祥正飯店

營業中

休息中

一年一度的......不是一件盛事. 只是一個garthering, 為我們中國及香港的未來; 為了爭取我們應有的權利而聚集一起. 讓我們的祖國知道, 國民/市民的力量是強大的, 不容忽視. 而每年在晚會完結後, 我們總會garther一班志同道合的朋友, 散會後大家都肚餓了, 食個飯先回家. 是次, 已經是第三屆的飲食晚會, 而且, 經歷了兩年前的大坑冇野食事件; 同去年天后的等位等死你事件. 今年, 我們行遠了一點. 選擇在鵝頸橋街市呢一頭. 吃街邊的風味排檔.我們只知道路邊有三間大排檔, 邊一間比較好食就大家都不知道. 以前的我就品嚐過明記, 而千里兄就食過祥正. 我們再看看人流, 是日似乎祥正較為旺場, 於是, 我們就決定朝祥正出發. 我們被安排坐在店內的門口位, 奇怪了一下為何是日三間都唔擺街邊. 細心觀察一下, 原來有位食環處伙記企左係度, 冇一檔敢亂黎.雖然我們被安排了坐在近門口的檯, 但店舖冷氣十分強勁, 打開門口的膠片時, 也不覺有任何熱氣滲入. 用餐的環境雖然是一般, 但冷氣夠勁, 令到我們食得都叫做舒服. 而來到這些排檔式既食肆, 都是為了品嚐風味, 炒大碟, 啤

這裡主談飲食，盡量不想涉及政論，可是廿二年前六月頭的那件事，震撼著每一個經歷者的心靈，曾選擇淡忘過去，主事者卻是不太想反省，近年更變本加厲，所以這幾年總會現身維園一躺，究其原因，就正如舉辦當局所言「不想回憶，未敢忘記」。只是上年完事之後，和朋友們聚餐的行為，就給另一位朋友垢病異議，認為我們的態度就像嘉年華會或朋友聚會一般。曾為這看法而有所苦惱及迷惘，說句實話，經過時間的洗禮後，自己已失去當年那激憤與及哀傷之感，卻總有點戚戚然及難以釋懷之感，對比起其他熱血份子，心底裡由衷佩服，而自己的「付出」，就僅此程度而已；只是尊重人與人的情義，以及包容他人的異議，何嘗不是大眾認同的普世價值?! 在中國人的概念之中，死亡與食物總有點若有若無的聯繫。言歸正傳，相識同仁總有數個，未能同聚亦算同心，事後作電聯相聚，過往的經驗，附近的天后區及大坑處，已是店滿爆棚的場面。經商議後決定行遠一點，到了附近的鵝頸橋街市，對面處置有數間菜館，在無重大心水之下，就走入了其中一間祥正飯店。旨不在吃之下，大家也隨意點了數個小炒，先上的酥炸大腸，來得不夠脆身鬆化，表面也有點硬，想是風乾的時間不夠，這味菜可要點時間來預備的。總算

今晚四兄弟又再聚首一堂, 選了這間祥正飯店, 是因為多年前曾經光顧, 記得味道水準還可以。寶靈頓道有不少食店, 一張張枱擺出街, 好有以前大牌檔的風味。不過今晚就沒有這樣做, 唯有進店內吃。四個人, 四道菜, 包括椒鹽黃金豆腐、蠔餅、金菇肥牛粉絲煲、咕嚕肉, 都是十分大路的菜。基於有人要慳錢的原則下, 沒有叫海鮮。豆腐普通, 不會是炸到甚麼金黃色的, 但也不算太過「乾爭爭」, 如果用西貢六福的去跟它相比, 自然不太公平了。 蠔餅也是普通的, 勝在蠔是夠多且鮮味足, 沒有「呃秤」, 幾乎啖啖都有蠔肉, 缺點則是不夠脆。肥牛煲的牛肉就不太肥, 味道是合格的, 叫這種菜, 真的只求穩陣。咕嚕肉應該是最出色, 肉厚而軟熟, 芡汁亦做得好好, 味道不慍不火。事實上, 去大牌檔就應該叫些最「大牌檔」的菜, 太過新派的未必做得好, 太過古怪的你又未必接受得來。上述四個菜再加三個飯、兩支啤酒、一罐可樂, 齊頭$300, 除一除, 每人七十幾蚊, 是真的很便宜。下次可以試下海鮮 ........... 希望可以坐出面, 再嘗嘗路邊風味吧~

