祥囍煲仔小廚

營業中

休息中

祥囍好出名 6點幾去到已經要等位🤨🤨🤨仲要係等9張先到 真係要試試佢點解咁受歡迎豉油王鵝腸—好爽口，好入味！一點異味都冇！🤤🤤🤤煲仔飯係佢地既招牌！望下舊飯焦，都真係名不虛傳！油鴨唔會太鹹，雞亦滑嫩！加埋d蔥，一開煲蓋果刻真係好香🤤🤤🤤岩晒涼涼地既天氣食！🍂🍂🍂🍂蒜蓉蒸扇貝—比較遜色，因為蒸完比較乾身，粉絲亦有點硬👎🏻👎🏻👎🏻京都骨—夠入味！上碟時亦熱辣辣！😻😻😻上湯白菜—食咁多肉都要叫碟菜中和一下，呢味菜冇乜特別。總括黎講 小菜質素唔錯 煲仔飯尤為推薦！不過真係要預訂左先會比較好否則真係有排特口！

一向都知道筲箕灣是覓食好地方，但身為一個九龍人，平日甚少會到筲箕灣這麼偏遠的地區，碰巧今日與港島區工作的朋友食飯，不如就順便約到筲箕灣碰面。近日秋風起帶點涼意，絕對是吃煲仔飯的好時機～這一家餐廳我已經留意很久了，所有食評都是好評，所以對它期望甚高～餐廳並不是位於大街的位置，反而在斜坡兩行大廈之間，位置稍為隱蔽，不過附近看起來都似是有名氣的餐廳，平日晚上依然客滿。晚上八點半餐廳都坐滿客人，由一家老小，中年老友，到小情侶都有，看來客群很廣，可見好吃的東西沒有分男女老幼呢～餐廳牆上貼滿了招牌菜單，很有本土特色。餐牌第一頁就特別推薦了餐廳的招牌煲仔飯和小炒，單看文字和圖片已經餓了～既然來到祥囍，必吃當然是煲仔飯，我們點了傳統的臘味蝦乾飯～一上檯已經聞到焦香，掀開蓋更令人垂涎欲滴。蝦乾和臘味用料豐富，每一口都保證有飯又有臘味！飯粒煮得煙靭而乾身，吸收了蝦乾的鮮味和臘味的油香，味道豐腴滿足～煲仔飯當然要有飯焦，煲仔飯以炭火燒，更加考驗師傅的功夫～整個煲邊鋪滿了金黃的飯焦，非常香脆！除了煲仔飯以外，有大排檔風格的小炒也是另一招牌菜。作為一名蠔痴，當然要點一份薑蔥桶蠔～桶蠔大隻且肥美，還一共有七隻，吃

隱世海鮮小店位於天悅廣場附近巷仔內，若不是老細睇過facebook報導，係冬天去食煲仔飯，仲話菜乾湯好飲到不得了，我想都幾難知道呢間小店的存在。店面不大，卻有2層，店內叔叔們都熱情好客，時間尚早，人流不多，所以就算叫煲仔飯，也不用似牆上標示說需時30分鐘處理，實在幸運！平價炭燒煲仔飯約$6x-$7x，仲有海鮮、雞煲、小菜選擇，價格絕對可以接受！蒜蓉蝦膏炒通菜$58: 較油膩，不過蝦膏香氣滿滿，令人食慾大增，食落去有點咸，卻好餸飯沙拉焗肉排$72 ：好邪惡的肉排，d沙拉醬多到似唔駛甘，肉質炸得香嫩，食唔停口！主角出場 - 鴛鴦雞煲仔飯 $78燒到剛剛好，底層飯焦不會過於太「濃」/「焦黑」 了，好脆，好似食緊米通卜卜聲，曬上鼓油，飯味吸盡田雞及滑雞，對！我估唔到會係滑雞+田雞，好耐都冇食啦，好鬼滑嫩，好驚喜！鴛鴦鱔飯$88 ：鱔汁撈飯好好食，鮮魚香味四溢，肉質軟滑，沒有腥味，同樣帶點焦香的米飯好吸引，粒粒煙韌分明，就算淋上甜鼓油也是脆而不糊，這樣才是最好吃！補眠滋潤的菜乾豬肺湯$78同事話，一窩好飲專業的菜乾湯，一定要用上新鮮白菜、菜乾，豬肺及豬肉才夠足料煲靚湯！呢個湯除左令人好眠，仲可以

