神石燒牛扒水產專門店 (東港城) (已結業)

第二次幫襯：今次試佢假日餐，牛膈肌加豚肉加雞，仲有個清酒煮蜆，樣樣試少少😬講明神石燒，梗係比舊熱石你自己燒😂加汁燒嘅時候都幾壯觀㗎😆即係Pepper Lunch嘅升級版😋塊牛因為有100g，份量多比較厚，但係燒耐咗面頭熟裏面生喎🤔食家們應該切開佢燒，會均勻啲㗎😋豚肉同雞味道都唔錯，最緊要加燒肉汁，同生薑燒肉汁😎加汁燒嗰陣出晒煙，咁先有feel😂塊雞上菜嘅時候好生，不過燒10分鐘就熟㗎啦😌白飯任裝，湯同沙律都任裝，適合大食量食家😇整體成個體驗，燒嘢食同食物質素都正，推薦呀😎仲有豪華高汁餐，適合高budget人士😎

這店剛開張時便决定去食，但新店經常爆滿，自己不喜排隊，加上疫情，結果差不多2年都未食，今天下午打算去大生超市買野，經過此店見沒有客人，便走入去，叫左午市套餐，份量不多，有牛，雞，豬各少許，加左1份鴨肝多士，食物質素很一般，沒有怎麼調味可言，還好有支生羌汁幾好味，服務也不可取，感覺那位男性員工態度和語氣都非常冷漠(可能是經理)，而送餐的男員工比較正常友善，今天試過覺得有少少失望，但不能說很差，只是相同價格在坑囗有更多更好的選擇。

看食評好多好評於是就去試下，係小店，坐位較密，但有空氣清新機。QR code 點餐，自助沙律吧，白飯和兩款湯。Open rice訂座主餐牌89折。石燒板跟以前吃的不同，有洞洞的，好夠熱但燒出來的肉肉不會焦，醬汁好味，不咸不濃，好有牛味。一定再去，想試串燒和壽喜燒。

平時都好鍾意去神石燒食石燒牛😋😋餐廳提供唔同產地同級數的牛肉供顧客選擇，亦提供其他肉類～～見佢地最近推出左關東壽喜燒🥘！最平$78就有交易，一於約埋朋友去試試❤️❤️-🐮壽喜燒一人前 - 日本鹿兒島A5和牛肉眼 $298✨成個set好豐富！包括有鹿兒島A5和牛肉眼🐮、精選野菜盤🥗、雞蛋🥚同稻庭烏冬🍜等～～A5和牛望落色澤好靚！油脂分佈平均～～大概有7-8塊左右，切得厚薄適中😍😍放入鍋內淥一淥就食得，和牛入口即溶好好味！！鍋內仲有金針菇、冬菇、娃娃菜等配料，全部索哂壽喜燒既精華，十分香甜😋😋另外自助區有沙律🥗，味噌湯🥣同珍珠飯🍚無限供應！！絕對可以食返餐飽，仲好抵食添👍🏻👍🏻🌟限定優惠：加 HK$12 就可以享用「澳洲黑毛和牛」一份 (每位只限加購一份) *數量有限* ‼️‼️

