自助餐～每位客人可以係出面自助區拎野食及餐具醬汁～食物有沙律·兩款湯·飯素日本米～沙律小編就無試🤣兩款湯亦覺得一般般～反而日本米+飯素小編食左兩碗🤤🤤燒肉方面質素偏好🥳和牛入口超正～油香味+肉味不得了～雞肉同豚肉當然都唔錯架😋盛惠💰$4xx好味指數(7級最佳)▁ ▂ ▃ ▄ ▅ ▆ —————————————————☻非專業食評·純個人口味☻—————————————————📍總結:整體食物唔錯～係環境上小編覺得有小小焗😅冷氣大小小就好🤣🤓搵資料發現都唔小分店～有機會要試下其他先🤡

我地經常去淘大搵食，因為呢度好多不同類型的食肆今日就試左呢間石燒~以往都食過唔少STONE GRILL, 但通常都係西式多，今次呢個係日式的呢度採全開放式設計 , 除左有中間的大枱可以多人共坐外還有2邊的的一排枱櫈可以單人或2人坐餐廳採用半自助式肉類用 QR CODE 落ORDER湯，飯，沙律, 醬料是任食的, 自己拿取器皿，餐具都是自己攞的紫菜味素係脆的，飯用上日本米，煙煙韌韌黑豚牛舌洋蔥湯和麵豉水湯都幾濃味，入面好多料, 但就略嫌唔夠熱粟米沙律有多種醬料配搭，用黎配肉食可以去膩~每張枱上仲細心放上了一張燒烤指南，敎你點燒~ 今日主菜 A5 和牛200g  + 檸檬塩糀薄切牛舌 + 牛五盛 300g 石塊本身已是熱得滾燙，送上來時吱吱冒煙下面還會有一個火持續加熱的如果覺得石塊的溫度冷了下來，也可以重新要求換一塊新的呀~  日本鹿兒島A5 和牛200g 欣賞佢切得厚薄適中，不會太薄無口感，也不會太厚難熟油脂分佈均勻，入口即溶嘅感覺真係好正~檸檬塩糀薄切牛舌 + 牛五盛 300g 「塩糀」（shiokouji）即係鹽麴 ，由米、麴菌和鹽經發酵製成代替食鹽，具有天然活菌，提出食材原味，

第一次食神石燒在大埔，那裏有很多人排隊。我以為這間應該差不多，但我錯了。可能因為特許經營, 間間店都可以唔同。這裏環境昏暗，像去了酒吧。木枱上有油漬，一放手在枱上就感覺到黏黏的。枱上分隔膠板是裂的，我懷疑是用得太久還是撿回來的。牆身上一點點不知道是不是發霉了。星期日中午 整間店只有7個客 ，只有一個樓面和一個廚師。自己把食飯煎熟，用了三塊石板。肉味一般般，最好味是白飯加飯素。埋單$110 我感覺老闆是不想做 , 是加盟店太難做了吧

今日嚟淘大商場食晚飯，呢間石燒店主打唔同部位嘅牛肉，有啲似日本拉麵店半自助形式，先點選想食嘅部位，沙律、飯、湯可以自取任食～ 有多款燒肉汁同醬汁可以點～A5和牛肉眼A5和牛顏色鮮嫩，油花又靚，放上石燒燒得好香，滴晒油，口感軟熟，入口充滿油香，邪惡之選～ 配埋紫菜飯好夾，食完可以食返啲沙律清新下口腔～檸檬鹽醬牛舌拼牛五花 牛舌切到好薄，食起嚟口感爽脆，中間夾帶檸檬鹽醬嘅酸味同洋蔥嘅爽脆口感～ 牛五花嘅脂肪冇A5和牛肉眼多，肉味會比較香濃～

✨九龍灣石燒牛🐮環境大扣分💥環境差絕對是最大的問題❗️首先，抽風差和油煙多是一個令人不滿的問題，抽風系統完全不夠用，能肉眼看到天花全是煙😶‍🌫️。此外，檯面的清潔也需要被改善。檯面上有油和食物殘渣😫的情況，感覺很不衛生。放袋的籃也不乾淨，凳本來就沒有靠背，不能放，還沒有乾淨的籃子🫠。最後，門口及場內沒看到幾個staff，很難叫到人。雖然每份的量有點少，但是肉的味道不錯👍🏻，跟價格成正比。我們4個人吃了$1456，人均💰$350。

200蚊食塊牛扒，唔講以為自己食緊大家樂，塊牛扒好似食緊擦子膠咁，牛扒都未識得煎熟，塊牛扒仲要未熟，外面熟入面係生仲同我講係有五成熟.入面一成熟都唔知有冇下次不如拎隻活牛出嚟賣比客食 ，食完屙咗幾次，個經理又串好似唔憂做咁，明明自己錯罵返個客轉頭，呢間野真係唔好食，食大家樂都冇咁嬲，