陪朋友去完海洋公園，作為地膽當然要帶佢地去試下香港地道美食—煲仔飯。蝦乾臘味飯：上枱之後打開蓋淋豉油，再焗多幾分鐘開蓋，香味撲鼻，蝦乾大大條，飯焦岩岩夠火候，香脆可口。排骨臘鴨煲仔飯：賣相已經食欲大開，淋上豉油，排骨入味，腊鴨好送飯，朋友大讚我好介紹。椒鹽九肚魚：香，脆，酥炸粉薄，魚肉厚，口感一流！唔怕熱氣既，一個人可以食兩碟。勝瓜三色蛋：擔心朋友食太熱氣，點都要點一份蔬菜清一清。呢道菜賣相就麻麻，不過勝瓜清甜，即時降熱氣。

喺筲箕灣呢區，通常都係東大街搵食， 因為比較出名。有條巷仔好容易俾人遺忘，唔好話外區d人唔識，連內區嘅人都未必知道呢條巷仔，因為呢條巷仔有民居， 又有食肆，神神秘秘，隱隱約約都有幾間餐廳。我揀呢間係佢有小廚,殊不知除小廚,仲有出名嘅煲仔飯。未食已經聞到一陣陣嘅炭火香味， 因為用炭燒嘅關係，煲仔受熱均勻，所以啲飯好軟熟同埋一粒粒嘅，食得出有少少豬油香味。因為想試多D餸， 加左$6叫雙拼飯，油鴨拼臘味。另叫兩款小廚: 佢下面有啲冰鎮住嗰啲梅子骨，仲有菠蘿點綴， 個汁教得酸甜適中，可以送好多碗飯喎! 呢個西蘭花整得好軟熟，帶子同蝦都好新鮮。再飲一罐可樂 ($10)，舒服唒! 餐廳嘅所有員工服務態度都好好，好笑容，好親切!

本來好好地、開開心心一家人食飯。就俾其中一個老女人侍應生影響我的心情。 我不妄語的，其他侍應的態度是很好的事情發生是這樣的：老女人在上菜其間，提點本人食飯不要打手機。這本來是好事。但她運用的語氣和態度極之差。「食飯就唔好打機啦，你估你係三歲细路仔咩」。聽第一句我本來都覺得啱嘅，不過聽埋第二句就真係火都來，因為語氣好差。我來幫襯食嘢，而不是來俾人寸的。本來不想寫這評論，不過可能有其他食客也受到她的氣。因此分享一下，而我本人不會再幫襯這間餐廳。今次要提的是南乳炸豬手，味道偏淡。而煲仔飯味道能保持水準。

最近我個飯腳轉咗係筲箕灣返工, 變相我又多咗機會係依頭食飯啦, 依排成日都心思思想食煲仔飯, 最後就揀咗依間黎試吓啦雖然openrice睇係離MTR5分鐘路程, 但係原來都唔係咁易搵, 仲要我依啲路痴真係好易唔識路, 都係要預多少少時間搵路會比較好。因為實在太熱, 一坐底要叫返罐可樂$10同凍檸菜$18涼吓先, 再慢慢睇餐牌, 實在太多選擇, 而且價錢都好實惠。不過我地得兩個女仔食唔到太多野, 所以叫咗一個臘味蝦乾煲仔飯$80 Share, 再加兩隻蒜蓉蒸元貝$66, 再加多個啫啫通菜煲$68。首先啫啫通菜煲好有鑊氣, 而且好新鮮, 通菜好爽口, 唔多油之餘又煮得岩岩好唔會太淋, 好考功夫嫁! 味道帶點微辣, 而且用咗好多肉碎炒, 非常惹味身為海鮮迷嘅我一坐低已經話要叫蒜蓉蒸元貝, 66蚊有兩隻, 價錢都合理啊, 而且一上枱見到佢個size就唔會後悔叫咗, 好大隻!而且元貝鋪上好多蒜蓉同粉絲去蒸, 非常香, 元貝肉質紮實得黎好爽口, 好鮮甜, 粉絲我留返最後先食, 浸返係元貝嘅湯汁再食, 好索味而最後上嘅煲仔飯就係重頭戲啦, 未開蓋已經好香, 一打開見到鋪到滿滿嘅臘腸、膶腸、臘肉、冬菇