12月1日（星期三）晚，平時我很少穿恤衫，所以家中以前買回來的到現在都不適合了（心廣體闊？），因本星期某一天需要穿得斯文端正，所以是晚女友收工後，就陪我隨意到銅鑼灣買恤衫，然後我又陪女友去灣仔某電腦商場買點東西，買完已經差不多九時了，我們便到鵝頸橋附近找個地方吃晚飯。在寶靈道內有三間食肆並立，印象中好像未來過這店，就試試這裡罷！原先想吃羊腩煲，不過女友怕吃不完，便改了點小菜吃，看過一會餐牌後，就決定點o者o者芥蘭煲、沙爹肥牛金菇粉絲煲和豉油皇炒麵。o者o者芥蘭煲鑊氣十足，芥蘭翠綠無渣，配以鹹魚醬來炒，既有鹹香又惹味；豉油皇炒麵上色功夫做得不錯，炒得乾身又不油膩，最重要的是碟底真的一點油也沒有，我始終覺得吃豉油皇炒麵最佳良伴是辣椒醬，但女友竟然用沙爹汁來個自創撈麵，我也跟著做，味道又不錯；沙爹肥牛金菇粉絲煲份量不少，肥牛不算很韌，粉絲的份量好像比金菇較多，略嫌沙爹汁味道不夠濃稠，若沙爹味再厚些會較美味；雖然是晚吃不到羊腩煲，但看見鄰檯的羊腩煲又好像不太吸引，亦證明了點小菜的這個決定是正確的！

上星期夜晚同左幾個同事放工去左食飯, 去慶祝同事結婚了~放左工, 由同事帶隊去左灣仔鵝頸街市旁邊既一間風味大排檔.間野叫做祥正飯店.我地幾個坐底左就梗係開始叫野食啦..黎到大排檔風味既舖點可以唔叫豉椒炒蜆呢~＄50 大大碟, 大部份都有肉, 唔會剩係得個殼, D蜆肉呢又幾肥美, 唔錯, 加埋辣辣地, 送飯/粥都唔錯架~第2樣送我地就叫左豉油王蝦碌, D蝦都幾大隻, 又夠獲氣, 新鮮又彈牙, 我有隻仲連殼食添~第3樣我地叫左脆皮雞半隻雞皮好脆呀, 又無咩肥膏, 雞肉又唔乾, 好食, 我唔係好識分脆皮雞同炸子雞有咩分別呢???KAKA

家住灣仔，時時都去祥正開飯。因為老闆娘為人極好，招呼殷勤，實在有回家吃飯的感覺！這店開業三十多年，由細食到大，食物質素仍然keep到，價錢合理。基本上食左咁多餐都冇食過一碟難食的，而最好吃就是油浸筍殼魚(唔係成日有，如果有我就會覺得好好彩)、酥炸鮮魷(有甜酸汁好正)、椒鹽賴尿蝦(仲有大賴尿蝦)、最出名是泥掹粥！可能我比較鍾意食香口野！三五知幾又可以在坐出面街飲下酒坐成晚，在現時的香港地，已經好難搵了.....

見大家對喱度既評價都唔差，為食團今晚專程黎試一試。１。豉椒炒蟶子：麻辣味好勁，有些少沙。２。蒜蓉粉絲蒸扇貝：蒸到岩岩好，好味。３。沙拉骨：煮到好入味，肉好嫩。４。潮州拚盤５。咸魚雞粒豆腐煲：熱騰騰，送飯一流。

