祥囍煲仔小廚

營業中

休息中

黎到筲箕灣嘅一間小店，雖然唔算好開揚，但勝在味道一絕，樣樣都整得唔錯，好耐之前黎過食煲仔飯，今次黎試下啲小菜，今次食左芝士龍蝦伊麵同薑蔥焗生蠔，芝士龍蝦伊麵$198，佢地嘅芝士真係好香😍😍😍，比起出面嘅濃好多，而且個伊麵底有好多，龍蝦都有成隻，價錢唔貴又好味，值得一試！而另外一樣薑蔥焗生蠔都係$198，份量大約有一打十二隻左右，生蠔都幾大隻幾肥美😛😛，而且幾新鮮，係先炸左再落芡汁，非常夠味，送啤酒一流😏😏，如果黎開呢頭嘅話一定要試下呀！

已經食過多次，每次都仍保持上準，自上次冬至失準後，今次再度試試，果然超出我預期，超水準，份量十足有鍋氣小菜、聞到都口水流嘅煲仔飯，係我食過全港最好食的小菜、煲仔飯

通過open rice 訂左枱，入去先落左煲仔飯。之後再點椒鹽魷魚，好味，新鮮入味。蒜蓉炒芥蘭也不錯，螺肉茹湯一般，白鱔煲仔飯贊一個總結：食材新鮮好味，好好服務還可以坐位吃的有點趕時間，不是太舒服😅

好耐無食大排檔了，想食大排檔的鍋氣小炒，相約朋友來到祥囍。坐下來後朋友話喉嚨發炎，要食清淡嘅嘢。蒜茸粉絲蒸元貝$45x2元貝大隻夠新鮮，蒜茸粉絲份量好多！吸收左元貝既鮮味，朋友至愛！👍蒜茸粉絲蒸聖子$45x2聖子稍微有點小，但是以這個價錢都算唔錯，新鮮爽滑！好味！👍白灼魷魚$88魷魚新鮮，簡單的以芫茜同豉油調味，白灼更可以食到魷魚鮮味！👍😋窩蛋牛肉飯$78牛肉片鋪滿煲仔飯面，上枱後倒入適量秘製豉油，焗3分鐘剛好。牛肉無梳打粉的味道，新鮮嫩滑，但是味道有點淡。半熟雞蛋拌勻飯後，吸收左牛肉汁同蛋液後，飯粒保持干爽，好香啊！😍😋魚湯鮮菌白菜仔$65奶白香濃的魚湯鮮甜無腥味，白菜仔新鮮夠嫩、無沙！鍾意清淡值得推薦！👍

今天我和一個同學相約要去一個港式風味小店，位於筲箕灣的一個內街，如果不是別人介紹我也未去過這個地方。這裏都是一些吃雞煲或是羊腩煲的店子，而我選擇了這間吃煲仔飯和海鮮很出名的祥囍煲仔小廚。我們點了一份豉椒炒蜆，分量十足，非常大隻，醬汁也非常惹味，用來送啤酒真的一流。老闆介紹我們吃了一個蜜糖薯仔牛柳粒，黑椒牛柳粒配上蜜糖讓味道更加豐富濃郁，牛柳粒也非常柔嫩新鮮，份量也非常的多，兩個人吃真的有點太豐富了。最後點了一個臘味煲仔飯，跟平常吃到的煲仔飯不同，他的飯焦不黏鑊，特製的豉油鮮甜，加上滿滿的臘腸潤腸和臘肉。如果說這店的煲仔飯是招牌菜，真的實至名歸。如果有興趣去的朋友最好先訂枱，因為常常爆滿，那天我們也等了一會兒才有枱，我們離開的時候門外也非常多人在等后。要說東區吃煲仔飯小菜，我的首選是這裏。

祥囍是我最喜歡的煲仔飯，上次到訪看到餐牌上有很多不同款式的海鮮小菜！剛巧今天天氣升温，決定試試其他小菜！先來一個姬松茸螺頭燉雞湯，料頭十足，每一口都充滿姬松茸香味來到這類小菜館，很自然的想吃椒鹽瀨尿蝦！味道一流，而且啖啖肉現在上湯波士頓龍蝦伊麵做推廣，當然要一試！麵底盡吸龍蝦的精華最後叫了半隻炸子雞，外脆內嫩，幹香鮮鹹，配以淮鹽，惹味可口另外真的要一讚這𥚃的服務，侍應們細心有禮，不斷主動為我們換碟及洗手水，吃得十分開心

睇到食評，滿心期望可以食到好好味的煲仔飯，但可能期望過高，有點失望。 地點系一條行仔，有點難搵。六時半去到，七點半走，都唔系好多人食，可能系平日呱。叫左蒜蓉粉絲蒸聖子王、臘腸雞煲仔飯、椒鹽九肚魚同抄油麥菜。 聖子兩隻，有一隻系好細同埋蒸得熟左啲，煲仔飯啲雞系無味，啲豉油又唔系甜又唔系咸，唔知想點，淨系得啲飯同飯焦好食啲，總體系淡茂茂。椒鹽九肚魚炸得好脆，粉漿亦薄，幾好。油麥菜好老同咸。總括系出面有好多更好選擇。

