祥仔 (K11購物藝術館)

營業中

休息中

走到尖沙咀訂蛋糕…突然看到餐廳門外有名廚 Ricky Sir 張錦祥的照片, 那怎能不試試呢! 餐廳內坐位寬闊, 滿滿的綠植及不同立體腦圖案裝飾牆身, 及利用光線折射, 太空感滿滿! 這裡有鐵板餐, 還真用鐵板上桌, 選了澳洲西冷牛扒配燒汁, 還附送是日餐湯及飲品!肉味香濃, 油花雖不算多, 但分佈平均, 肉質緊緻嫩滑有彈性, 口感豐潤! 配菜有香脆薯條、蕃茄及蔬菜等, 很豐富! 最重要是配有一份白飯, 男仕吃絶對也大滿足! 脆脆豬扒飯 ~ 用上 1” 特厚巨型美國豬扒, 即叫即炸, 外皮超級超級香脆, 這麼厚的豬扒熟度剛剛好, 一口下去肉汁爆滿, 肉質超嫩滑, 完全沒有豬腥味道! 配上整片新鮮菠蘿解膩, 大愛啦!點了 “為之瘋狂菠蘿冰” 及 “黑牛”! 這也太讚了, 菠蘿冰不會太甜, 用上大量新鮮菠蘿, 超香甜! 經典黑牛不用多說了, 直接點便是!還提供一次性圍裙, 超貼心! 

係K11 搵野食見到Ricky Sir 大大個招牌間餐廳叫祥仔，甘應該係佢開用自己做生招牌應該質素唔差黎到梗係要食佢招牌菜同港式鐵板已經包埋餐湯同野飲🔹兩日兩夜羅宋湯餐湯可以+$3 升級依款湯夠足料湯料都好入味🔹南瓜忌廉湯依款係是日餐湯湯都幾creamy唔會好似水旺旺甘🔹澳洲西冷牛扒西冷好厚切所以可以因應自己想要熟度黎係塊鐵板上面煎淋上黑椒汁時"喳" 一聲就係港式鐵板精萃可以揀飯或者薯菜添我地鐘意無甘熟，入面會無甘韌🔹巨型吉列魚柳滑蛋飯配青咖喱汁魚柳好大塊！！外脆內軟，唔會太乾配青咖喱汁幾新穎但又幾夾滑蛋炒得唔錯🔹雪糕與紅豆仔之轉角相遇加$28 可以轉紅豆冰好多紅豆又夠粉面頭仲有雲尼拿雪糕🔹為之瘋狂菠蘿冰上面有三分一都係新鮮菠蘿夠哂甜，配埋下面菠蘿汁真係做得唔錯

去尖沙咀行街，行到攰見到大廚張錦祥嘅介紹，所以想試下✅鴛鴦叉燒煎蛋飯五花腩太多人揀好快就賣曬，轉咗叉燒配煎蛋，叉燒肥瘦均勻，唔食煎蛋仲可以轉太陽蛋/溫泉蛋🥚✅澳洲西冷牛扒· 黑椒汁西冷牛扒揀咗三成熟，牛味濃郁，仲有配料薯角同番茄🍅✅雪糕紅豆冰&雙檸檸檬茶🍋食西餐配紅豆冰，上面仲有雪糕🍦💛好味指數:4.4/5 💜回頭指數:4.2/5📍祥仔 (K11購物藝術館) (尖沙咀)尖沙咀河內道18號K11購物藝術館B2樓B233A號鋪

今日行過尖沙咀見到平時睇開嘅YouTuber Ricky San開嘅餐廳即時口水都流埋入去食飯晚飯時間好多人 好彩早少少排隊叫咗每日限售的招牌排行榜第一位 - 爆蔥鴛鴦叉燒煎蛋飯當日五花腩缺貨 所以轉哂做梅頭肉對我來說反而更好 冇咁多肥肉餐廳選用咗肉質嫩滑嘅梅頭肉咬落軟淋好味道小朋友都一定中意自家製嘅特濃蔥油濃郁飄香加埋流心蛋撈飯食正到飛起澳洲西冷牛扒原鐵板上黑椒汁淋上西冷及香草牛油肉質結實餐廳仲好貼心咁送上圍裙跟餐仲附送是日餐湯及咖啡或茶蘑菇湯好好味仲有陣陣黑松露香感覺好高級+$3仲可以升級至兩日兩夜羅宋湯職員話兩日兩夜係指更濃郁更足料的意思細細碗嘅羅宋湯的確好足料