Honey話要去銅鑼灣shopping，我立即話去祥正? 為食啲佢即時舉腳讚成~ Yeah!因為下就同Honey一齊洗車，勞動左成2粒鍾，勁肚餓呀！6:30已經到左銅鑼灣，不如食飽飽至行街啦~因為我係九龍人啲關係，好少過海，所以都有成2年冇黎幫襯，心唸”仲響到掛?” 到左鵝頸橋街市後面見…嘩！擺滿枱呀!望遠少少…仲響到~不過6:45已經坐左一半枱有多啦…真係旺場~一坐抵已經”唔該先黎一窩泥猛粥” 一面食粥就一面叫左豉椒炒蜆，紅燒乳鴒，薑汁芥蘭泥猛粥大約10幾年前我朋友帶過我黎呢到食過，從此愛上；雖然我唔係熟客，但一有機會都會番黎幫襯，而每次都會order啲就一定係泥猛粥；一入口，果種鮮味就立即充滿左個口腔裡面，泥猛啲鮮、果皮啲香、再加上細細粒啲冬菜粒、軟綿綿啲粥底，泥猛肉完全溶化哂響D粥入面…而且食到尾個粥都唔會出水，確係水準之作！豉椒炒蜆D蜆好新鮮，冇一隻唔肯開口；辣椒同豆豉啲比例啱啱好，好鬼惹味~個芡汁唔多，但係就完全黏住響隻蜆上面，師傅炒功一流呀！紅燒乳鴒好耐冇食過乳鴒，呢隻比記憶中的乳鴒大隻，不過D肉質又唔鞋啵，係個外觀肥膩左少少，所以我食左好少啫，大半隻鴒係我honey隊哂~

與朋友暢遊東涌，行程由行山改為行街，荷包有損之餘又打亂了做運動減肥的計劃，不過良朋友共聚，齊齊吃喝玩樂，豈不快哉！血拼完畢回市區，想起雜誌介紹的鑊氣小炒，躍躍欲試，難得友人也附和，於是同到祥正開餐。小妹對廣東菜如品茗和和小炒自小有份偏愛，早上總覺吃碗暖暖的白粥比硬巴巴的麵包窩心，晚上舉家圍著幾餸一湯，彼此的感情不言而喻。雖然香港新奇的食品層出不窮，但回想在外留學日子，心裡惦記的還不是傳統的廣東菜，所以小妹總覺得一間廣東食店要留得住人客並不在於她有多少花招，而是有多少誠意做好本份，令人賓至如歸。也許是受到雜誌介紹的影響，對此小店已存好感，食物入口後更覺是水準之作，此行真是滿足。這次我們一行三人，叫了小炒王、八珍豆腐煲、蒜蓉蒸蝦和豉油王炒麵。小炒王幾乎每間飯店必備，作料各有不同，味道也參差不齊，祥正的鑊氣夠不用說， 材料豐富且配搭得宜，有枸菜花、花枝粒、蝦仁、菜脯、腰果和草菇等，雖似是把頭頭尾尾「炒埋一碟」，但吃得出用料新鮮，是小妹全晚的最愛。豉油王炒麵也是水準之作，味道好，鑊氣夠，雖只用上一般送粥的全蛋麵，但比越華會的銀絲麵更能平凡中見真章。蒜蓉蒸蝦也很滋味，蝦新鮮，蒜蓉也很惹味，只嫌

話說今晚老友睇完屋企人之後就相約來呢度食飯喇﹗一行四人，雖然熱得交關不過都堅持要坐街，這就是煙民之苦了﹗先來個椒鹽九肚魚，呢樣魚我一向都接受到，當然係因為炸過啦，炸得金黃酥脆，魚身一咬即化，入口無魚味我最鍾意﹗今次食左兩條添﹗再來半隻招牌鹽焗雞，雞都幾大隻喎﹗仲要件件都啖啖肉，夠哂嫩滑，皮下脂肪很少，蘸0的薑末來食，好味道﹗辣酒花螺，細細粒的不過肉質好爽好鮮，都係0個個問題就係唔螺唔算好入味，個汁係辣係惹味不過只有挑粒肉出來再蘸番0的醬食啦﹗蒜蓉蒜蟶子，雖然唔係咩大隻貨不過隻隻都好飽滿，最緊要係無沙，蒜蓉粉絲又多，好味﹗點左個泥鯭粥，我就唔太敢食喇，佢地話好鮮甜0的肉溶化哂0係粥入面喎﹗最後要多個菜同埋京都骨，京都骨阿姐熱情推介不過味道很酸很醋味，麻麻吧﹗整體食物又比上次來吃好左好多，好味﹗加多幾支啤酒埋單$500，合理﹗