要搵間餐廳食靚煲仔飯，睇佢客人流量是錯不了。呢間祥囍煲仔，位處於後巷，頗為隱密。但未到7點，餐廳內位置坐滿，餐廳外擠滿了人等候入內。侍應來來回回忙碌非常，趕緊招呼客人。因此，我6點到達，避開繁忙時間。菜乾豬肺湯可能係處理豬肺需花時間及功夫，豬肺湯坊間都少有供應。黎呢度一定要點。個湯好正。豬肺又乾淨又入味又稔，有十幾舊，過足口癮。白菜乾夠靚。湯煲都奶白色，鮮甜冇味精，淨係黎幫襯個湯都抵。蒜蓉粉絲帶子蒜蓉夠多，香味四溢。粉絲浸在滿滿的蒜蓉豉油汁裡，入味好吃。主角帶子嫩口又大隻，食落鮮甜彈牙，非常新鮮。難怪是招牌菜。蒜香蝦膏通菜通菜嫩口冇渣，炒得夠鑊氣，蒜香味十足，加埋蝦膏就惹味非常。份量亦多，抵食又美味。豉椒炒蜆呢個原本就冇點，但見到好似檯檯都整碟炒蜆，我又唔執輸。碟炒蜆大大碟，夠鑊氣夠惹味，蜆亦鮮甜肥美，成道菜有大排檔風味。正！臘味飯嚟呢度，一定要食佢嘅煲仔飯。呢度煲仔飯聽聞用炭爐煲，所以特別香。臘味飯d料好多，精華滲晒入飯。個飯煲得好靚，澆少少豉油已經好入味。期待再encore佢個豬肺湯。

第一次去沒有book枱，但侍應們都盡力安排了坐位，非常有効率又有禮貌！至於食物方面更抵讚，夠哂鑊氣，叫了椒鹽鱔片、响螺燉雞湯、蝦干韮菜小炒和蒜頭蒸綫貝，全部好新鮮好有水準，由於只得兩人，真係已經食唔落出名嘅煲仔飯，下次一定要試試！

今日同姪仔撐枱腳，但因為塞車，夜晚8點半才去到，以為大部分人都食完走曬，點知見到門口仲有幾枱客等緊，厲害啊！好在部分人都差不多食完，只是等了大概15分鐘就有位，但系要搭枱，OK啦。坐低第一時間叫左個煲仔飯，加一個豆苗，伙計雖然好忙，都會有禮貌咁介紹有什麼菜同用乜炒好，同時送上碗筷和洗野的碗。等了10分鐘先來菜，然後再10分鐘再來埋個飯。蒜蓉豆苗～ 幾大碟，豆苗幾嫩，蒜味有D吾夠，還有覺得好像水分多左D太濕。辣味白鱔煲仔飯～熱辣辣，好多料，有臘腸，潤腸，臘肉，白鱔，臘腸和臘肉好味，臘肉真系肥而不膩，潤腸就比較失色；可能價錢問題，白鱔系太薄同埋太少，同時不是彈口的種類，打開煲蓋吾算香，鼓油吾錯，比較帶得起煲飯味。等位時候在外面真系煙霧瀰漫，要走開兩三個鋪位才舒服少少，系店內食飯位置比較近廚房，比D煙搞到咳，老闆真系要搞搞佢啊。

🇭🇰#香港捐窿捐罅記 instagram: foodkiller_dk近排天氣凍左少少 當然要趁機食下煲仔飯 如果唔係春天都到😅 而香港用炭爐煲仔飯既地方少之有少🤷🏻‍♂️ 因為牌照要求高😂 今天食既筲箕灣食店 就係用炭燒 而且比人話係飯焦王 我地就睇下有冇炭香同飯焦啦🙂 順帶一提 收銀個姐姐把聲好甜 聽住食都幾開心😂😂-🍚臘味蝦乾飯🍚（$80）正統開蓋係要 開蓋後 將醬油沿邊落 之後再關返個蓋 等一陣 就可以有最多飯焦同最香🙂講返個飯🍚都有炭香味🙂 而且食落飯好乾身👍臘味既油同蝦乾都令佢更香🙂 但問題係 好少飯焦 可能要煮耐多少少🙃 🐡豉椒炒蜆🐡（$78）蜆冇沙 辣味夠 最重要係唔水汪汪 因為有時火候唔夠 就會好大堆汁 冇晒鑊氣😂 果日食果個 就冇果個問題 啤酒殺手菜😂🦑椒鹽鮮魷🦑（$82）鮮魷份量多 而且夠淋🙂 食落去唔會好似食香口膠咁☺️ 但係佢個炸醬太厚 雖然都脆 但口感就差左少少😅 如果更薄就好🙂總結來說 係一間街坊小店 份量大 價錢合理☺️但就有地方需要改進🙂 特別一提 由於佢地冇酒牌 所以酒精飲品 就自己拿過去啦🍺-🎈筲箕灣愛民街6-28號新利大廈地下4A-5A號舖-平均傷害：