神石燒喺油麻地、九龍灣、荃灣、大埔、元朗、坑口都有分店，出名食石燒牛，假日嘅石燒套餐都係$78起；不過我今次就食豪啲，試咗壽喜燒最貴嘅套餐，估唔到咁高質👍🏻同埋要讚嘅係，呢度啲枱係對住牆，如果一個人嚟食都唔會尷尬😝🍲壽喜燒A餐 日本鹿兒島A5和牛肉眼 $298落咗order之後等咗半個鐘，個壽喜燒鍋先送上嚟。大丈夫，因為呢個餐係包埋日本珍珠飯、湯同沙律放題☺️沙律菜都新鮮，見店員不停refill；麵豉湯同泡菜牛肉湯嚟講，建議試後者，味道似辣辣哋、有牛肉香味嘅嘅羅宋湯，入邊仲有唔少泡菜🤗至於個飯，加啲紫菜同燒肉汁，真係好惹味，可惜太飽想再食多碗都食唔落🤣講返重點：日本鹿兒島A5和牛肉眼，望落鮮紅色同油花均勻，份量亦都唔少，估計有10塊，放落個甜甜哋嘅壽喜燒湯入邊涮一涮，根本完全唔使蘸任何醬汁已經好香濃牛味同埋入口即溶！Edan喺《闔家辣》入面話「我老母個醬好好味呀～」我就好想用佢個tone講「神石燒個A5和牛肉眼好好味呀～」😍😍 若然唔夠喉，仲可以加HK$12 享用澳洲黑毛和牛一份，但留醫數量有限，每位只限加購一份🐂呢個餐除咗有肉肉，仲有日本雞蛋同埋精選野菜。本身隻生蛋應該係要嚟點A5和牛

講起香港人最愛嘅燒肉同打邊爐，一直提供不同產地以至唔同級數牛肉嘅神石燒牛扒水產專門店真係一個好好嘅選擇🤤佢哋嘅定價好親民，就算A5咁靚嘅日本和牛都係二三百蚊！。。🔘壽喜燒一人前 - 日本鹿兒島A5和牛肉眼 | $298評分: 🌕🌕🌕🌕🌑評語: 而家疫情咁勁，一人前嘅火鍋真係啱晒🫢唔好以為一人前就細細鍋，淨係鍋內嘅野菜我都差啲食飽左🤣日本A5和牛有幾正我估大家都知，肉質鮮嫩油脂分布均勻，放落甜甜嘅壽喜燒湯內一陣就已經食後！佢哋仲會配埋日本雞蛋🥚俾大家點和牛食添😍如果到最後都真係唔夠飽，自助區仲有日本米飯同沙律可以食架！。。🔻限定優惠！加$12就可以食埋澳洲黑毛和牛一份🐮優惠有限架！一人只後一份！🔻大埔、荃灣、九龍灣、將軍澳、元朗、油麻地都有分店🔻價錢極度親民‼️推介指數: ⭐⭐⭐️⭐️

神石焼きビーフステーキ專門店 @ jinsekisteak 餐廳提供不同產地、級數既牛肉供顧客選擇，亦有提供其他肉類食品質素好，價錢都平民化最近新出咗關東壽喜燒一人前 獨家壽喜燒汁，配上多款安格斯牛肉套餐💥💥限定優惠： 加HK$12 就可以享用 澳洲黑毛和牛 一份（每位只限加購一份）🌟壽喜燒一人前 - 日本鹿兒島A5和牛肉眼 🥩$298 今日試呢款係最貴嘅壽喜燒套餐套餐會有精選野菜🍄🥬、日本蛋🥚同日本稻庭烏冬🍜店員會一鍋咁上，有個爐喺枱慢慢加熱兩塊A5和牛肉眼油脂好豐富油花好均勻，食落好嫩滑點蛋液一齊食會更加滑如果覺得唔夠味可以加少少燒肉汁所有壽喜燒套餐提供味噌湯🍲，日本珍珠飯🍚及沙律放題🥗，可以自己喺自助區自取今日有泡菜牛肉湯同日本麵豉湯泡菜牛肉湯有少少辣🌶，但都幾好飲沙律有柚子醋、意大利黑醋、胡麻汁同千島醬仲可以自己撈紫菜飯食☺️📍神石焼きビーフステーキ專門店 @ jinsekisteak 神石燒牛扒水產專門店 (東港城) (將軍澳)將軍澳重華路8號東港城2樓265號舖

