神石燒牛扒水產專門店 (東港城) (已結業)

年幾前去食過一次單點，牛扒正常囉，無太特別，又不難食。今日再去，見有放題咪試下，放題$148一人，另收加一。限時75分鐘，我地6:57入坐，第一份牛扒是職員幫我哋入單的，但等到7:22才送上。本身都無乜寄望，但呢舊牛扒硬過我條命，佢本身成舊肉一成熟度放在熱石板上，我煎多一陣，大約三成度就食，但竟然咬唔開。7:42分，我再點200g 牛扒和牛舌。8:00催完才送上，點200g 牛扒，送上的約100g, 牛舌有怪味，完全食唔落。最後我係在未飽的情況下離開。75分鐘限時，但每點一次都要差不多20分鐘才送上，兩次都係要催才落單，點解我知？因為我坐喺對正廚房的位，電話落單無，無人做野，要催才拎單入廚房。每次都等成20分鐘，人生又幾多二十分鐘。等到不想食，難食到不想食

心血來潮想食牛扒記得上次食過間神石燒有午巿放題就再去試多次午巿60 分鐘牛扒放題揀咗$128 個set一入座會先上一份200g 牛肩扒好快食完就用手機掃QR code 落單試咗份100 g 牛舌加100 g 牛肩扒牛肩扒，牛肉味重但牛舌就冇咩牛味之後encore 多次200g 牛肩扒試下佢塊雞扒繼續order 多塊200g 牛肩扒，加一塊100g 雞扒雞扒嫩口，但要完全煎熟先食得見個肚仲有位置，埋單前叫多次200g 牛肩扒佢嘅牛舌洋蔥湯夠甜，少鹹現場環境都係多油煙，離開餐廳後都會成身油煙味員工態度友善，每次上菜都有提示要小心熱每次落order 嘅等候時間都少於5 分鐘，所以短短60 分鐘放題先夠時間落四次order一個人食，埋單$128 加一如果食飽飯之後唔使去街，又想過下口癮，呢個價錢都可以一試

見到最近呢間推出75分鐘放題但見到食評又有點卻步今日就膽粗粗入去試就算衰咗，都係最多冇下次點咗個最平嘅$129 75分鐘放題一開始會先上一份200g 澳洲殼飼牛扒一份加兩塊黑毛和牛塊石好熱過一陣塊扒都開始燶食緊第一塊就掃QR code 加單落單後唔使五分鐘就到100g 澳洲殼飼牛扒白飯沙律任裝仲有兩款湯今日係泡菜湯同埋豬脷洋蔥湯我就飲咗三碗洋蔥湯，加三碗飯少鹽，但夠甜最後再加多次單100g 澳洲殼飼牛扒 + 50g 黑豚舌芯如果純粹想過口癮呢個質素係ok 的環境方便就煙霧彌漫枱面，櫈，醬油鹽樽都比較油膩食完走之後都好重油煙味整餐飯過程，收銀侍應態度都幾好收碟上菜時都會同我哋單聲亦提醒我哋要小心塊石好熱就今次經歷，個人而言會有下次

沙律菜很硬！蜆肉湯是甜，味道怪怪的！肉類質素一般，鮑魚、蠔，味道還好，加了原隻龍蝦⋯竟然上了三小隻龍蝦（中伏）🤬又細隻，肉質又硬！最好味係白飯加紫菜😂！這餐廳試一次，不會有下次！

本來訂左枱既，但朋友係咁遲，結果被取消了。最終變成walk in 客。坐低果下都仲有出返去既衝動，因為禮貌真係欠缺，或者因為只得兩個人響樓面負責帶位，出菜，同收銀。有㨂午餐，有㨂餐牌既。不過由於要手機點餐，餐牌上睇到既同QR Code 牌睇到既都有出入。可以問返侍應。兩個朋友㨂左黑毛豬。一個份餐黎到就咋咋聲咁樣。一個塊板靜到爆。結果要揾人換，但最初既反應就好似我地搞事咁。但一d 蒸氣都無，話晒都係豬，好難搞喎。好彩係兩個人都叫呢樣，而一個有蒸氣啫。（圖中就係無蒸氣果塊）我就叫左牛舌。牛舌厚身既，侍應介紹話本身已經熟既，只需要烤返熱就可以。結果我由佢上枱到我食晒，有牛舌都係得微暖啫。好彩我叫熟牛舌。好鍾意食熟蒜既我。到食完都係要食生蒜午市就真係唔貴既。$70-80 有一個餐。包飯，湯，沙律任飲任食。不過都係無下次喇。未入去就已經覺得好趕咁樣。成兩點先食，無咩客都勁唔耐煩。🤷🏻‍♀️