佢剛開業時試食過一次，上年有外賣過一次，覺得都唔太差。所以兩點幾入去食個lunch。餐廳都有1/3嘅枱有客，生意都唔錯。見餐牌有下午茶餐就叫左個芝士漢堡， $78包一個飲品。黎到見到感覺唔太有好感，因為個包望落好乾身，兩片芝士硬晒咁係包入面…唔熱嘅唔溶嘅！佢個樣似港式但又想似西式。放啲沙律菜係隔離咁，但都挽救唔到個賣相。個包烤到似奶油豬又脆又硬又乾，入面揸滿牛油沙律醬，但無茄醬無酸瓜…個漢堡扒都okay, 但完全同個包/汁醬唔夾…食左啖，算啦，剩係食個漢堡同芝士。其實我坐低時見隔離枱成碟炸豬排飯只食左1/3就唔要…心諗有無咁差？真心係差左好多，咁嘅價錢去食老麥好過…

第一次去Ricky San間餐廳食飯。成日經過K11地下，見到餐廳Ricky個樣，係電視就成日見佢煮野食，咁究竟係咪真係好食呢？餐廳主要食港式美食，粗菜貴做，另有一番風味。今晚叫咗個脆脆豬扒飯同埋鐵板什扒試吓。主菜跟餐湯飲品。＿般係忌廉湯，我就加三蚊升級做兩日兩夜羅宋湯。羅宋湯果然要放過夜先至夠入味，湯入面仲有啲牛肉粒，幾濃味。脆脆豬扒飯塊豬扒成吋咁厚，原來唔使去日本都食到超厚豬扒。另外仲有沙律醬可以點，本身就係蕃茄汁加飯，仲有塊烤菠蘿，酸酸地解到油膩。鐵板什扒就一定要襯熱倒汁，「渣」一聲咁先至有feel,什扒有牛柳、雞扒、法蘭克福腸、煎蛋等等。扒類唔會醃到死實實，都幾好食。最後我仲叫咗杯混合檸檬茶，係香水檸檬加檸檬茶。埋單三百幾，係K11尚算合理。

行完K11順道在附近食嘢，行到B2樓見到間祥仔，食物都啱晒我哋心水，便進入開餐囉。點了招牌排行榜的蔥油叉燒煎蛋飯，（原本是鴛鴦-叉燒拼五花腩肉，但當晚腩肉沽清了🥺），隻太陽🌞蛋煎得好靚，叉燒份量多但比較瘦，拌勻好香的蔥油一併食，更加惹味。鐵板西冷牛扒🥩配黑椒汁，牛扒熟度剛剛好，入口軟淋有嚼勁，牛味濃郁，油脂含量較少，質素很好，配料的薯條亦炸到香脆可口。餐湯的羅宋湯味道濃郁菜亦充足，飲品叫了檸檬兄弟之茶館冒險，青檸跟檸檬很多，大杯又解渴，老友則點了雪糕與紅豆🫘仔之轉角相遇，有球雲尼拿雪糕🍧，好正😊，下回我都要叫佢黎飲至得。

昨晚同老公諗住帶從加拿大回來的奶奶去試試唯一僅存於尖沙咀K11的祥仔，我們滿載期望的去出發!我們分別order了招牌羅宋湯，牛油果雜莱沙律，鮮茄吉列豬扒飯，咖哩炸魚柳滑蛋飯，一杯凍奶茶，兩杯熱奶茶。**兩日兩夜羅宋湯：味道偏咸，而且濃度稀，唔覺得餚左兩日兩夜囉! **魔法神秘花園(牛油果雜菜沙律)：蔬果材料係好新鮮的，但係好似沒有落dressing咁，無乜味!**滑蛋仔與吉列魚柳之星際冒險記(咖哩炸魚柳滑蛋飯)：啲咖哩汁傑撻撻而且極少，明顯唔夠汁撈；炸魚柳尚可以，牛乳滑蛋就好一般，沒有什麼特別!**爆脆豬扒傳説(鮮茄吉列豬扒飯)： 蕃茄汁無蕃茄味，塊炸豬外表望落OK, 但咬落去就淋曬，而且完全無醃過，無味!**凍奶茶 & 熱奶茶：茶底很濃澀，水吧落左好少奶，本人因為飲開多奶，所以order前已經叫左多奶，但杯奶茶來到仲係好深色!唯一一樣我覺得OK, 就係個side dish 炸薯條!總括而言，祥仔令我們好失望，希望有關人仕可以正視下啦! Good luck! 🙏🏻🙏🏻

🔸 #迷你豬扒 #炒蛋 #多士 #出前一丁 #阿華田 加$5出前一丁，嗰碟好大，好有儀式感😆🐖豬扒，用咗好多香草去醃製，好重香草味，豬扒質感亦都鬆軟🥚炒蛋，佢用粟米去炒可能我個女想食正常炒蛋，所以佢覺得麻麻地🍞多士，熱辣辣好鬆脆🍜出前一丁，好淡好淡，麵有煮得過分淋，唔值得加價錢食🔸 #吉列魚柳 #太陽蛋 #多士 #出前一丁 #奶茶 加$5出前一丁，嗰碟好大，好有儀式感😆🐟吉列魚柳，脆粉做到外皮鬆脆入邊嘅魚柳，係真係有皮嘅魚柳（正常只會用嚟煎）我又覺得幾特別幾好食，不過當然冇乜魚鮮味有少少腥味同埋鹹味😅🍳太陽蛋，廚房仍然俾咗炒蛋我，廚師話請我食服務生再送多隻太陽蛋嚟服務態度好嘅🍞多士 🍜出前一丁☕️奶茶 講明要少奶嚟到都係咁多奶，服務生好好幫我拎入加茶但加完我都係覺得咁多奶之後佢再分開比一杯茶我加落去全程服務生都非常之好👍

