祥仔 (K11購物藝術館)

營業中

休息中

葡撻外皮金黃酥脆，內餡則是柔滑的香滑蛋奶餡。每一口都帶來微微的焦糖香氣，甜而不膩。撻皮的酥脆與內餡的嫩滑形成完美的對比，讓人一試成主顧。搭配一杯檸檬茶，更能突顯其風味，讓人陶醉於這份經典的甜品之中。無論是作為早餐還是下午茶，葡撻都是必嚐的美味。

平時去祥仔食早餐，廿零$30有交易；今日第一次試lunch，有幾款選擇，有港式西式，但係今日想食地道啲，所以叫咗雞扒蔥油太陽蛋飯。雞扒好大塊，塊皮脆脆哋唔錯，雞肉都醃得幾夠味👍🏻👍🏻但係重點係嗰pat自家製蔥油加埋嗰隻太陽蛋嘅蛋黃汁（係我自己篤爛嘅）撈埋一齊送飯真係一流👍🏻👍🏻👍🏻👍🏻唔會過鹹，味道啱啱好，再夾多嚿雞肉一齊食擺落口，非常地道好好味。平時lunch喺附近啲茶餐廳食成舊水都幾難食，今次呢個$100唔使好有驚喜。

自選鐵板餐抵食又美味，叫咗牛脷+巴馬火腿，牛脷控制得好，唔死死實實，連粟米都好甜！意粉唔算 al dente，整個餐有呀㕑嘅質素。話梅菠蘿冰夠味道，唔將價就貨淡味。今餐食得開心。

係豬扒包，豬扒好厚，炸得剛剛好。個豬仔包好脆，啲汁亦配合得啱啱好，口感好，值得值得推介。奶茶幾好飲，如果可以熱少少就更加好。店員服務得非常之好，值得向大家推介嚟試吓。

今日經過K11, 入去祥仔試下佢個下午茶，佢係非一般豉油雞髀，係巨脾但有花椒油，好味！美中不足係下午茶餐選擇不多，如果有埋其他，例如通粉，意粉之類，咁就非常完美喇

星期日早上嚟幫襯，食咗個早餐點咗一個秘製花椒瑞士雞翼豬骨米粉及熱奶茶，然後瑞士雞翼係完全冇花椒味豬骨米粉，亦都淡而無味淨係個滑蛋比較好少少但收費都要接近$50 相信尖沙咀有其他更加好嘅茶餐廳另外服務方面，由於星期日位處尖沙咀，有不少遊客當日有兩個客人遊客來幫襯我坐近廚房，聽到廚房入面員工大聲叫了「有鬼啊，今日零舍多鬼佬」唔明白點解開正喺遊客區度見到外國人都要大驚小怪而且詞語略帶歧視成份應該唔會再幫襯

一知道係 Ricky開嘅餐廳就即刻黎食, 雖然遲左少少。首先試下“兩日兩夜羅宋湯”，真係充滿濃郁嘅蔬菜味，湯質較清同少少稀，我同行嘅 partner 嫌唔夠杰身，我就覺得好 ok。我叫左慢煮牛舌意粉。一般餐廳嘅牛舌食都係唔夠淋，呢間真掂，夠哂淋，仲有3大舊，好好味，好滿足！至於d意粉好爽身，好好趙口，襯托黑椒汁，好正！我 partner叫左鐵板豬手，好正好正！豬手唔太咸，但好淋，又有鐵板燒效果，好有懷舊feel呀！至於飲品，我叫左“茶走”，好耐冇飲，又唔太甜，唔錯👍。我 partner 就飲話梅波蘿冰，好醒胃😋。甜品叫左楊枝甘露冰冰，d冰就太大粒，有d奇怪，但味道 ok。總之係性價比高嘅高級茶餐廳。

🌻👫一早到K11 Art Mall ，諗住吃完早餐去買冬甩🍩，本來預備去試新開澳洲的cafe，路過見到祥仔門前擺放的餐牌好吸引，便轉入去試試 。🌻《祥仔》已開了一段時間，所以裝修有點舊，但它比茶餐廳好一點，自己都喜歡張錦祥，他的飲食節目都有睇及收聽。食店點餐是用QR CODE，所以服務員也不多。我們都揀了一個豐富早餐$48祥仔秘製花椒瑞士雞翼早餐有雞翼比較少，雞翼入味骨湯通粉湯味濃多士香脆太陽蛋蛋黃蛋白分明咖啡茶走+$4茶香奶濃

慕名而來試一試這間名廚的茶餐廳，叫了兩份午餐加一個小食，食物質素令人失望，青咖喱雞扒飯，青咖喱汁像蘑菇汁，不覺有青咖哩味道，是我食過青咖喱以來最差的一次，雞扒沒味道好像沒有醃過，真的不好食，牛脷腸蛋飯，同樣牛脷沒味道，牛脷飯沒有汁，祇有少許薑蓉拌飯，感覺有些不倫不類，羅宋湯味道還可以，但是很少雜菜，好像飲番茄湯，只有瑞士汁雞翼味道稍為好少少，以需要過百元一份的午餐來説，這樣的食物質素，令人十分失望！