先說排隊，雖然知道這間是名店，有很多人慕名而來，但沒有叫人排隊，又沒有派號碼籌，有些遲來的人竟然早過我們和其他一早等候的人入座，安排非常混亂。再說食物質素，帶子大隻鮮味彈牙，配以蒜蓉和粉絲，十分入味。蝦乾炒韮菜花，配料充足，但略嫌太醎。主菜是田雞黃鱔臘味煲仔飯，配菜可以按個人口味自由選擇，自由度大，不過田雞和黃鱔的份量稍嫌不足，飯粒軟硬適中，飯有飯焦，當熱辣辣的飯粒沾上了臘味的香味，齒頰留香，回味無窮。下次希望能試試其他款式的煲仔飯和老火湯。

This place is amazing for its food , not only the claypot rice its good but the rest of the dishes also amazing. I highly recommend to try this local restaurant, for 椒鹽九肚魚，煲仔飯，一字骨。 the deep fried fish is soft and tasty. Overall the food is not too salty. The claypot rice portion is consider smaller. I suggest to make reservation as it’s a new shop with a lot of people queuing up.

雖然這個冬天不太冷但對食煲仔飯的渴求依然不減特意來試試筲箕灣這間人氣煲仔小廚雖然位置在一條較隱蔽的巷內6:15左右來到已經差不多座無虛席好好彩地坐到第一輪的最後一張抬 唔使等位但建議真係6點前來到最穩陣😉被安排坐在外面更有大排檔風味餐牌上選擇很多真係樣樣都想食先來菜膽豬肺湯有淡淡杏香清得來味道不錯豬肺豬喉嚨雞腳菜膽都很足料食得小廚一定唔少得豉椒炒蜆豉椒夠惹味 蜆份量都不少 沒有沙只有幾隻未炒得開 算非常不錯椒鹽九肚魚亦係必食之選！熱辣辣炸出外面薄薄一層香脆炸粉裡面超級軟滑甚至入口即溶的九肚魚有蒜香又有椒鹽味但又不過鹹 實在食唔停口胡椒咸菜豬肚就食得多今次食鑊炒豉椒咸菜豬肚更好食！先係豉椒夠香 豬肚固然有嚼口加入咸菜增添另一層次的味道 更是惹味連帶洋蔥青椒都特別好食重點煲仔飯登場！貪心的我們叫了鴛鴦腸滑雞飯又有臘腸又有潤腸 兩款都好juicy 好好食滑雞相對不算突出 屬正常質素飯粒分明但又不會乾身 幾高質食煲仔飯最重要當然係飯焦薄薄的飯焦超容易就起到 超級超級香脆有焦香但又不會過火 是剛好的焦度！唯一係煲仔飯豉油較淡沒有太多味道但有臘腸潤腸的鹹香已經絕對夠味·整體來說非常滿意的一餐又好味

有D食物其實要寒冬食先有意境，例如打邊炉，又例如煲仔飯。 14/12/2018，放工要過海，既然緣分到了，就去會一會港島區的名物--祥囍煲仔飯。 該食肆身處小窄巷中，要行一個斜坡樓梯才到達，位置隔涉，真係有心人先揾到。 六點食肆才開始營業，六點零五分去到，已有幾枱客人入了座，至六點三十分便告客滿。店內的格局比較草根局促，不算舒服。服務人員頗為有禮，速度卻好快，顯盡港人特色。 點了潤腸白鱔煲仔飯，大約等了廿分鐘，但侍應姐姐表示唔好意思落錯單，問是否介意。學習接受意外是一門功課，咁既來之，則安之，我接受了來錯了的臘腸白鳝煲。 細細煲的飯非常滚燙熱辣，揭開，香氣撲面而來。臘腸頗多，目測起碼一條，但白鱔只得四件。米飯大多數粒粒分明，但有汁的地方較濕，有少少糊。煲仔飯有飯焦，香脆但無乜味！臘腸咸淡適中，稍肥，但煮煲仔飯其實用較肥的臘腸比較適合。白鱔以豆鼓蒜頭調味，濃郁惹味。但因為係接近尾部的位置，不够肥美。甜鼓油只有色，没有甚麽香味或咸味。臘腸白鳝煲仔飯，盛惠75蚊，價格偏貴，但在可接受範圍。枱頭放了一壺冲好的熱茶，客人可自斟自飲。 店鋪強調自己是炭燒煲仔飯，其實吃進口內，又不覺