祥正飯店

營業中

休息中

話說6月頭去左隔離駒記試試地道既大排檔,食完都幾滿足,所以琴日去開銅鑼灣再去果邊食晚飯,就去左祥正幫襯!今次我地4個人可以叫多樣野食!未食過避風塘茄子,本身都幾中意食茄子,同埋佢勁辣,中意食辣既朋友一定好中意食,一路食一路飲青島解辣上次冇食到豉椒炒蜆,勁大碟,好入味,個個都搶住食好彩都夠分另外叫左個粉絲蒸鮮魷,用木桶裝都幾得意,味道鮮甜,蒸得剛好,粉絲吸哂鮮魷既鮮味再叫左個芥蘭煲,熱辣辣咁上,芥蘭迷必食啦~~最後叫左乳鴿,size都唔算細隻,好肉汁燒到個皮好好味!

I went to this restaurant under the recommendation of openrice. the food was the food you can have anywhere but a waiter's attitude was especially bad. I was accompanied by a French friend and we wanted to share the bill but the waiter didn't want to do it and he got mad at us. it was a very unpleasant dinner.

祥正飯店雖然已經轉左手,但係仍然保留住香港大排檔風味小炒,同2個朋友係銅鑼灣食飯終於去左鵝頸橋街市搵大排檔食晚飯.叫左一個辣酒煮花螺,辣酒好夠味入哂落d花螺度,飯前食一流,非常惹味下次一定會再食!另外叫左蒜蓉粉絲蒸蟶子皇,蟶子皇好大隻,而且好有鮮味蒸得岩岩好,蒜蓉夠多,撈飯好正!再叫多左兩碟香口野,一碟係香脆墨魚餅同埋椒鹽鮮魷,香口野最能夠代表到大排檔風味,兩樣送青島啤酒一流!遲D可以再幫親!

假期同朋友係銅鑼灣行街, 打算去幫襯大排檔食小炒, 呢間大排檔非常夠火喉, 而且價錢在銅鑼灣區, 都算公道, 有唔少旅客幫襯, 一開始就叫一個我未吃過的炸芝士墨魚丸, 芝士係我至愛, 一咬墨魚丸就流芝士, 非常香脆可口, 送啤酒一流!! 必叫架!! 另外叫椒鹽斑馬瀨尿蝦, 瀨尿蝦好大隻, 好新鮮, 正!!, 還叫了一道從小到大排檔必叫的菠蘿生炒骨, 都夠火喉, 排骨唔太肥, 可以一試!

路經銅鑼灣同朋友覓食,就見到呢間祥正大排檔,朋友都未試過同好耐冇食大排檔,所以就入去試試成間舖頭都係比餸菜圖圍住,點餸可以四圍望首先叫左開邊蝦,我地四個人食夠食,蒜蓉夠多,幾好!去親食飯都要叫生炒骨,因為酸酸甜甜好味,呢間都ok!好耐冇食過炒田雞,所以叫左黎食,田雞都鮮甜,配瓜同木耳都唔錯腐乳通菜ok,冇乜特別見呢間大排檔既避風塘炒蟹好似幾出名,所以都叫左黎試,味道都幾辣,中意食辣既朋友一定要試,辣味入唒落隻蟹度,好味!

一條街都是大排檔。環境自然是沒的說的“一般”。但是雖然不比一般餐廳，但是地上並不髒，不會油膩膩。服務的話，客人很多，店里人忙著送菜，就是正常。和好友閒來無事來到這裡找美食，整體還不錯，。位置也算好找。店舖裡的所有桌椅擺放都很整齊，很乾淨。炸蠔餅非常大份，而且炸得十分香脆，蠔仔肉亦不少，粉漿不會過厚，配上特製醬汁，味道很惹味，份量真的非常多，吃不完呢！通菜煲的通菜份量也是非常多，裝滿整個煲，而且很有鑊氣，調味非常濃味，不過也是比較油膩，但我們最終可以吃光這個飛天通菜煲！因為味道真的不錯呢！蒸魚~魚肉十分滑，多肉肥美，蒸煮時間剛好。豉油不會太鹹搶過鮮味咖哩蟹入味,咖哩味濃但仍然能夠吃到蟹的鮮味!棒!

第一次去食呢間祥正大排檔,一行五個人,主要都係想食下海鮮同鑊氣小炒去到既時間大約7點半 好彩仲有位我地叫左一碟黑椒牛柳粒,黑椒味好夠而家牛柳夠林!白灼瀨尿蝦, 因為白灼先食到瀨尿蝦鮮味所以簡左白灼,肉都幾鮮甜~避風塘炒蟹,好夠辣,個個都搶住食~好少食木桶雞,肉質都幾好唔會好鞋最後豉油皇蝦,好夠鑊氣呢個真係幾正!