之前都有到此分店食過一次扒餐，覺得都吾錯，價錢合理。今日再到淘大見佢地推出放題式，$129可以食到牛扒，豬扒，雞扒，同埋有牛五花，豬五花，本身有牛舌，但佢地，話無哂貨。我6點幾入到去，只有一枱客食緊。。先講牛扒，呢個價錢都估到一般，之後嗌左4份牛五花，因為我地4人食，所以只黎4塊，味道幾好，諗住再嗌多幾份，想嗌既時候，已經話得返2塊，我問嗰Staff，呢家7點未到，咁快話無哂？一位著便服女士答我，話系阿無存貨無辦法，我再問呢位女士，點解入黎前無講定，牛舌無都有講話有其他頂替，我問呢個女士，咁無牛五花有乜頂替，呢位女士話無嫁，無貨就係無貨。我感覺比人呃左入黎咁，無錯，係有其他野食可以叫，但係扒嗰啲全部都一個字鞋字，無味，唯獨覺得有一樣牛五花有點欣賞外，反而點左一次就無。只可以講，咁樣呃消費者我覺得非常無品。吾會再有下一次。完全失敗！垃！。。。。。。。

🥩🥩🥩一直有食開油麻地分店，想試一試會唔會有分店比油麻地店好坐，所以專登去九龍灣試下結果係九龍灣店比較寬敞，樓底高有助散熱通風，感覺較舒適，另外有推廣食滿$150，送一個金幣去扭蛋，扭蛋入面有各款coupon俾大家極上原條厚切牛舌芯($128) + 追加($78)+美國黑豚舌($10)用左$78再追加牛舌芯，所以份量比正常多，而且好厚切，好爽口彈牙👍🏻👍🏻👍🏻就算過熱過熟都唔會un或者乾另外加$10試左美國黑豚舌，$10有五塊薄切都算非常抵試，食落無牛舌既爽，但味道似豬耳美國黑安格斯牛隔肌($129)200g，都算係厚切，好腍好有肉味，放落熱石板度要留意，可以按自己喜好去將肉燒到合適既生熟度，但如果牛肉放係熱石板慢慢進食，有機會其中一邊燒得太熟太乾，所以間唔中要移動方向，又或者額外用碟盛好未燒既肉

這間日式石燒牛扒店頗有人氣開了不少分店 平日下午原來有提供特價餐牌 有加一服務費 有不同級數同產地的肉類選擇 豐儉由人😍👍🏻剛好客人不算多不用排隊等位 餐廳有挺多單人對牆的座位 不過椅背太矮不太好坐🫣✨澳洲穀飼牛扒300g $68要了黑椒汁、洋蔥汁各一份🥩石燒牛扒會放於熱石板上煎至一成熟 再鋪上一張吸油紙上枱🍴 300g牛扒夠大塊厚身 油脂較少同部分筋位較多會比較韌 牛味不算很濃厚 但這個價錢已經很不錯👍🏻比較喜歡黑椒汁😆比較重口味‼️要注意的是石板一開始好熱🔥容易把牛肉煎得過熟 影響肉質變得好實身😣建議將牛肉切成小件 再自行放上熱石燒熟 可以自己掌握進食速度就不怕燒得過熟啦😄石板不夠熱，可以同職員講換一塊！✨追加澳洲M8黑毛和牛 $12每位限購一份！黑毛和牛不錯 肉味濃郁 但比較薄切 輕輕燒兩面幾秒就食得 仲保持肉汁🤤👍🏻✨西班牙黑毛豬（配黑松露汁）豬扒好厚身有兩大塊😍豬肉要燒至全熟 但肉質都不會乾柴同韌 而黑松露汁比較油 但味道濃郁 亦有提供其他烤肉汁可以自行落😬✨套餐附送日式湯、日本珍珠飯及沙律放題🥣湯有兩款：日式麵豉湯、泡菜牛肉湯 麵豉湯加了豆卜 味道好濃亦不會過鹹👍🏻泡菜牛肉湯

事緣係咁的，今日諗住聖誕節食返好啲嘅中午套餐。咁就帶咗個壽喜燒A5鹿兒島和牛食，咁佢呢間餐廳呢就有沙律，啲湯同埋白飯任食嘅。啲嘢食到一般般。但係衛生環境就好一般，所以我都唔係好明，點解佢咁多好評。又或者可能係我嘅壽喜燒特別差。咁我問過啦圖片上面嘅壽喜燒呢同埋人哋食評上面嘅壽喜燒，差天共地，咁我加咗兩隻廣島蠔，勁細隻。食完落口終於忍唔住，希望大家唔好中伏。平時我都唔會打食評，但係今次就真係忍唔住要同大家分享。佢嗰壽喜燒湯底又淡，佢所謂啲鹿兒島A5和牛，完全冇牛味，賣相又差，同啲打手啲完全唔同(多圖自己睇)。大約$380埋單，但係佢完全唔值呢個價錢，連$100都比多佢，有時有機會其他火鍋店仲好食過佢。大家唔信嘅可以一試。又或者係壽喜燒特別差鐵板燒比較好味掛。真係唔知，不過覺得自己可以僥倖逃過一刧，可以不妨試一試。