祥興記上海生煎包 (已結業)

呢間舖頭早兩年無意中發現，之後每次經過都會立吃兩隻。聽聞就快會搬舖，希望唔會冇得食啦。。好鍾意食呢度嘅生煎包，特別係$17一隻（兩隻起）的黑松露生煎包，一啖咬落去，超級無敵多汁，流晒出嚟。。而且有好濃郁的黑松露味。因為係即場響個蒸籠度攞出嚟，所以新鮮滾熱辣，包皮厚薄適中，堂食（企位)的話底部仲係脆脆的，很好吃。裏面嘅餡料的份量也很多，食完一粒都好滿足。油膩咗啲，不過食得生煎包就唔care呢樣啦！不過店員服務普通，有時等落order都等好耐，見到有啲人都無奈走咗。。

第一次去天后呢間祥興記生煎包，點知一食，對筷子竟然有喇叭牌正露丸味！即刻同相中收銀呢個呀嬸講，佢竟然話要多對筷子收$1，唔肯俾番對！再話我食咗咁耐依家先出聲，單單打打態度惡劣！大佬！我啱啱開始食，對筷子篤落個湯度，散發出一陣臭到嘔既喇叭牌正露丸味，搵嚟搵去最後揾到發臭既係對筷子都用咗一陣啦！嬲到我死仲要收我一蚊？最後我兩個人要鬧佢先俾返對新既人，但佢仲要繼續同個廚師大大聲單打：「筷子臭呀，你聞下有無漂白水味？」大佬，不單止無道歉, 重全程單單打打態度惡劣! 我下次一定叫食環！大家認住圖中呢個衰員工呀！喇叭牌正露丸味

Got takeout. I don't know of many places in hk that do 生煎包 (in truth there are probably a lot), but this spot is pretty good. Someone else paid for them, so I'm notable to comment on the price, but I will say that the flavor is pretty good in these. There's probably a little more soup in these 生煎包 when compared to some of the others that I've eaten, but overall I think that's a good thing. There are quite a few branches of this place, so I'm looking forward to coming/going more often and seeing

性價比低！餐牌非常大玩文字玩意！<黑松露生煎包>寫$17兩隻起...那個字非常細非常讓人誤以為價錢是$17兩個!文字圈套，其實17$一個最重要的是給我凍冰冰的生煎包，服！不會再幫襯！

生煎包同普通包唔同嘅地方好食在於香口，熱，同入面有湯汁佢呢間有唔同口味嘅生煎包我第一次食當然試吓原味先啦佢果到有教先咬一細口飲咗肉汁再食但要小心熱佢上面軟，下面香脆

呢間生煎包好多年前係荃灣第一次食，超多湯汁好好味，印象好深刻。天后呢間分店開左都一段時間，一路都未有機會試，今日中午食左少少野未夠飽，所以就過左去買四個生煎包。果然個皮唔會好厚，其中一面煎到好香好脆，中間舊肉肥瘦剛好，仲係好多湯好多汁，好好味。不過大家食既時候要小心D，因為中間D湯汁都幾熱，彈到就麻煩～唯一唔好既係我冇匙羹，但佢又冇比，D湯汁食食下就流走左啦！如果有匙羹就可以接到D湯汁，會再好味D～

之前食過一次外賣覺得好食，所以堂食一次食下點先。不過餐廳無位坐，但係有枱可以企係到食。--🥢 招牌生煎包 HK$34 / 4隻包嘅底係脆身。因為包入面真係好多湯汁，所以永遠第一啖嘅時候，都爆晒汁，唔記得要小心食，咬一個小口先。其實我之前外賣過一次，感覺真係堂食會好食啲，底更脆，而且又熱啲。--📌 餐廳不設座位

其實次次行過都好想食，但天后實在有太多我喜歡的，所以唔係行過先醒起就係個日食唔到... 但點解行過會想食，因為之前食過好食，唔好在你要立食，買返屋企又唔好食，但你攞住野又唔方便... 佢個生煎包真係隻隻爆汁，個底又唔會過厚，食起上黎好正! 如果冬天食一流!今日因為等人，好為食,咁就叫個食住等，雖然熱屎辣辣，佢個湯汁又爆哂咁... 好味到一個點! 不過就食到成身汗XD所以如果佢開大冷氣(都明白有難度既)，有埋枱凳就perfect啦!