加班日，同同事二人談公也談私，就近要食的話，我們一定會想起最近公司的食肆，那就是寶靈頓道的三間海鮮大排檔了。在寶靈頓道，也叫做鵝頸街市，白天的熱鬧就因為市場而起，而晚上的熱鬧，就由街上這三間大排檔帶起。昔日的他們，其實是半露天的，人人坐係街上的大圓桌上享受美味的中餐、海鮮及小炒，而且價錢都而家黎講，都稱得上是大眾化。鵝頸三子《明記》、《駒記》同《祥正》，基本上是各有千秋。是日來《祥正》後來才發現這已經不是原本的《祥正飯店》，暗中看見帶位大姨手上的《駒記》餐牌，也許《祥正》早已被收購了，而《祥正》的新名字，就叫《祥正海鮮大排檔》。有人說差了，也許，只是吃不回以前熟識的味道而已。平常我們的就腳加班晚宴，就只會食下廣東小炒。是日也不例外，炒幾味，飲啤酒，才是食大排檔的皇道。餸，都是揀一些好送飯的美食，面前的咕嚕肉絕對是可以令你食多兩、三啖飯的美食。這咕嚕肉，脆口肉煙韌，質感是絕對的高分數，味道，甜的比份同酸的比份大概是 6:4，是很正示的甜酸菜式味道。食大排檔，當然要食炸大腸，很脆，也很香口，依然是一個佐酒的佳物，不過，同我以前食過的，食慣的始終差少少，而原因就是，羶香不夠。不知為何，是日喜

由1/5/2015已經轉手，以前的工作人員全換了，只是還用回祥正的名字去騙老顧客和遊客，味道當然和以前差得遠，連招牌菜也没有，太可惡了，好懷念我至愛的拆骨泥鯭粥。哭..... 豉油皇炒面不夠干身, 鑊氣欠奉, 九肚魚亦過左火, 咕嚕肉一般啦......其他海鮮也不太敢試, 清蒸蜆也不做, 可能食材不夠新鮮, 豉召炒蜆同樣欠鑊氣.....唉, 大牌檔的靈魂失去了

在openrice 看到銅鑼灣鵝頸橋附近一帶有好幾間大排檔，說真的真不知如何選擇，但論門面吸引度，這家祥正的確不錯，門口貼了很多小菜及海鮮的圖，招牌及店內裝修亦十分光鮮，可能是新裝修的緣故，所以今晚選擇了祥正.到大排檔吃飯，又什可以不點避風塘菜式呢，是次就點了避風塘蝦及辣酒東風螺:辣酒東風螺:辣中帶鮮，螺本身的鮮甜沒有被蓋過，辣酒亦不油，味道不錯避風塘蝦:蝦吃得多，避風塘蝦還是第一次，每口蝦咬下去亦帶有微微的辛辣香氣，好吃啫啫豆角煲:滿足視覺、嗅覺、味覺之選，味道好又夠爽脆，good

睇電視介紹過祥正，一直想試，今晚終於有機會同母親大人唻撐吓枱腳！怎知卻是一次很不爽的經歷。兩個人點了薑葱生蠔煲、菜膽雞、啫啫芥蘭煲、豉油王炒麵。點菜後等了大半個鐘，三吹四請先唻一個薑葱生蠔，但少咗個煲？！請店家比番個煲上，熱辣辣感覺好d嘛⋯這道菜味道ok的，蠔肥美嫰口，只是六隻索價$158有點貴。食完又等十分鐘先唻第二道菜--菜膽雞。可能物價真係太高漲，好地地一棵菜膽被撕成幾段凋零地圍住碟雞⋯ 外相不討好⋯雞嘛，沒有太大期望，應該是一般雪藏雞吧，肉質有點「梅」，沒什雞味。由於其他餸未到，我地又肚餓，只能不停吃雞⋯ 到食晒成碟雞，又等好一陣子，炒麵送上，看上去麵條光澤飽滿，很多芽菜，好像蠻不錯。但嗅覺卻令我覺得有點不對勁⋯聞唔到豉油香嘅⋯咬下去，噢，好「油膩」，豉油王炒麵沒有咸香我們各吃了兩少碗就吃不下去⋯最後來了啫啫芥蘭，這個好食沒問題，只是由於奇怪的上菜安排，我們吃蠔蠔蠔雞雞雞雞麵麵麵菜菜菜菜菜，每一刻只有一碟送，真的很寡。四個小菜食咗兩個鐘⋯味道也只是一般，好不爽