無試過所有餸菜都感到滿意的...... 點了豉椒炒蜆, 蒜蓉蒸中蝦, 炒白菜仔, (本想叫豉汁蒸帶子, 可是已賣哂了), 改為蒜蓉粉絲蒸扇貝.炒蜆濃味夠辣, 味道剛好. 全碟只有一隻是不開口. 在其他店好耐無食過咁夠味的炒蜆了. 中蝦十分爽, 都幾大隻. 白菜仔不油, 炒得剛好, 不會太林或太硬. 扇貝上的粉絲入哂d 汁既味, 同扇貝一起放入口, 真係一流啊. 店員服務有禮貌, 又不收小費. 唯一要彈的只是坐得不太舒服, 因為是坐在街邊食的. 不過對於第一次坐在街邊食飯的我, 感覺好特別, 又有風味啊

想起好耐都無去食大排檔，於是行去呢度﹗就係祥正飯店﹗感覺好似好耐無來呢﹗蒜蓉開邊蝦，個高佬待仔激烈推介，又話咩招牌菜又話咩人人都叫又話咩唔食過會後悔等等.....蝦細隻開邊，睇落八隻都無，蝦身蒸得過老不爽，肉質綿綿的﹗收我一百二十蚊﹗你地好野﹗自從我落手下廚之後，而家食飯成日都會諗番如果0係街市買會值幾多錢，呢0的蝦街市臨收工我買過20蚊一斤仲要大隻過佢﹗唔抵呀﹗下次記住唔好叫.....再來一個辣酒煮花螺貝殼類好似帶子呀、蜆呀、扇貝等所有野我一向都好鍾意食﹗螺呢家野係好味不過當然最麻煩就係要挑0的肉出黎，對我呢0的連掃個地都懶的人來說真係十分超級麻煩﹗整到成手dirty哂﹗第一次0係呢度食，螺很細隻，同出面食的差成倍size﹗開始嗜辣但怕辣的我覺得一0的都唔辣，完全無辣味亦都無酒味，所以我美其名只能叫佢做豉椒炒花螺﹗不過肉質爽甜彈牙新鮮﹗總好過0的蝦.....不過辣酒唔辣就真係差0的喎祥正﹗最後唔夠飽整多個椒鹽豆腐，呢樣簡簡單單味道就保持水準了﹗惹味夠飽肚佐酒一流﹗不過我都係鍾意出面食會切到一粒粒，呢度成舊磚咁大舊送酒唔夠自然﹗好似比當年差左﹗

星期六，夜晚同朋友到銅鑼灣食祥正兩個人就係食左呢三樣野，炒蜆、扇貝及蟶子，扇貝仲要意尤未盡order多一碟開頭食落真係好好味，不過再要多一碟的感覺就變了好油膩加多兩支大啤埋單一人一百蚊，抵啦，咁多貝殼

那天朋友帶我去的一間大排擋,也是我第一次坐在街外進食晚餐,不要以為在街邊進餐是沒有乾淨衛生,那種風味真是一試難忘,雖然是熱小小,風是大小小,但那裹出品的美食實在蓋過一切.首先是蒜蓉開邊蒸蝦,蝦是新鮮的海中蝦,蒜蓉同油份量恰到好處,油不會太多,蒜蓉亦不會蓋過中蝦的鮮味,其次是豉油王炒面,芽菜爽口炒面彈牙,豉油也不會太多,真是值得一試,之後登場就是豉油王吊桶,難得這裏還用上新鮮的吊桶,醬汁亦剛剛好,唔會太咸,如有時間一定會再試一次

今天特地去試泥粥，一小窩呈上來時軟綿綿，見到拆了肉的泥，點綴了小小的冬菜很是吸引！可能期望太大...有點點失望！泥沒有那天果皮蒸的鮮味，只是合格而已，避風塘喜記做得比裡好。幸好叫了一個豉椒排骨炒米粉，這個不得了！米粉做得很乾身，表面是金黃色的，每條米粉都被那豉椒汁包庇著，味道濃烈又有口感。排骨鬆化美味，對於這個米粉．．．我實在無話可說，是我所吃過中最好的．另外加追了一個醬爆白鱔片，可惜是鱔片切得不太厚及有小小碎骨，味道是可以的．