接完細路放學，阿仔想响呢度食完去Nintendo shop，就入咗去食，星期六晚飯都唔多客都奇怪坐低叫咗三個餐，先上餐湯～濕米（粟米）湯，粟米味鮮甜香濃，值得一讃👍之後再上埋個栗米鷄球飯，上枱嗰下都有啲期待，因為嗰湯不俗⋯⋯一咬落去，個汁無栗米嘅香同甜，亦唔食到有鮮同味，感覺好似食緊一pat 黃色汁水加栗米粒撈無味鷄球飯，同之前嘅粟米湯嘅味道一念天堂一念地獄，天氣就話不似預期啫⋯⋯點知，杯凍T上到枱，老婆問我做乜叫杯凍田？加咗糖水⋯一啖飲落去，好似飲緊杯色似華田實叫奶茶而無味嘅凍水咁🙄結後⋯⋯完全唔值咁嘅價位⋯ 一次今世無回頭⋯⋯🤦

呢次同班朋友嚟到呢間食肆，一入門口就聞到撲鼻而嚟嘅食物香氣，簡直心都荷唔住嘞👃！首先，慢煮牛舌鮮茄意粉，真係少見得咁有誠意。牛舌好過癮，外邊煎得啱啱好，入面殘存嘅滋味嘅唔係講笑，吃落去咀感係滑嘅、肉味又足，跟住個鮮茄汁添，真心講，微酸嘅茄汁湯底同牛舌嘅醇厚完美夾到一齊😋。至於招牌炸豬扒飯，話唔埋嘅份量真係夠曬飽，厚實嘅豬扒外層炸到金黃色，鬆脆又唔油膩，入口即溶，仲炸得啱啱好，跟住一啖飯一啖肉，啱哂！🤩而家講吓瑞士雞翼，咬落去嘅時候可以感受到啲肉真係緊緻多汁，個皮似乎都吸滿咗味，微微嘅麻香味，丫嘛唔係一般小店做得出嚟。尖沙咀呢間好似真係冇咁失望，大隻份，口感正，味道有驚喜，週末晚飯嘅選擇其中一間好地方！令人滿足到不得了。下次一定再黎試過其他嘢！🍽️😊 總之，祥仔出品，味道保証無憂！

前幾日去，叫左個鴛鴦叉燒煎蛋飯。味道同口感都唔錯，叉燒偏腍唔hi, 調味除左甜左少少都幾平衡，有油香。但係難以想像一間名廚開既餐廳竟然犯左個最基本既錯誤，就是叉燒唔熱，只是微暖，一邊食一邊覺得到喉唔到肺。一個食物就算幾好味都好，唔熱既話個味道會即時減50分。不如去敏華食。另外嗌左個羅宋湯，太酸，酸到拿喉。布丁一般，試一口無想再食既衝動，寧願出去旁邊甜品店買。唯服務態度不錯。可惜。

餐廳環境唔錯，相對寬落，枱面夠大，員工服務唔錯。跟住點了餐廳signature嘅炸豬排飯，先嚟個餐湯，唔熱只係和暖，凍奶茶，可以話係奶水，無茶味。到主菜，豬扒係厚切，但同啲飯和湯一樣，都係唔熱。味道一般般，完全唔值呢個價錢，個人决定只此一次，下不為例。

第一次與同事聚會覺得不錯於是再來上次吃不到的粟米星斑飯今次終於吃到以名廚作招徠，竟然水準差到一個點，失望而回。星斑 - 又乾又硬，明顯整定一盤等落單就夾上碟粟米汁 - 調味不足，一灘稠身白汁呢個價錢有更多好選擇，唔會再幫襯啦

第一次來的時候在7月份，店外有人龍，店內有一大幅老闆和食物嘅相片做生招牌作招徠；環境服務一般，但食物質素還可以。本來想試鎮店推介粟米星斑飯，可惜賣晒，唯有下次再試。過了三個月，上星期路過K11便入去試上次吃不到的推介星斑飯。今次店外冇人龍，店內老闆張相已經換了多個青年人嘅相片，唔知係咪轉咗手呢🧐今次終於吃到所謂「推介no.1」，咁嘅價錢做啲咁嘅質素俾客食，同樣價錢在外面有大把選擇，以後唔會再嚟啦！星斑👎🏻👎🏻👎🏻：唔新鮮，又乾又腥又有雪味粟米汁👎🏻👎🏻：冇調味，只係一灘濃稠冇味白汁