祥正：係我多年前喜愛嘅飯堂，喜歡在露天氣氛下食宵夜，可惜依家只能坐室內，門口已經不能開枱。否則食環署又來封殺.今次點了:薑酒猪膶: 好味, 但今次可見湯下太多了, 以住味道及酒味更濃, 猪膶也是滑滑的, 正.鼔椒炒蜆:真正的黃沙蜆, 不是花甲. 有濃濃的蜆味, 無沙. 鼔椒起鑊, 猛火炒, 夠鑊氣.腐乳通菜牛肉: 腐乳味夠香, 唔怕水汪汪.果皮鮑魚: 大隻, 唔怕太硬, 鼔油好味HK$30/隻, 合理兩人吃完, 飽飽.

又是與舊同事飯聚的時間，說起上來，我在工作方面，很難與同事們交心，這一班可算是異數，離職後才建立感情，多年來還保持聯系，久不久相聚一刻，順便收集一下現今行內的情報。這晚的飯聚，選擇在銅鑼灣鵝頸橋的祥正飯店，環境不太佳，但我們沒有所謂。只是看看個餐廳，不消一會，隨口點了十道八道，來小炒店，就是這樣隨意，椒鹽雞軟骨香口爽脆，是下酒佳品，即刻來兩支大啤。薑蔥爆魚卜香氣撲鼻，辛辣中而不失魚卜的鮮味。椒鹽鮮魷也是不能欠缺的一味吧，外層酥脆不太厚，肉質彈牙。蝦醬蒸豬肉，絕對是住家風味，兼男人的浪漫，那陣蝦醬的鹹香，強到呢。。。。。其味道盡數被爽口的豬肉片吸收，不送酒的話，不行。全晚唯一的海鮮，蒜蓉粉絲蒸扇貝，敗在扇貝的質素，太瘦小了。小炒王以韭菜花，腰果，蝦乾炒埋一碟，鹹鹹地，脆脆地。菜膽雞明顯不是用鮮雞，肉質上亦老了一點點，幸好雞肉上的獻汁只是薄薄一層，未致於完全蓋過雞肉的味道。最家常的韭黃蝦仁炒蛋，有點過火了，蛋身談不上滑溜可言。這裡的豉油皇炒麵，當然不是我吃過最好，但條條上色，有鑊氣，只是不夠乾身，如果有支余均益，還可以拉回一點分數，可惜，沒有。除了各式小炒之外，椒絲腐乳通菜，完全地將小炒店

7月17日（星期日）晚，來到鵝頸橋附近，同一條街有幾間小菜館就來了這店。黎得街市附近大排檔食 當然旨在風味啦不過本人並不熱愛海鮮，還是叫返正路小菜楊洲炒飯上檯時候熱呼呼，似乎幾夠鑊氣，幸好師傅出手唔算重，唔係太油膩煎蠔餅勝在蠔是夠多且都幾鮮，洗得乾淨幾乎沒有沙粒，不過唔夠莞茜金銀蛋莧菜無咩特別，湯底調味剛好小菜質素一般~ 勝在夠麻甩 約埋三五知己吹下水都OK

6月4日（星期六）晚，是日剛巧放假，下午陪食友處理些私人事，然後內子過來和我會合。自問不是甚麼熱血青年，祇記得當年自己還是中一學生，現在已經是三字頭的男子組，惟一肯定的是，這些年來從沒有忘記過當年這夜所發生的事。雖不是每年也會參與這一夜的紀念晚會，但在沒有刻意的安排下，我倆由金鐘慢步過來，又恰好給我們趕上“尾班車”，能夠進入球場。事先知道食友會來，所以晚會過後相約一起吃飯，會合後散步來到鵝頸橋附近，同一條街有三間小菜館，在沒有指定地方下，見到這裡剛好有位就來了這店。時間已經很夜，為求快捷就每人點一個菜，再加一碟豉油皇炒麵。酥炸大腸：外脆內軟，略嫌炸得未夠乾身，可能趕時間；京都肉排：是內子點的，醬汁偏甜，肉排尚算鬆軟；豉油皇炒麵：已經是第二次吃，依然夠鑊氣，麵條爽口夠乾身，水準沒變；生啫通菜煲：通菜翠綠無渣，可是蝦醬下得不夠均勻，亦欠了些鑊氣；蝦醬蒸豬肉：這趟蝦醬下得太重手了，內子覺得過鹹；果皮蒸泥鯭：果皮味道不夠重，亦未能帶出泥鯭的鮮味，未算出色。晚飯期間巧遇另一批網友，聞說他們每年晚會後也會到此，若明年再來，相信這裡附近的食肆是個不錯的選擇。