食咗個75分鐘晚市放題， 黎咗第一轉之後等咗好耐成半個鐘都未上到第二轉， 同侍應講幫手催單但都係未追到，等到得返15分鐘先上到第二轉， 唔係好攪得掂囉，幾有耐性都成45分鐘以上先黎多轉， 如果做唔切就不如唔好做放題啦

食咗個午餐，食物質素一般。不詳細講，也不發相，就係一般。埋單時，職員態度+語氣好差。我食午餐標價128。職員話：一共141。（我印象中會員有88折，奇怪點解141）我問：點解141？職員答：印張單你睇, 有加一嫁。我問：會員不是88折嗎？職員好晦氣答：午餐無折嘅喎！我付款走人。我才第二次幫襯，一定知道你餐廳規矩嗎？你態度同語氣可唔可以好一點？如果不是買咗會員，以後都不會再幫襯。現在後悔自己買咗會員。想買會員的，一定要想清楚。

新年食得太多新年菜式，就去食日本菜。也不是第一次光顧，以往的服務、食物質素及餐廳衛生也算不錯，所以也常來的。但今晚光顧（年初四），卻遇上兩位態度極差的侍應，是兩位年輕的男孩子。讓我決定永不再光顧的原因有三：一、侍應態度差以往是自助點餐，今晚改為侍應落單。等入座等了約10分鐘，入座後點餐又等了10分鐘都無侍應經過，我就行出去找侍應，只見兩名年輕侍應在門口邊傾計邊打機玩遊戲。我叫他們幫忙點餐，他回應「等啦，你坐返埋位我就會黎，你吾坐我吾會過黎」。吓！ 我以為聽錯，我後面的男士也正好過來找人點餐，並表示等了很久，而其中一位侍應回應「哦！好耐呀！等下囉」。態度何其惡劣。此外，由點餐、送餐，到最後收錢，兩位侍應一句「唔該」或「謝謝」也沒有。服務比連鎖快餐店姐姐還差。二、衛生座位編配是面向牆或木板的，可清楚看見牆上及木板上的油漬。另外，餐具也有很多污漬，用紙巾抺了數次才敢用。三、沙律、飯、湯沒添自助沙律、飯、湯也所剩無幾，職員不但不添加，有客人要求添加時，職員表示「係得咁多」，但餐內指示明明寫著任食的。結果我們沒有食沙律及湯。而飯是聲稱用日本米，本人滿心期待，但結果是生米，硬得不能入口，而可添的紫

肉質味道不錯，每一個套餐用熱石頭燒烤，自己可以控制到剛好熟就吃岩岩好的肉。飯+味素+沙律，可惜衛生比較一般。不過價錢合適，有吸引力。鐘意肉的可以加錢配更多的肉。

熱石燒牛扒好多地方都有 咁岩經開屋企附近 就諗住試下 但因為係假期 門口好多人等位 🥲所以我地決定外賣番屋企食 ✌🏻佢有幾個價位 我地就簡左$69牛扒 都算正常價 不過唔包野飲 一打開個外賣盒 覺得有小小失望 首先係個賣相唔吸引 然後飯同牛扒既份量都好小 而左面就係一d生菜絲 但可能太耐既關係 D野凍哂 建議都係堂食or叮番熱食會比較好 肉質係嫩口 入口有即融既感覺 食落都好有口感 但剩係飯配牛扒真係太清 有多1-2樣小食會開心d 但我都想試下堂食 聽聞佢有任食 下次可以去試下

熱石牛扒好多地方都有，今次嚟到坑口東港城，店舖嘅裝修似地道既日本餐廳。同其他熱石牛扒店一樣，係半自助式，點完你想食嘅肉類後，沙律、飯同餐湯係可以自己自由添加🤩🥘餐湯當日我見到有兩款餐湯，日式麵豉湯和泡菜牛肉湯。麵豉湯比較喊，泡菜湯酸酸甜甜，有好濃嘅牛肉味，自己覺得泡菜湯比較好飲。🥗沙律有粟米粒同雜菜絲，有胡麻汁、千島醬、柚子醋等等嘅調味醬。粟米粒比較硬，雜菜絲一般。🥩西冷牛扒 $88 /300 g呢個一見到就決定要試吓😆超平超大份，肉片厚夠份量，肉質就比較淋，但食落好有滿足感。佢係一整片嘅肉送到你面前，絕對唔係將一啲邊邊位加埋300 g咁俾你。係抵食之選。🥩澳洲和牛套餐呢個套餐有好多唔同牛嘅部位可以俾你一次過試哂，肉上面都有旗仔插住，話你知你嗰個肉係咩部位。另外仲有一個蜆湯，不過我自己覺得蜆湯太淡同有啲腥味，會令到呢到套餐大大減分。不過佢呢個熱石板下面有個蠟燭不停幫塊石升溫，所以即使你慢慢食，石板都可以保持溫度。唔需要怕石板溫度低咗最後啲肉會整唔熟。🐚蒜蓉帆立貝$20蒜蓉味唔夠，帆立貝普通。🥩另外依家可以用$12追加澳洲黑毛和牛一份😋平平哋又可以試埋黑毛和牛。呢度既優點係牛扒係熱石上面

