祥發茶餐小廚

營業中

休息中

傳說中好好食嘅瑞士雞髀🙈食完之後覺得overrated 的確幾欣賞個瑞士汁：唔會太甜帶少少藥材味👍汁係偏稀唔係起哂膠嗰種但雞髀肉好嚡 😕😕炭燒豬頸肉餐肉炒蛋飯幾好食蛋唔係落好多油但都炒得好嫩，豬頸肉厚切肉質好正🤩但肉味炭燒味唔夠重飯有啲濕諗左好耐揀西多士定班戟，比openrice 啲相欺騙左揀左pancake 🥲出到黎原來係美式而唔係日式嗰種🥲不過好大塊紅豆冰：有啲淡，紅豆未煮淋🙈話係好好食就未至於，但係一間好舒服嘅街坊餐廳，同埋欣賞佢哋啲mix n match 自由度咁高👍

📍祥發茶餐小廚 北角七姊妹道27D號地舖。。「祥發」又一間出名的茶餐廳相信北角街坊/ 港島人 /係附近返工都會聽過 「祥發」出名瑞士雞髀！每當打工仔放飯時間，都會見到門口總是一大群人在門口等候位置/外賣！有日好好彩食飯時間經過，竟然有位緊係即刻入去試下！一睇餐牌價錢都好貼地！我就揀左食雞wing，唔試雞髀因為我覺得係餐廳食雞髀好難處理會儀態盡失 （雖然我都冇乜🤭)$48就食到瑞士雞翼配櫻花蝦豬頸肉米線！雞翼非常入味！而且肉質唔會「煤」👍🏻 豬頸肉仲要係厚切再搽上蜜汁，正！怕唔夠飽仲可以加多個沙嗲牛肉包/ 多士自己組合下combo😎$48一個lunch包埋飲品，作為打工仔嘅我已經覺得算係平了。。。(雖然平唔過兩餸飯）

有幸去試左個早餐，其實掙扎咗好耐想食三文治，但堂食就試下佢既扭扭粉啦蔥油雞扒扭扭粉，蔥油分開上，雞扒就唔係特別嫩滑，扭扭粉有點硬，唔太高要求都ok杯即磨凍啡，味道…..可能熱會冇咁淡😅開左應該唔係好耐，所以比啲時間佢啦，唔hea既，但可以更好！下次試下佢個勁茜餐蛋治😆

祥發的瑞士汁雞脾, 在北角應該無人不識, 但我還是第一次品嚐. 說到雞脾本身, 瑞士汁味道和一般餐廳吃到的, 沒有太大分別, 都是以甜味為主軸. 值得表揚的, 就是煮得夠入味, 無論是雞皮以及雞肉深處, 也滲入了瑞士汁. 肉質軟彈適中, 沒有令人討厭的雪藏味, 也沒有內裏依然滲着血水的半生熟, 做法工整, 熟悉的味道不會令人抗拒.除了瑞士汁雞髀外, 它的常餐選擇相當豐富, 有飯到麵包再到麵及小食也包羅萬有, 配搭起來相當複雜. 值得推介的事芝士汁炒蛋飯和豬扒/沙嗲牛肉包, 前者芝士味香濃, 配合嫩滑的炒蛋和較乾身的飯底, 就算沒有其他肉類也夠吸引; 後者麵包煎香過, 豬扒和沙嗲牛肉份量夠多, 兩者肉質同樣嫩滑, 沙嗲醬花生粒明顯, 也有炒製過的香味, 並沒有揸流攤. 反而豬潤麵就不太推薦, 雖然品嚐到酒香, 但豬膶口感過乾, 質感過韌, 似乎處理得不如雞髀般出色.Cheng Fat is famous for her soy sauce drumstick. The taste of soy sauce is sweet in dominance. The drumstick is w

第一次幫襯，見到個餐單都花咗少少時間研究🧐🤣百搭得黎真係睇到花多眼亂最後決定咗叫瑞士汁雞髀+沙牛+西多士第一碟上就係瑞士汁雞髀🍗食到有可樂味輕輕一切就骨肉分離肉再撈汁水正到飛起第二樣就係沙牛米線雖然細細碗，但係好足料牛肉好多舊而且好滑身，加埋濃郁嘅沙嗲湯底唔夠喉🤣第三樣：西多士一上枱個姐仔就溫馨提示講：凍左唔好食，食左西多士先糖醬好足夠花生🥜醬好香口熱辣辣夠晒邪惡咁多樣野加埋茶走都係$48咋宜家寫完食評都好想再去食🤣🤣🤣

哩間位於北角嘅瑞士汁雞髀專門店，對於港島人黎講可以話係無人不曉，除咗瑞士汁雞髀必食外，套餐仲可以左揀右揀，隨心拼小食或者飯麵，無論係下午茶定正餐都適合😋《 不可不試瑞士餐 》$43起 4.5 / 5𝘊𝘗值好高嘅餐，咁多次黎都係叫哩個，主膽瑞士雞髀🍗再拼小食加迷你飯麵都係4、50蚊😍 選擇夠晒多所以食幾多次都唔會悶😋 小食試過西多士（半份）、小食拼盤同燒賣，中規中矩都唔錯🥴 迷你麵叫咗五香肉丁麵🍜 都係合理嘅份量，麵質爽嘅唔會淋，仲有條菜芯送埋，就算平都唔會馬虎👍🏻 至於主角瑞士雞髀哩幾年黎食都水準穩定，香甜入味，係有時肉質會「鞋口」左啲，不過勝在都幾大隻👍🏻整體而言，快靚正，選擇多又抵食～———————————————🏠環境舒適度：💛💛💛👅舔脷回頭度：💛💛💛💛📸打卡able度：💛💛💛🙇🏻‍♀️服務滿意度：💛💛💛———————————————