祥興生煎包 獲得米芝連街頭小食獎 所以行開就買來食下上面的包皮很薄， 一咬內面的肉爆出來，肉汁再不斷流出來， 超多肉汁的， 肉汁鮮甜，餡料是純豬肉餡，好似肉圓般都算，不鬆散的，有肉味，底部煎得較香脆 好食！ 整體上，做到生煎包的精髓，香脆外皮和爆水的餡，但價錢略為貴的， HKD34/4隻（ 因為店內無位坐來講，價格算貴）值得一食 再食！

做完野經過天后(近維園位置), 見呢間生煎包店係米芝蓮推介, 決定買返去公司做下午茶.原味$34/4粒size都幾大粒喎，唔好貪心一口食晒  佢都標榜會爆汁，所以提示大家小咬一口飲左D湯先慢慢食。食第一粒...果然真係好多湯響入面呀!!!!!!!正呀喂!!!!!!! 食第2粒無為意無飲晒D湯，結果第2啖一咬就噴到成檯都係。(所以大家都係小心D, 飲清D湯先慢慢食)另外值得一讚係""皮薄""，而且個底金黃色好香脆 (vs. 北角排長龍的小老x果D係細粒+好厚皮+煎燶個底, 但價錢平嘅)。店員2位姐姐都好好態度，唔會因為淨係幫襯4粒生煎包就唔禮貌。

係銅鑼灣運動場做完運動, 有啲口痕, 行咗去天后食街附近覓食。突然諗起有間米其林級嘅生煎包舖-祥興記係附近, 就沖左去買。<招牌生煎包$32> (好味: 4/5) (抵食: 3.5/5)無可否認, 呢個－個生煎包真係超級正。生煎包皮薄餡靚, 一咬落去就爆肉汁, 調味都做到啱啱好, 夠味之餘又有新鮮嘅肉味, 推薦大家－試大食妹小提示: 記得自備紙巾同細細啖咁咬

早幾晚經過天后站，諗起好耐無食「祥興記」，就特登走去買兩盒生煎包返屋企加餸，因有屋企人未食過，好想俾佢哋試下呢間咁正嘅生煎包。一入店內就排咗4個人，好快落完單就等外賣，店內沒有座位，只有位置供客人站立吃，眼見都有5個人站立食緊嘢。我等咗大概6-7分鐘就可以拎走外賣，回到家都要30分鐘至打開盒進食，生煎包還有一點熱度，輕輕咬開生煎包頂部，已有很多湯溢出，湯汁濃郁，忍不住立即再咬第二啖, 豬肉都好好食，皮亦薄，總括來說，這個生煎包無得彈，超正！

上星期去完荃灣店食，突登黎天后試下。點知，勁難食。。。。。。去到佢話無，要等幾分鐘左右，我都想食，唯有等。。 都係叫同樣既野，招牌生煎包＆蝦生煎包。。塊皮好厚又乾，個底燶左（無影相），d肉"un”既， 汁又唔夠多。。。。。 同荃灣店真係差天共地，如果再食我會試其他分店或者去番荃灣果間一定唔會再黎天后店!!不過天后店個收銀姐姐都算好禮貌，呢樣係唯一值得讚!!

落雨濕濕，只可以快快買個外賣返屋企，係天后實在太多美食可到揀，但要咩住隻貓，唔可以四圍走，所以最後揀咗祥興記，佢地而家多咗套餐，所以叫咗個咖喱牛𦟌粉絲湯同上海雙檔粉絲湯，套餐跟兩個招牌生煎包，同一支豆漿，承惠$55，比散叫平咗少少。外賣返到屋企路程唔算遠，食物返到去都仲熱，生煎包一咬肉汁標曬出黎，皮底脆唔硬，個雙檔粉絲湯如果可以多番少少味會好D，想食清淡可以揀，個咖喱牛𦟌粉絲湯都係咖喱味較淡。如果個餐有多兩個生煎包，我估會飽D。

尋晚喺維多利亞公園泳池🏊🏻‍♀️游完水大約八點，諗住喺天后附近食埋嘢先走，眼見對面有間食生煎飽🥟心諗正合我意❤️睇埋OpenRice 食評都幾多讚喎👍應該都唔會好差啦行埋去睇下原來係一間立食店🕴於是叫左外賣🥡招牌+鮮蝦+黑松露各兩隻生煎飽$67🥟同埋老上海雙檔粉絲湯$32🍲三十分鐘後回到家，生煎飽雖然已經唔係好熱，但係個飽底依然厚實、還有少少脆口，三種味道中還是喜歡招牌的傳統味道😋其次是鮮蝦真有鮮味，反而高期望的黑松露有些失望，黑松露味道蓋過所有食材的味😩(生煎飽忘記影相)至於粉絲湯做得不過不失，裡面的百頁和生筋釀肉是我的至愛😍可惜，食完之後覺得好口渴，因為我對味精好敏感，要成晚飲水，美中不足啊😥