神輿日本料理 (已結業)

天氣熱，就想食凍野，尤其做到攰攰地，去食個放題放肆下。見到旺角呢間神輿價錢ok，又方便，就黎試下。比較早黎到，2個人安排坐4人枱，可以多啲位放野食呀！一黎緊係食刺身先，以呢個價錢黎講算唔錯，多選擇，最緊要有甜蝦同帶子！海膽軍艦同埋炙燒壽司，海膽唔腥，炙燒就啱啱好燒到油脂溶化，正呀！前菜sss，估唔到佢個豆腐同茄子又幾好食，豆腐夠多芝麻醬，茄子保留少少爽口。啲卷如果賣相可以靚啲就好，雖然放落口都係一樣。豬頸肉juicy香口，加埋啲蔥口感豐富。雜菌夠入味。點少得食炸物，全部炸到香脆可口不油膩。串燒都唔錯，尤其係菠蘿，又甜又juicy。最令我驚喜嘅係呢個牛奶布丁，奶味濃郁又嫩滑，encore！

距離上次幫襯已經一年，上次食時很不錯，食物優質，其他方面e.g.環境＆服務＆衛生都好好。但今次真係好唔掂！環境＆服務＆衛生可以，但食物超級難食！燒牛肉粒好乾好軔，炸物唔好食，壽司d餸無味，炸軟殼蟹又凍又林！鍋物更加不知所謂，尤奇係個關東煮，求其有幾粒魚蛋就當係關東煮！仲有個蝦餅，上菜後真係好驚！唯一係雞翼，甜品係正常。魚生尚可，但選擇比較小。9pm 入座，加一後每人$232/2hr。雖然唔係好貴，但難食到好嬲，食荼餐廳好過！

老公生日，請佢去旺角神輿日本料理食放題，食店地方整潔闊落，座位寬敞。以日式和風木系為主的裝修擺設，猶如置身日本高級料理店，食物方面質素也不錯，就讓我們今晚盡情享受一下吧！店內入口有甜品自助區，各式甜品和自家製雪糕都好好味！放題首選當然是刺身，刺身都好新鮮，三文魚、吞拿魚厚切肥美，甜蝦和松葉蟹棒鮮甜，赤貝爽口。壽司：火灼三文魚魚油豐富，入口即化。火灼芝士三文魚，魚油加埋芝士，味道更濃更香。鰻魚壽司軟嫩爽滑。原條秋刀魚：外皮香脆，肉質鮮嫩。海膽壽司味道新鮮帶甘甜。小食味付螺肉爽滑味美，配上特製味付醬汁，無論口感還是味道都是一流。酸子薑酸甜爽脆。芝士焗虎蝦：大大隻虎蝦開邊後鋪上芝士蛋黃醬，焗至金黃色，蝦肉彈牙甚美味！芝士焗蠔：蠔肉鮮味，芝士惹味。忌廉焗帶子，忌廉汁香滑，帶子魁甜。天婦羅海蝦，外層香脆，肉質爽口。日本番薯軟糯香甜。爐端燒：菠蘿香甜、海老新鮮，味道鮮美。清酒煮蜆，蜆肉鮮甜帶酒香。自製的雪糕有多款，我最喜歡紅豆雪糕，粒粒紅豆好林甜，雪糕又滑又甜。滑溜的奶凍也不會錯過。

難得朋友WORKING HOLIDAY完返香港，咁耐無見梗係好多計要傾，所以約埋幾個朋友一齊食返餐放題，為佢洗洗塵。上網見呢度水準唔錯，就BOOK咗枱免得週未太旺場而無位。一門口都覺得環境唔錯，夠開揚同光猛。雖然坐位無野阻隔但枱與枱之間距離都足夠，講大聲咗都唔太響到其他客人。放題紙一疊厚厚的，選擇都多刺身／壽司／炸物／燒物／小食／冷熱盤都有好多，幾款飲品都可以無限添飲，呢個值得加分。先黎係刺身併盤，三文魚／帶子／甜蝦都夠肥美，其他如油甘魚／北寄貝／鯛魚及蠑螺用料唔錯。連象拔蚌都有，所以幾個人都點咗兩三輪先夠喉，哈哈。壽司／軍艦方面都唔錯，醋飯唔太酸同各款魚肉都夾。其中火灼三文魚壽司味道最好，半融芝士配上香滑三文魚，體積又細細粒，食多幾轉都唔覺滯。海膽壽司都幾鮮味，甜滑嘅味道唔錯。小食嘅八爪魚同埋芝麻醬豆腐唔錯。唔知係咪耐無食，覺得呢度嘅味付螺肉比較辣，食落開胃又醒神。串燒就以黑椒豚肉／雞軟骨／同雞腎就惹味，其他嘅都燒得幾乾身，調味適中又無燒燶。睇得出無因為放題就求其敷衍了事。提子梳打應該係以利賓納製作，所以味道都不過不失啦。最後甜品方面只可以話係正常，唔算有特別驚喜。但總括黎講，呢個價