其實平時成日都會好想食小炒 但諗起得一兩條友食得果一兩味又好似無咩意思🤔今日終於把心一橫 去左先算！由於自己本身比較中二一啲有大排檔feel既地方～所以今次揀左間位於內街既中式小炒檔～環境十分岩我感覺🤗今次特別啲突然想飲凍奶茶～估唔到意外地好飲喎！奶香茶濃😍餐廳出名煲仔飯～咁又點可以唔試呢！蝦乾臘味煲仔飯～有圖有真相 真係超多料！而且用料有誠意 食得出唔係平野架～主角煲仔飯係自製 更加係無得輸🤤🤤🤤每次食小炒一定唔可以錯過既當然係椒鹽乜乜乜啦～我好欣賞妮到有雙併 椒鹽九肚魚加鮮魷 味道好岩我口味 而且十分鬆脆 巧巧味啊～～食完熱氣野緊係要食返少少菜平衡返自己心理🤓清清地叫左道粉絲蒸紹菜 唔好睇佢咁dry食落好清甜多汁～完美掩蓋到自己既罪惡感哈哈🤣下次經過附近一定會再來食～試埋其他小菜😍

朋友知我鐘意食煲仔飯，特別介紹我「祥囍煲仔小廚」。今日我同男友專登去到筲箕灣搵呢間隱世煲仔飯，去到時已經很多人了，天色漸漸暗落來，人越來越多，拎左籌就散開在門口等，企左半分鐘已經頂唔順，因為餐廳既抽油煙機排出好大煙對住等位既人，簡直呼吸唔到！我地唯有企去好遠的地方等叫號，遠遠望去，煙霧瀰漫，店門口已經變得若隱若現。吸入咁多油煙非常不舒服，衫都臭晒。終於到我地入座，點左兩個煲仔飯，一個系招牌蝦乾，一個系鴛鴦雞，同埋黑醋珍珠骨。招牌蝦乾煲仔飯好好味，飯焦脆察察，蝦乾好大粒，十分香口。聞左咁耐油煙都抵返晒。鴛鴦雞煲仔飯就普通左少少。黑醋珍珠骨，味道幾好，不過肥左的。

有一日偶爾來到此店，依間煲仔飯暫時食過係全港最好味，飯焦，多蒽一流, 秘製豉油👍🏻，食完會上隱，一星期總要到兩至三次的食店，🐷肺湯又係必飲之一，又平又足料！

前一陣子，天氣很冷的時候，跟朋友去吃煲仔飯。除了點了黃饍煲仔飯，還有點了椒鹽九肚魚和菜乾豬肺湯。我們這天5點多就來吃，所以人不是很多，但慢慢越來越多。豬肺湯的料挺多，喝得出來煮了很久，是老火湯。黃饍飯也不錯，但飯煮得不是很乾，沒有飯焦，有一點失望。椒鹽九肚魚炸得很脆，很好吃。

嘩。。天氣凍除左打邊爐，最想食一定係煲仔飯啦！仲要炭爐嘅先最正吖。。由於太想食於是上網睇下有咩好介紹，點知什我發現呢間隱世巷仔小店。其實睇完網上評價，我都好期待黎食㗎，同埋一定叫呢個招牌臘味煲仔飯，入面有臘腸臘肉膶腸同埋蝦乾，上檯時先焗一陣，唔好心急等一陣吖（笑）好足料，而且唔係得個肥膏嘅臘味，用料正，飯係一粒一粒咁有咬口夠乾身，最怕煲仔飯濕漉漉，呢個飯同豉油配合得剛好。睇下啲蝦乾大粒到呢～好香，好硬有排咬（爆）飯焦果到我交俾朋友食多啲，我怕痴牙食左一啖，好香炭燒味仲脆卜卜添，鐘意飯焦嘅朋友必試。除左煲仔飯，我想講佢地嘅小炒都非常吸引，呢晚2個人只能食到個飯，炒個菜同埋呢個雞煲。。我想講，個雞係惹味到你不停夾黎食，太香太好味，而且雞肉仲係好滑的。我一定會再嚟encore，我想試埋其他多一啲小炒呀～