今天07/7/2022 Thu，中午經過東港城神石燒門口，發現冇人排隊於是入去試吓。今次叫咗個午市套餐：$128 韓牛1++盛盒呢個午餐嘅價錢，有這些肉份量是可以接受的！加上白飯、沙律、麵豉湯及泡菜牛肉湯係任飲任食來講性價比係高的。但是失敗於牛肉及牛脷沒有應有嘅肉味只靠醬汁味道係唯一失敗嘅地方。白飯煮得比較軟身，好彩有脆卜卜嘅紫菜加飯素！救番碗飯🍚整體結論：如果肉類質素冇提升不會再考慮幫襯第二次。雖然佢價錢比較親民😅寧願貴返少少提高番食物質素可能會更加多人幫襯。

總共叫左三款燒牛肉餐，餐廳會幫你燒至2-3成熟，隨後就要靠你用神石燒到理想程度～🍖美國頂級神石牛肉最重牛肉味，肉質較厚實，將牛燒到皮焦肉嫩，鎖住肉汁，正！😋🥩黑安格斯牛膈肌牛肉味比頂級牛淡，肉質較稔，但最啱我口味😆🥓牛膈肌漢堡扒普普通通嘅漢堡肉+一般稔度肉質，係三款之中最一般嘅整體來講，牛味濃，口感唔錯；味噌湯、珍珠🍚、沙律雖然任添，但質素都唔hea，值得一讚👍🏻

母親節晚飯，經open rice 訂位有89折。食物質素好參差，白飯及湯自助形式，冇乜特別，羊架份量遍小、冇乜味，但係牛肩、牛舌、韓牛有驚喜⋯⋯。服務方面，基本上係冇乜服務，所有餐具、斟水、餐巾都係自助，埋單時竟然都要收10%服務費時，真係想極都唔明白。埋單時，侍應話這個時段沒有89折優惠，真係好混亂⋯⋯。經過一番討論後，侍應最後都比咗優惠我。Open rice pay 有額外優惠，有驚喜！。如果冇優惠，可能不會再去食。

呢排香港開左好多間呢d用熱石燒既一人燒肉店最岩個d可以一個人食燒肉既人環境為食貓覺得餐廳食野既空間太細，張枱要放塊熱石板，又要放d生肉，重有沙律、飯個d，完全唔夠就手，為食貓經常食食下就跌左d用鐵做好重既餐具落地🤦🏾‍♀️食物美國金裝黑毛和牛二人前我地個日叫左$398既二人前，有美國金裝黑毛和牛100g，美國黑安格斯牛隔肌200g，美國天然雞扒150g，西班牙黑毛豬150g，日式清酒煮蜆😋300g既肉2個人食非常足夠，而且重可以任添白飯、湯同沙律，一定夠飽👍🏾講下d肉先，美國既和牛同牛隔肌肉味十足，不過個和牛無入口即溶既口感，至於個牛隔肌反而唔靭，入面淋淋地，非常好食另外個雞同豬都唔錯，無d雪左好耐既味道，唔錯👍🏾個清酒煮蜆甜甜地，食左可以中和番d肉既油膩感為食貓係疫情好嚴重既時候，都叫過佢既外賣便當，但建議唔好買，都係堂食較好🙈因為肉太少，凍左又無咁好食