星期日同仔仔上完堂，附近想搵早餐食，經過選呢間，人唔算多，多士同沙嗲牛面好好食，奶茶ok，甘既價錢，份量足，一個早餐我同仔仔都飽，呢個地點超值好彩無比遊客攻陷，太好！

好多人都好似我咁俾佢嘅門面吸引咗喺呢個商場嚟講價錢唔算好貴 人均消費大概$100左右之前都係海港城食過但係留意到，本來有好多間分店減到得返一間分店 價錢真係唔平首先講吓 平時好少中伏嘅焗豬扒飯竟然都。。。豬扒好韌飯好少 味道太鹹太酸基本上食咗兩啖就冇食啦-竟然最好食嘅係葡撻可能因為都係急凍但係始終都係偏甜-最估唔到$108一碗嘅叉燒煎蛋飯呢個價錢我可以去食燒鵝叉燒好黐牙 真係咬唔開太陽蛋都係凍嘅竟然仲係招牌排行榜第一位外國遊客來吃 可能會對香港的茶餐廳改觀

難得有時間食個下午茶，俾門口張西多士相吸引左入嚟，見到張相花生醬好多花生粒同爆漿，一於試吓佢係咪真爆漿🙈由細到大都好鍾意食西多士，但係有好多舖頭都整得唔好食，一係好薄，一係冇乜花生醬，令願自己整，不過大個左怕肥就真係冇咩整，間唔中食茶記見到會點下，我個人係鍾情超級多花生醬🥜所以呢度絕對落足料，當然價錢都係一個原因，下午茶餐$58 加左$4要杯祥仔茶走，不過一個女仔食一個真係有啲飽，因為多士都好夠厚身，再加爆多花生醬食晒全個會好漏，建議同人share，不過係有驚喜既🥪

出面落雨貪方便地鐵唔駛淋雨就黎祥仔食見餐牌都係啲大路茶記野，有啲邪惡芝士撈公仔麵咁，就試試 。2人均價$98，我叫左個午餐爆蒽油雞扒煎蛋飯，連好似好出名嘅兩日兩夜羅宋湯，加多$4 試下佢杯茶走 。朋友叫左個秘製花椒瑞士雞翼滑蛋芝士撈丁，加$15餐湯+飲品另再加$4 轉凍飲 。1347落單，我大約等15分鐘，朋友個份等左半個鐘先到 。都唔算好繁忙，但以茶餐廳黎講都算等得耐 。先講餐湯「兩日兩夜羅宋湯」，味道偏酸、口感好浠，一啲都唔好飲 。爆蒽油雞扒煎蛋飯就不過不失，但雞扒好多油，又無乜味，同埋偏硬同鞋 。所以唔會再叫 。茶走同平時茶記個啲都係咁上下，唔值得加$4 ，平時啲茶記茶走係熱飲，都唔駛特登加錢🙄至於朋友個餐我就無試到，所以就不予置評 。唯一好嘅係地點真係好方便，同埋份量都算大，我最後都食唔哂塊雞扒（可能因為太硬） 。

1. 兩日兩夜羅宋湯：難飲至極，洗碗水咁2. 黑椒牛柳粒意粉：無感覺，啲牛比梳打粉乸過的。3. 焗豬扒飯：豬扒係香茅豬扒，因為想用香茅浸味蓋過浸雪藏味，啲飯乾到一粒粒好硬，啲蕃茄汁得個甜字，好明顯係加工製品4. 宇宙神級難飲奶茶5. 世界第一難飲咖啡男朋友表示啲嘢食居然可以難食過大學canteen❌ 餐廳仲要好多遊客喺度食緊，真係對香港嘅食物文化產生負面影響❌ 雖然食物都係冇味精嘅，但係整體嚟講真係好垃圾！！！

開咗咁耐都冇試過，見到人都算多，所以俾次機會佢。入場侍應服務好好，但係入咗場之後等咗20分鐘先至上到杯凍檸茶。叫咗個川椒雞翼通粉茶餐，足足等咗30分鐘先上到。唔知道煮呢個餐都懶到喺邊度，要等咁耐。個餐嚟到先令到我驚訝，個炒滑蛋出晒水，件多士好似餅乾，咁通粉又細碗，個湯直頭好似清水咁樣，佢話係豬骨湯底，個雞翼冇川椒味，我要另外侍應講，佢先俾啲川椒油我。加埋一要70幾蚊，真心對唔住多次，出邊求其一間茶餐廳都好佢好多倍。到底Ricky 有冇做QC?