有時屎忽痕就會好想食大大舊肉，咁岩屋企附近有呢間，每次都會食美國西冷，個人比喜歡西冷 啖啖肉 肉汁滿滿，以我既經驗叫3 4成熟就好了 起初叫5 6成 好似與時間競賽甘要食得好快，冇得慢慢享受，同埋可以任食佢既飯，對於我呢個飯桶無飯不歡，係好快樂既事

超污糟，碗有飯漬有麵豉湯漬，真係好恐怖，扮都唔扮下(ᇂ_ᇂ|||)見到午時套餐好似幾抵所以入去食，果然平野冇好，我個羊架套餐個羊勁細，大部分都係雞肉重要好肥。我fd叫300g個牛佢都係話係cheap嘢，仲有舊超大牛油😓啲嘢自己拎，78仲要加一服務費，我值得更好🙃

放假黎到屋企附近既「神石燒」食午餐😋😋佢地係全港首家岩鹽熱石燒牛扒專門店🔥，提供不同產地同級數的牛肉，亦提供其他肉類～～所有食材已獲國際認證📝，品質保證！！而家仲做緊優惠，300G西冷牛扒只需$88！超抵食😍😍🐮300G澳洲穀飼100日西冷牛扒 $88✨-塊西冷牛扒好厚身，份量十足！！放喺400度熱辣辣既岩石板上慢慢燒，燒到大約7-8成熟就食得🤤🤤牛扒肉質鮮嫩，色澤好靚！仲好重牛味～～跟餐配自家製黑椒汁或蒜香汁，味道濃郁！或者蘸燒肉汁食都好好味👍🏻👍🏻另外自助區有沙律🥗，味噌湯🥣同珍珠飯🍚無限供應！食完好飽肚😋😋🌟P.S. 而家只要叫一份主食，就可以用半價追加一款海鮮‼️‼️包括有日式磯燒鮑魚、頂級虎蝦、韓國統營石蠔、蒜蓉帆立貝同日式魷魚串～～全部質素都唔錯，我就最鍾意蒜蓉帆立貝🤩🤩外層燒得焦香，口感肥美juicy！配蒜蓉一齊食好惹味❤️❤️

神石焼きビーフステーキ專門店 @jinsekisteak神石焼為全港首家岩鹽熱石燒牛扒專門店。餐廳提供來自唔同產地和級數既牛肉，亦都提供其他肉類，所有食材均獲國際認證。🌟澳洲穀飼100日西冷牛扒 $88繼上次推出既壽喜燒套餐，今次既優惠實在係肉食者福音，$88 就食到300G石燒澳洲穀飼100日西冷牛扒，可以選配自家製黑椒汁或蒜香汁。西冷黎到後放上400度既岩石板上，切開燒至自己喜好既熟度就可以食，西冷份量夠多，肉油脂唔算好多，但味道都唔錯，配黑椒汁幾好食。唔好一次過切開晒，好易太熟，食之前先切開比較好💥💥限定優惠：有五款水產追加半價大割引，每份主食只可使用優惠一次半價後為 韓國統營石蠔 $24、日式磯燒鮑魚 $24、日式魷魚串$19、頂級虎蝦$19、蒜蓉帆立貝 2隻 $24海鮮嚟到之後都係要再燒下。個人比較鍾意食鮑魚同虎蝦，半價之後好抵食。套餐附送味噌湯🍲、泡菜牛肉湯、沙律及日本珍珠飯🍚，全部都可係自助區自取。📍神石焼きビーフステーキ專門店 @jinsekisteak神石燒牛扒水產專門店 (東港城) (將軍澳)將軍澳重華路8號東港城2樓265號舖