平時不多放題，但是如果聚會的話，沒有頭緒，放題就是不錯的選擇。這次來到創興的神輿，感覺和想像中不一樣，環境夠大，而且一啲都唔擠迫，坐得好舒服！放題當中，真係少有。  首先要大讚飲品，選擇很多，除了有平常的罐裝飲品，更有玫瑰花茶、菜蜜、抹茶等熱飲，最特別係任飲的清酒和汔酒，啱晒酒鬼們。  落單到上枱過程都好快，小食份量細細份，剛好可以一次過試多幾款。我最欣賞的芝麻豆腐和八爪魚。清酒煮蜆都不錯~   刺身選擇合預期，而且質素十分不俗！三文魚新鮮，帶子鮮甜，北寄貝、馬刀貝、象拔蚌等都爽脆彈牙。甜蝦雖然細細隻，但都甜。 串燒要一讚，一次過上枱，番薯仔同菠蘿都好甜！雞軟骨一個人食左差不多十串，香脆惹味！豚肉串和一口牛是啖啖肉之選。  芝士虎蝦和忌廉焗帶子是朋友最愛，樣子燒得好靚，雖然不算肉厚，但味道取勝！壽司只點了鰻魚和海膽，只為留前鬥後，食更多野！ 天婦羅是其一，炸蝦飽滿，南瓜和番薯仔等都香甜，細細件，入口不膩。而重點當然是自家制甜品！雪糕不可錯過，仲有芝士餅、泡芙、木糖布甸、果凍杯等！  最欣賞3.6牛奶凍，幼滑且奶味好香！荔枝茉莉花茶果凍都好食！配玫瑰花茶，絕配！食得飽飽吹夠水，夲家又滿足

今日同女朋友收工出旺角行街，醒起好耐無食過放題， 旺角依家啲放題開到成行成市，真係唔知食邊間好。即刻上openrice睇一睇，見到依間神輿日本料理好多好評，環境企理就決定一試！先睇一睇餐牌，除咗一般放題有嘅食物之外，估唔到海膽壽司同手捲都有得任食，另外刺身選擇非常多落完單出去行個圈先，發現有好多甜品任食，女生最愛，飯前飯後食都掂👍海膽軍艦，非常新鮮！另外叫咗個軟殼蟹手捲，質素都保持得非常好！刺身新鮮充滿色澤～一場嚟到點可以唔食我最愛嘅芝士焗生蠔，帶子等，當然唔少得仲有芝士焗虎蝦嘢飲仲有利賓納冷熱畀你選擇，大大杯好味！總括而言，食放題最緊要食物新鮮，選擇多，坐得寬敞舒適， 神輿日本料理完全可以滿足曬你以上嘅需求！ 絕對係旺角區cp值高嘅放題👍

我曾經係Facebook messenger問過開瓶費話唔收，佢係寫「我們不收開瓶費」，點知去到大我話要收$100，我本身又係messenger入面pm佢訂枱兩次，佢都唔覆我，真係想問貴公司個Facebook messenger到底係咪廢既！？之後電話打去訂，訂左枱就將pm刪左，所以冇得同佢對質。開瓶費就算喇，講返食物同服務，服務態度係差，員工係唔會講多謝，但係我次次遞order紙都有講唔該！第二，冇人收碟，係我將碟移去隔離枱先有人收，吹脹！第三，焗蝦焗蠔畫兩轉黎一轉，其實係你地驚我地食唔晒定係你不停漏單呢？食物方面，種類係算多嘅，不過依家絕大部分既放題都一樣有咁多選擇，比佢更多添！刺身算ok既，不過冇人地有既有頭甜蝦同赤蝦，赤貝同象拔蚌超級腥。壽司選擇多但係大部分都係普通到唔普通既三文魚壽司，吞拿魚壽司。。。。。其實你地係咪唔識搞花巧？一口牛肉質韌，咬唔開。燒雞軟骨係香脆，天婦羅正正常常，吉列蠔好味多汁，串燒蝦都算爽口。最好食係下面既芝士焗蠔焗蝦因為熱辣辣，而且好香好好味，其他放題店就反而係少有！飲品就唔多選擇，仲要用單紙order，其實你環保少少整個雪櫃比人攞好過啦。甜品就唔食好過