上次試過佢哋嘅外賣都唔錯，係份量少左啲，今次試埋堂食🤔下午十二點半左右去到，唔係好多人，門口嗰位哥哥叫我地坐入去先，點知之後好多人，門口偏偏得一個人幫手㩒機落單😂😂仲要外賣同堂食都係同一部機、同一個人落。。就算你入左去坐先再出黎落單都係要再排過隊🤦🏻‍♀️Lunch選擇都算多，又有任添嘅白飯(有飯素提供)、湯、沙律，以呢個價錢黎講都OK嘅😶好啦，落左單之後好快啲野食就到，但係傳菜嗰個人問左我地個餐係邊個之後，就好粗魯咁推個餐去我度，大力到連擺喺個盆嗰兜汁都倒左一半出黎😨😨我同男朋友都呆左，同佢講，佢就求求其其應左話俾過兜汁我地。。其實我地都唔係話想叫佢俾過，係覺得佢咁做好冇禮貌遮😓餐具、圍兜同所有任添嘅嘢都係自助形式攞，正當我等男朋友拎緊嘅時候，我發現有隻小小強🪳喺張枱度快速走過🥴當時我啲食物已經上左，我實在唔知隻小小強喺邊度走出黎，我唯有同自己講應該唔會係喺我個餐盆度走出黎😂同埋9秒99撥走佢，唔好俾佢有機會爬入我啲食物道。。我同男朋友都叫左盛盒，我叫羊佢叫牛，兩個盛盒都有雞同豚肉，其實味道係正常嘅，幾款肉嘅質素對得住個價錢，只係配嘅汁冇外賣嗰款咁好味🤔沙律就正常發揮，除左沙律菜仲有粟

疫情期間放題暫停，之前經 openrice 買咗劵，因為3月31日到期，問過唔可以延期，見確診率回落，今日去咗食， touch wood 希望唔會中招啦 （個空氣清新機/換氣機好似冇開，上次去有開）。比起之前，冇咗蕃薯條 （放題劵係包嘅），我覺得第一次食好好味，之後幾次食都炸得唔夠，好淋吓，希望之後有番會炸得脆/硬d。個爐燃料份量少咗，半個鐘就要加，之前食過90分鐘放題，都係1個鐘左右先要加。食物質素保持，服務員好新，經驗不足，但態度好好，抵食，會再幫襯。

之前試過呢間餐廳嘅外賣飯盒，覺得質素唔錯，特登嚟試吓呢度嘅中午套餐，呢間餐廳要求客人至少打咗一針先可以進食，要先喺門口掃描安心出行，再喺門口午餐Menu度揀選自己想食嘅套餐，價錢大概$60-$100幾，俾左錢之後先可以進入餐廳，今次揀咗牛肉及牛舌午市套餐，大概$85 ，飯、沙律、泡菜牛肉湯及調味料自取任食。米飯是日本米，煙靭好味，冇咗之前網友推介嘅薯仔沙律有啲失望，但係泡菜牛肉湯真材實料，唔會太辣之餘，仲有好多牛肉同埋牛舌，我都飲咗兩碗。牛肉會放喺個燒熱嘅石板上，整好放喺你面前，仲會喺上面放一張紙，感覺比較衛生，跟住就按照自己喜好，等個牛肉自己燒熟再進食。牛舌厚切有兩大片，牛肉都幾好味，但係可能我燒得太耐，有啲太韌，自助進餐嘅體驗不錯，下次會試吓其他嘅套餐，希望可以食到薯仔沙律啦😉

今日去神石燒度食午餐，叫咗個午餐A美國極級黑安格斯牛膈肌之盛合$78，包括有100g美國極級黑安格斯牛膈肌、50g雞肉同埋50g豚肉，然後我加咗$8要一罐可口可樂，服務員話俾我聽返沙律湯係自助形式，盛惠$95。我有少少懷疑，點解$95？之後我望張單，明白晒！原來有加一，不過飯、沙律、湯、水都係自助形式，咁點解要加一？但係我好快就已經解除左呢個疑問，因為我哋去食自助餐都係要加一！白飯就任裝，而且有飯素可以加。沙律呢就係粟米或者係椰菜絲，有幾款醬料選擇，芝麻醬、千島醬等。講吓個主菜先，有一條雞，個size大約係四分之一塊雞扒，豬都係，牛就大少少啦，真係少少。三款食材都覺得份量少咗啲，覺得唔係好抵食。切咗細細舊牛嚟試吓，好食喎，肉質又夠林，又夠香，而且仲有啲肉嘅甜味，即刻加返少少分，而其餘兩款都係好食，總括嚟講佢嘅味道係好食，只不過份量少左啲，我相信會再嚟食，不過就肯定唔會叫午餐。😅