前排閨蜜介紹就去咗呢一度食嘢🤩睇到Instagram有人都話呢一間餐廳好食，所以就即刻走咗去試！真係值得介紹至於呢一個沙嗲牛肉麵必叫之選，沙嗲嘅味道真係食極都唔厭，好juicy，肉質香嫩，都幾唔錯！

📍 祥發茶餐小廚 (北角)北角七姊妹道27D號地舖😆前幾日慶祝個friend生日，係酒店佈置完之後好鬼肚餓，就落去食個tea，friend話呢間祥發茶餐廳好多選擇，所以就黎左呢間茶餐廳，一睇個餐牌😂哇！真係好多選擇，就咁揀都揀左差唔多成5分鐘，簡直係選擇困難症最驚見到嘅餐牌🤣🤣🤣真係好多選擇，咩都有！咁我就揀左瑞士雞髀配搭朱古力窩夫配搭芝士豬扒意粉，再加紅豆冰😆個瑞士雞髀超級入味，好好食，朱古力窩夫都係好好食熱辣辣😆，但芝士豬扒意粉就麻麻地🤣同埋食完個雞髀同窩夫同紅豆冰之後都已經好飽，埋單五十幾蚊，中位價錢，都ok

最近姊妹介紹去咗喺銅鑼灣嘅餐廳食嘢😙知道Instagram都有好多人話呢一間餐廳係抵食之選，就即刻去左試一試！至於呢一個鐵板肉眼扒必叫之選，肉質保持軟腍，吃起來有肉汁，相當香嫩惹味，好好食 😋

有一個好友升職，於是同佢食一餐好嘅，順便可以俾我哋談心😉搵咗呢一間銅鑼灣嘅餐廳食嘢，喺OpenRice度見到呢度嘅環境氣氛都好啱feel，好舒服可以好好咁休息吓真係好正！坐低見到有我至愛—雞翼沙律意外地有啲驚喜，肉質保持軟腍，肉方面好juicy，入味好香，食完有種好滿足嘅感覺❤️

早排姊妹推介就去咗位於銅鑼灣嘅餐廳食嘢😊見OpenRice有好多人話呢一間餐廳真係好好食，就即刻去左試吓！我自己好鍾意食豬扒飯必叫之選，質地相當鮮嫩，香嫩多汁，咬下去好有滿足感，味道令人上癮😍

上星期有個吃貨朋友提議就去位於銅鑼灣嘅餐廳食嘢😙OpenRiced人都話呢一間餐廳真係好好食，所以就好想去享受下！果然冇介紹錯！我自己好鍾意食吉列魚柳薯條上枱香噴噴，口感好嫰滑，香嫩多汁，入味好香，食完會有種滿足嘅Feel👍🏻

無意中經過見到牆又有不少新聞報導過AB....任配套餐➕紅豆冰瑞士雞脾鼔油吳甜，反而有D甘甘既味雞脾就好琳好化紅豆冰好一般，豆又少少硬🥴朱古力窩芙細細份薄薄可能薄所以窩芙夠脆如果朱古力多D就更好👍🏻結: 雞脾應該沉住，所以就化不過鼔油就應該調一調會好D朱古力窩芙有驚喜，不過朱古力醬多D會好D#瑞士雞脾#紅豆冰#朱古力窩芙#祥發茶餐小廚

北角返工。搵到好多朋友介紹呢一區有咩好介紹。收到好多資訊大家都介紹祥發茶餐廳 當中最出名嘅一定係瑞士汁雞翼瑞士汁雞脾。開頭諗住會有太x館嘅質素嘅話, 就會有太x館嘅價錢, 誰不知超級抵!! 個汁超好味, 但係又唔會太甜, 好有層次. 當啲雞髀雞翼醃製咗落去之後勁入味！！除此之外亦都介紹豬潤麵,份量勁多口味都唔錯！呢度仲有好多特色小食，餐牌都有好多款50蚊呢個價錢,無得輸！！亦都可以見到佢排曬長龍就知道咩叫做性價比.

我同屋企人每次去北角，都會去呢一間茶餐廳食瑞士雞髀。一來個瑞士雞髀好味，二來個套餐，有好多種配搭，一個餐有幾樣嘢，感覺好抵食，亦都食得好開心。個餐牌係有啲複雜，要研究一下先至睇得明。除咗瑞士雞肶，今次個瑞士雞髀硬咗少少，但都係好味嘅。每次都會叫炭燒豬頸肉+餐蛋飯，細細碗，食少少過吓口隱。仲有櫻花蝦豬頸肉公仔麵。因為有櫻花蝦，湯底好好味。而芝士肉醬薯角，第一次叫，我仲以為係炸薯角點肉醬，點知原來係薯蓉。豬扒包我走咗沙律，但係都好好味。凍檸茶好好飲，好有茶記嘅味道！叫左兩個餐都係$110，合共5款食物，兩杯飲品，抵食好味😋環境方便，就預咗好似一般茶記咁，比較狹窄，但幸好卡位係安排兩人，不需要四人搭枱。雖然有人等但係又不至於需要排隊，去咗咁多次，都係等一陣就會有位。但每次食完就要走，唔適合逗留太耐。