今日黎到呢間隱世放題店，因為平時成日經過呢座大廈，但好少上多幾層睇睇有咩食，今次朋友亂訂的！來到呢間門口係咁嘅，幾日本風入面有d卡位係幾特色，好似坐係船咁！叫野飲先，野飲選擇中規中矩啦有少少特色嘅會係玫瑰花茶，我見好多女仔都飲！但我就冇啦 我唔太鐘意飲熱野必點刺身個都覺得都幾新鮮，其中不太推八爪魚🐙因為太硬啦，唔太咬得開！但其他魚生都唔錯炸蠔同炸蝦餅！正正正，好味個蝦餅幾好味！但覺人覺得點醬食會更加好味！但今次比太少醬啦 下次要叫佢比多d先得！牛舌不錯 爽口，幾推薦呢個一口牛！d肉夠入味，而且唔會硬，中間有蕃茄，爆汁！不過有幾粒特別酸！個人接受到 所以覺得不錯再叫一口牛了，墨丸都OK,雞軟骨都推薦！就正常水準所以幾好味！燒菠蘿夠多汁呢d都係必食架啦 冇得輸呢d如果想食多幾件記得寫多d 比佢個一客fake 咗以為好多點知全部一件天婦羅好好味特別推呢個榴槤波波超正正常放題價位，算高質！

個人好鍾意食放題, 因為可以鎖定消費目標,  唔會超出預算, 大家家 AA 制支付, 好平均, 有指定兩小時用餐, 唔會吃得超飽, 今夜和師弟去旺角 神輿日本料理, 試試這店的放題.     入門看見許願牌,  女孩至愛.鳥居的裝潢有心思,  好有日本風. 價錢收費, 分時段, 合理 !餐廳吧開放式, 工作人員也不少.餐廳內,  卡座設計有特式,  座位整潔又闊落.檯上備有點菜紙, 厚厚一大本,  用不同顏色分類,  有小食, 刺身, 壽司, 手卷, 炸物, 天婦羅, 一品料理, 鍋物, 飲品.  另設有自助甜品區.飲品有汽酒, 啤酒, 汽水, 茶, 我們點了:  檸檬+C,  芒果啤酒 (夠冰凍). 師弟先叫 海膽手卷 / 壽司, 正宗的壽司令人驚喜, 估不到放題可以食到高水準的壽司.  入口不會死實.能夠嚐到海膽的海水天然甘味, 放題必食刺身, 我叫了:  三文魚, 原隻甜蝦, 帶子,  蠑螺片, 赤貝.   最愛三文魚, 帶子,  都好肥,  夠鮮味， 蠑螺片同赤貝都好爽口. 刺身新鮮又甜美.酸子薑:  子薑嫩, 薄切, 酸味適中. 鹽燒黑豚肉串:  肉厚結實, 肥瘦均勻,  燒

有次上網見到神輿呢間啲裝修好日本風好靚，加上好耐冇食放題，就同老公星期五晚放工黎試吓，我哋訂咗7:30，一去到就即刻安排入座，侍應姐姐亦都即時介紹甜品可以喺出面攞，仲好貼心咁送上兩杯熱茶。坐低即刻叫咗一盤刺身，有甜蝦帶子象拔蚌螺等等，全部都好新鮮好鮮甜，數量又足，最開心嘅係有海膽壽司/手卷，同埋入口即溶的和牛壽司！！其他燒物同炸物都幾唔錯，尤其是啲串燒，鹽燒雞腎同黑椒豚肉串都好香口，叫完一轉要再encore！食完啲細件野我老公叫咗稻庭烏冬，而我就口痕叫咗個牛肉壽喜燒，個湯底好甜好味呀，細細個份量好夠我食！到甜品時間，雪糕就一定要食紅豆味同綠茶味，嗰度仲有好多配料俾你加，可以整到靚靚先返埋位食！另外值得一推嘅係木糠布甸同埋北海道牛奶布甸，超滑又香牛奶味，同老公食完一轉又一轉，兩個人飽到捧住個肚回家！總括來講呢度坐得又舒服，服務又好，下次會約多幾個朋友一齊嚟！