我是一個熱底、但經常手腳冰冷的人，聽來有點複雜，亦搞得自己也有點糊塗！熱底的我，吃不了太多上火的食物，要不然喉痛發炎這位老朋友便來襲，總之涼茶、花旗蔘是我的良伴！至於手腳冰冷，不用寒流襲港，平日在冷氣間也會出現。下星期低溫重臨，幸好早前找到一個不錯的寒冬開飯的好地點，抱著煲仔，溫䁔入心！ 第二回走上這條隱蔽與小斜的愛民街，由於地利的關係，我和老媽於6時半前，即「祥囍」一打開門做生意便抵達，現場所見不到七時，食客陸續抵達，七時後便需要排隊輪候，快人一步，果然理想早達到！ 「祥囍」格局一如地道的茶餐廳或飯店，地方不大，設座有限，大概容納不多於四十名食客！牆上貼滿菜式的名字和海報，不單秋冬羊腩煲夠吸引，連服務員的姐姐也十分親切可人！ 那邊有我喜歡的老火湯，價錢親民，惹起我這個湯癡的湯癮！ 「祥囍」唯一一張供十二人的大檯，看來大伙兒得提早預訂！ 除了煲仔，「祥囍」亦主打小菜，這邊多是香口小菜，還有惹味雞煲和剁椒菜式，正好來啤一啤啊！ 薑蔥魚雲煲 HK$70 老媽第一時間看上薑蔥魚雲煲，不消一會魚雲煲便備妥，廚房效率似乎不錯！香氣隨揭開的蓋子飄出，熱燙燙的瓦煲內，面層盡是翠綠的芫荽、薑片、蔥段和

我朋友話打麻雀🎲贏咗💰錢請我去一間位於💁‍♀️筲箕灣愛民街嘅隠世小廚～～祥囍煲仔小廚～～食飯嗰度真係非常隱蔽要行入口行嘅後街🧐但係去到雖然係平日🤨全場爆滿🤩犀利！話嗰度有活魚供應😬因為我係一個魚🐠痴🙆‍♀️無🐟不歡😋而且話嗰度夠晒鑊氣👍價錢實惠🙆‍♀️去到真係見到有一個魚缸🐠🐠有好幾條生猛嘅沙巴龍躉仔喺度游嚟游去🤩二話不說梗係整條蒸魚試吓啦！清蒸沙巴龍躉仔＄168Wow😯！話沙巴龍躉仔但係勁大條！覆蓋著成隻碟😏而且肉質鮮美😋火候控制得非常好🤨啱啱謹熟！必食😍菜乾豬肺湯＄68🥣啱晒我個老友打咗一日通宵麻雀🎲補一補潤一潤😏有大量嘅菜乾湯底非常鮮甜😋飲完即刻舒服晒😎炸子雞半隻＄108外皮炸得非常香脆，內裏保留肉汁最重要係冇乜肥膏🤨唔會食咗成口油💁‍♀️大家注重健康！都唔可以食得太油太肥膩🤓雙拼煲仔飯＄71來到話明煲仔小廚點少得煲仔飯呢⋯⋯叫咗滑雞同排骨，飯面鋪滿滑雞同排骨！😋

入冬後第一煲煲仔飯，雖然排了半小時但值得。蒜蓉粉絲扇貝，一隻33元，足料鮮味，當然每人一隻啦冬天天氣乾燥，要飲湯水補一補！菜乾豬肺湯，咁大煲68蚊，立即order.先飲湯，後上小炒！椒鹽雙拼，豆腐加鮮尤。香口，上菜時勁熱騰騰，送啤酒無得輸主角煲仔飯，order了白鱔和臘味。但掛住食唔記得影白鱔煲。因為是即煲，所以要耐心等候，但值得，煲仔飯乾身，有香脆飯蕉。二個都好好味呀仲有一個豉油王炒腸腸，鵝腸勁肥味，芽菜吸味，真係一流