黎到旺角食乜嘢好.......旺角有好多好多好多間放題.......間間都試吓........今次試呢間都幾有日本特色.........裝修也很特別.......叫咗好多款唔同嘅嘢食....而且有燒烤類別...刺身手卷等等......仲有海膽手卷壽司.....👍🏻👍🏻👍🏻👍🏻唔係間間都有㗎........！材料都新鮮豐富.......另外仲有自助甜品.....木糠布丁同埋奶凍都做得好出色.....👍🏻👍🏻👍🏻下次再光顧..... 10分滿足.....！

<旺角區性價比好高既放題>😋 日本放題既野其實唔洗多講 黎黎去去都係嗰d ! 😂 最緊要係乜野呀？ 就係喺有限度既價錢又可食到好多唔同既日本野 ! 呢間神輿唔錯 ! 😀 環境幾闊落 ! 有卡位又有長枱 . 唔同種類既刺身🐟 壽司🍣 串燒 熟食 雪糕 🍦啤酒🍻 清酒都有 而且質素唔錯 每人都係250 蚊！ 好抵食 講番食物1.刺身 🐟北寄貝 三文魚 馬刀貝 帶子 海蝦 象拔蚌 希靈魚 劍魚 應有盡有 重點係夠哂新鮮 尤其係蟹棒同北寄貝十分鮮甜 象拔蚌好爽口 😋2, 熟食真係有勁多😋 熱辣辣甜味十足既牛肉鍋 牛肉夠哂軟林！ 仲有生蛋同滑豆腐 ! 羊架勁大件夠哂肥美🐑 牛肉粒好juicy 🐮 仲有香脆芝麻雞翼🐥 入味既芝士焗蠔😋 有咬口既雞軟滑 ,.鹽燒入味既燒雞腎🐥 燒三文魚腩 真係勁多選擇！ 🐟 仲有茨粉剛好夠哂 香脆既蝦🦐 茄子🍆等等既天婦羅 全部質素中上！😋3. 飲品方面 除左一般烏龍茶 ☕ 汽水外 仲有清哂 🍶kirin 啤酒🍺任飲 kirinb真係好少見好抵飲 以每人250 蚊 , 食物質素多又唔錯 環境唔差黎講 真係好抵食！ 鍾意放題既朋友要試下

當天正價時段加1兩位一共568元，有任食海膽壽司，手卷，海膽鮮味一般，份量較少，與宣傳圖片不合，如點了海膽壽司還可以看見，手卷就較為副評，海膽份量不但不增加，甚至少於壽司，紫菜亦受潮難咬，因此單論海膽可說一敗點。但是海鮮刺身則各方面也做得不錯，特別要贊吞拿魚及赤貝，鮮味及口感也是正評，其餘除了芝士焗虎蝦比較有風味之外，串燒無特別之處在此不提。甜品的選擇量可以接受，不算多，可以一贊的是雪糕比較特別，多種類。

自從近幾年放題質素愈來愈有水準, 鐘意左周圍試, 今次黎到美食廣場創興試下神輿放題~ 有兩個朋友都話食過唔錯, 早幾日BOOK左枱去到就已經被店員安排就座至於食物選擇方面亦都應有盡有, 先點左d熱食, 媽咪很喜歡壽喜燒同關東煮至於我當然最期待係燒物同魚生新鮮程度, 壽司係fingersize非常易入口, 魚生樣樣叫d全部無雪味同腥味竟然仲有海膽好重成本 ! 燒物亦做得相當不錯 , 尤其喜歡燒蝦, 不禁重復點了好幾次, 媽咪第一次食炸榴連話好好食, 而我就喜歡炸年糕芝士外脆內芝心 ! (掛住食唔記得影相)餐廳中間的自助區有甜品同雪糕, 最喜歡就係木槺布甸, 食左3個才覇休 😛

今日與做完美容之後來了這家神與日本自助餐廳食晚飯。每位$238價格都👌刺身非常新鮮，三文魚刺身入口即化。北寄貝和螺肉非常爽囗清甜，本人強烈推薦小小的手卷厚切三文魚粒手卷，入囗就化又帶有三文魚子和青瓜，非常爽口，又不會腻。我的影相技术一般般，我最喜欢的是花之戀三文魚壽司。文魚大口即化三文魚子爽脆加濃裕的沙律醬再點芥末酱油完美。火烧芝士蝦非常香口芝士的濃郁加蝦的清甜。甜品我就最草苺味的雪糕和牛乳布丁🍮最主喜歡它們不會太甜。